eaoptical's Profile

喜歡食韓國燒物者，必試之選！今次介紹呢間韓國餐廳，可以話比個10%服務費都覺得唔好意思，因為此餐廳係全程有專人幫你燒，我總覺得有人去處理，總好過自己去燒，因為專人始終最了解這種食物煮到什麼程度最好食。先講燒韓國淡水鰻魚，服務哥哥好仔細咁清潔工具然之後燒，當鉄板上有油漬，他馬上抹走，令燒出嚟嘅鰻魚沒有多餘油份，干身，香脆，鰻魚外脆內煙韌彈牙，不是冧口嗰種，真係食極唔停口。韓國燒烤不小得就係牛肋条，這間真心味道好，肉質高，牛肉熟成程度剛剛好，唔韌，有咬口，肉汁豐富。再嚟一個石鍋飯，冷麵，韓式煎餅。第二個高潮就係呢份韓式生牛肉，肉質鮮甜，配上雪梨条，增添一份脆口感覺，非常之好食。整體來說，這間餐廳係可以回味的餐廳，因為鎖費都頗高，可以三個月來幫襯一次。…Read More

好就要介紹，差就要通知大家！三個月前，報道過此店的牛肉粉湯底好，所以本人再次光顧此點，品嘗其他食物，發覺有問題，因之前有報道訪問過老闆，老闆話把加拿大式的越南粉帶來香港，今天試過豬肉蝦卷，此道小食是無人不曉，如果老闆不是話用加拿大式的越南菜，我就不會發此文出來，因為此豬肉蝦卷必須要要醬汁配合才是好味，問過店內所有人，都只係叫我用越式魚露來配合，簡直係無理頭，這個食法隨處都有。另外點了一杯越式滴流咖啡，當滴完之後，發覺慮杯內的咖啡簡直係裝飾品，我未見過亦未嘗過那麼小咖啡粉在內，這樣的形容，你們都能估到咖啡是否好味。再者是針對老闆是想把加拿大的越式風味來港，他更加小了在加拿大食湯粉必有碟芽菜加香葉加青檸加青、紅辣椒，這些他們都欠奉，最敗筆係，只有是拉差辣椒醬，沒有甜醬。所以總括來說，這間只是一間好普通好普通嘅越式粉店，不好寄預厚望。而4月份時報道話粉、飯加3元有凍飲，今天已經無咗。:(…Read More

今日隨意走，去到長沙灣，發現有一間主力海南雞飯嘅食店，望入去都接近滿坐，所以同老婆一試。坐好就睇餐牌，但落單係用QR code的，所以大家要注意帶手機🤣🤣🤣。海南雞專門店當然要叫海南雞飯，一啲都無失望，肉嫩皮爽，醬汁恰到好處，油食老婆贊不絕口，而給我驚喜嘅係個湯，湯入面竟然有雞肝、雞心、雞腎，這些都是我兒時美食，依家啲朋友覺得會令膽固醇超標，所以好少食，ME2，但幾個月食一次，都無傷大雅。另外一個就是我老婆的美食，巴東牛肉，買相一流，正所謂色香味，色行先，見到就想食，醬汁無得彈加上牛肉夠冧，易入口，加埋有啲干魚仔、脆花生同鹵水蛋再加蝦片一大塊，唔夠包你同我講。…Read More

在媒體上找到這間越南粉店，聽講係由加拿大回流返港開設的，本人又在加拿大住過幾年，所以今日和太太專程去拜訪一下。點了一個生熟牛肉粉一個越式牛腩粉一個粉包。每個粉都跟普通飲品或汔水，所以價錢上以給引了，凍飲加3蚊。因為媒體介紹着重湯底，所以今次光顧主要想一嘗，啖湯真的實而不華，湯色清但味道濃，配搭應有的洋蔥，青葱，九層㙮，芽菜，非常美味，值得一試。以下是建議老闆，如果生熟牛肉粉的湯底再熱一點會感覺好一點，因為還可以把生牛肉轉入粉下，令牛肉自控生熟程度。另一個建議，將火車頭粉加多一個細一點size及價錢，可以令一人前的人也可以嘗到這個粉。再一個建議，因任何粉飯都送飲品，但越式滴滴咖啡就不能加錢upgrade. 老闆真係考慮一下。…Read More

穩世上海食店，上海坊，位於大窩口邨旁的一間小店，裝修簡約，但食物質素就不得了。今次因為突然好想食擔擔麵，小籠包子，酸辣湯，所以上嚟找找附近食店。擔擔麵，湯濃花生味香，最重要份量可足夠2個人，所以大家要睇住嚟叫餐。一般上海店要食酸辣湯都一要叫一個order。好多時就怕食唔晒，就叫唔到，這間好在跟餐+$9就有一碗，最啱我呢啲想食，但又唔係食佢為主。再嚟一個上海粗炒加排骨(即係豬扒)，這間的粗麵麵質非常之彈牙。然之後再嚟一個order.小籠包子，皮薄有湯汁，薑絲在枱上預備好，任你加，這個就真係要豆漿需然係支裝，但店主叫的這個品牌，甜度適中，適合現時大部份人的口味。…Read More

此店老朋友非常推介去試食，今天終於有機會一試。店面簡約，不是裝潢華麗的日式餐廳，實而不華。午餐時段，真係都要排隊，好多人幫襯，但等候時間不太長，可以接受。吉列豬扒定食，當然有飯及菜，還有湯，最好的就是有茶碗蒸，白飯及菜是可添加，不用收費。服務態度非常良好，食客們平均質素都好高，大家食完就走，學足日本文化，所以等候時間不是太久便能入座。吉列豬扒，做到外脆內軟，保持肉汁，每一口都食到㕑師的功夫，記得添飯，都是日本米。…Read More

今天突然好想食海南雞飯，所以上嚟OpenRice 找找，看到這間店，又有泰式船麵，所以同老婆走去一試。叫了一份海南雞飯，味道可以，雞肉鮮嫩，醬汁都做到位，但沒有驚喜，油飯、清湯都可以。飲品叫了一杯青檸梳打，用泰國出品梳打汽水，汽度無得投訴。另外點了一碗香茅豬扒扎肉船麵，油麵底。此湯麵的湯濃郁好味，豬扒都貼身的切件上，油麵彈牙，但忘記比扎肉給我，要查詢後才補回，這個係出餐上的小污點。泰式奶茶味道可以，但略甜，下次要注明少甜。總括食物可以，但老闆想多賺錢及人流，要考慮餐的定價要下調一點，荃灣區此店的價格略高，若果可以把平均價在45-55的價錢區，應該生意很好。老闆考慮下薄利多銷，西區隧道年年蝕錢，城門隧道由開始後2-3年已經開始賺錢，$5過隧道維持到現在都唔使加價，可想而知，價格定位係令你賺多好多。…Read More

巴打生日，他徧好食海鮮，所以找到這間海鮮蒸鍋+粥底。再加49.90肉類配料，再加啤酒、汽水任隊。真係物有所值，每次海鮮都有專人起菜，不需要自己搞，淨係等食，服務員們都貼身照顧，真的要加分。龍蝦新鮮，入口一咬就知道，爽脆清甜。鮑魚蒸時間恰到好處，唔會好似食橡根，爽欶肉質，巴打生日，加送每人多一隻。蝶子一睇就知道新生劏，入口甜加爽，無得輸。蝦和花甲、蜆都係新鮮到不得了。肉類需然冰凍得有點實、硬，但等一等再放入鍋內，肉質一點都無問題，最後嗰啖粥，簡直係精華集中點，每啖都有海鮮+肉嘅味道，無得彈。…Read More

近日都幫襯了好多喇沙麵店，今日試試這間味道如何！這間湯底尚可，但欠缺鮮味，又係落了香港，港式化，用米線，馬來西亞湯麵多數都有油麵、米粉、河粉，甚至乎有參參(油麵+米粉)。希望有朝一日店主睇到，有所改變。服務方面，在落單至食物到都不錯，唯欠叫了三次，三個不同人要求兩杯清水，到走都沒有拿來。在食物與價錢的比對，尚可一試，未到物有所值。另外叫了一個巴東牛肉撈麵，牛肉冧，但做不到真正巴東牛肉的香辣，醬汁顔色遠遠徧離正中巴東牛肉的色，醬汁不夠多，令撈麵有點干食感覺，希望店主有所改善。…Read More

朋友介紹，所以光顧一試。放題價$198，可添食都只係一般放題的用料，這間加插了炸物及燒物任食，出事就係這個部份，叫了幾款燒物，全部燒得好干加帶燒焦左，失敗。湯底基本只有5款，其他口味就要加錢。炸物尚可以，但都是徧油膩，師傅控制不到，失望。放題任食任飲，但啤酒就要向服務員叫才有，不暢快，其他人非酒精飲品極不給引。一次性的刺身、泰式生蝦，品質非常一般，刺身盆都係一般嘅嘢。這次光顧後最點的敗筆係，火鍋店冷氣不夠凍，越食越熱且汗流浹背，若怕熱的朋友，要認真考慮可否接受到這個挑戰。食到火滾，一張相都冇影，所以請大家見諒。記得帶備現金或者用pay me. 每每都話卡機壞咗。…Read More

今天光顧這間日本拉麵店，在荃灣區都有不小日本拉麵店，但好食的都是寥寥可數，這間裝修風格好日本，但枱上配料只有五味粉及昆布醋，就真係減分不小。服務員態度尚可，因為不夠主動，枱上調味料用完都沒有主動添加，理應每枱都有獨立冰水一壺，唯獨我枱要叫才有。食物方面，味道、品質好味，我叫的是沾麵，湯不夠多，不夠濃，稀得像一般的湯麵湯底，不像一般沾麵湯底。所以這間不可算是日本式的沾麵，只係按本土口味的改造版，對一些有要求及追求日式傳統的沾麵食客，不要抱太大期望。…Read More

此間的喇沙味不錯，唯欠不夠正中，湯底欠缺了淡菜，所以是美中不足。福建蝦麵比較抵食，因為有肉有蝦，唯欠不能改參參底，可能店主要保持原本口味，怕變質為車仔麵。馬拉拉茶做得不錯。通菜水魷魚就只係食個醬汁，煮法沒有技術。…Read More

蝦麵是近日好想食的東西，做好功課去光顧此蝦麵店，價錢略貴，同區用這個價，甚至低一點，都找到好多美食。首先唔講食物，店員零招呼，無一個有笑容餐枱上只有筷子、一樽水、一個安心出行填寫表，就係無杯，要叫人才拿來，所有調味料及牙簽都無。餐紙都係叫人才拿來。需要有小小服務的食客要注意這一點。到食物，我點了辣味蝦湯底、蝦肉四寶參參，湯底唔夠濃，味道不是星馬那個，可能抵港後迎合香港人口味而改，但我不喜歡，蝦肉失望，彈牙感欠奉，視覺上看似半干蝦，四寶，魚蛋硬、貢丸一般、墨魚丸同魚蛋分唔到、魚腐尚可以。麵底係參參，油麵+米粉，油麵徧硬無彈性，米粉尚可以。若要回味星馬的蝦麵，可以不來，若要食個比較貴價麵，鄰近的日本拉麵店的食物相比之下，超值之選。…Read More

終於今天去試試這間新店，睇價錢是非常吸引，為什麼總不想去…因為怕中伏。今天試過了，不但改觀，還想寫下食評，推介給各位食友。我今天是選最平的那種放題，大人$88,小朋友$68。2小時放題，只是不包括酒精飲料、甜品(但可以食軟雪糕)、火鍋。韓燒食物、配菜、沙律都任食任飲。食物質素是物有所值，飲料中有多種花茶自選泡，自己一壺，咖啡用自助咖啡機調理，所以品質完全沒有問題，窩心的有玻璃樽裝的熱維他奶，還有店家自制袋裝果汁，非常搶眼及有心思。…Read More

物有所值，但欠有漏單情況，服務可以，三五人聚會都可以，8過人以上就要考慮。環境，食材質素是可以的。推介炸魚皮，響玲，堅新鮮及即做，有熱的感覺，牛肉、豬肉放題材料，真的物有所值，丸類材料都是必食東西。一次性的海鮮拼盆質素高，各式材料真新鮮，龍蝦啖啖肉，生蠔清潔，因為我食了一個半生熟的，翌日都沒有肚痛或疴的現象，真人經歷，沒有吹水。特別推介八爪魚，極鮮味又爽口，蜆全部都開口及鮮味。整體來說，此店可以的。…Read More