hketfoodie's Profile

灣仔鵝頸橋附近很多餐廳，這一帶的上班族不愁沒有美食。不過，主打韓國食才和食品的餐廳確實不多，而且價格不是太親民，所以通常都很少在午飯時間選擇韓國美食。幸好，堅拿道西有一間《生生市場》，專賣韓國食材，例如牛肉、豬肉、泡菜和各種不同韓國醬料和飲品。當然，韓式炸雞、湯飯、紫菜包飯等等知名的韓國美食都應有盡有。我間中都會與同事光顧，買人蔘雞湯飯、紫菜包飯、泡菜煎餅等食物。人蔘雞湯飯$68港幣就能有半隻雞的人蔘雞湯飯，CP值相當高。雞肉傳出相當嫩滑，連骨都可以咬碎照吃就知道。而且雞肉沾上一點椒鹽，味道是相當不錯的。牛肉、豬肉紫菜包飯不要以為小小的一卷就40多港元很不化算，其實相當飽肚滿足，對於女士來說，已經是相當大份量的一餐。而且不用什麼醬料，味道已經相當不俗，相信是因為牛肉和豬肉等等的餡料都有醃製過，加上一些韓國醃製蔬菜在其中，味道是相當不錯的。泡菜煎餅這是本人相當喜歡的一道菜，幾乎光顧韓國餐廳都會必點，可惜有些餐廳的泡菜煎餅，沒什麼泡菜味道，需要沾醬吃，但是生生市場的泡菜煎餅相當入味，不需要刻意點醬料。…Read More

餐廳裝潢不俗，木色系搭配不少綠色植物，也有木造吊扇等細緻裝飾，頗有東南亞風味。食客人數不算少，看來是附近街坊喜愛的餐廳之一，相信味道亦有保證。一試，果不其然。【鹽燒烏頭】這魚真的值得一食，幾乎連骨都想吮吸。體積足夠3-4人食用。吃烏頭最怕有泥味，但這餐廳處理得很好，相信有賴於魚肚內塞入滿滿的香茅之類的香草，而魚皮表面的鹽巴也讓整條魚即使不用添加其他醬料也足夠的惹味了。【泰式鳳爪沙律】泰式鳳爪就是泰式鳳爪，涼涼的，酸辣雜陳，口感爽脆，很是開胃。既然是沙律，當然有些生菜墊底。看似普通，想不到沾到泰式鳳爪的酸辣味之後令生菜有種煥然一新的感覺。【泰式船湯河】很多泰式湯粉麵都會搭配炸豬皮，但往往炸豬皮都不夠新鮮，失去了爽脆口感，變得或硬或淋，簡言之疏風。不過，這碗的炸豬皮仍然嘎嘣脆。湯底的吵嗲味不濃烈卻突出，恰到好處。【馬拉盞炒通菜】炒菜不油不好吃的，所以這碟滿滿的油香溢於言表。相反，馬拉盞味稍微淡了一點，美中不足。【附送甜點-藍色立方體】不知名的東西，所以我自行據外表取名。味道清新，吃起來似大菜糕之類，又有淡淡的椰漿味。…Read More

鱔糊炒年糕這碟是充滿矛盾卻又異常合拍的一道菜。軟糯的年糕、爽脆的芽菜，還有口感適中的鱔肉，每一口都有三種不同口感。味道方面也是一樣，鱔肉濃郁的味道沾滿在芽菜表面，令平平無奇的芽菜吃起來相當香口。不過，年糕即使沾了醬汁也有是味道偏淡。這種濃淡交雜的味道看似矛盾，但其實很融洽。而且，年糕真的很飽肚。蟹粉小籠包小籠包很多汁，爆滿口腔。蟹粉的量也很足，但坦白說，味道不夠突出，可能是因為不合季節吧。整體而言，一籠四個小籠包，根本吃不夠，但$88一籠，不捨得多吃。砂鍋花膠雲吞雞這個砂鍋雞湯不得了，很足料！煲過湯的雞肉仍很嫩滑。花膠份量比想像中多，四、五片手掌心的大小。雲吞皮正常但勝在餡料飽滿。更重要的是有金華火腿，所以整鍋湯都很鮮甜。即使是小鍋，也足足能分出4、5碗湯。酸菜福花菜炒牛仔肉這看似一般的小菜反而最令我食指大動，我認為當中的酸菜最大功勞，把牛肉和花椰菜的味道提升不只一個檔次，愈吃愈開胃，但它的酸味並不霸道。…Read More

啲人成日隱世美食、隱世餐廳、隱世乜、隱世物咁去介紹，最後真係挑一聲，旺市大街兼大排長龍，隱乜鬼。呢間豬手工房就真係隱喇，所在嘅工廈唔單止大廈正門唔易搵，上到樓連餐廳嘅大門都相當神秘，唔打醒十二分精神真係留意唔到間餐廳入口，有刻甚至以為自己入咗結界。雖然難搵，但入到去都幾多食客，尤其帶埋狗狗坐室外區域嘅食客，相信都係同區附近街坊先會識路嚟幫襯。話晒豬手工房，招牌脆爆鹹豬手梗係要試試佢啦，話晒望下四周，幾乎枱枱都叫，應該係信心保證。事實亦如此，餐廳唔怕開錯位，最怕改錯名，但呢間無改錯名，豬手皮真係脆到爆，咬落鏗鏘有聲但又不費吹灰牙力，犀利嘅地方係啲肉質又相當軟綿綿，皮脆肉嫩原來真係做得到👍🏾，而且咸香味道啱啱好，連芥茉醬都可以唔使點就已經相當惹味，難怪有啲食客連豬手骨都打包帶埋走，拎返去煲湯或煲粥都一流。額外叫咗金牌蕃茄焗豬扒飯、Tiramisu Cheesecake，正正常常。…Read More

見佢午市一人餐九折，咪試下囉，啲海鮮又真係幾得喎，而且個餐好多嘢食、好多款式，未食到最後已經飽到有啲食唔落。坦白講，食個lunch $300起跳真心肉赤，但食完之後又覺得好合理，話晒又魚生、又蠔、又虎蝦、又鮑魚、又和牛鍋，真係一分錢 一分貨。望望個海鮮拼盤，款款都大大件，個鮑魚仲識郁㗎，所有海鮮，師傅當住你面即場燒畀你食，夠晒儀式感之餘，蟶子、貴妃蚌等等仲要勁鮮甜，醬汁都唔使落。連啲沙律都hea你，唔係蟹肉就食魚生，清晒，一啲都無食剩。海鮮蒸蛋相對淡味好多，但就好滑，之後再食鹽燒牛小排、燒羊架呢啲重口味，口腔嘅感覺就相當平衡，一淡一濃各有特長。嚟到呢到其實已經飽晒，再上個和牛野菜鍋同海膽吞拿魚腩蓉丼，真係望到都飽。諗係咁諗，但一食落口，就停唔到，又係清晒。和牛唔使講啦，高質嘢好難食剩，連個丼飯都因為海膽加吞拿魚腩加持之下，一口一口好快就無晒。Ok，一個lunch可以飽足全日，晚餐都唔使食，啱晒168食法人士。…Read More

這間日本料理，我於午市曾經光顧，已經感覺食物質素高於一般水平。這次和同事於下班後，光顧這間餐廳，食物質素非常好，材料新鮮，味道可口，服務態度非常好👍🍣太刀白身魚刺身 $280時令刺身，非常新鮮，一啲腥味都冇，有麻油香味配酥炸海苔！味道配合得剛剛好！我哋有啲幸運，因為時令太刀魚剛到店舖，所以食材也較新鮮。🍣 壽司十貫 $288 海膽、帶子、三文魚壽司都是我的最愛 😍當中最欣賞的是海膽壽司，非常鮮甜！一啲腥味都冇！🍤野菜天婦羅 排行第二最美味💕這個雜錦天婦羅，新鮮油炸，鬆軟好食😋 最欣賞就係新鮮炸起 🦐🍛鰻魚炒飯 $168鰻魚炒飯，粒粒分明，於晚膳最後上菜，非常適合👍🍡串燒雞翼和肥牛金菇，略嫌唔夠熱，味道屬中上水平。🥘上湯揚豆腐 $46🍲牛油煮蜆 $90聲店鄰近地鐵站，放工之後和一班同事到店內用膳，小酌幾杯，上班工作壓力頓然大減！…Read More

星馬餐廳係香港真係成行成市，不過係唔係間間都值得一試，就真係見仁見智。作為麻甩佬，花巧、打卡通通都唔重要，最緊要好唔好食、抵唔抵俾。話說同事高度讚賞呢間餐廳個爆漿多士，話邪惡到極點，久唔久都想去食。今日lunch 諗起，就過去會一會佢。

呢間地方都四正、坐得尚算舒服。有weekday lunch menu，盛惠＄88元包杯飲品，另加錢可配小食。選擇有8款，全部近年都係招牌菜。近排天氣開始涼涼地，一於叫肉骨茶，同事揀多款，要板麫。

板麵都算係新加坡街頭小食，個湯好濃郁而且好多唔同配料。餐廳呢個都好唔錯，好足料，麵係粗身的但好滑，配料有魚乾仔、雞蛋、少少肉碎和雲耳，湯頭好清甜，如果可以加少少辣椒，味道應該更好！
搵勻食評都唔見有人講過肉骨茶，個心涼一截！只不過要信自己！肉骨茶原盅上，保溫做得好好，屬於新加坡的「白色」肉骨茶，即係唔重黑醬油、藥膳味或酒味都唔重，反而重胡椒味，比較淡味那種。

排骨仍然keep到肉腍嫩滑，唔會似煲湯豬咁，湯入面的白蘿蔔好甜，吸晒湯的精華！個感覺就好似飲緊胡椒豬肚湯咁，但比豬肚湯更清甜、有層次同更易入口。另外配埋油炸鬼，放入去吸晒湯，非筆墨可以形容。天氣再凍少少，一定會再encore。差少少唔記得甜品，點會唔試試吐司，加38元有一份咖吔吐司，無爆漿咁heavy，但一樣有牛油同咖吔醬，烘脆咗的多士加埋入去…真係一流。…Read More

四川涼麵喺呢度嘅招牌菜，基本上每一台都會嗌。幼麵底，加上蔥花同埋炒過嘅辣椒醬粒，食到炒到乾晒嘅辣椒同埋花生再撈埋佢哋自己調味嘅醬汁， 麻麻辣辣，非常惹味，好開胃。萵筍炒肉絲師傅勁快上菜，萵筍切到幼絲，而且炒得啱啱好食落好清爽，加埋啲肥豬肉一齊我哋兩個女仔食晒兩碗飯蒜泥白肉上到嚟見到成碟紅油以為好辣，點知撈埋啲蒜泥醬其實啱啱好，唔算太刺激。切到白白嘅肉片肥瘦均勻，加上佢哋自己調製嘅蒜泥醬，一啖接住一啖。蕃茄魚片朋友唔係好食得辣，所以決定嗌個蕃茄魚片解辣。坦白講本身對佢冇乜期望，點知出乎意料地好食。佢嘅蕃茄湯好鮮甜，每一啖都甜甜酸酸，完全解晒頭先啲麻辣。一碗蕃茄魚片已經有八、九大大片魚肉，而且全部都冇骨非常之滑。總括嚟講四姐川菜本身就係出名嘅私房菜過咗咁多年依然保持到水準非常之有驚喜，而且佢每一份食物都好大碟建議同一大班朋友一齊食會更加開心。…Read More

最近試咗呢間新開嘅餐廳，齋睇個名就知道係主打泰國同越南菜，真係一餐飯滿足你兩種口味。入到舖頭見到佢啲新裝修都幾骨子，以柔和嘅木系顏色作為主調令到氛圍都幾舒適，搭配一啲紅紅綠綠嘅壁畫作為點綴，都幾有越南南洋風情。講返重點，即係食物同埋味道。我哋一行六人分別點左以下菜式：牛油果軟殼蟹卷🥑越式火車頭🚂越式生牛肉湯河粉🍜鮮蝦炒金邊枌🦐沙嗲燒雞串🐓黃咖喱大頭蝦🦐牛油果軟殼蟹卷🥑個軟殼蟹味道係好嘅、口感係脆嘅，但係就稍嫌太過搶風頭，令到牛油果嘅口感同味道都被比下去。當然，對軟殼蟹有偏好嘅人而言，呢味餸菜你絕對會鍾意！但如果講一道餸菜嘅平衡性而言，牛油果就有少少慘慘豬啦。越式火車頭🚂 + 越式生牛肉湯河粉🍜兩個湯麵撈埋一齊寫，因為佢哋個湯實在好濃～郁～鮮～甜👏🏽真係一啖接一啖咁飲。而且個面底份量相當大碗，作為一個麻甩佬都食唔晒。至於啲肉啊、丸啊之類嘅配菜都唔Hea，擺落口第一啖就食得出唔係啲下欄貨、不知名丸、雪藏味肉。鮮蝦炒金邊枌🦐酸酸甜甜幾開胃咁囉，中規中矩唔差嘅，但亦都冇咩意外同驚喜。沙嗲燒雞串🐓呢個睇落普通嘅雞肉串，真係估佢唔到咁有驚喜‼️唔怪得知一坐低點菜，啲侍應哥哥姐姐就推介，話係招牌菜之一。果然係越普通嘅嘢，要做得好食，就越考功架。點會諗到咁普通嘅雞肉串竟然可以燒完之後啲肉質仲係咁嫩滑多汁，要做到呢個水準，真係慢工出細貨先至做到，香港啲速食文化來講真係難能可貴。至於佢個沙嗲汁，應該好快係啲「沙嗲關注組」出現。黃咖喱大頭蝦🦐蝦嘅份量同埋size 相當充足，食落真係啖啖肉。不過美中不足嘅係，啲咖喱汁滲入唔到蝦肉入邊。撇除呢個問題， 個黃咖喱其實好惹味開胃，所以我哋都即刻加多個印度薄餅點咖喱汁嚟食，食到個個舔舔脷，摸着個大肚腩離開。…Read More

附近返咗咁耐工，唔跟同事去都唔知原來有間咁chill咁好feel嘅泰式餐廳。地下門口升降機位已經有啲泰國感覺嘅裝潢，上到去環境仲好似去咗泰國按摩店咁優雅舒適。入到店發現員工幾乎清一色都似泰國人，好地道嘅感覺。選擇咗坐戶外有啲自然風、空氣流通啲，再叫杯cocktail不知幾chill幾寫意😇。1️⃣烤豬頸肉沙律🥗2️⃣冬蔭功3️⃣皇宮大蝦蛋網炒金邊粉4️⃣咸魚炒芥蘭🥬5️⃣sweet martini🍸 1️⃣香口味濃肉嫩，唔使太多牙力都食到，係生菜包肉嘅食法，令油脂豐富嘅豬頸肉食落口都變得好fresh 好清新。2️⃣酸辣味適合港人食辣嘅程度，涼涼地有風情況下都可以暖暖身。好足料，隨便一𢳂就幾隻大蝦頭。3️⃣呢碟真係色香味俱全，伴碟兩隻蝦好鬼入味、惹味，金邊粉撈埋啲辣椒醉、醬料寧舍一流。4️⃣最欣賞佢堅係有一嚿嚿夾得起嘅咸魚粒👍🏾…Read More

直接了當：呢間火鍋真心高汁，無論湯底、食材、環境都係。是咁的，放工同幾個麻甩同事聚餐，話明麻甩，唔係小炒就係邊爐㗎啦，最緊要啤啤佢。立即search吓附近有咩睇落有啲特色嘅，睇相，呢間幾特別，啲肉又主打潮汕牛，試試佢。去到門口，大紅燈籠高高掛，大門仲畫咗個靚女等緊客人打開佢對門。入到室內，裝潢行懷舊Hong Kong style，好多霓虹燈招牌做裝潢，再播吓廣東歌，都幾好feel。簡單啲，點個4人套餐，包啲咩食就唔打晒出嚟喇，睇相啦，睇相吸引好多，尤其個「海鮮拼盤」真係不得了，單單「加拿大A級象拔蚌」都已經好surprise 到我哋，第一啖咬落覺得無咩特別，淨係彈牙爽口，點知愈咬愈有味，愈咬愈味濃，超級鮮甜‼️我真係坐得近水樓臺先得蚌，係咁夾。拼盤仲有「鮑魚」、「蜆」、「蚌」、「蠔🦪」之類，樣樣都望落唔錯，食落更新鮮有質素👍🏾啲蠔真係好肥美，啖啖鮮甜肉汁爆出嚟，食到齒唊留香。講返個湯底先，「香茅清酒煮蜆」，鮮甜都不足以完全形容，香茅等等一眾香料，再加埋份量唔少又隻隻開口無甩肉嘅新鮮蜆，個鍋又靚喎，真係幾乎飲到個湯底得返個底咁制都未開始落料打邊爐🍲😹。之後落啲凍豆腐，索晒啲湯一啖咬落去，嘩！好熱好燙口😹但堅係正。不得不介紹呢間鋪啲餃子🥟，即叫即包粒粒都漲卜卜而且好有媽咪親手包嗰種菜有菜味、肉有肉味嘅真·新鮮餃味。連啲菜都想讚吓，唔知係湯底影響定先入為主覺得佢咩食材都高質所致，連啲菜都寧舍好食，阿店員哥仔話係老闆自家有機農場種。每人五嚿左右，好ok啦。…Read More

呢間鋪已經成為咗我食韓國嘢嘅飯堂，每當放lunch想食韓國嘢，就率先諗起呢間。循例，一式四款泡菜先上枱，蓮藕、菠菜同瓜都係其他韓式餐廳較少奉上嘅泡菜，就算有份量都唔會咁足，真係可以當主餸咁食。今次點咗個「蔘雞湯」share，再各自一人一個「石鍋拌飯」，分別只係揀牛定豬。呢排凍咗，飲碗蔘雞湯真係寧舎舒暢，加上索晒雞湯嘅糯米飯，軟滑入味，加上雞肉點啲鹽食又好易入口，真係成個湯連渣都食埋。至於「石鍋拌飯」，都幾足料，就咁食稍嫌唔夠味，撈埋附帶嘅醬汁就唔同講法，立即香濃好多，又辣辣地，令人喺凍凍地嘅天氣開返個胃又驅咁啲寒氣。…Read More

瑞生酒店內的「云」可謂是一處獨具匠心的場所。在我去過的眾多餐廳中，這間手工火鍋店實屬罕見，絕對是高品質與獨特風格的代表！“火焰三椰雞鍋” 餐廳內的服務人員會親自在您面前使用牛油來爆香雞肉，然後點火。隨著火焰的燃燒，酒精和牛油的芳香在空氣中彌漫開來，令人垂涎欲滴。接著，他們會加入新鮮的椰皇水、椰青水和雞湯。 這個時候, 先享用一碗超鮮甜的椰子鮮雞湯。他們所選用的食材都是頂級的本地牛肉，包括安格斯牛肉、牛舌、牛胸爽、牛柳粒和牛心掟。這些食材新鮮而且肉質鮮嫩。絕對會帶來令人驚喜的口感體驗。 我們另外仲叫咗新鮮白鱔片, 香煎鵝肝墨魚丸, 手打黑松露墨魚丸, 自家製黑松露蟹肉餃, 自家製響鈴, 自家製竹蔗茅根. 所有食材皆為新鮮高品質，完全符合「手工」的賣點。許多這樣的美食在外面很難找到，而且味道絕佳。透過開放式廚房，您可以目睹師傅們用心製作每一道食材，連擺盤都不馬虎，純粹追求卓越品質，一定會讓您回味無窮!…Read More

又到放lunch時候，同事話要帶我去食好食到暈嘅蛋餅，見同事咁誠意拳拳邀請我, 我亦卻之不恭，跟住同事食好西。《老厝邊》 ，台語「老鄰居」嘅意思 。餐廳主打古早味台式料理，店內裝修亦令我有種夢回當年喺九份老街食嘢嘅感覺。由於同事自稱係小鳥胃，所以兩個人只點咗牛肉麵、蛋餅、小食各一，以及兩杯嘢飲。「半筋半肉麵」 有紅燒或麻辣兩款湯底可以選擇，或者將佢變成蔥油拌麵亦得，得咗。雖然平日嘅我係清湯派，但正所謂人菜癮還大，最後都係選擇咗麻辣湯，湯底相當濃郁，亦唔會太辣，如果係同為清湯派的可以一試。配菜方面不論係筋或者牛腱就連蘿蔔都煮得相當入味，亦夠腍，不錯。「起司肉鬆蛋餅」 同事心心念念嘅食物，同時亦係舖頭招牌之一。蛋餅入邊係滿滿嘅肉鬆同可以拉絲嘅芝士，加埋被同事稱為令蛋餅提升一個境界嘅靈魂醬汁--蒜味醬油，醬汁沒有蓋過肉鬆同芝士嘅香之餘，仲令蛋香更為突出，有別於一般用鹹口醬油膏嘅蛋餅，確有驚喜。「酥炸魷魚」 個人認為相當出色嘅一道小食，粉漿唔會太厚，食落相當鬆脆又唔會油膩，加上炸得酥脆嘅九層塔，正。如果唔係仲要返工，真係想再嗌多一碟+2罐啤酒同同事啤啤佢。…Read More

通常lunch買外賣返公司食嘅話，一般都唔會出食評推介，主要係因為環境同賣相，無謂影個外賣盒啦。不過今次同事建議買韓國菜外賣，基於cp值幾高，所以決定介紹一下。［生生市場］專賣韓國食品，有齊晒石頭窩飯、湯飯、飯捲、炸雞、煎餅、年糕、各式泡菜、小食等等，總之基本嘅韓國美食都有齊晒，而且店內仲有好多韓式急凍食品賣。五、六十蚊一個飯，唔算特別便宜，而且只做外賣不設堂食，但比起附近韓式餐廳，一個湯飯閒閒地成嚿水，又真係抵啲。重要係，買飯時發現，餐廳負責人係韓國人，有阿豬媽味道咁又唔同講法。「人蔘雞湯」、「蘿蔔魚糕湯」、「烤牛肉紫菜飯捲」、「韓式火腿紫菜飯捲」、「辣炒年糕」。「人蔘雞湯」同「蘿蔔魚糕湯」都好清甜。前者跟白飯之餘，個湯本身都有好多糯米，煲到軟綿綿好好食。後者勁足料，蘿蔔魚糕之類食極都仲有，好似不繼成本咁樣。「烤牛肉紫菜飯捲」同「韓式火腿紫菜飯捲」兩款飯捲最好食，有濃郁嘅肉味之餘，包埋啲酸酸嘅醃瓜之類，味道零舍突出同開胃。「辣炒年糕」煮得夠軟身，唔使太嘥牙力，但可能就咗香港人口味，個辣度可以再加強少少🤏🏽整體而言食物選擇好多，加上係韓國媽媽主理，地道味道有保障，等外賣期間又覺得佢啲冷凍食品幾吸引，有機會買塊扒返去煎煎佢都唔錯。…Read More