leogirl's Profile

之前聽講灣仔Five Guys 買漢堡飽要排一陣隊先買到，今晚希望趁住疫情期間人少d，所以去中環間店試下。本人知道一分錢一分貨，覺得要喺麥當勞俾十零二十蚊買個漢堡飽想有高質素真係無咩可能。今次去Five Guys，買個最普通最平嘅漢堡Hamburger 係$75，我食既Bacon Burger係$85，以為咁嘅價錢，個漢堡都起碼presentable 。但一收到極之失望，打開個飽，飽皮係凍嘅（唔知點解係凍，但唔係冰），仲要係濕漉漉，本來係想用手拎起一口咬落去，但一拎起就爛溶溶，太嘔心，我最後係先食飽皮，再用刀叉据塊漢堡扒。塊扒又乾又鞋，bacon直頭係乾硬化脆片咁。望住四圍貼滿美國雜誌讚揚呢間店嘅評語，我覺得真係匪夷所思。而家咁差嘅環境，汰弱留強，呢間店我唔會再幫襯，我亦都相信我唔評論佢，佢再唔改善，都唔會留得幾耐…Read More

旺角試next station dessert, 餐廳裝修落重本，open kitchen好有睇飲食節目feel，唔知係咪下午會賣正餐，如果唔係，只係賣甜品就好似浪費左d。甜品睇得出落左心機整，綠茶心太軟都做得好正路好骨子。栗子酥皮呢個甜品就麻麻，用加工既栗子蓉，無栗子香但有精油味好假，酥皮則香脆。本人覺得偏貴，而水準則只係西餐廳會做到既甜品，再加上我地去果日閒日晚上11：20，餐廳只係半滿，但要等左30分鐘先有得食，如果無改善我唔會再去。…Read More

由於天氣太熱，喺上環行過見到間好有style既cafe就入左去。點解叫why50我想係因為當客人消費50蚊，店主就會捐錢去animal asia既環保組織，門外大牆畫左兩隻熊仔去傳遞呢個信息，咁都好有心。由於只係解暑關係，我只係叫左個iced americano，當然從專業品嚐咖啡角度黎講，iced americano未能全面去試真章，但都聞到好香既咖啡味，飲落口感覺都好好。而且店內好有氣氛，店主cool但有禮，播既音樂都好好聽，下次會再去試佢地既咖啡同野食。…Read More

5月2日假期，在上環區搵下午茶食，去左北海道牧羊餐廳。其實我見餐牌上大半既食物同北海道同牧羊係無關係，早後我同朋友叫左個下午茶餐。朋友既係牛肉意粉，我既係辣肉通粉，兩個既湯上面都有類似溶左既牛油咁，唔知係牛油定旦黃，賣相好難看，唔知係咪未攪拌好咁。所謂辣肉其實只係五香肉丁。意粉同通粉都過熟，太林，最後我地都只係食左個五香肉丁，同埋食哂個多士同火腿，因為呢幾樣都唔需要太多烹調。凍咖啡又係好差，無咖啡味而且超甜。好後悔黎浪費左金錢同時間。…Read More

剛去完中環摩天輪的市集，便到羅富記醫肚。好喜歡佢地既炸鯪魚球，好新鮮彈牙，再配好咸既蜆蚧醬，非常惹味。叫了一碗細蓉，雲吞及湯底不太特別，不差但也沒驚喜，麵很煙韌。叫了鮮魚片粥，魚片很新鮮很滑也好多，粥底好綿。在中環來說，他們的價錢和質素屬價廉物美了…Read More

觀塘朋友介紹，話永興唔係晚晚開，今晚好彩俾我地遇上佢地開。食左碗豆漿溝豆腐花，本人唔鐘意加太多糖，我只係加左少少薑糖水，更加食得出佢地既豆香，豆腐花好滑，襯埋豆漿真係一絕。見到隔離台有人食油炸鬼，就叫左一條，油炸鬼唔似用萬年油炸，顏色金黃新鮮，只可惜有d林同凍，可能剛炸起會好d，同埋如果你係用黎浸落豆漿度食，咁都ok。豆腐花同豆漿就真係強力推介！…Read More

在食評看到227 的介紹，店鋪很有特色所以去試一試。店鋪裝修的而且確很有味道和特色，相比其他小型甜品店，它的坐位也不擠擁。叫了兩個甜品，一個是貼在門前的招牌甜品三色丸子，賣相很好很日本，可惜所有丸子的中心都是未熟透，很硬，非常失望和失敗。再叫了黑糖蕃薯丸子糖水，蕃薯很香，但丸子太熟太林沒口感，又不煙韌，跟蕃薯有強烈口感的不太相配。店主似乎沒有考慮到，當製作小丸子時的配方，像日本的宇治金時和台灣的粉圓，由於體積小，所以都必須做得煙韌有口感。我看店還有其他甜品，大家也可以去試試其仔的。…Read More

去了談風vs再說幾次，今次終於有時間寫食評。最近一次大約半年前來，看他們的晚餐價錢已經調高了，還多了一個之前沒有的set dinner ，要$330！今晚跟兩個朋友來，三人就點了一個set dinner及一個雜菜野菌意粉。首先來了意粉，嘩！份量足夠2人用，煮得十分creamy, 很有口感，意粉軟硬度適中，只是朋友覺得有點油膩。之後來set dinner, 前菜是醒胃的酸味青口仔，十分清新。然後是南瓜蓉煮risotto, 上面加上橙皮蓉，很特別而且味道很夾！主菜是紅黃菜頭鴨胸，這個味道較為清淡，並且有點平實，跟其他充滿創意的餸菜比較，它就較為失色。最後的甜品又是驚喜，看到材料是用薯仔做，口感一點也不像，半生熟的薯仔粒倒有栗子口感，加上咖啡味cream, 十分和諧的味道，價錢雖不算平宜，但感覺物有所值！…Read More

有次經過這間餐廳，知道是做斯里蘭卡菜的，感覺好特別，今天終於有時間去幫襯。餐牌上寫 the only one sri lanka restaurant ，想不到香港只有一間。開始時以為菜的煮法和味道跟印度差不多，但我覺得如果餐廳是正宗的話，我點的幾道菜味道都比較清新。點了黑咖哩羊肉，三色椒炒酸茄子，素菜炒roti（薄餅），味道都很有驚喜！會再幫襯！…Read More