lamlamleefooddee's Profile

今日嚟到銅鑼灣食飯，餐廳裝修已黑色工業風為主，非常之有格調。Appetiser: Tuna tartare作為appetiser，呢道菜真係極出色！吞拿魚蓉切得好細緻，配埋冠益華記辣椒油，食落係冇試過嘅fusion新味道，加上手打得香滑嘅牛油果肉可以中和辣味。附上黑白米紙，黑色係炸紫菜，白色係米漿溝櫻花蝦，咬落脆卜卜，食落非常惹味！Pasta: Drunken Crab pasta用紹興酒煮嘅墨汁意粉，又係另一樣衝擊味蕾嘅fusion菜🤯！意粉煮到al dente，入口細嚼有輕輕酒香味，雪蟹肉份量非常多，啖啖都食到鮮甜海鮮味Main: Crispy beef short rib牛小排外層有輕微焦香，內裏仍然保持juicy，咬落有香濃牛肉味，配上特別調配嘅山楂紅酒汁，可以解油膩感。仲有，呢度菜嘅另一亮點就係綿滑嘅牛油焗薯蓉，食落薯蓉非常細緻，配上濃郁嘅牛油香，真係極度邪惡！…Read More

Chilli Lime主打東南亞食物，有齊泰國、馬來西亞、印度美食，岩晒心大心細唔知揀咩嘅選擇困難症人士大蝦冬蔭功湯🦐作為泰菜愛好者，冬陰功湯真係每次都係必嗌嘅item，呢款冬陰功湯又好濃嘅香料味，但略嫌唔夠辣，如果辣啲就再正啲啦柚子大蝦沙律柚子清甜多汁，唔會有酸澀味，配上花生碎、椰絲同酸辣汁，真係好開胃串燒（雞肉、豬肉、牛肉各兩串）串燒好出色，各款串燒都醃得岩岩好，烤得外脆內軟，仲好juicy紅咖喱檳榔葉燒牛肉配Naan 🥩🫓燒牛肉份量多，牛肉味濃，加上香濃嘅紅咖喱汁，配上Naan真係好「送飯」Mango delight 🥭唔想飲酒嘅朋友一定要嗌呢杯mango delight，成杯野飲勁澎湃，飲落仲要有勁濃芒果味Fresh Thai Colada🥥🍸嗌嘅時候，外籍店員好好咁提醒：This is not 椰青😂😂，以原個椰青上，配上Rum酒調製而成，飲落有清甜嘅椰子味，仲有淡淡嘅酒味，飲落好清新好易入口…Read More

今日拍拖嚟到東涌，有fd推介Maison Du Mezze，當晚都好full吓，好彩一早訂咗位！Fattoush 🥗新鮮沙律菜，配上蕃茄、青瓜、紅石榴、番茜、薄荷葉等等，最特別係加上烤得香脆嘅pita bread，食落非常新奇開胃Grilled Squid 炭燒魷魚 🦑魷魚肉質鮮甜爽彈，燒烤火候，掌握得好好，食落內裏仲係鮮嫩，配上翠綠嘅lemon parsley 醬汁，令魷魚鮮味更加突出Skate Fish and Clams 魔鬼魚蜆肉配檸檬牛油汁魔鬼魚煎得香脆，而肉質細嫩，配上新鮮大蜆，檸檬牛油醬汁為呢道菜增添風味Mocktail: Fluffy Mezze 🥭🍊橙香、芒果香mix埋益力多，酸甜清爽Cocktail: Thyme Flies 🍍主角係新鮮迷迭香，配上菠蘿汁同gin，飲落好有夏日風味…Read More

去完南華會打保齡之後唔知食咩好，見到新開咗間咗中菜廳，就一於try try佢雙冬羊腩煲🐑天氣入秋涼涼地，侍應推介時令羊腩煲，羊腩選用「蝴蝶腩」，係羊腩煲中最矜貴的部位，稀少而且肉質極佳。羊腩炆得夠腍，但不失咬口，羊腩煲夠足料，配料有馬蹄、枝竹、冬菇、冬筍等，非常豐富古法桂花炒瑤柱🍳呢道菜睇落好家常，但其實係心機菜，精髓在於將瑤柱蒸熟後人手撕成絲，與打散的雞蛋液混合，在鍋中炒至類似「桂花」狀的蛋碎，再加入其他配料翻炒而成。蛋碎炒得岩岩好，配上炸得香脆嘅瑤柱絲同芽菜，口感非常豐富鹽泥肉爆炒花菜🥦鹽泥肉即係鹹豬肉，呢道餸主要利用鹹豬肉嘅鹹鮮味嚟提味，搭配爆炒椰菜花，咬落爽脆鹹鮮，好岩送飯…Read More

葡萄乾鷹嘴豆蓉🍇幼滑鷹嘴泥舖成圓形，中間淋上橄欖油，配上熱辣辣pita bread，一啖接一啖，完全食唔停羊肉釀脆球茄子蓉🍆🐑外皮炸得酥脆，一咬落去係juicy羊肉，配上松子仁同香料，增加口感風味，茄子蓉配上酸酸甜甜嘅櫻桃醬，食落好開胃慢煮扁豆盲曹魚🐟盲曹魚外皮煎得香脆，但內裡仍然保持嫩滑，配上扁豆醬汁又出奇地夾慢烤羊腿🐑有睇頭嘅一味菜式👀，服務員會set好枱，喺你面前打開慢煮袋，一打開即刻聞到撲鼻香味，羊肉經過慢煮，肉質鮮嫩同時保留肉汁，而且蔬菜吸收晒肉汁。配上Mandi香料飯，加入杏乾同蕃茜，增加口感香味。飲品：Genie's Lamp非常eye catching 嘅飲品，服務員以神燈作為容器，喺碟邊點火，火光一著，映照出金光閃閃✨✨，視覺享受100分。…Read More

鍾意食泰菜鍾意到懷疑自己前世係泰國人😂 上年去泰國旅行，餐餐都必定order青木瓜沙律同冬蔭功湯，一直都好想喺香港食返泰國嘅味道。今餐食Soi.29 當然唔例外，叫咗嗰兩道鐵膽，連埋醉貓沙河同蟹肉奄列冬蔭功湯酸辣開胃，青木瓜沙律好爽脆，但可以再辣啲。醉貓炒河用咗彈牙粗河粉，配上唔同蔬菜炒成，但份量有啲少。蟹肉奄列一上枱勁搶眼，炸到金黃色，食落好香口，仲食到一絲絲蟹肉，不過始終係油炸野，食多兩啖會開始滯。餐廳好好，食完臨走前仲有刨冰送😂😂…Read More

放假入西貢chill吓，由於男朋友好鍾意食沙嗲牛麵嘅關係，所以去咗試西貢名物—牛牛。我叫咗碗沙嗲牛肉湯麵，而男朋友叫咗碗沙嗲牛面珠登撈麵。沙嗲牛肉湯麵濃厚嘅沙嗲湯底，配上香濃花生醬，公仔麵彈牙掛湯，不過食真啲會覺得個湯底有輕微苦味，同埋嫌個麵嘅份量有啲細份，食完唔算飽沙嗲牛面珠登撈麵男朋友鍾意再濃郁啲，所以叫咗撈麵，整體味道再濃厚邪惡啲，配上大大粒嘅牛面珠登，份量麵唔算少。食完咁邪惡嘅野，今日quota已爆。…Read More

Happy friday 要食好啲！同fd嚟咗荔枝角金酒屋食晚餐，坐喺吧枱度望住師傅整野食，師傅都好風趣，得閒就會吹吓水，整體用餐氣氛都唔錯金龍珠海膽吞拿魚蓉卷卷物用咗原隻醃漬蛋黃，配上新鮮海膽同吞拿魚蓉，食落口感細緻融和金酒杯🍸打卡一流嘅金酒杯，入面搭配海膽、吞拿魚蓉、蟹肉同三文魚籽，啖啖都係超級鮮味焦糖鵝肝和牛千層脆脆酥脆嘅紫菜天婦羅包住新鮮吞拿魚蓉，配埋面層焦糖香煎嘅鵝肝，食落有多重口感炙燒爆膏四頭巨型虎蝦🦐手掌咁大隻嘅虎蝦，仲有爆晒膏，膽固醇嘅味道就係一流🤤月見日本尾崎和牛丼尾崎和牛鋪滿成碗飯，和牛油脂分布均勻，肉香濃郁，蘸上生蛋黃配飯食，真係最佳享受…Read More

每次經過太子都好想去試野見🍜，但見到條長長人龍就卻步。今次的起心肝想試，所以專登早咗去排隊，排咗20分鐘就有得入。Menu好簡潔，得雞白湯、雞鹽味、雞醬油三款麵揀，今次為雞白湯而嚟，當然亳無疑問直接揀佢！🐥🍜雞白湯拉麵拉麵附有雞胸肉、叉燒、味玉、少許蔬菜。湯底乳白濃郁，入口順滑唔油膩。麵條有肉眼可以嘅小麥顆粒，但掛湯力一般。雞胸肉好surprise，食落完全唔鞋，非常軟滑。美中不足係份量有啲少，女仔都只係勉強夠飽🫣…Read More

一提到兆萬，就覺得係勇者之塔😬（？）今日專程去挑戰兆萬中心8樓嘅神戶屋，無伏之餘仲好有驚喜🤤💰💰今日嗌咗A餐「日式放題雞煲火鍋蒸氣海鮮」，每人加$50蚊升級豪華蒸氣海鮮，埋單$300幾蚊就食足刺身、蒸氣海鮮、火鍋同串燒炸物🤰🏻🫃📸靚靚刺身拼盤一落單冇耐就火速上咗個刺身拼盤，靚靚擺盤配埋乾冰，打卡一流🤳三文魚：油脂豐富、入口即溶帶子：鮮甜軟滑天使紅蝦：肉甜彈牙、啖啖肉♨️🦞豪華蒸氣海鮮 + 濃郁茄湯火鍋🍅話咁快，霸氣龍蝦蒸氣火鍋登場！成個煲都比龍蝦佔據，仲有帶子同鮑魚，店員好細心咁set定timer，確保海鮮唔會蒸得過老，抵讚👍🏻與此同時，個茄湯吸收埋蒸海鮮精華，超級鮮甜，就算淥菜都超好食😋💁🏻‍♀️服務✨放題最怕嗌完野食等到天荒地老都唔嚟，而呢度嘅staff勁細心，每隔一段時間就會主動問有冇漏單/仲有食物未到，所以完全唔擔心漏單情況🙆🏻‍♀️…Read More

今次已經係second visit，除咗千海，香港應該冇咩地方可以有鮮活海鮮任食😍😍。作為海鮮狂魔，一定唔會放過啦！今次嗌咗龍蝦湯底，湯底一啲都唔hea，有半隻充滿膏龍蝦頭，飲落非常鮮甜。一嗌完湯底即刻出去夾海鮮，有鮑魚、基圍蝦、大頭蝦、梭子蟹、花蟹、青口、仲有大量蜆🤤🤤 隻隻都勁生猛，鮑魚同蟹可以交比職員處理，要大讚職員勁快手密密做，5分鐘就有得拎返，完全唔驚要等好耐。除咗海鮮之外，仲有熟食可以order, 乳鴿一定必食，超級juicy。大閘蟹應該係季節限定，每枱限兩隻，但隻隻都爆曬膏，非常正！…Read More