Hehehahawakakaka的個人專頁

行完街搵地方醫肚，撞正「MR Burger」個招牌幾搶眼，一於入去會一會佢個「經典三重芝士牛肉漢堡」。點知一上枱就嚇親，個漢堡疊到成座山咁高，麵包烘到金黃微脆，仲要見到啲芝士熔到瀡緊落嚟，未食已經心心眼！急不及待揸起佢，一啖咬落去——不得了！個澳洲牛肉漢堡排真係堅juicy，外面煎到微微焦香，裏面肉汁多到瀉出嚟，同三種唔同濃淡嘅芝士融為一體，鹹香爆炸！配料仲有新鮮爽脆嘅生菜、番茄同洋蔥，加埋佢哋秘製嘅漢堡醬，酸甜惹味，完美中和咗芝士同牛肉嘅膩感。最驚喜係個麵包，唔係求其貨色，口感軟熟得嚟帶點韌性，承托住所有材料又唔會淋哂，由頭到尾都保持到個完美形態。每一啖都係豐富嘅層次：軟、滑、脆、爆汁，真係邪惡到極點，但又滿足到唔願停口！食完成個漢堡，飽足感爆燈，個口仲停留緊牛肉同芝士嘅餘韻。如果喺尖沙咀想搵個高質漢堡瘋狂一下，呢度絕對係一個令人想再訪嘅熱點！…查看更多

講起「天天海南雞飯」好多人都係衝住碗雞飯而去，但估唔到佢哋嘅「酥炸椒鹽豆腐」先係隱藏版王者，邪惡到令人食到停唔到口！一上枱已經聞到陣陣椒鹽嘅鹹香，睇到金黃色嘅豆腐粒堆到成座小山咁，外皮炸到微微泛光，仲有啲辣椒粒同蔥花點綴，賣相非常吸引。急不及待夾起一粒，手感已經知係輕身，完全唔似一般炸豆腐咁實淨。一啖咬落去，個外皮「咔嚓」一聲脆到不得了，係嗰種空氣感嘅薄脆，一啲都唔厚粉。入面嘅豆腐肉竟然係超嫩滑嘅狀態，好似流心咁滑溜，仲保持住濃郁嘅豆香。種外脆內軟嘅極端對比，真係做到出神入化！椒鹽嘅調味絕對係精髓，鹹香惹味得嚟唔會死鹹，仲帶少少蒜香同辣勁，非常開胃。佢嘅味道完全逼咗入豆腐裡面，唔係就咁灑喺面咁簡單。食完一粒，個種酥脆同嫩滑嘅口感會令你即刻想追食下一粒，轉眼就清晒成碟。雖然只係一道簡單小食，但呢個炸豆腐嘅功夫同味道，絕對拍得住…查看更多

今日終於去試左期待左好奈既餐廳： 雲家小鍋米線見今日經開荃灣就去試吓啦！一去到見到好多人排緊隊😮但係都黎到就唯有等下啦！我哋點左以下幾款食物同飲品：雲家米線🍜 $65配料：腐竹、冬菇、雞絲、雞翼、魚春卷、螺旋草、腸仔、芽菜、酸菜等大大碗，配料豐富，米線適中，唔硬唔軟，湯底酸酸地好開胃，酸菜好惹味，同啲配料好夾，雞翼好肉嫩小鍋紅薯粉🍜 （麻酸辣） bb辣 $36牛腩🐮$16燕皮肉餃🥟$9又係大大碗，牛腩腍身，肉質唔痴牙，夠入味！秘製豬頸肉🐷 $48必試秘製豬頸肉，豬頸肉好爽口，邊位脆卜卜，肉質唔會太硬太乾，調味適中 ，唔會太咸，加埋泰式辣醬好好味凍豆漿🥤 $10/支香港製造，豆味濃，唔太甜又唔淡。凍檸蜜 🍋$16/杯味道適中，唔太甜。地址：荃灣沙咀道328號328廣場地下G01號舖#雲家小窩米線 #荃灣 #小鍋米線 #荃灣米線 #餐廳推介…查看更多

今日去左觀塘晏晝肚餓搵野食想飲茶 就黎左利苑酒樓叫左1. 椒鹽魷魚鬚 熱，鮮炸，脆口，少偏咸 2.魷魚牛柏葉 魷魚新鮮，份量少3.奶皇流沙包 蛋黃醬算多，偏甜 服務都算可以見到有人倒瀉水 即刻拎毛巾比佢…查看更多

行完一田肚餓 諗住搵野食見到有間壽司店都算多人食緊心諗應該唔會係伏咁就睇下餐牌有乜食最後㨂左個「漁屋滿滿丼」出餐速度都算正常唔洗等太耐除左一碗壽司飯之外仲有一大碗湯個湯好多餸 同埋飲落係超有海鮮味因為本身以為係麵豉湯（我平時都唔太中意飲麵豉湯），都無乜期望，點知呢個海鮮湯係好飲到我成碗飲曬！個壽司飯啲魚生片係親鮮既我超鍾意海膽，平時啲壽司飯海膽好珍貴，因為份量真係好少又食唔出味，呢碗既海膽份量算多，同埋超有海膽味，我已經食到勁滿足😂食完成個餐真係飽到行唔郁，本身想加小食，心諗好彩無加到，因為真係會食唔晒…查看更多

因為好耐無食泰國野 突然間又想食咁諗起之前食泰cool 份量大又好好味咁就去左食啦點知勁失望 紅咖哩牛飯 啲牛好韌好痴呀咖喱味還可以 所以我都係咖哩汁撈飯食啲肉就食左2舊就放埋一邊另外叫左個火車頭炒飯加串燒雞串燒雞啲肉好「鞋」又係食左幾啖都唔係幾想食落去飯就唔算有特色 只係有「醫飽肚」既感覺叫左杯香芒椰子奶真係完全無芒果味得少少芒果醬係杯底我諗今次因為上次太好食先有第二次再去食經過今次應該就無再下一次真係唔係幾抵食好失望 食飯又無左一間餐廳可以選擇…查看更多

服務員態度好 有禮貌 細心回答我哋既問題漢堡好厚 完全無想像過咁厚 一個餐飽到上心口😂味道都唔錯 漢堡牛唔會太鹹 士多啤梨班戟加埋雲呢拿雪糕一齊食真係停唔到口抹茶咖啡都係值得一試既😋…查看更多

今日咁次 夜晚就去左打邊爐食完都覺得唔錯 我哋叫左個雞煲 雞煲啲醬汁好好味 少辣少麻 岩岩好 但肉質叿算係新鮮 不過唔算難食 都可以嘅因為係雞煲 服務員話食完可以換湯底 咁我哋換左清湯 清湯有白蘿蔔同白菜仔 都好足料 一開始有一碟刺身 刺身數量唔多 另外有一碟熟食 入面有鮑魚鵝掌 打邊爐材料 款式都多選擇 整體我覺得牛肉好味 魚皮好脆海鮮都ok 丸類就一般般 有啲韌蔬菜種類都幾多 唔係得3-4款飲品種類唔算多 但都可以接受既因為都多人 所以服務員都好忙 要等都算值得食…查看更多