李氏小矮犬's Profile

今次去到都會大學餐廳🍴 銀禧閣餐廳內都幾乾淨，好多位，座位都闊落嘅。啲姐姐都幾友善～今次點咗吉列魚柳拼餃子🥟烏冬$49魚柳夠大塊，仲炸得鬆脆，非常唔錯！但係餃子湯烏冬就麻麻啦！ 餃子都還可以嘅，有啲似灣仔碼頭粟米餃，其實懷疑直程係！但係湯烏冬真係好麻麻，係接近完全冇味嘅！ 只可以落好多潮州辣椒油嚟調味！CP值： ✨✨老實講以大學生飯堂來講，就算有學生優惠都接近$50 1個餐，其實小貴，仲要唔係好好食。推薦度：👍🏻👍🏻除咗乾淨，地方夠大，同埋啲姐姐好人之外，或者係該校嘅學生唔想走咁遠，都諗唔到有咩推薦嘅理由。…Read More

餐廳位於永興工業大廈，無論咩時候都仲有人排隊，我嗰日大約八點去食，都等咗15分鐘左右，餐廳大約半個班房咁大，但座位都舒適唔會太迫，侍應服務態度一般，應該係太忙，因為個個個樣都好攰。上菜方面，湯麵類好快，大約10分鐘。而撈麵就耐啲啦，大約20分鐘左右。鴨血我自己就唔食嘅，不過朋友都話比其他餐廳佢哋整得好食好多。紅燒牛肉麵湯好濃，面好有咬口，牛肉都大大嚿，值得一試牛肉蔥油拌麵蔥油味唔太夠，份量都有啲細，相對牛肉麵比較遜色不論晚餐還是午餐點飲品跟餐都有優惠～…Read More

依家麵包店一直都幾出名，入到去發現麵包嘅款式係真係幾多元化，大部份都係可以吸引到年輕人嘅款式。咁我就買咗幾個唔同味嘅菠蘿包，可以試到咁多唔同味嘅菠蘿包係好滿足，不過佢嘅味道就未至於傳聞中咁好食。經過順便試吓就好開心，不過為咗佢專程嚟就會有啲失望。…Read More

何廣呢間譚仔係採用開放式設計，所以當有人喺外面輪候，坐喺個位度係一定會感到壓力而食快啲，不過我心血來潮大約11:30左右就去咗食，所以可以直接入座。雖然冇輪候時間，但係上菜都等咗差唔多20分鐘🥲雞肉重慶酸辣小辣（$37）勝在呢間嘅單餸米線，餸嘅份量都幾多非正式計算，雞肉大約有12嚿，個人認為食譚仔食單餸通常份量都多啲。其他都正常啦～芒果布甸🍮（$8）第一次留意到有賣芒果布甸，就想睇吓有冇驚喜，結果係。。。冇驚喜😂 超級普通，同惠康賣嗰啲差唔多😂😂…Read More

一鼎台式火鍋餐廳位置方便，進去後不需要排隊就能直接入座，環境乾淨整潔。我去嘅時候仲有新店開張優惠，二人同行一人半價。招牌雙拼火鍋（$198）一進去就被店內的火鍋氣氛吸引，肉質挺優質，特別是牛肉和豬肉，鮮嫩多汁，煮熟後口感極佳。此外，餐廳還提供多款台式小食，味道相當正宗，讓人感受到台灣的風味。上菜時間方面肉類上得很快，小食大約等10分鐘就會送到推薦度：⭐️⭐️⭐️⭐️…Read More

餐廳的氛圍輕鬆舒適，店員也非常友善，但冷氣有少少唔夠涼～我們點了冷鍋酸菜魚，魚肉份量很多，調味恰到好處，點了大辣，辣也沒有掩蓋酸味。另外，特別推薦大家加點白飯，湯汁送飯一流！…Read More

秋嵐餐廳位置比較偏僻，但都冇法阻擋餐廳嘅人氣，輪侯時間超過一個鐘。雖然餐廳有啲迫，不過佈置都有feel，好似真係去咗日本咁。極味厚切牛舌定食🐄👅（$158）一入到餐廳，見人人都食緊呢個定食，就即刻點咗份。同時，亦因為太受歡迎，上菜時間有啲耐。牛舌鮮嫩多汁,不會過於柴硬或是生硬。牛舌外層帶有微微焦脆,內裏卻保持了柔軟多汁的口感。配菜上採用了蔬菜沙律,增添了整體的清新感，配以清香的白飯和酸甜可口的醬汁,整個定食都十分美味。份量都非常足， 還附咖喱🍛牛舌、蕨餅、茶碗蒸、麵豉湯，CP值高。日本芝士年糕（$12）中規中矩，不過食牛舌前唔建議嗌嚟食，因為芝士年糕有啲濟，會影響咗食牛舌嘅胃口。整體推薦度：🌟🌟🌟🌟🌟…Read More