eatbuteat's Profile

📍 尋味 (大圍)大圍田心村199號地舖.蒜香烤魚$298冇諗過烤魚相當大條，而且內有好多唔同嘅配菜。當時我仲問朋友需唔需要再額外叫多啲唔同配菜，佢話其實可能已經幾夠食。魚嘅肉質一啲都唔老，而且好入味，可以揀辣或者唔辣，因為朋友唔識得辣，所以我就揀咗唔辣。魷魚鬚$28魷魚鬚有成10串咁多，呢個價錢相當抵。要咗少少辣，味道好出色。烤芝士腸$18燒肥腸$32燒羊肉$18其他呢幾樣嘅串燒都相當唔錯，可能本身嗰條味幾好食。肥腸都係唔錯嘅推介，因為唔係好多餐廳會提供。如果想搵間又可以食到烤魚同串燒嘅不妨嚟到大圍。…Read More

九龍城fusion西餐都幾多間，不過有心機有誠意既就真係唔多......呢間算係其中一間值得做回頭客～set dinner個前菜係芝士x溫泉蛋x大啡菇同餐湯。大啡菇就正常質素，焗得岩岩好。個薯仔蘑菇忌廉湯就有d驚喜，薯仔蓉好清爽唔黏口，蘑菇碎亦好香，成件事唔會好膩影響main course!!main course揀左紐西蘭西冷，廚師處理得唔錯，表面鎖到肉汁且香口，唔會又硬又燶，切開之後入面肉稔而且帶有少少粉紅色，明顯睇得出廚師既經驗同對食材既熟悉，真係加晒分～同埋加映仲有海鮮拼盤，揀左蒜片紅椒欖油配鮑魚、龍蝦、鑽石蜆同帶子。本身諗住全部白烚+上檯前淋欖油，點知佢係加埋調味一。齊。焗！龍蝦肉厚味鮮，但質素一般，鮑魚就厚肉彈牙，配埋欖油好惹味～鑽石蜆出奇地好有鮮味，而且同欖油好夾，有d 似食緊炒蜆haha~最後帶子係100分滿分！除左到欖油好襯，本身帶子係煎過先擺落黎，外脆內軟之餘仲有陣陣油香，真係好正！走果陣發現餐廳原來做緊下午茶8折，如果我喺附近返工就好啦可以偷懶走過黎食好西xd…Read More

唔係連鎖既打邊爐放題都食過幾間，呢間算係幾好幾值得再翻悼~淨係出面水吧自助區都有成2X款野比你自己拎，有丸有午餐肉，仲有D少見既好似油揚、秋葵呢D，都幾正~再行入D見到佢有小食，除左有我最愛既螺肉之外，竟然有咖哩魚蛋同蘿白!! 雖然唔係幾夠3辣，但勝在夠入味，應該唔係攞貨返黎，誠意滿分呀!作為一間放題，牛肉可以話係決勝負既關鍵。好在佢呢度都叫過關，叫左果隻200日澳洲穀飼牛同牛頸脊，兩種肉都幾有牛味，而且唔係入口即柴既殭屍肉，D雪花都真係堅既雪花，食落有油香有肉香，2百幾蚊就有呢個質素，仲想點啫~除此之外仲有個自助既天婦羅吧，有晒工具同材料係度比你自己玩炸物天婦羅，都幾過癮~臨走前先發現原來佢加$30蚊可以無限追加刺身!!!蝕左啦今次…真係下次再黎過…Read More

🔎馬祖*📍 將軍澳唐德街1號將軍澳廣埸1樓1021-1023號鋪將軍澳好多大型商埸，之前有朋友係呢間火鍋店食完覺得味道一流，而且佢坐得好舒服，食物亦多選擇！我覺得放題最緊要多選擇，因為個人會滿足好多，同埋有成120分鐘，如果多食物會更開心嫁！美國Prime Grade極上牛頸脊及西班牙伊比利牙黑毛豬 ($298)肉質選擇都唔少，而且紋理好靚，上碟時已經見到光澤明顯，非常靚。不得不提佢仲有台灣沙茶牛肉，幾特別，而且味道一流。除左牛肉，豬肉其實仲有雞肉嫁.超級足料.另外，我地要咗椰子湯底，超級鮮甜呀，平時自己整椰子湯非常考功夫，好彩可以係到都享用到.自助配料除左菜類之外，佢都有好多唔同既丸類選擇！連台灣腸都有架，我自己最鍾意食佢有個咸蛋黃既丸，入面係滿滿咸蛋黃，完全係流心呀，第一次試，但真係好好味.…Read More

登登~ 今次終於等到傳說中既牛大人啦~ 好在朋友早早去排隊，等班遲到大帝到埗就可以入得啦!今次試左鴛鴦湯底，麻辣+鳳梨雞~ 麻辣都幾夠味既，鳳梨雞出奇地唔錯，而且有大大隻雞脾係湯底入面，真係好足料~ 食得298 PACKAGE既，梗係一黎就試虐佢D肉先啦，M5和牛肩卷切得好薄，但卷埋就岩岩好一啖食晒，肉質唔算好彈牙但勝在脂肪同肉既比例好好，絕對唔會有果種好油膩或者好「鞋」既感覺!除此之外，佢係沙白都係好一流!未見過邊爐放題既海鮮係可以食到咁新鮮既海鮮，仲要係沙白喎!仲有其他邊爐例如丸類、菜、百頁等等都好好食~ 特別一提係佢D丸真係好多花款，大路至墨丸、牛丸、貢丸，罕見至竹炭海鮮包、芋頭豬肉丸等等都好好食~ 最後臨走前食返個甜品，除左哈根大師既雪糕杯之外，朋友仲嗌左個台中風味既仙草凍，據說真係同台中既差唔多，等我下次都要試試先…Read More

白松露黑松露炸薯條 $72黑松露薯條就食得多，黑白松露一齊上真係比較少見。餐廳特登用咗白松露油炒過薯條，令薯條散發住陣陣松露既香氣～鵝肝黑松露意粉鵝肝意粉最忌多油，呢個意粉就煮岩岩好，塊鵝肝肥而不膩，唔會係咁咇油出黎，但咬落去仍然係啖啖油香！黑毛豬肋肉日式煲仔飯 $168至於呢個飯，真係第一次試咩叫日式煲仔飯。廚師話，中式煲仔飯係煲起先加醬汁，所以飯味甘香；日式煲仔飯就加醬汁落去一齊煲，令每粒飯都吸收晒醬汁既香濃。食落又唔會太重口味，係一個好新鮮既體會！Coco Blue $58最後係特飲Coco Blue, 菠蘿汁加椰子水既組合，喺芸芸咁多濃味野當中係非常清新既味道，飲完成個人都fresh 晒～…Read More

🔎 銅鑼灣登龍街39號地下*📍 燈籠滷味.師大超人氣組合($59)揀咗師大夜市人氣組合.超級多料,有我最鍾意嘅甜不辣,豬肉片,仲有高麗菜,杏鮑菇.仲有花枝魚,而白蘿蔔亦好入味,非常唔錯啊.而且好大碗,仲可以自選麵底,幾唔錯.自選組合($38)絲瓜,貢丸,甜不辣,超級豐富,而且都係可以揀麵底.自己揀就可以決定想食咩.甜不辣唔係到到都可以食到,加上無得台灣,所以見到就即刻要點.百葉豆腐都幾夾.仲有台式飲品可飲,大家千萬唔好錯過.#entrycausewaybay…Read More

呢間真心要推介係cwb返工嘅朋友仔.雖然cwb係好多食店.但的確鬧市既價錢都係貴D.所以呢間我覺得真係抵食.除咗平嘅40幾蚊都有個飯外,佢仲要唔加一.以日本嘢黎講的確係幾抵食.今次同朋友試咗呢個好正嘅日式牛肉烏冬,都幾大碗,個湯底都做得唔錯.不過牛肉比較肥,如果瘦返D會更好.同埋蔬菜唔多.烏冬口感唔錯,份量唔算好多,但整體都OK.而朋友就叫咗個三色魚生飯,剌身都幾新鮮,飯量唔會好多.所以我地要多份壽司.so far都真係覺得呢個價錢唔會失望.仲要多份芝士年糕,所以都幾飽.…Read More

「有Live 聽, 好relax 既 Happy Pre-Friday 」- Mini Friday (觀塘)約左朋友係觀塘食晚飯，見到mini Friday 個威靈頓牛柳好吸引，加上之前係mini Friday 食過lunch 唔錯，所以就去試下啦～ 餐廳氣氛都唔錯，8點左右就有live band 有歌聽，都幾relax!DIY Pasta ($148)揀左個DIY pasta set, 有沙律，蘑菇湯，主食，甜品同餐飲，$148都幾抵食。想講講個沙律入面係有爆珠，好過癮。個主食可以自己揀個source , pasta 同配料，仲可以加錢加餸添呀！因為唔想太濟，我地揀左個鮮蕃茄汁大啡菇天使麵。鮮蕃茄汁酸酸甜甜好開胃，仲有車厘茄仔、大啡菇就切到條狀，好鮮味好juicy、天使麵就正正常常，配埋個蕃茄汁就好好味！估唔到自選 pasta 都可以咁好味！皇牌威靈頓牛柳 （$288）最近見到好多人都post 威靈頓牛柳，搞到我都心郁郁想去試食。個酥皮有啲厚，酥皮同牛柳中間有菇、黑松露夾住，可能中間材料比較大粒同唔乾身，令到個酥皮同牛柳好易分開，搞到好似淨係食到個酥皮/牛柳。不過個source係特別既-有酒香味。雖然講到酥皮同牛柳分開，但個牛柳係整得幾好味既，唔會好韌，好有肉汁🤤個酥皮面係脆既，但個底有啲厚，不過有好香既黑松露味。整體黎講，呢個威靈頓牛都算ok，不過試一次就夠。🍽7/10…Read More

🔎 屯門新安街2號富益商業大廈地庫L1-L5號鋪*「保育隱世抵食火鍋」回味軒食坊雞煲放題-屯門.經曆艱難既大半年，近月再爆傳染病，做小生意食店可謂苦不堪言，希望大家平安之餘，自家經營小商戶要涯過呢關，戰勝大集團。由結論講起, 138任食，你唔好期望有咩超級美食，但呢度絕對抵食好食，呢個質素大集團隨時收多你1舊水。呢度有保育既需要。鋪頭位於工廠區，一去到，都估到無乜人，呢個時候夠膽出街食更加係勇者。即炸乳鴿半隻任食既野，盡量留肚，坐底即送既野通常係浪費胃空間。呢度送乳鴿1開4，人頭跟1舊，上碟熱辣辣，唔洗點鹽，皮脆脆地，多肉汁，味道ok之餘，細細舊，唔係求其野，唔佔個胃幾多空間。酸辣烤魚($138)主打幾個煲/鍋，睇落都好正，不是味精滾水十下十下湯底。呢次我試烤魚式鍋底。黎到，舊烤魚大舊到佔個兜2/3size, 魚係即炸，外皮烤到香脆半熟再上鍋滾熟埋，另個湯汁唔係流灘，杰杰地野味酸小辣烤汁。心急人上即刻先食簿肉d熟左既腩位，鮮味滑o都o都，食下食下，再食d配菜，然後魚背開始熟埋，2個人淨係食兜魚到一半已飽飽地，心知不妙......仲未食出面d邊爐料.另外要推介個伴菜炸芋條，夠粉同索晒個烤汁。午餐肉唔知老闆瘋了定大廚輸馬，呢度既午餐肉應該叫午餐扒，一罐圓罐我估佢開到4塊上下，鐘意打午餐肉既夠晒滿足。菜6,7款新鮮蔬菜菇類，無乜客，d菜放係度今晚肯定食去唔晒，係有d可惜，我只係夾左2款，西洋菜同白菜仔，新鮮爽脆，唔會黃甘甘。食埋幾條菜已經飽晒。除自助吧外，另外重有張紙，點完，另外送上，我地一樣都無點，因為已飽晒 冷盤(豬手、鳳瓜、青瓜、木耳、皮蛋...etc)，糖水，咸菜豬肚湯.....佢同邊爐料分開對面，初初睇唔到，食飽4圍望先發現有咁既野。因為無乜客，都無乜點郁過，睇落好似幾吸引，但我實在已飽，連最鐘意食既麻辣皮蛋都食唔到了。罐/包裝氣水任飲味道同價錢，遠離人煙，今次係滿分。🍽10/10…Read More

見一個好耐無見既朋友,大家都異口同聲話想食日本野,而CWB就最多好野食,今次去左lee garden附近一間米芝連推介餐廳.叫左2個lunch set,料足,而且成份勁多,所以覺得價錢上好acceptable.前菜首先有D蓮藕片,唔算好多,但作為前菜好夠食.Sashimi lunch見到剌身好自然會心底裡哇一聲,因為我絕對係剌身迷,而朋友都係,餐廳每日會揀選新鮮刺身作為食材,見到最愛嘅海膽同魚籽都好興奮.拖羅超好味啊,又入味.非常推介.魷魚亦十分彈牙,一食就知係好新鮮. 金目鯛,油金魚,仲有埋白飯唔會唔飽呢,Deluxe Chirashi呢個更加大碗,又係超多剌身,又有拖羅,又有帶子,又有牡丹蝦.飯量呢款更多,食完完全係有種大滿足感覺.而且lunch set仲會有甜品,所以大家唔駛擔心呢!絕對係好飽,而且好抵食.環境坐得又舒服.…Read More

🔎 九龍城啟德道31-33號地舖*📍 Orange Elephant Thai Restaurant.肉碎生菜包($76)我一向都好鍾意食生菜包,所以見到有又點可以錯過.呢到都幾多選擇有豬,有牛,等可以揀.而我一定係揀豬,因為我覺得豬好味D.咖哩海鮮脆包盅($148)見到隔離枱食緊個極大海鮮包好吸引.所以我都叫咗個,而且佢咖哩好濃烈,海鮮料又多,的確好惹味.而且成個包都幾大舊,所以的確非常吸引.價錢中等,因為佢份量都真係幾大嫁.明爐烏頭($1)咁啱星期一去食有得+$1明爐烏頭,超級抵啊,又咁大條烏頭.食到我地lamlam脷.其實佢唔同日子都會有$1嘅優惠,所以的確係抵食之選.烏頭一定要趁熱食!…Read More

今晚同朋友行過佐敦，好想食燒肉放題，上網搵咗見到呢間評價唔錯，所以就入咗去食啦。呢度嘅刺身同燒肉都係任嗌嘅，仲見到有唔少嘅酒可以俾人任飲。但我同朋友都唔飲酒嘅，所以一嚟我哋就嗌左個刺身拼盤。刺身拼盤嘅刺身種類非常多，而且刺身非常新鮮，最令我驚喜嘅係竟然有海膽，因為唔係間間放題都會有海膽提供，海膽一啲都唔苦、好新鮮。當晚鋪頭每兩個人就會送龍蝦，隻龍蝦好鮮甜，唔係Hea你嘅貨色，誠意十足。之後就到左燒肉嘅部份。燒肉拼盤入邊有澳洲和牛、豚肉、雞都齊晒，一次過可以食到好多種類嘅肉。澳洲和牛入口即溶，加埋餐廳本身嘅秘製醬汁，一啲都唔溜，非常高質。我個人食放題都好鍾意食天婦羅，佢嘅天婦羅種類都好多，我特別鍾意食芝士年糕，雖然係油炸唔會覺得好熱氣。至於串燒嘅種類亦都好多，連雞皮都有添。講開呢間餐廳就當然不得不提佢嘅甜品啦，呢間餐廳係飲食movenpick嘅雪糕，又有唔同嘅gelato同dreyer’s，點可以錯過啊！各位要搵高質嘅放題真係不妨一試呢間，係一個價錢合理又唔錯嘅選擇。…Read More

係觀塘附近返工，周圍搵下好野食，今次試呢間車仔都係因為俾佢個碗仔翅湯底吸引到，好似幾特別咁。我揀個三餸麵，仲加左個小食同野飲。雖然睇落麵既粉量唔係好多，但連埋碗仔翅食勁飽肚。碗仔翅煮得幾＇結＇身，　第一次試碗仔翅做湯底既麵，原來係好夾架！另一樣好吸引既就係花膠，煮到好淋，吸埋碗仔翅既味，好好食，即刻升左level 既車仔麵。仲有魚肉春卷，幾鐘意佢既口感同味道，因為比較濃味，都幾岩我胃口。小食我揀左酸齋，佢呢隻酸度幾好，有少少甜甜地，幾開胃。…Read More

今日同好耐無見嘅朋友食LUNCH,佢話想食日本嘢,銅鑼灣有間餐廳同朋友食過都唔錯就帶咗佢黎.首先一黎就食咗個Sashimi Lunch,其實都非常豐富,有吞拿魚,甜蝦,魷魚,赤背等等,仲會配個小白飯比你,其實十分十分抵食.300幾蚊咁多,可能平時出去買要好新鮮嘅剌身都無咁抵.所以絕對係超值.另外朋友就要個Deluxe Chirashi set lunch,除咗有魚子,又有海膽,又有吞拿魚,拖羅等等,份量十足.個底仲有好多白飯,完全係勁大碗.絕對會食到好飽.另外要讚埋佢地個茶碗蒸,D蛋都幾滑,唔會老,幾好味.…Read More