Sica.'s Profile

想食韓國嘢，一諗就會諗到韓國街，但每次諗到個價錢都有啲卻步… 好彩今次發現咗呢一間韓國嘢！令熱愛食韓國嘢嘅我有咗新蒲點。座位位置好空曠，坐得好舒服！一嚟到見到隔籬枱碗海鮮辣麵大碗到😂再睇埋個餐牌先係$98，好抵！嘢食方面，首推呢個唔多地方有既糖醋肉，一見到即刻上試，酸酸甜甜，薄薄嘅粉漿包住炸出軟糯口感，食唔停！呢到個鮑魚人蔘雞湯都大推，勁大條人蔘，成隻雞，勁大個鮑魚都係$188，雞湯清甜加小小人蔘香，呢個可以一試。同埋比較特別嘅，係海鮮炸醬鐵板麵，炸醬麵食得多，加埋個鐵板就比較少見，所以啲醬會比較入味，好濃郁。另外仲叫咗豬腳同五花肉拼盤，佢會有唔同醬俾你包住嚟食，店員推介五花肉包娃娃菜跟大蒜同韓國醬，而豬手就包生菜同埋蝦醬。嘢飲方面，佢呢度有啲自家製飲品，一樽樽嘅柚子梳打，好解膩。整體嚟講，下次同朋友想去食韓國嘢，都會返嚟呢度！同埋佢呢度有得慶祝生日😂店員會舉牌播生日歌，如果想同一班朋友慶祝生日都係個唔錯嘅選擇！係海底撈式嘅服務…Read More

估唔到喺香港都可以食到咁新鮮嘅日本野🥹今日同朋友嚟撐枱腳，吧枱位置幾好坐，好啱傾偈，我哋慢慢食都食咗成兩個幾鐘。☺️首先前菜係沙甸魚多春魚沙律，用紅蘿蔔同埋青瓜點嚟食，兩種唔同嘅新鮮夾埋口感好得意。跟住店員就將我哋今日嗌嘅海鮮全部show俾我哋睇，隻鮑魚仲喺度郁緊超新鮮！最特別係條池魚，佢瞓喺度平平無奇，但係一上到嚟，每一片都薄切，但厚度適中，再配埋酸醋汁加蘿蔔蓉，帶出池魚嘅鮮甜！份量都好多～推介要夾埋呢支梅子啫喱酒一齊飲，啫喱嘅口感第一次試！超濃梅子味同刺身好夾！燒活蟶子同鮑魚，估唔到食到佢嘅原汁原味，完全唔點任何嘢都好鮮甜，同埋好Juicy，但又唔會腥，對燒海鮮改觀！酒蒸文蛤，佢會用啲火燒一燒，帶出酒香，又係超鮮甜同埋有淡淡嘅清酒味（好似係）。燒鱈場蟹腳，啱啱去完北海道嘅我食咗超多蟹腳，但呢隻嘅size同味道，拍得上我喺北海道食嘅，$328 咁大隻！吞拿魚手卷同海膽三文魚子手卷，佢嘅吞拿魚蓉係手切，唔會太多脂肪嘅吞拿魚。海膽超正！$88 呢個質素同份量算抵食。✍🏻整體嚟講真係好少喺香港食到咁高質嘅日本嘢，新鮮得黎，完全食到海鮮嘅鮮味，同每一道慢慢上俾你，等你可以趁熱食，慢慢品嚐，真心推介。佢而家好似會員仲做緊八五折優惠～…Read More

到咗生日月，最近都想食好啲！😆係IG見到有人打咭造型滿分嘅啤酒拉麵，所以就嚟咗呢間係天后嘅居酒屋食飯🏮餐廳環境同裝修都好有日本風，餐具係櫻花主題，櫻花造型碟超靚！🌸前菜嗌咗夏之芒蟹子沙律，芒果酸酸甜甜，青瓜絲新鮮爽脆，清新又開胃！🥭🥒我哋仲嗌咗帶子海膽青瓜卷同和牛三文治，帶子海膽青瓜卷外型好吸引，海膽同帶子係完美組合！🐚每一嚿和牛三文治都配唔同調味醬，有黑松露、明太子、芥末子同蜜糖芥末醬，有唔同嘅味道組合🥩期待已久嘅日本啤酒拉麵，啤酒其實係凍蕎麥麵汁，上面係少少咸嘅忌廉，類似芝士奶蓋咁，夾拉麵個時啲忌廉會掛麵，忌廉嘅奶香同蕎麥麵汁嘅咸味又幾夾喎！食落口感好特別，造型又靚，打咭一流呀！💯至於兩杯特飲–北海道士多啤梨牛乳乳酸同蜜桃烏龍「熊」茶，個人比較鍾意蜜桃烏龍熊茶，甜度適中，仲有隻冰熊仔坐係杯面，好可愛！🧸餐廳侍應好有禮貌又客氣，佢地知道我就嚟生日，仲俾咗個生日燈牌我影相，真係好細心！😆🎂…Read More

銅鑼灣不嬲都好多餐廳，講到抵食 性價比高，依間應該都真係數一數二。同朋友嚟到，在一個漢堡包餐同一個鐵板，每人$100都唔使，夠滿足。鐵板牛柳，呢個真係必食，好驚牛柳會好煙韌，好難咬，但呢個啱啱相反，我哋叫咗五成熟，口感啱啱好，肉質鮮嫩。配埋佢呢度嘅黑松露蒜蓉同黑椒汁，好多唔同嘅汁俾你加落個鐵板度，絕配！安格斯芝士漢堡，嚟到嘅時候俾佢嘅高度嚇親，到底有幾多料，一隻手都拎唔晒，佢有兩塊漢堡同兩塊芝士，包面烘過鬆脆，口感多層次。我哋跟餐要咗芝士薯條，芝士汁唔會令到佢嘅薯條淋左，反而仲脆口。夾埋呢杯朱古力雪山，朱古力上面加咗cream，超肥但又好飲😂😂平民食扒之選🥰…Read More

如果係天后要搵間坐得舒服嘅餐廳，食返一個chill lunch, 呢度都係個唔錯嘅選擇，食完仲可以喺戶外嘅座位坐一陣飲番杯野。我地舒服到坐到啲人走晒 今次同朋友就嚟食lunch, 套餐包左湯或者沙律，同埋佢會上咗一個麵包先，個人就鍾意夾埋蘑菇湯一齊食😇Duck Ragu Linguine $138呢個係鴨肉扁意粉，份量都幾多，鴨肉切得比較細，可以每一啖都食到配料同埋意粉嘅口感，意粉咬口，呢個汁就會比較淡，岩晒唔鍾意太濃味嘅你。Grilled Black Angus Ribeye $198牛排好大塊，厚薄啱啱好，我哋叫咗五成熟，啱啱好食到牛嘅鮮味而且鎖住肉汁。特別要講佢個炸薯角，係超厚切！最後我哋仲加咗$20有個passion fruit cake, 今日個lunch好圓滿☺️☺️…Read More

食過一次九龍城總店，俾佢個湯底深深吸引，估唔到銅鑼灣都有得食！呢度一貫嘅懷舊香港裝修，好有港式味道。今次叫咗胡椒豬肚少爺雞湯$238，如果鍾意飲胡椒豬肚湯既，呢個真係要一試，咁凍嘅天氣，酸酸辣辣哋既雞湯，飲左幾碗都仲想繼續。酸菜同埋豬肚嘅份量好多，而且煮得淋身，再加埋半隻雞落去，令到成個湯更加鮮甜，而且雞肉嫩滑，仲要係冇激素雞。必食推介，花雕滑牛 $108，成日食肥牛，今次決定試啲特別啲嘅，估唔到呢個花雕滑牛真係好重花雕酒味，碌完牛肉超滑，陣陣花雕酒香。脆鯇骨腩 $88，食火鍋一定會食，個個都大舊新鮮，魚腩位比較肥美爽口。皇帝菜 $42，平時喺屋企好少煮嚟食但係同打邊爐係異常地夾，因為皇帝菜可以吸收到湯底嘅精華。蝦多士 $68，呢度嘅蝦多士估唔到都幾出色，多士脆口得黎唔會太油膩，加埋佢個酸酸甜甜嘅醬汁，成個好開胃。最後店員仲送咗個甜品俾我哋，係好得意嘅金魚糯米糍。首先將個條金魚放落鍋度煮熟，再剪開細份，撈埋師傅自己整嘅花生碎，香口微甜糯香，超滿足！…Read More

六兩三座位好有空間感，入到黎先俾佢嘅裝修吸引咗，台灣街道壁畫背景，前邊有幾個卡位，睇落好舒適，但係店員話如果我哋想食火鍋就唔可以坐🥲，唯有下次。最近天氣咁凍一於嚟試吓佢呢度嘅一人火鍋，唔係好食得辣嘅我掙扎咗好耐，最後都係試咗呢個台式麻辣火鍋，湯底唔算好辣小小麻，食開bb辣嘅我覺得啱啱好，跟湯既兩舊豆腐已經煮得好入味，鴨血超大嚿，一開口感超軟滑。仲有值得一讚嘅係佢嘅牛都好高質，推介呢個澳洲和牛牛面肉，雖然要加$20，但係肉質鮮嫩爽口，真係麻辣湯底真係好夾。朋友就叫咗澳洲M5肉眼蓋，呢個雪花紋會多啲，油花較重，入口即溶嘅口感。佢呢度嘅用料都好新鮮，同高質，連個椰菜都係大椰菜。主食方面我哋揀咗台灣粗麵，佢有啲似台灣牛肉麵嘅質地，比較煙靭有口感，同比較濃郁嘅湯底幾夾。台式一人火鍋都幾特別，冬天嚟到同朋友食個火鍋仲可以叫唔同種類嘅食物，滿足晒幾個願望。…Read More

深水埗不嬲出名多平靚正嘅嘢食，今次又多一間。見佢新開一於試吓佢，我哋叫到成枱小食都唔使$200埋單，碟碟都分量超多，超抵食！首先一定要推介嘅就係呢度嘅燒味，我哋叫咗個燒鵝燒腩仔撈粗，有成隻鵝髀，皮脆肉嫩，燒腩仔嘅皮仲要係脆卜卜，個撈粗我哋就加咗蝦子，佢嘅醬汁份量啱啱好，粗麵彈牙。醬皇豬手 $23，必食招牌推介，兩大隻，煮咗好耐，超入味，而且入口即溶，膠質豐富。爽口土豆絲 $20，辣辣地好開胃，而且土豆絲真係好爽口！酸辣無骨鳳爪 $28，鍾意食無骨鳳爪嘅你一定要嗌，呢個份量呢個價錢我真係唔知邊度食過，超多鳳爪酸酸辣辣勁過癮！海蜇手撕雞 $28，手撕雞超重麻香，雞肉嫩滑，海蜇就脆口，一碟滿足晒兩個願望。仲有就係佢呢度會送湯飲，個湯好足料！…Read More

呢間餐廳喺會展嗰邊，雖然位置比較遠，但係勝在睇到維港夜景，座位舒服，適合一班朋友/家庭聚餐。懷舊雞蛋焗魚腸本身味食過，朋友推薦下一試愛上，魚腸新鮮，焗雞蛋吸收左魚腸嘅精華，而且帶啲陳皮香，成個口感好豐富。焦糖黑毛豬叉燒呢個叉燒都幾有驚喜，叉燒半肥瘦啱啱好，食落有啲油脂香但係又啖啖黑毛豬嘅質感，焦糖令叉燒帶啲甜味勁夾。香蔥鮑魚砂鍋炒飯炒飯粒粒分明，鮑魚新鮮而且份量多，配埋炸洋蔥香蔥炒，令到個炒飯更加滋味，而且砂鍋保持住佢熱度同令香味更出，Keep住都食到熱辣辣嘅炒飯。火焰雞佢係好似乞兒雞嘅做法，用鹽包裹住雞，職員會開封拎成隻雞出黎再慢慢拆件，一打開充滿着雞嘅油香，每剪一下雞肉啲肉汁都流晒出嚟，然後最後用火燒一燒，雞肉嫩滑多汁。…Read More

呢度個環境都幾好，窗邊位仲有超靚嘅夜景，整體來講嘢食酸酸辣辣為主，如果鍾意食嘅可以一試。酸辣魚皮鮮魚皮唔係好多地方有得食，魚皮切幼條，鮮味之餘酸酸辣辣，幾特別。口水雞口水雞見到佢咁紅超驚，但食落又唔覺得好辣，有雞胸同雞髀肉，兩種肉質都好味。涼拌秋葵秋葵爽脆好fresh，個汁比較偏醋味。青椒開胃清香鱸魚薄切鱸魚新鮮，魚肉超滑，個湯酸酸地，同紅薯粉都幾夾，夠開胃。黃金椰菜花個人超鍾意呢個，佢係流沙鹹蛋黃伴椰菜花，椰菜掛晒啲醬汁，口感爽脆又滋味。紅糖冰粉食完咁多酸酸辣辣嘅嘢，食返碗冰粉，即刻平衡返晒，夠滿足。幻彩白桃養生花茶呢個花茶比較得意，顏色勁吸晴，唔會好甜。…Read More

呢間打邊爐新開左冇幾耐，座位間隔都幾有空間感，一班朋友嚟傾偈食嘢都係一個唔錯嘅選擇。今次我哋嗌咗$318雞煲火鍋任食套餐，包左鮑魚，刺身同火鍋配料。菜膽扣鮮鮑魚，肉質彈牙，醬汁香濃入味。五色刺身，有齊三文魚，希靈魚，吞拿魚，蝦同帶子，超厚切鮮味。為食竉竉雞煲配三寶雞煲我哋叫咗BB辣，店員同我哋講雞煲要炒三次，每2分鐘炒一次，第三次落豬皮，魷魚同牛柏葉，8分鐘食得。所以我哋好乖咁跟住，又真係啱啱好雞肉鮮嫩，配料爽脆彈牙。之後轉打邊爐仲有埋湯底揀，我哋揀咗蕃茄薯仔湯，超濃郁。手切牛肩頸，肉味香濃，入口嫩滑。聖子到海鮮拼盤，款款海鮮都超新鮮勁高質，特別隻蝦真係超大隻晶凝通透，聖子超爽口，啖啖鮮味。五寶丸，不同款式每款兩粒，啱晒我哋呢啲細食嘅人。鴨血都好滑！食晒佢套餐包嘅嘢其實都已經好飽，佢仲有啲配料可以追加但係我哋已經好飽了。…Read More

平時食海鮮都會入西貢或者去鯉魚門，之前朋友推介呢間，話呢到啲海鮮中新鮮過西貢，抵食過鯉魚門，所以決定一試！今次我哋揀咗$888至尊二人龍蝦套餐，包左多款主打菜，有齊龍蝦帶子鮑魚，即叫即撈即劏即整。本人最愛飲湯，呢度嘅杏汁菜膽豬肺湯，清甜湯水香濃杏汁，入口即溶豬肺，仲有埋花膠。旺角二小福，我哋就揀咗白灼鮮豬脷同白灼鮮粉腸。 佢個豬脷配埋佢呢度自家制嘅辣椒油，麻香微辣。鮮粉腸比較粉同埋多油脂，呢個點辣椒豉油食正d，但個人比較偏好爽口嘅內臟。鮑魚夠爽口，清酒味唔會好重，醬汁甜甜地。用左成隻波士頓龍蝦，肉質新鮮淡淡結實龍蝦肉，配搭粉絲同白胡椒炒，微辣滋味。蒜蓉粉絲蒸大元貝，粉絲比較爽口，蒜蓉提香元貝鮮味。咸蛋黃流沙醬配炸蝦球，蝦球超級新鮮，爽滑彈牙，外脆口內彈口。最後就系甜品，今日系芝麻糊，但系比係甜，冚左芝麻香。🥢整體來講推介如果想食新鮮海鮮，人均消費對得住性價比。…Read More

成日都見到呢間舖頭好多人，咁岩想食火鍋又見佢有埋點心食於是一於試吓。佢有五款湯底揀可以揀雞煲或者直接火鍋湯底，我哋陣間出比較特別嘅醉雞湯，一上枱估唔到佢成半份醉雞，2個人份量都咁多！酒味清香，雞肉鮮嫩！忍唔住叫咗個好耐冇食嘅灌湯餃，餡料有啲似燒賣嘅香菇豬肉餡，皮薄多汁配料方面都有幾多值得推介，選擇都好多！呢度嘅肥牛都必食，雪花紋靚，仲有三款唔同嘅種類揀。另外推介廣島蠔，大大隻，入口新鮮！必encore之一推介呢度嘅鵝腸，唔洗碌太耐，夠爽口，再encore 勁大碟真心推介呢個如果想食任食火鍋，性價比之選😍😍！…Read More

喺元朗行街嘅話Yoho都係一個幾好嘅地方，行到攰今次就試吓呢間新野。呢度座位都幾開放，行街行到攰坐下就啱啱好。12小時慢烤西班牙乳豬件焦糖菠蘿 $268呢個燒乳豬件因為係慢煮嘅關係所以肉質好幼嫩，鎖住肉汁，中間仲好juice，乳豬皮脆口，少少鹹香嘅味道。加埋甜甜地嘅焦糖菠蘿，兩個味道好得意，一甜一鹹。寶雲酥烤焗紐西蘭羊架 $238呢度嘅羊架煮得啱啱好，平時唔係好食羊架既我都忍唔住食咗幾塊，一啲都唔會好um! 呀媽幾鐘意。抹茶麻薯窩夫 $108佢而家嗌主菜嘅話窩夫有半價，熱愛甜品嘅我當然唔會錯過，麻薯窩夫煙靭，夾埋吉士抹茶brownie, 同抹茶雪糕，多重口感。…Read More

There is a number of attractive restaurants near this area. Talking about a good atmosphere with yummy goodness, Casa must be one on the list. The restaurant design is artistic in pink colour, which really draws the attention of every girl including me.Every customer is served with a plate of bread, it is soft and good for a starter. For the small plates, we picked the recommended Clams, like the fresh clams cooked with white wine and cream. The source is so creamy and just best match with the bread! For the main, highly recommended the steak tagliata if you are a beef lover. We ordered the medium well and it is just perfect, juicy, tender, loaded with flavor, and has a minimum amount of fat. For the side dish, there is creamy mashed potato and grilled tomato. For the dessert, it is different from the others, the Tiramisu here is just big and worth it. it is made with Mascarpone, espressos, amaretto, Kahlua. It is also perfect to finish dinner with a sweet dessert.  There is also a list of signature cocktails for your option, i tired the Fresh lime. like the good match of Vodka and raspberry and taste a bit sour and sweet. …Read More