bianca.yeung's Profile

之前黎附近食野見到原來呢頭開左間新店, 就約埋友人黎試一試. Overall我地兩個都覺得CP值幾高, 無論食物同環境都滿意, 店家雖然忙但都有禮貌. 果晚叫左以下食物:螢光魷魚: 友人鍾意食螢光魷魚, 我就第一次食, 味道帶D鹹香, 食到魷魚既鮮甜味, 口感爽脆, 食完我都鍾意左.  友人話$58一客比出面D居酒屋抵食.梅酒: 友人提議叫樽梅酒share 因為螢光魷魚好岩佐酒, 款日本梅酒叫木內, 酸甜度平衡, 易入口, 都唔錯!炸手工薯條:基本上即炸既薯條都一定唔會唔好味, 但呢度同其他地方食既有D唔同, 呢度似係用薯仔切條咁原條炸, 炸得好香脆同埋口感會仲好.脆炸雞 (跟柚子醋):有兩隻醬揀, 我地揀左柚子醋, 炸雞外皮脆內裡嫩, 咬開入面有肉汁既, 就算唔點醬食都幾好味.鐵板豆腐:有四大件豆腐, D豆腐煎得幾靚, 上面放左超多木魚片, 好足料, 豆腐口感嫩滑, 都OK!無二三烙芙 (蔓越玫瑰味): 呢個應該係佢地店家自創, 有Puff口感既甜品. 我同友人都覺得唧在上面既Custard幾好味, D Custard有玫瑰味同埋有D蔓越莓乾, 整體味道唔會太甜膩. …Read More

知道呢間am.pm好幾年但一直冇機會試, 早排突然好想食梳乎厘Pancake, 有日就專登過去買黎試下. 我order了原味梳乎厘 ($50三塊), 價錢比平時去cafe食Souffle Pancake平D, 通常去cafe食一份都至少90蚊, 不過呢度就要企喺附近食+拎住食, 如果有幾張枱提供比客人立食, 相信會好好多. 而且印象中附近都冇簷篷之類既野, 如果食食下落雨真係超狼狽.... 而呢份原味梳乎厘, 賣相係幾吸引, 但一食第一啖就發覺唔係佢所標榜既"即叫即製" , 因為件Pancake完全唔係熱, 只係暖暖地, 呢方面真係幾失望...當時我比完錢落單後隔左一兩分鐘就有得攞已經覺得好出奇, 正常情況下即叫即整唔會快到咁卦. 除左溫度唔夠熱, 其他部份其實就算OK既, Pancake上面D cream幾香滑, 味道唔算好甜, Pancake質感都鬆軟滑溜,有梳乎厘既空氣感, 而且都食到蛋香味.…Read More

早排突然有日好想食蛋撻, 諗起之前食過同事凱施餅店既散水餅蛋撻好食, 就專登行去買個頂頂癮. 去到發現原來佢地只賣酥皮蛋撻, 冇賣曲奇皮架, 不過唔緊要, 因為我都係想食酥皮多D. 望見蛋撻個樣似係新鮮出爐冇幾耐, 個面仲係脹脹地咁, 聞落香噴噴, 真好彩! 買完即刻唔理儀態喺條街度食喇, 因為太粗魯既關係, 蛋撻表面比我整裂左..佢呢個酥皮味道好香, 重點係有層次感, D酥皮薄得黎又層次分明, 所以咬落好鬆化, 口感好正,好既酥皮真係唔易遇到! 蛋漿部份都好滑, 夠蛋味,  甜度對我黎講都剛好,  會想encore食多個.…Read More

早排又黎左美心MX食晏, 今次叫左個$44既火焰叉燒乾炒意粉食, 見佢形容到自己既叉燒係大師級叉燒 好似好正咁就試一試, 但估唔到一拎碟意粉既時候已經感到好失望, 因為成碟意粉上面只係得三塊叉燒., 賣相仲要係唔靚, 一望就知名肉質唔軟林果隻. 而同預期一樣, 三塊叉燒都係相當嚡既, 而叉燒既味道亦都冇乜特別, 整體都唔覺得係大師級既水準. 另外碟意粉亦都炒得幾油膩, 味道就正正常常既. 真係好後悔冇揀返"很大唷焗豬扒飯食"..…Read More

早輪知道旺角開左個新商場, 前兩晚就黎左呢個T.O.P行下 順便黎呢個新food court食晚飯, 呢個food court野食都算多元化, 有拉麵, 炸雞, 點心, 叉燒飯, 漢堡包等等, 而今次就揀呢間泰國野試下, 叫左個$52既泰式炒金邊粉, 價錢都係咁上下啦. 呢碟Padthai實物相當細碟 (張相zoom得好近所以顯得好大碟而已), 不過賣相真係唔錯, 顏色豐富之餘上面仲放左三隻大蝦, 食落隻蝦仲幾爽添. 但可惜D金邊粉份量太少喇. 唔好話晚餐啦, 就算下午茶我估食完都唔未夠飽喇. 而且重點係一食落口發覺碟粉都唔熱, 明明我影兩張相都係十秒時間, 相機食先都唔會搞到碟粉唔熱卦.不過味道係OK既, 只係份量同埋唔熱呢兩個原因已經令我唔會再幫襯了.…Read More

今日颱風天鴿來襲, 無啦啦多左一日假, 係屋企悶悶地唔知做乜之際, 突然醒起早幾日買左個流心奶黃月餅未試, 今日終於有閒情逸致比我慢慢歎啦, 實在太美好. 呢個月餅係之前上網見人介紹好似幾正而走去買既, $25一個合理價錢, 買兩個好似平D. 我呢D懶人貪方便...都冇特登拎去微波爐加熱,, 直接就切開黎食啦, 果然室溫都已經好流心喎, 流心效果幾滿意. 味道黎講亦都係好OK, 上年食過美心隻流心奶黃, 覺得勁甜... 好好彩今次呢隻既奶黃餡唔會太甜, 食晒成個都唔會覺得漏. 而且個奶黃餡都好香濃幼滑, 餅皮亦算鬆化, 食完一個有D到喉唔到肺既感覺. 今年可能都會轉行買呢隻月餅送禮. …Read More

前幾日黎左KFC食早餐, order了呢個$29.5既早餐, 入面有滑蛋, 香脆薯餅, 香腸, 同埋一碗茄湯通粉, 我仲專登叫杯熱咖啡試下佢地D 咖啡質素如何. 一比完錢, 一分鐘都唔洗就有得拎野食...初頭仲諗緊佢D野會唔會係整定晒響度唔熱架..好彩食落口都叫做熱既, 特別塊香脆薯餅都幾熱幾好味, 雖然薄薄地一塊但確實幾香脆, 好食過大家樂隻薯餅啦. 份滑蛋就唔算炒得好滑, 但都比想像中好, 起碼炒得比麥當勞好味, 又算幾大份. 而香腸唔係普通廚師腸, 而係珍寶腸果種, 味道都OK, 唔會好鹹.  反而碗茄湯通粉就麻麻地, D通粉偏林, 個茄湯入面得D粟米粒, 一D蕃茄都冇, 相信都係就咁用茄汁開...仲有杯熱咖啡味道都唔差, 可以再飲. 以呢個價錢黎講, 性價比都還可以.…Read More

查實呢款芝士蛋糕都興左好耐, 但我就好out地一直未去試, 咁岩今個月頭見到OPENRICE手機APP出左優惠劵可以用85折買盒5件裝, 於是就驅使我去左屯門VCITY買左一盒黎試了. 呢款蛋糕係用北海道特濃奶油芝士再配日本麵粉同法國牛油黎整既,  個半熟口感真係幾特別, 以往未食過咁樣口感既芝士蛋糕, 咬入口會覺得寧舍細膩同軟綿既, 質感好幼滑, 而且仔細望真D件蛋糕有分上下兩層唔同質地咁, 上層係一大層好creamy既半熟芝士, 下層就有D海棉蛋糕做個底部. 味道黎講亦都係好OK, 芝士味即使咁濃郁但又唔會覺得漏, 可能因為佢個口感同埋每件都係細細件啦, 所以用黎做飯後甜品真係岩晒. 平時就咁買一盒五件無折扣要$75, 雖然淨睇價錢上有DD貴, 但咁好味既話之後間唔中都會繼續買黎食.…Read More

前幾日黎左呢間餐廳食餐晏, order了lunch set其中一款叫做“豪華部隊麵”....佢叫得自己做豪華, 都十分好奇佢究竟有幾豪華法...!結果黎到發現入面既配料同平時既部隊鍋差唔多姐, 都係D腸仔,餐肉,泡菜,同埋芝士..唯有特別D既就係有D花生形狀既年糕. 不過賣相都唔錯, 配料舖滿麵上面, 用既係一個石鍋裝住D麵, 味道都唔差, 同平時食既部隊鍋差唔多味, 都幾辣下架, 麵質都煮得彈牙. 整體$48有埋熱飲喺觀塘黎講都叫OK啦.…Read More

今朝黎左大家樂食早餐, order了呢個即煎加大版牛扒早餐, 入面仲有炒蛋, 薯餅同埋扒茄 (薯餅和扒茄係可以轉做牛油厚多士既). 牛扒只係比之前既薄牛扒大塊少少, 不過真係厚身D同埋係即煎既, 因為都等得耐D先有得食, 味道唔錯,我幾鍾意食跟牛扒果隻洋蔥汁. 薯餅味道就麻麻地, 冇乜味又唔夠香咁. 件扒茄亦都普普通通, 都唔覺得有煎過既. 不過, 好彩今次份炒蛋又幾大份, 因為有時只係得薄薄一片炒蛋既..而且食落都炒得幾滑. $35還可以啦, 性價比唔算太高.…Read More

前幾日黎左大家樂食下午茶餐, order了個一客燒鴨瀨紅豆冰下午茶, 今次好好彩碗燒鴨瀨都幾好樣, 賣相同擺法都幾靚, 而且係食到鴨肉既, 之前有幾次食都剩係食到皮包骨..瀨粉湯底亦都夠味, 唔會好鹹, 又唔係淡貿貿既.  上面仲灑左D蔥粒. 唔知係咪心理作用, 連瀨粉既份量都應該多左D. 另外, 紅豆冰都有進步, 之前又係飲過一次好淡既, 因為見到佢地係一早沖定晒一杯杯紅豆冰放喺度, 到食客飲既時候已經溶晒冰啦. 今次飲落夠濃郁, 紅豆甜甜地又軟身, 希望佢水準可以繼續保持到啦.…Read More

一段時間冇黎食, 今日行過就入去食餐晏啦. 通常去三哥都係食三哥酸辣或者麻辣湯底, 今次就揀左麻辣十小辣, order了鮮冬菇同埋豆卜兩個餸. 賣相都OK, 芽菜同韭菜都有唔少, 鮮冬菇有4粒都頗大粒, 豆卜就係我最鍾意既果款長形豆卜! 好似都有4舊! 鮮冬菇味道鮮甜, 同埋洗得幾乾淨, 食唔到有沙. 麻辣湯底都OK, 唔會好鹹, 雖然只係十小辣, 但辣度對我黎講都OK架喇, 呢排都唔想食太辣. 而最滿意就係米線既質地, 幼幼地, 軟硬度適中, 口感好軟綿的, 不過份量真係太大碗, 下次叫少米線就OK啦!…Read More

前幾日有次黎油麻地呢頭做野, 正想搵間餐廳食個晏之際見到有間沙嗲王, 數數手指都有成一兩年冇食過, 一諗起沙嗲王自然就諗起佢個白咖哩豬扒飯, 所以就入去食返個回味回味! 原來有下午茶餐, 價錢比起單叫便宜少少, $49 有飯有凍飲但要另外加一.唔怪得呢個飯係沙嗲王最出名既招牌菜, 雖然咁耐冇食, 但味道仍然保持水準, D白咖哩汁真係好香好好味, 惹味但又唔算辣, 上面仲加D炸蒜片, 洋蔥絲同埋蔥粒, 撈飯食真係一流, 搞到我食下食下成碟飯清晒...食到勁飽. 而豬扒亦都好食,  黎到既時候豬扒應該剛剛炸起, 仲熱辣辣的, 豬扒上面有好多香茅, 好有香茅味, 份量都OK有成三舊, 啖啖肉無骨的, 豬扒既肉質亦都鬆軟, 一D都唔鞋口.  今次食同以往最大分別就係個白咖哩汁係獨立一兜, 以往黎食D豬扒係放左入白咖哩汁度架. 我覺得而家咁樣安排都好, 食既時候彈性D, 有時想淨食豬扒既香茅味都得. 隔一輪又黎食過!…Read More

前幾日有次黎觀塘食晏, 試了這一間台灣麵店, 餐牌上都有很多款式, 除了台灣湯麵之外, 仲有便當, 肉燥飯, 乾拌麵和米粉等等, 價錢大多是四十至五十多元一客, 價錢都唔算好貴. 呢度既運作模式同台灣既餐廳都相似, 都係要客人先去落單付款再坐低等佢上食物. 而我就order了一碗台灣牛肉湯麵$50 另加 $8要鹽酥雞. 台灣牛肉湯麵賣相都OK, 入面仲有半隻滷蛋, 紅蘿蔔同埋生菜. 湯頭水準亦都唔差, 未至於好香濃, 但味道都清甜既, 亦都唔會太油膩. 牛肉有三舊, 質感就普普通通啦, 其中一舊仲有D韌, 好彩算幾入味. D麵條不錯, 扁扁地幾滑身. 最令我失望係加$8既鹽酥雞.....只有兩粒仔鹽酥雞, 好心就用隻細D既碟啦. 賣相都唔吸引, 仲要唔熱, 所以都唔香脆既..…Read More

前幾晚終於試了這一間出名的燒雞扒店~這間店很久之前已聽聞, 但一直未有機會去試! 我原本以為只有一兩間分店, 誰不知坐下看見餐牌才發覺...原來已經開了不少分店! 連佐敦都有!看餐牌上碟頭飯的價錢大多是四十多元一個飯, 唔算好貴. 我order了一個"雞藕天成" $46, 即係燒雞扒拼蓮藕餅飯. 燒雞扒味道真係不錯, 幾入味, 食落口唔會覺得好油膩, 肉質也嫩滑! 但雞皮部份就略嫌燒得唔算脆口, 否則就真係做到外脆內軟啦. 反而我比較欣賞兩塊蓮藕餅, 入面有些鱆魚粒又有些馬蹄, 口感爽口又有咬口, 味道也炸得很香, 食入口仲係熱辣辣既. 不過...敗筆在白飯...D白飯煮得太淋, 口感好"削", 撈飯食既豉油亦都冇乜味道, 唔鹹唔甜咁. 所以食D飯係唔太好食既. 原本還有蔥油伴飯的, 但可能我夜晚8點先開始食所以店家說已經冇晒蔥了, 只加了些榨菜粒撈埋飯一齊食, 味道普通啦, 相信有蔥油會正好多. 下次都想試埋有蔥油既版本!…Read More