今次去到都會大學餐廳🍴 銀禧閣
餐廳內都幾乾淨，好多位，座位都闊落嘅。
啲姐姐都幾友善～
今次點咗吉列魚柳拼餃子🥟烏冬$49
魚柳夠大塊，仲炸得鬆脆，非常唔錯！
但係餃子湯烏冬就麻麻啦！
餃子都還可以嘅，有啲似灣仔碼頭粟米餃，
其實懷疑直程係！
但係湯烏冬真係好麻麻，係接近完全冇味嘅！ 只可以落好多潮州辣椒油嚟調味！
CP值： ✨✨
老實講以大學生飯堂來講，就算有學生優惠都接近$50 1個餐，其實小貴，仲要唔係好好食。
推薦度：👍🏻👍🏻
除咗乾淨，地方夠大，同埋啲姐姐好人之外，或者係該校嘅學生唔想走咁遠，都諗唔到有咩推薦嘅理由。
