Jellycandy's Profile

久唔久都會食下素菜，網上見到有亞洲風味既素食，就同朋友嚟試下！平時都係食開中式素食，估唔到亞洲風味既素菜咁有驚喜，好有新鮮感！食咗素馬拉盞炒通菜，蜜汁素叉燒，紅咖喱燴猴頭菇，雜菌素碎肉炒金不換配薄餅，泰式菠蘿炒飯:)馬拉盞炒通菜可能少d咸咸地既粒粒會好d。蜜汁素叉燒都整得幾似真叉燒，脆邊內腍，口感不錯紅咖喱燴猴頭菇，泰好食味道非常清新，咖喱同椰奶match 得好好，好開胃，送飯食一流！雜菌素碎肉炒金不換配薄餅，上菜時已經聞到好香，薄餅皮薄，唔會太厚，辣辣地幾好食泰式菠蘿炒飯，好大個菠蘿又足料，有d脆脆粒，口感幾好，好好食！整體食物都非常好味，環境光猛舒服，望到維港景，一定會再嚟食！…Read More

同班friend去銅鑼灣行完街去食飯，因為大家新年食左好多香口油膩食物，想食d清淡野，喺openrice search完就揀左去食素菜本身大家都係無肉不歡，每次食飯gathering都要食肉先有飽肚感，估唔到素食都可以整到咁似肉，每一道菜都好好味 ，調味適中，擺碟都好靚環境乾淨又光猛，可以望到維園景，座位都坐得幾舒服。職員都有禮貌介紹食物，等我地知道d餸菜係咩食材心心念念想再去食炸三絲雞卷，紫菜火腿卷!…Read More

Happy Friday同同事去咗附近新開嘅潮州菜試咗個商務午餐，有湯，揀幾個主菜，仲有糖水，非常豐富我哋飲咗胡椒豬肚湯，胡椒味恰到好處，有住家湯嘅味道手工炸蝦蟹棗真係大讚，香脆鮮美椒鹽九肚魚都香口小炒皇足料好食🦐🦐排骨春菜煲亦都不錯👍🏼糖水係清心綠豆爽，好清甜，咁熱嘅天氣，飲完有消暑感覺餐後仲歎咗杯功夫茶餐廳職員服務很好，親切有禮貌，整體食物有質素，味道濃淡適中見到仲有好多款菜式都好吸引要同朋友再去試下其他菜式…Read More

好耐無食放題，放假同朋友岀九龍灣行街，openrice 見到呢間四季悅，就去試一試。估唔到放題價錢，食到高質食材，抵食，職員服務好！下次會再encore餐廳環境舒適，座位闊落，食物選擇多，有刺身壽司，燒物，炸物，鍋煮類，甜品等……刺身非常新鮮，厚度適中，油甘魚&劍魚腩十分肥美，馬刀貝&赤貝好鮮甜爽口。軍艦塊紫菜保持到脆口，壽司舊飯大小適中。🍣除左刺身，燒物都值得一讚，鹽燒雞翼&雞軟骨串燒得岩岩好! 香脆可口，意想不到有燒烤味大蝦&燒雞髀菇都好好食! 天婦羅炸粉夠薄，唔會好厚🍤🍤清酒煮蜆&牛肉鍋都不錯，蜆肉都算大粒肥美，牛肉肉質唔會太乾。最後食埋蕨餅，日本雪糕。大滿足…Read More