本來抱住試新嘢心態，諗住比較下同另一間的duck & waffle 有咩分別，但成個過程好唔開心食到有點想喊。
食物方面，鴨腿淡淡的唔夠味，無另一間咁酥脆，窩夫都好鞋口，好乾。終於明白點解人地可以賣貴一倍。
不愉快經歷如下：
入去時餐廳只有三個人，我揀左二人枱坐低，店員話之後會好多人叫我坐吧枱我ok。 換左位後佢又話之後會有三位客人，示意我離開吧枱坐去門口，我話門口太熱不如我坐返二人枱之後快食比返張枱佢。因為我都明白小店想full house做多啲生意。最後坐左一陣店員話我一定要坐門口個張。
女店員話會幫我關門等我有冷氣，但係成餐飯我幫間餐廳關左5/6次門，因為坐喺門口真係又焗又熱，店主可以試吓夏天坐呢個位打開門食飯。女店員係笑笑口，態度都係好好講唔好意思。不過我就覺得間鋪嘅policy好唔flexible啲人都唔得醒目。
如果做生意係為左之後入來的客人而令現時幫襯緊你嘅客人唔舒服嘅話，咁就不如寫明繁忙時間唔做一人生意，因為會呀左一張枱。
最後多謝女店員喺我15分鐘後差唔多食完時幫我調第四次枱，坐喺有冷氣的位置。仲話：坐入小小可以坐耐啲唔使咁快走（well姐係我坐吧枱，坐門口，坐二人枱都要被人趕走）。成間店都比我坐勻咁滯😂 喺小店食個差唔多$200嘅便飯，體驗真係差過去食連鎖快餐店😢
The above review is the personal opinion of a user which does not represent OpenRice's point of view.
6
oliverene
食客都係講真話，評論亦都係發表個人感受，當日真的被換枱換到好唔開心，感到不被專重。評論有提到店員態度好但唔醒目，但絕不是人身攻擊。如果你地以員工感受為最主要，食客感受為次要，建議你地就只做外賣生意好了。一間餐廳除咗食物好唔好食，其他方面都佔分數。因為你地唔係茶餐廳同大X樂，要知道定位係邊。我仲回覆係因為我想你地進步，而你以上的回覆證明你地餐廳唔會虛心接受任何人意見或批評，亦間接證明我打的句句屬實。
oscar860301
員工感受當然係最主要啦唔係邊個招呼客人呀？客人個個都有唔同諗法 我哋都會虛心去聽有不滿可以直接講出嚟 唔洗係網絡上寫咁大篇文章攻擊一個怕你熱親 又怕有客想食個便飯而入唔到黎佢 你估佢好輕鬆呀
oliverene
我當日已經講左幾次好快食完唔想掉咁多次位，你又知我無直接講？喂Oscar先生，呢度係openrice 比人寫評論，不如你買起個openrice啦！ 我寫係反應意見，等你地有進步呀！呢度唔係員工關愛平台，你大可去返勞工處回覆😆 唔喜歡睇中肯食評可以唔上openrice 或者隱藏左間餐廳佢。重申那個員工不是最大問題，有問題是你們公司的policy， 祝願貴餐廳的管理人員繼續以這種服務態度做到業務蒸蒸日上🙏🏻
Dining Method
Dine In
