安迪陳's Profile

而家喺尖沙咀要搵一間唔限時食飯嘅餐廳真係好難！今晚想同partner傾下野，佢就帶咗我去食蒸海鮮。位置有啲唔方便，不過勝在唔限時，座位舒適。我哋揀咗$449嗰個套餐。我初頭以為佢啲蒸籠係燈罩😂第一round黎既海鮮盤～台灣九孔鮑好甜好彈牙除咗新鮮，我覺得佢嘅烹調時間好重要，佢哋拿捏得好好。野生琵琶龍蝦有啲驚喜蝦膏香滑，蝦肉肥美鮮嫩蟹皇大元貝唔錯加咗蟹粉個味道好特別，更加香口提鮮綠膏蟹好食蟹膏口感滑，甘香咸鮮，肉質結實鮮甜，好新鮮翡翠螺，虎蝦，釜山鰻魚不過不失，都有應有水準～海鮮粥底加上菜譜簡直一百分食完勁滿足啊，下次都會再同朋友嚟蒸蒸佢🤣…Read More

近來疫情嚴重，好耐冇出去食個飯啦，今日終於頂唔順，近近地去咗間朋友介紹嘅定食食下，順便可以行吓舒展下筋骨:)好鍾意呢度嘅環境，雖然地方唔大，不過有好多我由細鍾意嘅卡通片畫喺度，即時個人都後生咗 今日叫咗個蜜糖香烤雞扒定食，一出嚟見到個賣相已經好鍾意，啲飯加咗我最鍾意嘅紫菜，仲要係用我嘅至愛珍珠米，咬口一流，麵豉湯裏面仲要加咗啲菇，雞扒整得好乾身顏色好靚，未食啲蜜糖香味已經湧過嚟，一食落口好乾身好脆，肉質又好鮮嫩，唔會有鞋口嘅感覺，值得一讚 …Read More

而家疫情嚴峻，人人都減少出街食飯為妙。今日同屋企人真係忍唔住，都要落街食飯散下步。媽咪話打邊爐又話有機會傳染肺炎，又話唔好食。咁岩屋企樓下間龍城冰室野食多款式，近近地就佢啦！我地食夾餸飯套餐～叫左幾個餸一齊食。蒜蓉煎蟶子～蟶子大隻又厚肉，粉絲索哂豉油同蟶子嘅汁，鮮甜好味，撈飯一流！川辣鮮海中蝦～蝦肉結實條，調味超香口，超級開胃豉汁蒸倉魚～魚肉鮮甜，無腥味，熟度剛剛好！豉椒同豉油簡直係絕配，送飯一流！…Read More

同過往一樣中秋佳節，都係中意同屋企人出街食飯，食飽散步賞月。難得全家都鍾意食辣野，一致通過去食四川菜。十二味嘅門口有大紅燈籠高高掛，古色古香嘅裝修，吸引左我地入去。好搞笑～～門口竟然有夾公仔機呀 哈哈。不過裏面全部都係熊貓佳佳，我冇乜興趣。原來呢度有live Band,又有歌聽，環境寬敞，坐得非常舒服。口水雞點左中辣，略嫌唔夠辣。不過口水汁香口惹味，建議嗜辣嘅朋友可以叫大辣。干扁四季豆～呢碟非常出色，肉碎爆得超香，食到停唔到口！！蔥油拌麵～簡單嘅一個伴麵，醬汁好重要！呢個面咸中帶甜，麵質彈牙，做得非常好。大盆花菜～椰菜花入面加咗腩肉，腩肉嘅油香令全碟椰菜花變得更出色！超級美味可口～主角出場～～～*人見人愛酸菜魚*聽到個名都知係好嘢！哈哈～魚片香滑，最重要係好少骨，容易入口。底下的薯粉煙韌彈牙，吸收左酸菜湯嘅精華，非常好食。仲有爽口嘅萵筍，簡直係絕配!…Read More

今日天氣好好約左朋友去元朗行山，行完就梗係搵啲好嘢食下啦，之前聽朋友講過有間蒸氣海鮮好好食，今日一於去試吓先！ 因為早到嘅關係所以唔使等位超正，咁即刻問吓老闆娘有咩正嘢啦今日，佢就介紹咗個黃金套餐俾我哋，咁就一於聽佢話試吓呢個啦！ 海鮮嚟到之後一睇份量好足好大隻，全部都好新鮮，一睇就知老闆娘冇介紹錯每一樣海鮮姐姐都會幫我地手整好晒搞啱晒時間嚟食，抵讚 龍蝦仔好大隻，啲肉好嫰好滑完全唔鞋，啲膏仲多到爆曬出嚟 象拔蚌仔超級好食，啲肉質又滑又嫰，完全食到啲鮮味 跟住到北海道元貝，鮑魚仔同埋海蝦，真係高潮一浪接一浪，真係每一樣都咁好食，全部都好新鮮好甜，完全冇令我失望！ 跟住就到我最鍾意食嘅蟹，淨係睇相都見到佢幾多膏啦，肉質先到不得了，不過就略嫌細隻左唔夠喉 最後食埋啲蔬菜就食個粥底，本身個粥底加咗瑤柱同埋南瓜落去煲，加埋啲海鮮汁真係冇得頂，又綿又香又鮮，本身好爆都忍唔住食晒啲粥！ 今次朋友真係冇介紹錯，下次黎開元朗一定再嚟開餐！…Read More

今晚舊同學聚會暨好姊妹派貼之喜，我地去咗食泰國菜。K11對面呢間泰國野不嬲都大受好評，所以今晚就一齊去試吓。入到感覺舒服，燈光柔和，座位寬敞。我哋四個人被安排坐咗係卡位，談天說地最自在。肉碎生菜包～我哋揀咗豬肉。肉碎調味適中，加左啲九層塔，零舍香口，小辣，十分開胃。冰鎮翡翠螺～份量較少，只有五隻；不過好大粒，而且口感彈牙，鮮味十足。配埋泰式辣汁更加惹味～～胡椒炒大蝦～胡椒味極濃！而且用原粒胡椒去炒，更加香口～～大蝦肉結實，而且頭部仲有好多膏，超鮮甜！！另外辣到適中，食到舔舔脷呀。Pad-Thai~每次食泰菜都要食泰式炒金邊粉先滿足～呢度嘅炒粉有炒蛋網包住，淨係賣相都已經加晒分！而且炒得夠晒鑊氣，好好食！泰式明爐盲曹～好耐冇食過明爐魚，果個秘製泰式辣汁真係不得了，酸酸辣辣，好正。第一次食盲曹魚肉，魚肉彈牙，又唔錯喎～～果啖湯好重香茅味，帶點酸，超級好味！食泰國菜又點少得啤酒呀～呢度仲有黑啤飲，啱晒我心意！…Read More

呢排瘋狂想食泰菜，好似晚晚食都唔厭咁。睇黎我真係好需要去一轉泰國充充電係未有假期之前唯有食住泰國野頂住先～同事話K11對面果間新泰唔錯，所以帶左媽咪同我去試～好靚既門口泰國邊有咁靚既篤篤好有feel既山洞feel座位乾炒雞肉金邊粉～超香超有鑊氣金邊粉彈牙，金黃色既蛋塊好好味，雞肉嫩滑當然要加埋呢四款泰國必備調味料冬陰公～味道夠酸，唔太辣，都有5,6隻蝦，幾足料如果可以熱d就更好:)飛天炒通菜不過不失，炒得岩岩好，仲好嫩綠味道濃番d更佳Thai Milk Tea~~~就係中意果種超香濃茶味，又滑又香既煉奶，係泰式奶茶先做到不過怕甜既朋友就未必中意～呢度環境真係好舒服…Read More

黎到呢度感覺好似日本居酒屋咁，有幾枱岩岩收工既上班一族，點左啤酒同小食，談天說地。我同女友坐低睇下食咩好，見到好多德國啤酒同手工啤都好想試 (不過岩岩拗完柴，女友話要我戒口唔飲得喎。。）燒雞，豬手，德國腸，牛扒。。樣樣都好吸引，我又好肚餓。終於點左一隻燒雞同一份安格斯肉眼扒 (medium rare). 燒雞燒到好靚，金黃色，見到都想食！最重要係皮脆肉嫩，雞肉唔鞋口，好好食。略嫌下面既薯角有少少林，如果脆d就仲正！肉眼扒肉汁豐富，牛既油脂味煎得好香，夾埋拌碟既鮮甜脆肉瓜，好味又唔膩，正！今次啤酒有得睇無得飲好慘無人道呀。。下次黎要歎埋德國啤咁就一百分～…Read More

好耐無食放題，今日睇d friend睇完Avengers就去左食。睇左3個鐘戲，餓到不得了。一去到等唔切劃放題紙，就出左自助吧度睇下先！呢度既自助吧選擇超多元化，冷熱盤都有齊哂。最開心係有凍盤海蝦同青口食～而且海蝦鮮甜彈牙，一d雪藏味都無。麻辣鳳爪同菌類都好好味仲有蔬菜類，我最中意既秋葵章魚小丸子都有～～菠蘿腸仔加蕃茄仔～好懷舊既小食呀 哈哈。蒜蓉粉絲滑豆腐，超入味手握海膽卷～海膽鮮味帶甜，有驚喜炸雞軟骨鹽椒香味重，香脆可口炒雜菜都超好味啊！…Read More

今日出左去等女朋友冇嘢做，又見有啲肚餓，係The one行行下，又唔知女朋友幾耐先到喎，見呢間唔係好多人就入咗去食喇，好彩今日係平日晏就，坐耐啲都唔驚畀人趕走。坐到入去先發覺原來專食班戟嘅....噢..好彩有啲都唔算係甜品類，因為我都麻麻地甜嘢。咁我就嗌咗個和牛漢堡班戟，都幾好食嘅，有啲似肉醬意粉mix漢堡包囉，塊肉都幾厚。雖然話係班戟，個配搭又好似幾新奇，我都幾驚會中伏，但食落都真係幾唔錯，價錢就一百鬆少少，我覺得少貴，但都值嘅，環境幾舒服，下次可以同女朋嚟食。…Read More

成班朋友踢完波，一齊去火鍋店同個波友慶祝生日。老細知道我地個friend生日，即刻叫我地上facebook免費登記做會員，然後就有優惠！！ (註：記得需要預早一日訂位先可以使用優惠呀）調味架～應有盡有。我地叫左個姬松茸冬瓜湯底，滋陰去濕。湯底香濃，未打邊爐都要飲返碗先呀。呢個安格斯牛肉就係生日優惠送架～～一d都唔馬虎，真材實料，肉質鮮嫩，油脂均勻，拖一拖就食得！入口即溶，牛味重，正呀！！青酒釀鮑魚～青酒煮既鮑魚味道帶甜，凍食鮑魚都幾特別，肉質彈牙，味道唔錯。生蝦刺身～生蝦大隻，啖啖肉。雖然未算極為鮮甜，但肉質肥美搭夠。生鮮海蝦好生猛，仲跳跳下架～果然鮮甜，蝦肉結實，好味。豬紅嫩滑，無腥味，好香口。豬皮夠爽夠彈牙，正！今次人少，下次一大班朋友生日再黎，愈多人食愈送得多野食，超抵～哈哈…Read More

最中意就係同朋友仔一齊去行街街，行完又可以大食一餐，好耐都無去食日本野喇，今次一於整個放題嘆下先，朋友仔話之前食過依度好正，今日一於嚟試下先！ 宵夜時段都一樣咁多人，咁其實放題嚟講係好事既，雖然要等，不過一定新鮮嘛 最重點既魚生完全無令我失望，新鮮之餘仲要係厚切，中意食魚生既相信都特別中意食厚身既，口感一流，完全食到佢既鮮味 小食就梗係吾少得八瓜魚啦，個汁整得好好，食落芝麻味好香:) 海胆手卷勁鮮，不過厭海胆小啲，要食多幾舊先夠 壽司方面保持一貫水準，全部都好新鮮，特別係個花之戀非食不可 熟食方面依個燒牛都一定要試，牛肉味好重，加埋個醬汁香到爆，我自己都食左兩碟啊 仲有依個牛肉窩都係一定要食，重點係隻蛋，加埋入去將啲牛香撞曬出嚟，我依啲牛控就至中意 甜品方面可以食下依個home made雪糕，吾會太甜，味道好香，至啱吾太中意食太甜既我 依餐食得我好滿足啊，最重要係價錢抵食之餘食物又新鮮…Read More

今日陪個外國朋友去尖沙咀shopping ，佢話了想試下麻辣火鍋，記者之前有朋友黎食過讚不絕口，今日一於黎試下先:) 一去到門口已經俾大大個海報吸引住，有我至愛牛肉做緊優惠，未入去都流口水喇 因為黎得早既關係吾洗等位，成個環境好舒服好整潔，又吾會有焗促既感覺，最緊要既係待應全部好好客好好禮貌，抵讚另外要讚下小小貼心既設計，待應俾左個隔油器我地放係碗到，咁就吾洗怕食到成口油 食重慶火鍋湯底梗係最重要啦，我地叫左一邊麻辣一邊就鴨湯底，一黎到啲麻就已經湧曬埋嚟喇，香到爆，但係又完全吾攻鼻，因為好多麻辣湯底會好攻鼻，我自己就好怕，未食都流口水喇 我地點左個羊豬牛盤，每樣都有註明出產地，全部都好新鮮，特別係羊肉本身我都有啲担心會好so，但係食入口之後完全覺得担心係多餘既，好香羊肉味但係一啲都吾so，無得頂啊牛肉就好嫰口，一啲都吾鞋，放落湯到拖一拖就食得，高水準 依個小籠包真係要一試，淨係賣相都贏曬，食入口啲肉汁好似會爆出嚟咁，待應仲擺左個計時器俾我地4分鐘就食得，貼心到爆 其他所有都好新鮮，特別個菜加埋去鴨湯底原來好正架，我都係第一次試，特別甜咁，最後菜都叫左3款 依餐食得超級開心，最緊要係外國朋友讚不絕口，咁我都有面子下次再嚟試佢地既海鮮拼盤先…Read More

今日出去旺角買電器，行到腳都軟埋，買完拿拿臨整返個煲食下先，記得之前睇到依度既花膠雞煲人人都讚不絕口，今日一於嚟試下先:) 今日好好彩啊，上到嚟即刻就有位，仲要係靚靚窗口位，望住彌敦道夜景食飯真係一樂也 日長水遠嚟到就梗係叫個招牌花膠雞煲啦，睇相都見到勁足料啦，成個煲爆曬既，最正係個湯底，又甜又潤，未食就已經飲左兩碗先啊雞方面好滑好新鮮，完全無鞋既感覺，抵讚 食完個煲就梗係吾少得邊爐環節啦，脆肉鯇片勁新鮮，食入口脆卜卜咁，又無青草味 牛柳粒肥瘦適中，上枱都無雪藏味，略嫌份量比較少，吾夠食 自家炸響鈴，依個係必試項目，炸得非常出色，拖一拖水即刻食得，勁香口，又吾似有啲響鈴咁薄到死，口感勁正 菜方面就十分新鮮同乾淨，有時係外面食菜都好怕會洗得吾乾淨，依度就完全無依個問題:) 今餐食得開心又滿足，最緊要係價錢又抵食，一於下次再嚟食過…Read More

今日同女友去左尖沙咀濕平，行到大滿足後就梗係去醫埋個肚先啦，聽朋友講附近有間放題一度要嚟試下，好，今日就等我會一會你先！ 因爲我地嚟得早既關係所以吾洗等位，咁放題就梗係吾好蝕快手點嘢食啦，先嚟個刺身食下，全部材料都非常新鮮，特別係個海膽刺身，新鮮到不得了，加塊紫菜一齊食真係無得輸另外我至愛既三文魚十分肥美，完全吾係將貨就價果啲，一食便知龍與鳳 咁之後就梗係到依度既主食～和牛啦，一見到賣相完全一流，亦都好細心咁分開曬吾同部位既牛俾你睇，包無食錯至於味道方面就真係無得彈，食入口好似即溶咁，完全將牛既味道表現曬出嚟 海鮮方面亦都有好多選擇，全部都勁新鮮，不過略嫌吾夠大隻，如果啲蝦或煮蜆再大隻一個size就一流喇 另外不得不讚下個烏冬，一般對放題既烏冬都無咩期望，但係依度就真係整得好好食，特別係個湯勁好飲，攪到我都隊左兩碗 一邊食既途中忍吾住已經打左俾個朋友讚佢無介紹錯，下次一定再嚟擦餐爆既 …Read More