oliverene's Profile

和朋友來這裏慶祝生日，結果體驗有點失望。假如平時吃酒店高級餐廳食物質素是85分的話，環境服務通常會加10分； 而Mosu這裏就是食物有95分， 而服務扣了5-8分。 訂枱的時候和確認訂座分別告知餐廳是來慶祝生日（看到其他朋友在這裏有生日的安排），怎知道來到的時候餐牌沒有寫慶祝語句，甜品也沒有特別安排，就是安排不周到的感覺。另外我們額外叫了飲品，食完餐飯都沒有任何一個服務員過來幫我們添飲。 沒喝完的飲品一直擺到我們埋單才過來加。 埋單5-6k, 以這個價格來說餐廳服務不夠細心。…Read More

懷着期待嘅心情由上環地鐵站行到荷里活道耀華力，諗住lunch time 多人所以早啲到。 12:15到達馬上order, 期間餐廳陸續滿座， 等咗15分鐘發現唔對路，遲過我哋嚟嘅客人全部都有食物，跟住催單。 成間餐廳14至15張枱凳左右，一眼望曬，得一枱人無食物無發現不特只，催完都仲要等到成12:45先有食物， 期間兩位職員都冇時間幫我地follow up. 對於在中上環做lunch生意為主嘅餐廳嚟講，要客人等30分鐘以上係不可接受的。除非你aim做一間chill的餐廳行慢活路線，咁就唔建議你係多Office嘅地方做lunch, 只做晚市比較好。 講返食物：Set lunch $118 1. 通菜是烚菜撈醬，無炒嘅痕跡，無油炒咁。2. Pad Thai 是破甜茄汁撈河粉，好濕，自己煮的味道。3. 炒飯濕到癲，45分鐘後先到。4. 燒魷魚$168是唯一正常的食物。埋單lunch 每人$300，咁嘅服務態度同食物質素，不會再來。…Read More

本來抱住試新嘢心態，諗住比較下同另一間的duck & waffle 有咩分別，但成個過程好唔開心食到有點想喊。食物方面，鴨腿淡淡的唔夠味，無另一間咁酥脆，窩夫都好鞋口，好乾。終於明白點解人地可以賣貴一倍。不愉快經歷如下：入去時餐廳只有三個人，我揀左二人枱坐低，店員話之後會好多人叫我坐吧枱我ok。 換左位後佢又話之後會有三位客人，示意我離開吧枱坐去門口，我話門口太熱不如我坐返二人枱之後快食比返張枱佢。因為我都明白小店想full house做多啲生意。最後坐左一陣店員話我一定要坐門口個張。女店員話會幫我關門等我有冷氣，但係成餐飯我幫間餐廳關左5/6次門，因為坐喺門口真係又焗又熱，店主可以試吓夏天坐呢個位打開門食飯。女店員係笑笑口，態度都係好好講唔好意思。不過我就覺得間鋪嘅policy好唔flexible啲人都唔得醒目。如果做生意係為左之後入來的客人而令現時幫襯緊你嘅客人唔舒服嘅話，咁就不如寫明繁忙時間唔做一人生意，因為會呀左一張枱。最後多謝女店員喺我15分鐘後差唔多食完時幫我調第四次枱，坐喺有冷氣的位置。仲話：坐入小小可以坐耐啲唔使咁快走（well姐係我坐吧枱，坐門口，坐二人枱都要被人趕走）。成間店都比我坐勻咁滯😂 喺小店食個差唔多$200嘅便飯，體驗真係差過去食連鎖快餐店😢 …Read More

放工諗住去尖沙咀簡單食個飯， 行過地鐵站附上就搵到呢間一君士多。見到menu都算係輕食，所以就決定入去。間鋪裝修好有特色，又有小小日本feel, 閒日客人唔算好多，我地揀左個坐得比較舒服嘅位坐。佢地除左小食，仲有d特色嘅豪華麵食，我地就揀左個富貴麵，有鮑魚，冬菇同花膠，價錢都只係$88一碗。兩隻鮑魚都算大粒，冬菇好入味，粗麵軟硬剛剛好。另外我地都叫左佢個招牌菠蘿堡，入面的咸牛肉同流心蛋好夾，菠蘿包個皮都仲係脆的。最特別係個磨菇釀雞翼，炸特好juicy好入味，而且啖啖肉。走之前好好彩仲見到老闆鄧一君，佢都有同客人微笑好有禮貌。…Read More

臨近新年holiday mood, 想同另一半食好啲所以就上網搵左呢間係天文台道嘅日本料理。餐廳裝修好靚，又夠大，座位同座位之間好闊落，坐低就覺得好舒服，岩曬黎邊傾計飲嘢邊食飯。香蔥吞拿魚腩蓉薄脆魚腩蓉好鮮甜份量都好多，配埋薄脆米通非常夾。大根沙律呢個沙律好特別，酸酸甜甜好開胃，仲有d花生碎撈埋好爽口。梅 刺身我地叫左個二人份刺身，份量剛剛好又唔會太漏，刺身都算新鮮。下次可以試埋海膽，見隔離枱食好吸引。土佐豆腐個豆腐好滑，我專登夾開中間食，食到豆腐有好濃的豆香。牛油果彩虹卷個彩虹卷賣相好吸引，影相一流，味道就中規中矩，反而食到中間塊紫菜仲係脆的。免治雞肉串雞肉燒的好juicy, 食個陣仲出緊煙，不錯。明太子燒飯團可能食到最後都好飽啦，覺得有小小浪費左個飯團，師傅燒得好香脆。食物質素高，值得一讚是餐廳的職員同兩位經理的服務同態度都非常好，經常保持笑容感覺到佢地好用心。下次會同其他朋友再幫襯。…Read More

見呢排好興中式食品放題，飲茶又放題，樣樣都試下。今晚就去呢呢間京香閣食京菜放題，目標係食片皮鴨。上到黎先發現原來個餐好抵食，$268包湯，半隻龍蝦，再加其他食物任食，真係平靚正。坐低就上左碗花膠湯同龍蝦，我地揀左上湯龍蝦，估唔到肉質鮮甜又滑，大家都賺整得好好食。去buffet area行左一轉，冷盤熱盤都有好多選擇，食物水準中上，最開心係有兩款丸子。未食主食已經食左酒釀同薑汁丸子。最期待係個片皮鴨，平時出街食飯最多食到兩三片，係呢度就可以無限任食。個鴨非常唔錯，燒到塊皮好脆，忍唔住每人食左4-5件，值得推介。最後仲有點心紙可以劃點心同甜品。小籠包好多肉汁我地點左兩次。最喜歡係佢地整到d甜品係bite size, 一啖食曬。總括嚟講，京香閣的中式放題有心思，可以再試。…Read More

聖誕節同另一半黎呢度食飯慶祝，三個月前就訂定window seat, 期待左好耐終於到聖誕節。餐廳好貼心咁比左個靚海景位我地坐，加上早到，感覺好似包場咁非常舒適。文華酒店一向都不會令人失望，每間餐廳的服務同食物水準都十分之高，所以每次節日都揀呢個酒店食飯慶祝。我地揀左個tasting menu, 職員好細心知道我唔太肚餓就幫我同request左由6道菜減到4道。頭盤個生蠔非常新鮮，仲有淡淡的海水味。之後個signature龍蝦都好彈牙好鮮甜，擺盤又靚。主菜係鹿肉，有烤同燉兩種煮法，肉質鮮嫩有驚喜。成晚最開心嘅係個grand dessert, 有4樣咁多，加埋chef送嘅綠茶撻，足足食左5樣甜品。去fine dining最怕食左味道太濃嘅食物，呢間比幾星期前再次光顧的Robuchon食物淡小小，本人比較欣賞。 …Read More

已經好一段時間無行夜街，呢幾日有返d聖誕氣氛就出去搵下好野食。朗豪坊頂樓有間Burger shop, 見到門口餐牌好似幾吸引就決定試吓。坐低見到menu都有唔少選擇，我地叫左燒龍蝦溶岩芝士牛肉漢堡，一杯雜莓奶昔，一件豚肉一件雞肉Taco，非常配合美式風格主題。燒龍蝦溶岩芝士牛肉漢堡份量適中，塊牛肉亦都好夠厚，醬汁同佢幾夾。burger 裏面加左火箭菜，即時提升左個級數。我地加左個set ，揀左雜莓奶昔。奶昔個presentation 好靚，上面加埋隻蝴蝶，女仔一定會鍾意。Tacos要左軟皮，我地揀左手撕雞同豚肉。汁方面味道啱啱好，唔會太濃，皮亦都唔會太硬，值得推介。…Read More

招牌奶黃包上面印左個B duck 頭，不過就係Buffy 個嘴到 ，兩隻鴨就咁combine 左。😂 呢個點心係必叫的, 真的好可愛，fans一定會好唔捨得吃。蝦餃皇呢款點心上面都有印Bduck 個樣係個蝦餃度。皮好薄，同埋入面有好多蝦肉，都算彈牙。叉燒布拉腸粉 原條腸粉，不過份量就少左啲，得一條，但入面有好多叉燒，好飽滿。上湯娃娃菜份量十分足夠，兩個人食係食唔哂的。而且個湯都好清甜。鮑魚雞粥最後二人覺得點心唔夠食，加左個粥。入面有好多雞肉，都好嫩滑，而個汁燒鮑魚係原隻另上的，味道不錯。最後埋單估唔到咁抵食，都係二百幾蚊，食得又睇得。…Read More

行完街想食小小野，上網search到呢間串燒店，諗住食同朋友一路食一路傾。我地叫左兩杯野飲，茉莉花蜜同巨鋒提子梳打，個花蜜好香，飲落口有好滋潤既感覺，食串燒配呢杯野飲就岩曬喇！我地一開始點左6樣串燒，首先黎左個燒蒜蓉茄子， 個茄子好好juicy，而且蒜容唔算太重味，剛剛好。菜我地叫左鹽燒清香翠玉瓜，個瓜好清新，燒完keep 到好多水份。燒雞軟骨不錯。海鹽燒牛肩胛同和牛串，一啲都唔硬，仲好有牛味。仲有脆皮芝士腸同燒牛丸，牛丸真係好彈牙，個燒蕃薯真係想像唔到佢會咁甜，一定要試。最特別係個燒流心鵪鶉蛋，一串有4粒，燒到溫泉蛋咁，估唔到呢間串燒小店食燒咁高水準。…Read More

前排約左朋友係九龍灣睇show, 諗住坐得舒服d就揀左呢間餐廳。打開Menu,見到個set dinner 好吸引，尤其係個海鮮拼盤，未睇其他散叫食物就直接叫左個dinner set B。頭盤方面我地揀左波士頓龍蝦生蠔海鮮凍盤，海鮮方面大致可以，生蠔都算新鮮。不過最好味係果個汁好開胃。椰子雞湯好香椰子味，味道啱啱好，濃得來一啲都唔咸，又多料，兩個人飲曬一大碗。主菜揀左煙三文魚菠菜明太子意粉，煙三文魚份量算多，個汁好creamy，但明太子醬可以多少少。德國燒豬手配左個燒菠蘿，豬手燒得好靚外皮非常脆口，好好味，配埋個芥末籽醬好夾。個燒菠蘿都非常好食，好甜。估唔到EMAX有間咁高質既泰國菜，下次黎睇戲會再食。…Read More

今晚放工行Sogo, 想到了這家幾年前吃過的西餐廳，坐低後便點了兩份晚餐。我地叫左一份煎澳洲黑安格斯牛肉眼配燒汁，加$45轉set dinner, 餐湯係粟米肉粒，另外配個蒜蓉包，再加$20有主食飯或意粉。牛扒我地揀左五成熟，牛肉煎得剛剛好5成熟，好嫩同juicy, 蕃薯蓉都好好味。另一個set係燒乳豬脾配蜜糖芥末籽汁，個豬脾的皮烤得非常脆，啖啖肉又嫩滑，呢個乳豬仲要係每日限量，比想像中更好味。個汁好開胃酸酸甜甜的。最後我地加左個法式栗子蛋糕，作為呢一餐的完美結束🍰…Read More

連續兩天都經過這個商場，諗住有時間就隔幾天逐一試均這個商場的新餐廳，大概這就是吃貨的日常吧😂 行左一陣見唔到邊間比較適合一個人hea一下的地方，最後都係揀左Starbucks, 老地方有情意結。內面semi open area都設計得幾靚，坐得幾舒服。行去櫃度睇下有咩食，本來想叫蛋糕，但最後都揀左個包食，夠飽肚呀嘛。買左杯焦糖咖啡同一個布利芝士火腿牛角包🥐牛角包食時仲係外脆內軟架，非常感動。其他分店食的有時會好乾，呢間唔錯！…Read More

經過呢個新商場，入去行左一圈睇下有咩新野食，因為已過食飯時間，又想買點甜品吃，所以就去美心西餅睇下有咩甜品蛋糕岩食。望左一陣，最吸引我的是這款抵食$9一個的法式撻。分量又夠大，一人一個做下午茶剛剛好。我揀左4款， 有朱古力味，杏仁，雜錦果仁同桃撻。回家大家打開來試食，本來以為朱古力會比較甜，但係佢帶點苦苦的朱古力味更令人喜歡。果仁味都很香味，而且今時今日$9一個麵包都未買到，呢個價錢可以買到一個法式撻簡直是超值！…Read More

記得上年同一大班朋友黎過呢間，當時叫左成台煎炸食物，覺得佢地presentation同食物味道都不錯。今次帶另一位朋友來試試。頭盤食左阿拉斯加皇帝蟹腳藜麥沙律，有好多蟹肉，芒果，木瓜，藜麥。成個組合非常清新健康，完全適合作為starter，另外蟹肉份量都佔左好多。燒原隻魷魚筒釀蝦膠，魷魚燒得啱啱好，加埋蝦膠同泰式辣汁簡直係絕配，魷魚仲保持嫩滑唔會韌。低溫慢煮烤西班牙黑毛豬鞍，職員問要幾多成熟，原來豬都係可以揀七成（可能本身係慢煮關係）。食落去啲肉好嫩，配埋個汁好好食。朋友都讚呢間的野食，無介紹錯。…Read More