Maria Liu's Profile

知道蓮香在尖沙咀開業， 滿心高興相約朋友去 捧場 懷舊。 以下是嘗試之 後得到以下的 重點……1） 鋪外的裝修非常有特色。2） 要行樓梯上二樓或者三樓。［ 如果是長者或者係行動不便，唔好去喇］。3） 二樓冇位，我哋要上三樓。 上到去地方不太寬敞， 而且非常嘈吵， 隔音設備好差 。我地三個人，一要搭枱。［收這樣的價錢，要搭枱？算］。4） 完全冇指示， 觀察 一番，才知道原來要自己攞卡出去，近樓梯小小的位置攞點心。［ 長者最好同後生去，否則，一把年紀，拎著放了幾樣點心的盤，在 狹窄的通道行走，好容易有意外。］ 5） 最離譜的就是， 馬拉糕在三樓出 籠，但只在二樓賣。［ 我在三樓，見到馬拉糕攞出嚟，要我落去二樓拿，再上返三樓， 玩咩！ 據理力爭之後，才肯在三樓 畀我］6） 有個男士好像主管，在這一邊好大聲叫過去另一邊的夥記给指示。［ 這是不是高級收費低給環境］7） 食物方面一般， 不見得有特別 ，有豬肉的點心，味道怪怪哋，唔敢出聲。 腸粉皮太厚， 坊間比佢好食的有很多。8） 坐在我哋對面的兩位‘’搭枱‘’食客走之後， 夥記來清潔，只拿走用過的器皿，完全沒有 抹過枱面，［ 衛生不如茶餐廳，大排檔］ 最離譜就是把我身邊朋友的器皿，同一時期拿走， 沒有给予新的一份。［ 這就是不專心工作的表現］當我問他為什麼拿走，又不給我哋新嘅一份，佢仲駁嘴。9） 隔離枱，頭上的冷氣位漏水， 見員工舉一條有布的君子去抹水珠 ， 但見下面桌面，放滿點心，完全沒有遮掩。 會唔會有塵或者水滴咗落去 點心道呀， 員工完全沒有考慮。唔關我事， 我哋繼續食嘢。10） 在櫃位埋單畀錢 之後，看看帳單…………嚇，我哋三個人收咗我哋四個人茶錢 ？問收銀,她話你張卡係寫四個，你自己唔睇㗎咩 。八達通畀錢冇得 退錢呀。 我當然好大聲同佢理論啦， 佢先至叫我同佢落二樓 問收銀。二樓收銀叫佢 上三樓 畀返20蚊我。我一把年紀又要我再跟他上返三樓攞返20蚊，重一路行，一路不停語我 畀錢之前 自己唔check單。你哋話，以上的十宗罪，仲值唔值得再幫襯呢？最後……這樣的價錢，又加一， 同區 環境畀佢好，食物畀佢好，服務態度畀佢好 ，選擇好多。…Read More

朋友又話去食嘢喇。 又是第一次幫。但我發現有以下的問題……1. OpenRice 給的資料是地鐵站 B1出口, 其實A1出口係比較方便,不需要過馬路（ 這點不重要）地方好細，燈光好暗，吧枱約10個人就好逼坐得不舒服。其他小座位約十個八個。 本人不太喜歡這樣的環境2. 中午，我哋叫咗個 Seasonal Omakase有Teppanyaki seafood, Teppanuaki meat, fried rice等 $1576. 味道ok。有special offer我哋可以 $10要一隻生蠔 我哋叫咗兩隻。 問題就是.....朋友回家後，胃非常不識抽下抽下， 而我呢就拉肚子，去了廁所幾次。 真不知道是食物，還是自身身體原因。3.） 第三點對我來說是最不能接受 ……..我問職員有沒有洗手間, 他說沒,有有有，如果需要去出面,公廁或者係隔離永安公司. 吓😵😵😝😝what！七百幾蚊的午餐，用洗手問要外借或公廁。 No way, no next time. 七百幾蚊一個午餐好多好好的地方可以食到。…Read More

朋友建議去這間小店試一試，冇所謂啦 ，食得就食。 去到，嘩！原來這麼細，地方好少， 茶餐廳可能還寬敞，不到20個坐位，身體也不敢大動作。 見樓夥記只得一個 好忙， 添加飲水自己去攞啦。 廚房就有兩位。威靈頓牛柳要晚上才有，lunch就是要預訂。後來說有貨可以落單。大鄉裡，我第一次食威靈頓牛柳，賣相好靚。 放入焗爐前，拿給我哋看看，拍拍照。 焗完之後 ，未切開之前 又都再拿給我哋看看，拍拍照。我以前未食過，所以冇得比較。只覺得啲牛肉就好軟熟， 用蘑菇用包住嘅皮好好食。 頭盤和甜品都是正常 ok.好奇怪，平時食肉量不多的我，可以食曬整個餐。 這是不是叫做嘴刁 。因為一個套餐要$1734 每人要$867.🤪🤪最後我覺得地方真係太細， 人多會好嘈，又冇服務， 而要收咁嘅價錢，係唔balance。 地方，環境和氣氛都冇。所以下次都唔會再去。( to my surprise, 洗手間就好乾淨和闊落）…Read More

朋86　80友相約去食好嘢。訂枱是下午六時在二楼。因為天氣太熱，我唔想在街上行走，所以五點半就入去。 夥記好有禮貌叫我在下樓下坐一坐，代樓上的枱擺好才請我上去。有電梯 上到二樓，非常雅緻， 唯獨地方不大，枱與枱的空間不多。 如果全廳滿座，就顯得狹窄和感覺擠迫。看餐牌，嘩 嘩嘩嘩，樣樣都好吸引，好想食， 好想叫。 但兩個人又食得有幾多呢。最後我哋點咗以下的餸菜……1） 梅子蕃茄 ……好好味， 酸酸甜甜 係我杯茶， I like it. (但我朋友就嫌佢酸咗啲)。2）鵝肝半份……好食， 好像外食外國的鵝肝 ，但稍為薄些少， 每人只得兩片。 3） 鴿子吞魚翅……$638 一份。 唔識comment，因為我不是喜歡食魚翅的人，亦都好少食。 味道比紅燒清淡一些 4) 自選套餐,包括....⭕️煎蠔餅乾 - 真材實料好多蠔 .⭕️鹵水鵝拼盤 - 👍 不過鵝肉稍為乾少少⭕️紅燒翅 - ok啦，不太識評語。⭕️ 最後來個 薯蓉綠豆爽 甜品 ，完結。埋單 是$1552.00後語。。 煎蠔餅要打包食唔曬。 後來因為隔離枱來了人客，講嘢比較大聲， 地方細覺得好嘈。…Read More

去博愛醫院探完病後，再到元朗阜財街附近走走医肚， 附近飲食店舖好多選擇。想，成20年都無去過好到底， 就這一間啦 。 入到去有地下和閣樓。見地下人客都多和稍熱 ，便問夥記樓上還是樓下凉些呢。夥記話 ‘’唔知道喎 ，這幾天啲冷氣都係唔夠 ‘’。 算啦，算啦，慣咗㗎喇，唯有死死地氣自己行上樓梯到閣樓。 上到去，地方寬敞，只有兩台食客，冷氣稍為涼些， 舒服好多。 夥記的態度也好好多。坐下叫了一個套餐，細蝦子撈麵+ 1碗水餃雲吞（內有三隻雲吞，兩隻水餃)$80蝦子撈麵到，吓， 嗰碟麵咁少嘅 ,(一住甘多)，男士就唔夠食。鋪在麵上的子都算夠份量，不知是否因為麵少，就覺得蝦多。但當食下就覺得有些腥味，可能是蝦子， 有些少失望 , $80喎, 麵就算幼細, 水餃和雲吞冇特別一般. 我覺得我自己包嗰啲雲吞仲好食. 諗下,諗下,$80...這地區,這環境, 這些份量, 是不是貴咗些呢? 又上了一課。門口的收銀員非常好有禮貌，多謝前多謝後，同舖內地下的夥記好大對比。 不知是否老闆？…Read More

今次我去第二間大檔排，在火炭。網上寫四時半開業，原來四點半只是員工上班 。六點才開始營業 。 在附近咗一陣，六時才入座 ，入到去已經有一枱客。 雖然大排檔， 好慶幸還可以享受冷氣 。夥記態度都算ok，現今香港的飲食服務業態度還可求什麼呢。 除非是非常高檔 你就有良好嘅服務態度。 我叫咗味菜鵝腸， 猶豫不決叫紅燒乳鴿，還是鹵水？夥記建議我叫紅燒，比較多人叫 燒乳鴿， 好食些 。 例牌加多支可樂。味菜鵝腸先到 - 好好味， 份量非常充足。但 食下食下 我發覺 “”where is the味菜? ‘’摷下，摷下，只得 ‘’兩塊半‘’ 失望。 我的至愛。 算啦，味道都算好， 鵝腸份量好多 ，食完這碟我肚都飽咗一大半。燒乳鴿到啦 ……第一啖咬落去鴿髀，都算唔錯。但再食到深入些少啲肉就覺得唔夠juicy，有少少鞋。 再食埋一隻鴿翼，我已經唔想再食落去喇。 唔好浪費食物打包返屋企啦。埋單 $197食物，我覺得最緊要係，新鮮，即煮即食，同埋味道。 日日有得食是福，最緊要不耐浪費。…Read More

香港的大排檔... 是香港飲食文化的別一種風味。 但基於環境，時代的改變已越嚟越少。所以決定去幾檔出名的試一試。盛記，是我第一次去。 天氣好熱， 只有風扇，冇冷氣， 大汗怕熱的我， 為咗食忍下都要。六點入坐後，陸續都有人客到，不到20分鐘，已經有四五枱， 遊客也有兩檯。一個人，就叫了一碟豉椒鵝腸，椒鹽鮮魷和一 罐頭可樂， (諗著如果食唔曬就打包， 那支要返屋企要…………)。 好快，豉椒鵝腸上枱👏。食物的色，香，味。香和味都有👍， 但色就欠缺，用好多洋蔥來炒鵝腸 ，白曬曬， 感覺不太好。 如果加多一些老抽會好一點。鵝腸極少， 只得幾條。 不知是否見我一個女士，所以畀極少份量。椒鹽鮮魷到，嚇！乜好似 青椒炒墨魚頭。 味道就ok但不是我所期預。詢問之下，他們說 ，這是他們的做法 。算啦，真的好熱， 快啲食完去搵個有冷氣地方坐下好過。 況且 每碟份量都好少 ，我要....返屋企食公仔麵。 埋單都要 $200+。 唉！現今真是百物騰貴。…Read More

相約朋友聚舊，我哋選擇咗銅鑼灣這間酒樓。 是第一次去。下午茶，二時入坐。單有寫明至到三點半。個半鐘頭都ok啦。 入座後， 開咗茶， 洗好杯，落好單都1O-15分鐘。 點心一到齊就立刻同我哋就講 last order。 2:40pm就埋嚟叫我哋埋單。 真的好離譜……1）入坐唔夠45分鐘就叫我哋埋單， 單上是寫3點30分。2） 問點解，佢擰歪面唔望你，唔睬你。3) 送和點心上枱,是 很大力的 放在枱邊， 衰過茶餐廳。有收加一服務費㗎。4) 枱上有三碟餸還有一半，就問我哋重要唔要。想收。真係想收工得甘緊要。5） 2:45pm未走的人客，已給晚宴的櫈圍住。這樣的環境下可以安心嘆茶嗎？都是快快離去, 以後不會再幫襯.…Read More

在他試業期間， 朋友的建議去了兩次……第一次是探路，因為預備和一個七八十歲長者去，唔想她行冤枉路。真的行了好耐才找到。 當時我手上的資料只Montery，沒有樓層,，沒有室号，亦沒有中文名。第二次去，好好多（ 現在他們地址 資料詳細好多）。交通：💥在將軍澳地鐵站原著唐俊街 一直行到近海邊，長廊，上一層。約10至15分鐘。💥 將軍澳地鐵巴士總站，乘搭綠色小巴，114A，到门口（ 不過好似開得唔太密，要15至20分鐘一班）💥 好像還有其他綠色小巴或巴士 到，不過我唔太清楚，唔敢亂講。好講回第二次的感覺。環境：💥 一流， 面對著海。💥 環境正，沒有畀樓下海邊走廊單車的人騷擾到， 因為是有一些距離。💥 因為座位不多，相對人客比較吾多，噪音自然少。當然，如果你咁唔好彩隔離枱坐咗一個高談闊論大聲講嘢嘅人，咁就別論啦。食物：💥用料新鮮，感覺到佢嘅誠意， 但仍有進步嘅空間，例如~💥蝦餃皮，稍為厚，薄些少會好啲💥 腸粉，賣相較為樸素， 加少少裝飾可以增加食慾 。💥 蝦多士， （因為是益生酒樓的分支，所以懷著非常高的期望)。蝦膠唔夠， 少咗一些飽滿嘅感覺 ，麵包，唔識講，感覺好像咬落餅乾 ，總括嚟講都是好食。 是我醃咗啲。 價錢：💥 是走高檔價錢。💥 合理 服務：暫時都ok。建議：💥 希望每枱都給番他們一個茶壺， 待他們自己 隨意添茶。當你們人客多時，夥記可能會忙䏲漏， 令人客不滿…Read More

這是稻香 位於 赤柱的一間菜館。價錢畀其他的稻香貴 30％至40％，但可以理解，因為在赤柱。但沒有供給任何服務， 為什麼 要 給加一服務費。🙁入座沒有人帶位…… 門口的職員 給你一包茶葉後便指給你座位的方向，你自己行去找。😐 自己沖茶 加水 ……你坐下還未回得雲，就有一職員粗聲粗氣好快話他們的所謂智能水壺怎樣用。 聽慢些少就弊。😐 點心自己手機落，……我的長者朋友說，自己飲茶就麻煩喇，唔使食。 不過這都是大勢所需， 無論什麼年紀 都要與時並進。😐 埋單……自己出門口卑錢。擺明係加價搶錢，我情願去標明價係貴就貴。😐 我是平日的十一二點去，本來人不人，但係好嘈， 環境是好， 但真係嘈到傾唔到計 。我朋友話衰過市區 啲茶樓。 可能夏天窗門全 關上， 開冷氣， 裝修物料不吸音，所以人多又 大聲說話時 就覺得好嘈好煩擾。😐 點心ok不過不失 可以過得去。再者…… 我覺得近期香港的飲食服務行業質素有下降的趨勢。 最近去 一個月 遇到三次：1） 在將軍澳一間稍為高檔的中菜館 ，以前服務員是用心口的咪同同事 溝通. 現在他們大聲從這便角落大聲嗌去別一邊的同事溝通， 好像在大排檔。2) 在觀塘一 商場 新批fusion菜…… 入座沒有說明限時間，但多人多嘅時候，就埋嚟同你講話， 剛才唔記得同你講有限定入咗時間，請你現在埋單， 氣死。冇氣講第三單呀…Read More

海傍道熟食檔重開後第一次幫襯。 原本是想幫襯對面的一檔，但太多人等候又肚餓，加上“容記“ 的貨記非常勤力叫客，於是幫襯了第一次的 “豬扒蛋飯”。食物到面前……有四塊豬扒，兩隻 煎雞蛋 ，深色嘅豉油汁，望落去好好味。 食落原來真的好好味，豬扒 入味，肉質不覺粗鞋 ， 濃郁 的豉油汁， 非常討好，不太甜也不太鹹。 為咗不要浪費食物我把整碟食曬 。走之前我同夥記講話不要放四塊豬扒，兩塊己足夠， 食唔曬會浪費 。他們的回答是，有些做勞動工作的人， 食量是比較大。 我理解到啦。還有一很貼心。就是他們埋嚟問你要不要加薑蓉呀。自此之後， 每當我去尖沙咀而 時間容許，我都會幫襯衫“豬扒蛋飯“ 我歡喜的味道。雖然是在天橋底的熟食檔，因為位置近 公園仔的 側邊 所以 空氣不會侷促， 只是夏天沒有冷氣。後記 ……他們星期日休息，我試過摸門釘。…Read More

每次乘車經過荔枝角這間茶餐廳，看見門口永遠都是有人排隊等入座 ，於是決定幫襯試一試。 這間餐廳的前身是將軍堡， 裝修，重新開 名為了“樂天”。一試之下 ，兩星期便幫襯了三次 ，真的忍唔住要講下這間樂天1) 地方寬敞，楼面高，感覺空氣清些。2) 燈光明亮，可以睇清楚食物的質素 。3) 價錢公道，份量足夠 。4) 味道 稍為濃一點 。5) 食物賣相好， 用料新鮮。6) 眼見伙記個個都是快手快腳，冇hea住做。 態度都算好。7) 餐具是新的， 沒有用二手貨8) 可惜的就是沒有八達通或者喺wechat嗰啲支付要畀現金值得幫襯的。…Read More

已十年八載沒有去過，前幾天和朋友去懷舊一番， 卻發現一個非常優秀的員工 。去到接近 1 時午飯。地下已經企咗好多等候入座的人客， 心中有打退堂鼓的意思， 但當時的接待員禮貌地說……好快就到，請企入嚟等， 好快會叫到你嘅號碼。 等候期間，我發覺這是一個非常優秀的員工基於:1) 她有禮貌，心平氣和對每個人客2) 久不久又會重覆叫等候的號碼去覆查有多少人已經離開3) 他還記得那一個客人冇量體溫，入座前幫他量返4) 當時她相當忙，還兼顧對每位離開的人客說 多謝。我欣賞他的優秀工作表現食物方面，保持水準，特別是鴨胸沙律，鴨胸非常好食， 我鍾意。…Read More

幾十年嚟這間的沙嗲炒牛河都是我的至愛。但可惜近幾年，好多次去都令我有不愉快的經歷， 這些不愉快的經歷都是來自 這鋪的 老夥記。 趾高氣揚，要理不理的一傲慢 態度，真令人吃不消。 不過上樑不正，下樑歪。 老闆太子、 都是態度囂張，大聲大大氣。 記得幾年，前市道好的時候 ，有一個 週末 我兩個朋友去晚飯，他要一次過落曬單，不可落第二次單。 真巴閉。前幾天，我特想食我的心頭好 。中午一個人去到。给我落單， 招呼是個子不高的男老伙記。我要了沙嗲乾炒牛河。 平時應該會有功夫茶，酸菜或者花生 給人客。但當天我完全沒，只是給我一杯好多茶葉浮在水面的茶。 我同自己講 算啦。當我等待食物的時候一位中年女夥記 過嚟同我打招呼說……"一個人" 我答 "是"， 他再問我要不要花生或者鹹酸菜呀？我搭……好呀，鹹酸菜呀。 之後我見他行開，但好久都沒有拿鹹酸菜過嚟。 我便追問他…… "你又話畀鹹酸菜我?". 你知他怎樣說……"要畀錢㗎喎"。 我火都嚟埋說…… "食嘢梗係要畀錢㗎啦, 幾多錢呀?" 她立刻回答好少錢啫， 但沒有再說幾多錢。我也沒有再追問落去。 後來我叫多一罐可樂。埋單$I42，張單沒有寫明每個item幾多錢，只是總數$142。 本想再追問，但算啦。埋單我用信用卡，那個老夥記好冇禮貌的同我講……"唔用得". 我問點解唔用得呀？ 他答…… "要食夠$200才可以用信用卡". 這樣我可以理解，但唔係這樣沒有禮貌嘅語氣同人客講嘢㗎嘛。可能他嫌我一個人消費又少，所以嫌棄。 當時冇别的人客。又話市道唔好，又這樣的服務態度。你叫我點再忍氣吞聲去幫襯，食咗會飛都咁話。講返碟沙嗲牛河，啲汁太多喇，把啲牛河陷過曬。 味道ok啦， 不過比起以前都係差咗好多。…Read More

今天星期一去到長洲 出名的魚蛋舖 ，見最平是$10一串兩粒所'大鱼蛋，其他 款式 都要$20 至$30一串， 食多一兩款，分分鐘食魚蛋都要食$100 只叫要了一串十蚊兩粒大魚蛋 ，味道一般，不過吾覺有味精。見他放落油鑊立拎返起， 食時整粒魚蛋都是凍 。又冇其他人客，何必咁快呢 。同時沒有醬料提供。 對我而言價錢太貴喇，唔值得。…Read More