返啅able's Profile

最近傾到個PROJECT 返黎，當然全靠全TEAM 人既努力啦，所以全 TEAM人都決定一齊去慶祝一下，食餐好既，慰勞一下自己先。由於大家都係夜間動物，所以大家都決定晏啲先食，大家做下RESEARCH之後，知道原來【回到味來】做緊個好抵食既雞煲海鮮半放題式火鍋套餐， 皆因佢招牌惡魔雞煲係無限添加的，嘆完個雞煲，仲有7款足料火鍋湯底繼續打邊爐。有6-8款既生猛海鮮拼盤， 仲有本地手切牛頸脊連同其他新鮮火鍋配料（共60款）。飲品方面都有14款揀，當中包括有自家制既飲品。但重點是原本HKD 248，原來我哋宵夜時段21：30入座只係HKD 188咋，真心抵食到呢。不得不讚下佢個誠意前菜：金蒜咸蛋蒸扇貝，粉絲滲滿新鮮扇貝流出既鮮甜味，加埋香濃既金蒜咸蛋一齊放入口，實在是有驚喜喔。「招牌惡魔雞煲」：雞件份量很足，4個人食其實已經好夠飽，要提一下佢既辣係比出面一般雞煲辣少少的，所以我哋只係叫左小辣，因為都幾怕食唔到。火鍋湯底方 面我哋揀左「莞茜皮蛋湯」，個湯底一到，我哋就急不及待咁放晒所有海鮮拼盤既食物落去，印象中有有生猛海蝦4隻、大大隻新鮮鮑魚4隻、大蜆、小蜆等等（記得店員哥哥有提到，海鮮配搭會因時令而作出更改，不會另行通知。）海鮮拼盤既食物都非常新鮮，特別是海蝦，店員送黎既時候仲腳撐撐的。鮑魚即使焯熟了仍然很大隻肥美。佢既本地手切牛頸脊足足帶一板，牛味極濃，雪花紋極之平均。火銷鍋配料方面，我哋揀左韮菜餃、豆腐卜、蟹肉棒、肥牛片、炸響鈴、炸魚皮、白菜仔等， 我哋都食到好飽，實在太抵食了吧 。極力推介比身邊朋友仔。　野飲方面，非常欣賞佢既自家制竹蔗茅根（ 1渣）計的，好清甜，唔會淡口，值得一試。整體黎講我哋都好滿意呢一餐慰勞宴，大家都食到捧住個大肚腩走，滿足致極。…Read More

適逢就黎母親節，但因為正日媽咪同爸爸都會去旅行，於是我就決家提早同媽咪慶祝母親節，當然要帶埋爸爸啦。爸爸媽媽年青既時候，拍拖既節目沒有我哋依家咁多選擇，通常都係去扒房鋸下扒，去戲院睇下戲已經係當時好浪漫既節目了。我希望佢哋可以重拾回拍拖時既感覺，不過就多左我呢個電燈膽吧。我知道o係中環有一間向懷舊致敬既餐廳 - 【中環茶記】，早前有次已經經過見到，今次終於可以同爸爸媽咪試下了。我哋去到餐廳既對面已經被餐廳既門口深深咁吸引住，吸睛既程度屬10級，牌坊被七彩繽紛既霓虹燈史映照之下十分吸睛。媽咪o係對面馬路見到已經興奮雀躍到不得之了，頓然變回一個18歲既少女一樣，青春少艾，可愛至極。入到去一坐低之後，我哋都被餐廳入面既裝修吸引住，媽咪仲話好似以前既龍鳳酒樓咁，特別係個「喜」字。我哋分別叫左3個鐵板餐，分別係「香煎美國西冷扒」、「烤豬扒拼鰻魚」、「原隻烤燒春雞」，野飲方面，我哋就叫左「懷舊雪兔」、「薄荷朱古力」。「香煎美國西冷扒」-  配特製黑椒汁，西冷扒我叫左7成熟，牛肉味極濃，香軟幼滑，而且無筋連著，既有咬口但不黏牙，配埋特製黑椒汁食起上黎啖啖肉相當滋味。「烤豬扒拼鰻魚」-  配特製黑椒汁，烤豬扒火喉剛剛好，而且厚度適中，唔會太膩。烤鰻魚既魚肉一絲扣一絲，一整條鰻魚上鐵板仰臥著，真心滿足。「原隻烤燒春雞」-  配秘製燒汁，小春雞原隻上鐵板，香氣四溢，色澤瑩潤，可見師傅既烤功一流，加上小春雞肉嫩多汁，我哋都食到停唔到口。「懷舊雪兔」 -  其實飲落有啲似 Fruit Punch 的，不過佢既賣點當然係鋪到滿滿既七彩棉花糖啦，啲少女心衝晒出黎呀，打卡一絕。「薄荷朱古力」 -  淡淡既薄荷咪襯托住濃濃既朱古力味，真係好夾，唔會搶左主角既戲份，但又可以相得益章，成件事真係好夾。爸爸同媽咪都好滿意我今晚為佢哋安排既節目，其實食咩野唔係咁重要，最重要係咩野人陪你一齊食，有機會我會帶啲FRD黎再食過的。…Read More

難得今日可以放到個大假，唔好理咁多，一於去想食左好耐既【花說】試下先。好好彩有個FRD陪到我去，真心幸福期待，最後都無令我哋失望，由外置裝修，配飾，職員既服務，食物既品質都好，裡裡外外都充滿著愛。單是打卡呃LIKE已經可以影夠一整個下午了吧。我哋分別叫左兩個「ALL DAY BREAKFAST A」，分別有(德國腸、炒滑蛋、牛角包、薯餅、煙肉、焗豆、蕃茄、沙律)，份量很足夠，悽材亦好新鮮，味道亦恰到好處。當然我最愛既牛角包和薯餅都係好鬆脆啦，簡直係大愛呀。「玫瑰花花茶」可以無限次添熱水再焗味，玫瑰花味好香濃，而且非常滋潤，每嚐一口都彷彿置身於花卉之間一樣，香逸處處，難忘至極。決定下次再試下其他款式的食物，希望可以再影多啲相，CHILL一下。…Read More

人大左...想話約齊班FRD既腳真係難過登天，唯一最好既藉口就係「團年飯」，基本上無論幾忙好，呢一日都一家會竭盡所能地出席，為既都係想話比大家知道報個平安，一切安好，好頭好尾，所以呢一定要食餐好既。有朋友建議有一間好野o係佐敦-【男爵大排檔】，咁就梗係一於去食下啦。我哋叫左幾樣餸，有「金銀菜豬肺南瓜煲」、「辣子雞軟骨」、「富貴黃金蝦」、「啫啫芥蘭煲」、「鎮鋪口水雞」，真心沒有失望而回，我哋都食到捧住大肚子回家，一來每樣餸既份量都算少，而且真材實料，好味絕倫，所以我哋決定年尾約定返黎再刷餐勁既。「金銀菜豬肺南瓜煲」- 豬肺有清肺止咳之效，對急/慢生支氣管炎都有療效，南瓜亦有抗癌既療效，金銀菜豬肺湯味道清甜，可以潤肺治咳，而且更有護膚的功效，女朋友們都未分之喜歡。「辣子雞軟骨」- 看似一道家常下飯菜，也是一道好吃到停不了口的零食！但要煮得好，都好要睇大廚既功架，高温炸製後的雞軟骨，帶着焦香的酥脆感，小火慢炒後既辣椒釋放出獨特的香氣，送啤酒真心一絕。「富貴黃金蝦」- 新鮮生蜢既大蝦，每一隻都被金黃色的鹹蛋黃碎整整的沾滿全身，每一口都充滿著鹹香的餘韻。「啫啫芥蘭煲」- 啫啫芥蘭煲真心香到餐廳門外既抽煙中朋友們都話聞到香噴噴，芥蘭很鮮甜，沒有菜渣，所以話除了大廚功架之外，食材新鮮都非常之重要喔。「鎮鋪口水雞」- 雞味濃郁、皮薄肉嫩、雖然叫得口水雞既都知道會辣的，辣味固然之會有，但又唔會搶走本身雞既香味，加上本身唔食太食得太辣既朋友都入到口，真心送飯一流。唯一較為可惜既係糖水於當日已經售罄，唯有下次再試下吧。…Read More

農曆新年快到了，朋友仔黎緊新年會去旅行，所以就快約黎個團TEA ，o係 IKEA 行到攰攰地就搵個地方坐底慢慢食傾下來年既大計吧。之前一直都想黎【荳子】食下野，但係一直長期都好爆場，所以一直都無機會，難得今次下午茶時段可以唔洗點等位，終於都有機會喇~飛雲~我哋叫左份「德國燒豬手」豬手既咸香很到位，皮層脆卜卜的，肉質很幼滑，肉質飽滿豐盈，相信...要焗到皮脆肉嫩，廚師既功架實在功不可抹。除了豬手之外，令我食指大動既仲有脆薯皇，薯皇唔會炸到乾曾曾，外脆內軟，一咬薯肉便爆出，真心滿足。另外，我哋都叫左「煙三文魚沙津」，我咃希望可以中和一下燒豬手既膩感，果然無令我哋失望，沙津菜都非常新鮮爽脆，加上煙三文魚亦很肥美，整個感覺很清新悅目。特別推介「Rainbow Latte」，單單是心形的拉花已經是俘虜你既心，而且仲要彩虹的，試問有邊個可以抗拒到呢個呃LIKE 既機會呢?加上口感非常幼滑細嫩。…Read More

今日陪個朋友ｏ係Ｍｅｇａ　ｂｏｘ行下傢私店，行到攰攰地就搵個地方食下野抖下，ｏ係９／Ｆ搵到一間真心正既打卡熱點餐廳【九五茶座 - 放宮樂園】，單單是個餐廳既門面都已經很吸晴，二話不說已經立即衝左入去搵位坐底了。餐廳既周圍都放滿很多懷舊的裝飾，個感覺就好似時光倒流７０年代一樣，而且有一點點荔園Ｆｅｅｌ，因為有得夾公仔，有少少電動既遊戲，岩晒一家大細，帶小朋友放電玩返一日就岩晒喇。單單是個餐牌已經夠晒誠意，是一本秘笈組成的－「武林盛薈」。你會見到好多懷舊款式既小食／麵餐／飲品，啲回憶全部返晒黎咁，「菠蘿冰」、「雜果冰」、「凍咸檸檬雪碧」、「四正蝦多士沙律」、「傳統生炸雞脾」等等．．．眼花撩亂。炸雞脾狂既我又點會錯過「傳統生炸雞脾配炸薯條」既組合呢，炸雞脾大大隻，都幾巨型，肉感很重，外皮炸得很鬆脆，但肉質嫩滑依然，真心好抵食。炸薯條份量亦不算少，而且炸至金黃香脆，薯味亦很濃，肉肉的薯肉非常滿足。「四正蝦多士沙律」我哋都揀左配炸薯條，因為實在太鐘意食薯條喇，蝦多士非常香口，蝦肉十分彈牙，一塊接一塊咁食，而且咬落脆卜卜，明知熱氣都唔理得咁多了吧。「菠蘿冰」和「雜果冰」都很出色，可以呃ｌｉｋｅ不在話下，重點是整杯都可以又食又飲，滿意至極。希望下次黎可以食多幾款食物次餘，亦玩下掟彩虹吧，因為今日實在人頭湧湧，當然受歡迎亦是其中一個主要因素啦。…Read More

黎緊有有3日連假，梗係要賀一賀佢啦，所以今日放工之後就約左幾個中同o係屯門遊個車河，餓底癮起，竟然比我哋搵到一間都幾隱世既輕食小店 - 【很得輝】，無可否認我係一名炸雞脾粉絲，所以一開始已經比餐牌既雞脾深深咁吸引住。我哋分別叫左「炸雞脾配咖哩角」、「招牌沙薑雞脾配脆薯角」、「三層西多配煉奶」、「招牌雞翼尖」、「香檳提子綠茶」、「柑桔檸檬綠茶」、「哈蜜瓜奶綠」及「香芋奶綠」。「招牌炸雞脾」-皮脆肉嫩，唔會乾曾曾，亦沒有雪藏味，每一口都會有由外至內所發出既鬆脆聲音，真心療癒。老闆非常之貼心，為左令大家食得更為滋味，自家調製幾款調味粉，包括 : 「海苔椒鹽粉」、「魔蠍辣味粉」、「死神辣味粉」。唔識死字點寫既我....起勢落左唔少「死神辣味粉」落去隻炸雞脾度，自問食開譚仔麻辣中辣既我都辣到有點想噴火既感覺，辣味真心不野少，奉勸大家千萬不要效法我既衝動，不然心回不去...不要浪費食物為大前提喔。「咖哩角」- 脆卜卜既外皮包住滿滿既餡料，加上餡料既咸味適中，口感相當滿足。「招牌沙薑雞脾」-等候需時大約10-15分鐘，不過真心值得，當中的沙薑味，鹽味、薑蔥味、及酒既香味都好出色，不會互搶，肉質相當嫩滑，實在令人愛不釋口，味蕾記憶難以忘懷，真心推介。「脆薯角」- 飽滿既薯肉被咸脆既外皮包住，加少少「海苔椒鹽粉」伴食更為錦上添花。「三層西多配煉奶」- 由芝士和火腿一層緊扣一層的組合而成，層次分明，食落好JUICY，咸甜味剛剛好，重點是個皮仲要脆脆地的，已經好耐無食過咁優質既西多士喇。「招牌雞翼尖」- 花椒味較為濃郁，鐘意食雞翼尖既朋友仔真係唔好錯過，份外滋味。「香檳提子綠茶」- 老闆推介配綠茶飲更為搭配，香檳既香味都幾出，而且更加可以提升到提子既鮮甜味。「柑桔檸檬綠茶」- 柑桔檸檬既甜酸味很鮮明，輕輕的甜、微微的酸、淡淡的橘香，構成濃濃淡淡的微妙層次，夏日炎炎飲佢就岩晒。「哈蜜瓜奶綠」-哈蜜瓜配奶真心無得輸，幼滑既奶味襯托出哈蜜瓜既鮮甜味，互相輝映，加上兒時回憶，特別有感覺。「香芋奶綠」- 香芋味濃，配鮮奶綠茶亦唔會無左茶味，小朋友亦好岩飲。…Read More

適逄清明時節假期，表姐一家由美國回港一同掃墓，整個家族又可以趁機聚一聚了。表姐夫表示好想食台灣料理，聽朋友講有間o係將軍澳既台式餐廳叫「桂花小幸」很不錯，於是我哋就決定去試下吧。真係唔講得笑，我哋大約 8:00p.m 左右到等位，已經見到餐廳門外客人滿載，企得密密麻麻的。大概等了差不多20分鐘左右就有位了，職員安排得很好，每每都能夠照到客人的情緒，顧客至上。我哋叫左「滷水蛋滷肉飯」-套餐(+$6/$12就可以隨餐附上小食一份，「涼拌貓耳朵」木耳很爽口，特製涼拌醬汁惹味非常，少少辣，作前菜很開胃， 滷水蛋和滷肉都鹵得很入味，尤其是滷肉，肉質彈牙，很有咬口。隨餐附送的「原盅燉湯」- 天天新款，而今日既係「蟲草花系列」，足料至極，滋陰養胃，實屬都市人恩物。「麻辣雙丸拉麵- 牛丸配花枝丸」 套餐(少辣)，都係(+$6/$12就可以隨餐附上小食一份，「手拍小黃瓜」小黃瓜很清新怡人。 牛丸、花枝丸都很爽口彈牙，而我特別欣賞花枝丸，可能是童年回憶吧。另外，不得不提「古早味小吃」系列既「現做煎餃子」、「桂花雞翼」、「滷水豬手」，「現做煎餃子」，煎得金黃香脆，爆汁肉嫩，餃皮亦很透薄。「桂花雞翼」-  酥炸黃金雞翼配自家調配桂花醬汁，桂花味濃，甜酸得宜，比例恰到好處。「滷水豬手」豬手滷得很入味，肉質軟棉，骨膠原粉絲大愛。餐飲方面，我哋叫左「梅子綠茶」、「黃金麥茶」、「十勝紅豆奶茶」、「夏日水漾鮮果茶」，「梅子綠茶」梅子酸酸甜甜的，跟綠茶很搭配。「黃金麥茶」麥茶清膩解熱，消暑一流，「十勝紅豆奶茶」唔會太甜，小朋友都好岩飲。「夏日水漾鮮果茶」加入新鮮水果調製，份外香甜，啖啖果肉，又得飲又有咬口，份外滋味。其實今次本想食「煲仔．塔香三杯雞」及「香脆墨魚腸片」，但因為反應太過熱烈，已經售罄了，希望下次可以食到吧。…Read More

今晚同朋友o係朗豪坊睇戲，未到入埸既時間，我哋一於去搵下食醫下肚仔先，用 Openrice search下附近有咩好西食咁啦，比我哋搵到10樓有間笑哈哈餐廳，隔離仲有得睇下眼鏡咁，又幾得意喎。我哋叫左「香煎肉眼扒配薯條」， 肉眼扒可能煎得稍為過熟，有點韌身及加上有點筋，咬得牙仔有點辛苦，同埋唔係太方便，因為會痴牙。「卡邦尼意粉」意粉既韌度剛剛好，不過略為不太夠味，可能芝士和忌廉都不太足夠吧，煙肉亦過了火喉，比較硬。不過勝在環境氣氛夠輕鬆歡愉，顏色好豐富，店內的餐具、Menu、擺設、四周圍都係笑哈哈和以黃色為主大前題，這個一進餐廳內就已經可以感受到。食完飯仲可以過隔離睇下眼鏡，買下戰利品咁，都相當唔錯喔。…Read More

今晚約左班朋友一齊去烚下烚下，有朋友提議去【阿肥火鍋】試下，話個【濃雞湯花膠雞鍋】一絕咁話，於是我早前就訂左位6，齊齊去食餐好既。一坐低，二話不說當然是叫左個湯底先是常識吧，真 心人無介紹錯，「濃雞湯花膠雞鍋」真心好足料，夠晒膠夠晒滋補養生入味。我哋一行6人，每人一碗岩岩好，其實飲完真心想再飲，不過..如果再飲...個湯就咁加水上去打邊爐既話就唔多掂喇，所以大家都忍了口。我哋都叫左好多款食物，包扣括有牛肩肉、炸魚皮、韮菜鮮肉餃、手打墨魚丸、手打牛肉丸、手打爆汁黑豚肉丸、鮮淮山，手工響鈴、鮮大蝦、鮮蜆等，一定要試阿肥既蝦子麵(必食)。等食物滾起既時候，大家都被身邊70-80年代嘅懷舊屋村裝修吸引著而到處打卡影相， 有雜貨鋪、銀號、涼茶鋪等， 餐具都是向懷舊致敬的公雞碗， 食店還會不斷地播放著昔日70-90年代的流行歌曲，彷彿就帶著我們昤光倒流一樣似的，非精充滿薯舊日足跡的懷舊風情。由於條氛很濃烈雀躍，大家都不禁將阿肥火鍋頓時變成了唱K之地，邊食邊唱邊估歌仔，邊隔離枱都一齊唱埋一份，真係好鬼忙呢。其實難得大家能夠聚首一堂，真係唔好錯過呢啲除左去飲先出現既場境，一於唱盡、玩盡、食盡佢。…Read More

今晚約左朋友仔去睇演唱會，於是我哋一齊去食個粉紅主題既美點作下午茶加晚餐，其實淨係影相都夠我哋影到兩個多鐘呢。因為所以既食物及背景都非常夢幻粉紅，應該有好多女仔把持不住呢。「Bossy royal set」當中的三文魚柚子沙律真係真心欣賞，三文魚配柚子沙律真係夾好Fresh，當然食材都要好新鮮先可以有所保證。「小食拼盤」包括有雞翼、免治雞肉棒，芝士棒，個人特別欣賞雞翼，烤焗得很香，雞肉似很嫩滑，芝士棒熱辣辣，香滑濃芝士可以拉到絲，打卡影相一流。「Shake Shake 雙重炸薯條」我咃揀左芝士味同BBQ味，個人比較喜歡芝士味，朋友仔就比較喜歡BBQ味，佢話佢比較重口味呂喎。「巴馬火腿水牛芝士Pizza」巴馬火腿好夠咸香，配上水牛芝士組合既Pizza特別香濃惹味。「流心芝士龍蝦三文治」流心芝士真係超越誘惑，加埋啖啖厚肉既龍蝦，滋味到極，好食到停唔到口。…Read More

今日食過快LUNCH，然後就要出去個客既公司，想到「快、靚、正」既定必是【永記車仔麵 】吧。我叫左「魚肉春卷」、「炸魚皮」、「咖喱魚蛋」配香辣湯底既中辣，同事就叫左「陳皮魚蛋」、「白蘿蔔」、「滷水雞翼」配清湯。個人認為「魚肉春卷」是【永記車仔麵 】入面必試既食物，咸香既「魚肉春卷」絕對為一碗車仔麵錦上再添花，而且好有咬口。一要試下佢既自家製香辣湯底，真係真心香，正到我係會連湯底都會飲埋的，將「炸魚皮」浸落去香辣湯底先再食，真係好食到返唔到轉頭，P.S 佢既炸魚皮係好香脆的，而且鹽味好夠。「咖喱魚蛋」魚蛋好爽口彈牙，好有魚味又唔會腥，加上用咖喱煮過之後特別入味又惹味，依家想o係香港食到呢類魚蛋真係買少見少，大家真係唔好放過呢啲機會喔。「陳皮魚蛋」真心推介，好多人問食家香港仲有邊度可以食到「陳皮魚蛋」?? 大家記住喇，係【永記車仔麵 】呀 !!!果陣陳皮香真係難以抗拒，係小時候既回憶味道喔。「白蘿蔔」老闆特意用牛腩汁高湯來炆煮「白蘿蔔」的，所以你會食到好濃郁既肉汁味道，炆得好淋而且又唔會有渣，呢個十分之重要要一環呢。唔好等喇 ~快啲搵日去食下啦。…Read More

今晚約左朋友食晚飯吹水，預左都會坐得耐，咁耐無見，真係有排傾，朋友介紹大圍呢邊有間叫【新合發飯店】可以食下小炒，又可以吹下水坐耐少少，絕對唔錯。我咃叫左碟「鹹香金衣白飯魚」，呢個真係真心好食，每一條白飯魚沾滿了金黃色的咸蛋黃，而且炸得又香又脆，白飯魚很新鮮，每一條都胖胖的，咬入口當然是肉肉感重吧，送酒一絕。「XO醬爆花枝片四季豆」花枝片每一片都切得厚薄適中，可顯大廚的功刀是多麼到家，用大廚自家調製的XO醬爆香的花枝片和四季豆，不但香條氣四溢，入口異常惹味，完全突出了花枝片的鮮味，四季豆亦很顯爽脆，當然食材新鮮都很重要吧。「西蘭花炒帶子」放到滿滿的帶子很新鮮足料，而且每一粒都很巨型厚肉，絕不偷工減料，很有誠意。西蘭花亦炒得很香很脆，青脆碧綠。呢一餐晚飯大家都吃得很盡興，而且吃得很飽滿，我哋決家下次會再黎食過。…Read More

今晚約左朋友上佢屋企打機，所以近近地o係佢屋企附近食個晚餐。見呢間食店既名叫做【貢串】都幾得意，於是就入去試下吧。我哋叫左「封煎黃立倉」、「蕃茄芝士焗啡菇」、「香辣牛肉湯烏冬」、「豬軟骨湯烏冬」、「黑椒肉腸串」、「蒜香肉腸串」、「翠玉瓜串串」。「封煎黃立倉」煎得極為值票價，皮脆肉嫩，我連魚鯕，魚尾都吃光光了，配埋小店特製的開胃醬汁一齊吃份外惹味，必食之選。「蕃茄芝士焗啡菇」焗得恰到好處，大啡菇仍保持到充分的菇汁，但又吸引了黎自滿滿蕃茄和芝士的細膩，必食之選。「香辣牛肉湯烏冬」牛肉份量很足料入味，牛肉味濃，自家調製的香辣湯底令人回味無窮，吃辣控必試。「豬軟骨湯烏冬」豬軟骨炆得好軟林，而且好入味，索晒高湯既味。「黑椒肉腸串」、「蒜香肉腸串」、「翠玉瓜串串」都燒得很香口惹味，黑椒肉腸屬人氣食品，我食過黑椒味和蒜香肉腸最濃郁的香腸，而且肉質很結實，感覺亦不會肥膩。翠玉瓜很新鮮，烤得香口軟淋多汁，最後忍唔住要叫多兩份。…Read More

今日打算帶小寶貝去南生圍影下相放下電咁，去玩之前先下個醫肚是常識吧。我哋特意揀黎【Hola】食brunch 的，因為聽狗朋友們講呢度可以帶小動物黎食野的，當然只限坐餐廳外面既座位吧。我哋叫左兩份All Day Breakfast，「經典全天早餐」，「至尊全天早餐」，單講食物賣相已經值滿分，新鮮的食材排例得非常精緻。「經典全天早餐」包括有德國香腸、雙份煙肉、牛乳炒蛋、茄汁焗豆、牛油粟米、沙津菜、小牛角包，德國香腸和雙份煙肉都煎得很顏色很美，特別是煙肉煎得非常薄脆，有少少蕉香味更為香口。用牛乳的雞蛋特別香滑柔軟，蛋味香濃，小牛角包焗至金黃香脆鬆軟，牛油味很出。「至尊全天早餐」包括有煙三文魚、雙份德國香腸、牛乳炒蛋、雙份煙肉、大啡菇、煎蕃茄、牛油粟米、沙津菜、小牛角包，煙三文魚含有豐富的蛋白質、奧米加3、維他命A及鋅等營養素、肉厚嫩滑、入口甘香濃鬱，煙三文魚薰香氣味濃。大啡菇肉質鮮嫩多汁，亦不失彈性，粟米方面牛油很充足，粟米份外爽甜。兩份早餐的營養價值都相當高，我們都吃得肚子胖胖的，非常滿足。…Read More