呢款蛋糕係用北海道特濃奶油芝士再配日本麵粉同法國牛油黎整既, 個半熟口感真係幾特別, 以往未食過咁樣口感既芝士蛋糕, 咬入口會覺得寧舍細膩同軟綿既, 質感好幼滑, 而且仔細望真D件蛋糕有分上下兩層唔同質地咁, 上層係一大層好creamy既半熟芝士, 下層就有D海棉蛋糕做個底部. 味道黎講亦都係好OK, 芝士味即使咁濃郁但又唔會覺得漏, 可能因為佢個口感同埋每件都係細細件啦, 所以用黎做飯後甜品真係岩晒. 平時就咁買一盒五件無折扣要$75, 雖然淨睇價錢上有DD貴, 但咁好味既話之後間唔中都會繼續買黎食.
