好耐無食放題，放假同朋友岀九龍灣行街，openrice 見到呢間四季悅，就去試一試。估唔到放題價錢，食到高質食材，抵食，職員服務好！
下次會再encore餐廳環境舒適，座位闊落，食物選擇多，有刺身壽司，燒物，炸物，鍋煮類，甜品等……
刺身非常新鮮，厚度適中，油甘魚&劍魚腩十分肥美，馬刀貝&赤貝好鮮甜爽口。
軍艦塊紫菜保持到脆口，壽司舊飯大小適中。🍣
除左刺身，燒物都值得一讚，鹽燒雞翼&雞軟骨串燒得岩岩好! 香脆可口，意想不到有燒烤味
大蝦&燒雞髀菇都好好食! 
天婦羅炸粉夠薄，唔會好厚🍤🍤
清酒煮蜆&牛肉鍋都不錯，蜆肉都算大粒肥美，牛肉肉質唔會太乾。
最後食埋蕨餅，日本雪糕。大滿足
