明鏡花水月's Profile

成日黎尖沙咀都會見到呢間飲品鋪賣相都好吸引，可惜次次都太好生意成日滿曬座，今日趁平日下午時間比較少啲人先黎試下呢間啦😋個Meun都好多選擇，最出名係水墨風系列，見到坐喺度嘅客人都幾乎人手一杯，但係我就又想食雪糕又想飲嘢就叫左個士多啤梨雪糕奶昔$48同用加配價$28買左件梳乎厘芝士蛋糕。個士多啤梨雪糕奶昔口感好濃郁，一飲就知係用足料👍🏻甜度唔會好甜，我覺得啱啱好🤩另外個梳乎厘芝士蛋糕芝士味濃度啱啱好🥰，出面有啲店舖整芝士蛋糕會芝士味太濃食得一片都已經會好膩，但係呢間就算你食得多都唔會好膩，真心推介👍🏻另外呢度有低脂嘅雪糕，出面真係好少見到，最啱啲減脂期嘅女仔食啦😋呢度嘅座位、環境都好舒適好寧靜，好鍾意食甜野嘅人真係要試下😆…Read More

上星期五跟三五知己一行8人去到位於荔枝角的《廚十三老壇酸菜魚》慶祝朋友生日，一看到手上的菜單，每樣小菜的名字覺得很有趣很特別，看到是會會心微笑的，例如「不開心的黑木耳」，頓時會想知道到底這碟黑木耳有多不開心，還有「刀拍前男友」其實就是拍青瓜，十非常有創意。前前後後我們一共點了7個小菜，而每碟小菜份量剛好足夠我們吃，另外還點了兩份酸菜魚，例加我最愛的午餐肉，一開始我們被這個大碟子嚇了一跳，大得誇張，擔心會吃不完，但最後都把我們8人吃得飽飽。他們主打的酸菜魚魚肉很嫩滑沒有魚腥味，湯底我們選了小辣，辣度適中，酸味不會太過澀口，每啖粉絲都吸收了湯底的精華，吃著十分香口滋味，吃了一碗又一碗。最後附送的點品我忘記了是什麼名堂，只記得味道十分甜，這對於一個對甜品不感興趣的我沒有太大感覺，所以就只是隨意吃了兩口。整體感覺不錯，環境舒適，想特別讚一下他們提供的茶，是我最愛的玄米茶，十分香！…Read More

這間尖沙咀食印度菜的Kailash Parbat之前都食過覺得不錯，味道十分特別，我和朋友都讚好，這裡的待應好詳細講解食物，而且有些在出面都未食過同飲過，味道都幾正宗。咖喱選擇都不少而且味道好香又濃幾惹味，辣度都可接受，配上烤包，薄餅食物夾一起食就最好，而且這裡烤包好軟熟又不太油身，淨食都覺十分好味。今次第一次食印式客家炒飯，可以有辣有不辣，我們就要了辣的，都幾香而且真的幾辣，炒得好香又乾身帶點蝦乾味十分特別。飲品選擇不少，而待應就介紹了這杯芒果奶昔，細問原來有茴香子，就試了一杯，裝的杯都幾特別，而味道有芒果的清香又帶點酸，再有少少特別香料味，味道真的十分特別。…Read More

喜歡飲烏龍的我常常都會找一些台式飲品來試飲，今次見到工作地方對面開了間叫萬波的台式飲品，裝潢都不錯而且收銀都好詳細講解不錯，最後我在不同日子都試了飲這小店，不用排隊等一會就有十分方便而且價錢都合理唔太貴。今次第一次買的是烏龍粉圓鮮奶$30，都幾大杯而且顏色都十分吸引，這杯要混完才好飲，但因為我想試清楚烏龍所以飲了上面的烏龍先，沒想到都幾濃又香有驚喜。混完淡左少少但鮮奶味令到整杯更香，粉圓是細珍珠，口感少許彈牙，細細粒不錯，而且粉圓份量不少，不太甜剛剛好。第二次再來時想平平地飲烏龍所以就叫了阿里山烏龍奶茶加黑波覇$24，以烏龍奶茶來講$20都幾抵飲，這杯就已經混好了，烏龍味都保持到少少但奶茶口感好薄身，整體偏淡。而加了$4黑波霸比粉圓大粒口感更好，不過因為偏淡所以最後飲左大半杯已沒有飲了。…Read More

今日同朋友做完嘢見咗一間叫漁小館嘅餐廳裏邊嘅小菜，價錢唔算好貴，而且圖片都唔錯，所以我哋就入咗去食晚餐。我哋兩個人都食咗四樣餸，再加一個白飯，整體來講味道都唔錯，第一道來的餸係雞，雞肉都算幾嫩滑而且份量十分之多，啖啖肉，唔算十分之肥。另一款係蒜蓉蒸魚，入面因為有粉絲嘅原因，所以好入味蒜味好出，而且魚味道都唔錯。見到隔離枱有椒鹽豆腐，當然就想買一個來試一試啦，豆腐幾脆皮又幾薄，而且豆腐幾滑身，份量可以。當然仲有豉椒炒蜆，炒蜆有少少鹹，但都可以接受，而且都幾新鮮，冇乜沙，不錯。整體來講四樣餸兩個人都十分之夠，而且價錢同質素都唔錯應該會再嚟食其他唔同嘅嘢食。…Read More

今次又來到熊貓酒店2樓的尚點，之前食過不錯，所以專登來吃鮮肉小籠包，保持到水準多湯汁但皮比較易爛，肉味道都岩岩好，好味道推介。主食方面就叫了二個餸，回鍋肉，味道都唔錯但比較油少少，肉口感不錯又夠薄，豆腐乾比較少。糖醋魚塊，魚的口感都可以，不會太梅，味道微酸吾太咸都可以，魚邊位有脆口，還有少少菠蘿都幾好吃主菜。小食就叫了紅油抄手不好食，是菜餃幾大隻足料味道淡少少但都可以，但醬汁堅不好吃，得個咸字完全不辣，似豉油雲吞更為合適。最後麵食選擇了上海粗炒，味道可以都幾油，而且餸不多只可講普通。…Read More

今日行街經過朋友話甜品不錯的餐廳，沒想到這裡裝潢的確不錯，仲有粉紅花岩晒打卡用，好少女感覺，看到餐牌原來這裡仲有熱食，最後就要了一個套餐，選擇了肉眼牛扒配飯再有湯或沙律，我就選擇了沙侓和飲品再配一個不少朋友都話好食的蛋糕 : 薰衣草伯爵茶蛋糕。不久食物就來到，一次過來晒套餐都幾精緻，沙律好清新有菜又有青瓜十分開胃，而飲品選擇了凍檸檬茶，甜度剛好茶味不會太苦好飲又大杯。牛扒一看之下仲有少少紅好嫩滑而且好有牛肉味又不硬身，最窩心仲要是牛扒已經切好十分方便，不用醬汁都十分好味，飯份量都夠飽，差不多食完就到甜品，薰衣草伯爵茶蛋糕的薰衣草味又吾假好清新仲帶點伯爵香，味道十分特別，蛋糕都幾軟熟，朋友沒有介紹錯，下次再來試試這裡的雪糕先。…Read More

對上一次食咗間元朗泰菜，又貴又唔飽，味道又唔惦，今次去呢間泰菜，其實都好食，但未至於最好，但價錢就好合理。呢間原來係九龍城泰發分店，其實嗰晚爆場，佢地加開商場鋪位加檯，都係大排檔格局，叫咗個泰式蠔仔蛋，泰式炒金邊粉同蒜蓉炒雜菜。飲品係芒果沙冰同藍妹啤酒。芒果沙冰足料，但甜咗D。炒雜菜耶菜Ok，但D芥籣有D苦，紅蘿蔔OK，但碟菜細碟。炒金邊粉好水準，D粉唔會太濕，而且炒得均勻，每條都沾到D蕃茄汁，又有魚露D鮮味和香葉的味道，入面有D蛋絲，肉碎，芽菜咁，好有口感幾香口，都大碟。至於個蠔仔蛋，好大碟，鐵板上，入面好多蠔仔，又有芽菜，成碟蛋炒得嫩滑，食落又鮮，好好食，加埋D甜酸辣醬食，正呀，D啤酒價收得合理，呢餐三人食，都好飽又經濟。…Read More

今日係朋友推薦下，黎到旺角試下大瀛喜。好耐之前食過APM個間極尚大瀛喜，質素相當唔錯，相信旺角呢間咁多人，都有番咁上下～同其他放題一樣，野飲牌係任拎嘅，款式都幾多，汽水啤酒果汁茶等樣樣齊。第一ROUND緊係叫轉刺身先啦，種類唔少，都幾新鮮，尤其油甘魚同墨魚，香濃甘甜，唔錯！海膽手卷細細份一啖食得哂，手卷結實紫菜脆，海膽夠甜，口感唔錯。之後係法式忌廉藍青口，忌廉湯湯頭濃郁，青口新鮮，相當入味，好食！鐵板一口牛穫氣十足，咬落爽口彈牙，配上炸蒜片點綴，牛味出哂黎，又香又濃。牛油粟米牛油味好香，同粟米嘅甜味幾夾。再黎係炸物。芝麻雞翼就如預期般好食，酥脆外皮加上香嫩雞肉，表現完美。香芋丸香脆可口，芋頭涵料多得黎又夠芋香味，咬落煙軔充實，啖啖芋泥。再黎係燒物。燒菠蘿燒至軟身，減弱左入面嘅酸澀感，味道酸甜得宜。鹽燒雞軟骨同鹽燒牛舌落左少少鹽，激發燒物香氣，再加上清新檸檬汁作平衡，風味一流～最後係甜品自助吧拎左幾款甜品食下。木糠布甸軟硬適中，唔會太甜；伯爵茶奶凍有濃郁茶香帶微甜，唔會令人覺得膩；焦糖燉蛋表面有一層脆皮焦糖，配埋綿滑蛋肉，味道更係同視覺一樣咁滿足。…Read More

今日在附近工作完見要食午餐就在附近行，見到有間食粉裝潢幾特別，牆上有十大必食都幾特別知道有什麼食物好食，而價錢又不貴，就入去食午餐。今次叫了一個瀨粉和飲品，價錢都合理。這裡其實配菜都不少，而且又抵食，下次再食其他先。食物好快就來到了，都幾大碗，見到其中有白灼鵝腸，好爽口又不會好難咬開，煮得不錯，再加淋身入味的蘿蔔大大舊好甜，配菜有蔥同花生好香口，仲有不少九菜，瀨粉都好多又滑身，喜歡辣的我當然再加辣，增加惹味感。飲品要了凍檸檬茶，夠凍又大杯，食完都幾飽肚。…Read More

上網見呢間餐廳個名就諗起之前好Hit既韓國綜藝節目，又好似幾人氣，於是約埋好鐘意睇Running man既韓燒朋友仔黎食。門口好sharp醒，似搵人設計過。呢日係星期一，估吾到都夜幾旺場，好采有訂。限時110分鐘，任飲任食任燒，指定時段仲有優惠，感覺都抵食。海鮮以呢個價位黎講可說是應有有盡，包括生蠔、魷魚、帶子、扇貝、大蝦、龍脷魚、鯖魚等……最欣賞係d生蠔size吾細隻，仲有3款口味，新鮮度令人滿意。帶子又係另一必叫，大大隻，有口感同鮮味，吾洗加任何醬料都夠味。燒到咁上下，檯上面舊白蘿蔔原來係用黎清潔個鐵板，有玩味時又幾實用。燒完海鮮我地就燒下d牛肉豬肉，d肉調味得吾錯，吾會款款都同一個味。五花腩切得厚度恰好，有口感，啖啖肉。野飲係出面拎，有清熱既竹蔗馬蹄、解茶等，夠細心。其實除左海鮮同豬牛雞，都仲有好多唔同熟食，有炸餃、炸雞、炸魷魚鬚、年糕湯、辛辣麵、水冷麵等……水冷麵質素不錯，d麵吾會黏埋一舊，賣相吸引，韓燒完食真係有種冰火交融既感覺。…Read More

平時飲開沙冰一定會飲到一d生果系列，而最具代表既飲品就係芒椰奶西，相信好多係葵廣附近返學既朋友，一定會飲過。今日黎到呢間手搖飲品就相當有誠意，佢既芒果特飲係原隻芒果渣碎，我係店出面偷望到真係成舊芒果，雖然吾清楚係用邊種芒果，但佢重點係質感令人滿意，因為普遍既沙冰一飲到底既時候會有5分1杯都係冰沙，而佢既冰沙係同芒果肉完全混合，入口不會冰還冰，果肉還果肉，感覺就有d似麥記既奶昔，分別只係冇奶係入面，用黎止一止渴係吾錯既選擇。…Read More

這間一粥麵都有時自己食都是一個不錯的選擇，今日晚餐當然又來到食飯啦，價錢方面都叫合理而且選擇都有小菜，粥之類都不少今次去到見到有新小菜就叫了一份來吃，坐在等食就有人送到過來，今次食是馬拉盞炒牛肉通菜，配湯再加檸檬茶牛肉味就偏少幸好口感吾好會硬身，但炒得幾香口，而通菜吾會太老，份量都要好大份，配一碗大白飯一定夠飽，白飯就硬身了一點，要加粟米瘦肉湯就好味點，湯味道偏淡口，入面材料十足，飲品方面檸檬茶吾好飲好苦，可能茶底問題，寧願下次不加錢就飲免費茶會更好。…Read More

今日朋友捉了我去了一間食豬手的餐廳，裝潢好靚，仲有個好大的掛燈同磚柱都幾特別。餐牌都幾多食物，而朋友就發板叫了不少食物，食物質素的確不錯，而且都幾大份。美國燒排骨下面仲有薯條，薯條夠脆口之餘配上燒汁醬好味又增添惹味，排骨燒得不錯醬汁不太咸又入味，啖啖豬肉香惹味。我們叫了啤酒要了蘋果味又清甜帶少少啤酒味，主菜豬手切好，而邊位仲有最愛的酸菜，豬手面好脆口，而入面肉都幾嫩滑，少少咸香同豬肉香味濃，酸菜夠酸好開胃。最後就叫了個脆口的薄餅配醬料，一起食都幾好。其實這裡飲品選擇不少，仲有芝士奶蓋，下次再約朋友來吃時試飲先。…Read More

無咩裝修，企理吧，看看餐牌，午䬸四十幾塊，屯門區，滿合理。點了泰式蠔仔煎蛋飯，還有泰式滷水豬脾飯，滷水豬脾入味，而且滷水味淡雅不嗆喉那種，豬皮好腍軟，入口膠質濃重又軟化口中，有一種妙不可言的㕿軟啫喱感，豬肉質又是麼滑溜，香口，加上滷汁撈飯，一碟平凡的滷水豬手飯，食落又不是那麼平凡，很美味的午餐，別忘了豬手原隻上，份量足，上碟時，很滿足啊!飯很香，有韌度的絲苗米飯，蠻好吃的，蠔仔多，蛋香夾著蠔鮮而來，加了點泰式甜醬，提鮮開胃，只能說有一種不得言喻的感動和滿足，很好的午餐，感恩。小店每次都帶給我們驚喜。…Read More