Eateatest的个人专页

收工係灣仔想揾啲快靚正嘅餐廳，就嚟試咗好多人推薦嘅呢班米線！🔸金牌小鍋湯米線+四餸($79)加咗魚豆腐、生菜、炸醬、蝦球，叫咗小辣湯底，湯底香辣惹味，每樣餸份量都好多，特別想推薦蝦球同魚豆腐，蝦球大粒爽口，魚豆腐新鮮完全冇雪藏味，另外炸醬亦有分碗另上🔸滇池酸菜魚米線($78)加咗鴨血、萵筍同雞肉，米線質地滑身，酸菜魚米線魚片份量多，口感滑嫩，另外雞肉帶有肉鮮味，非常出色🔸昭通醬雞翼店員推薦嘅小食雞翼好值得一試，係其他米線店舖好少見嘅菜式，醬汁惹味，裹粉薄身，雞翼入味🔸雲南糯米香茶茶味香濃，飲落有米香味的餘韻…查看更多

收工係石門做瑜珈之前見有啲時間 同朋友試咗間拉麵小店！食完好有驚喜！值得推薦！晚餐平均一碗拉麵大概80蚊 份量比普通拉麵店多 性價比好高 加30蚊仲有個得加配腹滿套餐 有多⼀款小食同飲品 好抵食！餐廳環境舒適 座位非常闊落 呢度嘅店員仲好友善 主動推介佢哋嘅期間限定款式 🔸 蟹皇湯拉麵配炙燒豚叉燒($98)湯底非常鮮甜 叉燒肥瘦適中 蟹鉗嘅蟹肉好飽滿多肉 餐廳仲好細心咁剝咗一半殼 方便客人進食🔸甘口博多豚骨湯拉麵($79)湯底濃郁拉麵十分掛湯 有木耳作為配菜 同拉麵一齊食好一口感 呢碗本身配有糖心蛋 個蛋流心又入味 超正！🔸唐揚炸雞呢度炸物配嘅醬汁好特別 酸酸地 中和咗炸物嘅油膩感 炸雞皮薄多汁🔸炸海苔魷魚係必點小食 海苔連埋炸粉裹喺魷魚上 炸粉薄皮 魷魚新鮮…查看更多

今日突然好想食韓式燉雞 喺旺角揀咗一間好多人介紹嘅舖頭試 值得推薦！店舖環境舒適 座位寬敞 餐廳食物份量偏大 適合一班朋友叫唔同菜式一齊分享 朋友聚餐最啱餐廳除咗燉雞 仲有好多唔同款式嘅韓國菜 當中唔少得韓國菜經典嘅炸雞、炒年糕、泡菜剪餅 仲有燒酒點完菜之後職員會上一碟韓式前菜 一碟有三個款式 三樣前菜都好好食 個人最鍾意係豆芽 麻油味好香口🔸鳳雛燉雞(無骨) - 小辣口味燉雞份量好大 我同朋友兩個人share都食唔晒 燉雞入面除咗有雞做主菜 仲有薯仔、蘿蔔、青瓜 同薯粉等配料 各樣配料都非常入味 味道有少少似韓式炸醬 鹹甜剛好 雞肉嘅份量好多 食落嫩滑 雞肉味濃 另外薯粉吸晒醬汁嘅味道非常惹味 好值得推介🔸青提梳打食辣野一定要叫飲品！ 青提梳打口味清新 配個燉雞食一流…查看更多

朋友推薦呢間嘅平價港式火鍋 款式好多 有肉類海鮮同埋蔬菜 單點每樣餸最貴都只係三十九蚊 清湯湯底都只係八十八元 性價比好高🔸新鮮手切吊籠牛肉/雪花牛肉推薦呢間舖頭嘅手切肉類 試咗呢兩款牛都好新鮮牛味濃 因為叫咗豬骨清湯做湯底 碌完就咁食食到好重牛肉鮮味🔸鯇魚片鯇魚片食落爽口鮮甜 厚薄啱啱好 港式火鍋必點🔸嫩滑鴨血鴨血一份有好多塊 幾抵食 食落滑溜 最適合沾辣椒豉油食🔸手打鮮蝦滑/Q彈牛丸推薦手打蝦滑 蝦滑彈牙有海蝦鮮味🔸紅薯粉紅薯粉非常吸湯 即使錄咗好耐都唔會散開 打邊爐必備🔸三十九元蔬菜放題三十九蚊有成二十幾三十種蔬菜任食 性價比極高 個人最鍾意呢度嘅薯仔片同金菇舖頭其實仲有多款串燒小食 下次有時間會再嚟試埋佢啲串燒同酒…查看更多

見呢間台灣酸菜魚好多人推介 就同朋友一齊嚟試下 覺得呢間舖頭最好嘅特點係有一人份量 平時一般酸菜魚餐廳都係主打一大盤 有時一個人想食就冇得選擇🔸總長酸菜魚湯底辣度固定 有酸菜牙菜蘿蔔等做配菜 全部都吸湯好惹味 魚片肉質地滑身 當然佢地都有酸菜魚必備嘅寬粉係底 如果自己一個人食真係唔洗叫飯都好夠份量🔸無雙腸血旺魚鐘意食台灣臭豆腐嘅必試 湯底好重台灣臭臭鍋隻味 啱曬重口味嘅人 除咗有魚片 仲有豆乾王子麵金菇配菜 🔸台味滷肉西蘭花食重口味嘅野一定要叫個菜配搭 佢西蘭花係白焯上面淋有滷肉汁 口味清淡適合搭酸菜魚一齊食🔸浪子鹹酥雞雞球炸皮夠簿 食落又夠肉汁 推薦🔸蒜拌雲耳清新前菜 有少少酸味 食完好開胃🔸冬瓜黑糖奶凍推薦呢個甜品 奶凍重奶味 食落口感creamy…查看更多

呢間係辣味愛好者同芫荽控⼀定要試嘅拉麵店 店舖辣度超級friendly menu有唔同辣同麻度選擇 如果同怕辣嘅朋友食 朋友都可以叫走辣走麻 舖頭設計都好有特色 一入去見到好多日本風格嘅鬼怪公仔 營造到神秘氣氛🔸 增量叉燒辣馬味噌拉麵 (中辣走魔)叉燒差唔多有成吋咁厚身 一大塊咬落去啖啖肉好滿足 肉煮得好入味 肥瘦參半 麵條掛湯 中辣走麻嘅湯底味道濃得嚟唔會俗 🔸 芫荽辣麻味噌拉麵加味玉同拉麵 (中辣中麻)見佢係店舖推薦即刻試試佢 呢碗我地叫咗加底 上枱一大碗差啲滿瀉 芫荽蓋滿成個麵 夾起連埋啲麵一齊食好香芫荽味 芫荽控一定要試 溏心蛋咬落去中間流心煮得啱啱好我地兩個人埋單total 300蚊都唔洗 油尖旺區拉麵嚟講價錢合理 有機會會想試埋佢尖沙咀間姊妹店…查看更多

好耐冇食過石板燒 今次同朋友一齊揾咗間試 食完我地一致覺得值得分享！餐廳坐位不多 店內設計好似日本的小店 餐牌除咗提供石板燒 仲有好多唔同主食揀 我地叫咗兩個餐share🔸 御燒特級牛小排跟套餐牛小排嘅份量好多 一份有成十幾塊牛 職員好親切介紹燒法俾我地 過程又主動幫我地加火 牛小排一放上石板好快就傳岀牛香味 牛係薄切所以一塊大概前後各燒十秒就啱啱好 肉質有香濃牛味 我地加咗$35轉套餐可以埋有紫菜素味飯、流心蛋仲有麵豉湯三樣野 性價比高🔸 蒲燒原條鰻魚跟套餐一上枱見到個賣相已經覺得好吸引 鰻魚非常大條 size大到可以遮住成個飯 鰻魚肉質口感厚實 鰻魚汁味道咸甜剛好 配合埋套餐嘅紫菜素味飯一齊食非常下飯 最後埋單兩個人除開每人先至百幾蚊 性價比好高 已經bookmark咗要再去食…查看更多

✨ 孖啡 (旺角) ✨📍旺角彌敦道577號高氏大樓4樓第一次嚟呢間Cafe食！環境寬敞座位舒適非常有空間感 唔使驚隔籬枱會聽到你講嘢 Cafe可以坐好耐同朋友傾偈 幾啱我今次同外國返嚟嘅朋友聚會 套餐非常之抵食 今次試咗以下呢兩款🔸 香蒜白酒蜆意大利粉套餐更柚子蜜意粉軟硬度煮得啱啱好 配料海鮮蜆嘅份量非常之多 加加埋埋有成二十幾隻 完全冇偷工減料 性價比好高 🔸 煙三文魚意大利烘包配薯條套餐跟生薑蜜呢個套餐除咗薯條亦都有沙律俾我哋做配菜 可以中和薯條嘅油膩 主菜煙三文魚意大利包亦都配有青瓜蕃茄同埋生菜 配合三文魚一齊食非常清新 🔸龍蝦湯我哋見套餐加$28就有一個龍蝦湯就叫咗嚟試 飲落非常之Creamy 兩個人叫咗兩個套餐 總共有兩個主食、兩個嘢飲同一個龍蝦湯加埋$300有找！性價比好高！…查看更多

已經第二次食！上次食完覺得好唔錯今次再encore！但係今次店員同我哋落樓單要我哋等咗好耐🥹好彩佢哋發現咗之後即刻幫我哋跟返單同埋送咗個蒜泥白肉俾我哋食😛我哋叫咗麻辣海鱸魚 麻辣湯底冇得揀少有少鹽 所以佢味道比較濃郁同埋多油 今次叫咗中辣 但係佢難度都唔算好高 好似食緊小辣咁 海鱸魚嘅肉質口感結實多汁 配上麻辣湯底非常惹味 會令人忍唔住一啖接一啖食落去 舖頭嘅配菜亦都好多選擇 今次叫咗寛粉鴨血同娃娃菜 呢三樣配菜都同烤魚湯底好夾 下次會再嚟試其他口味…查看更多

叫咗烤火腿芝士配自家製蕃茄醬意式軟包同牛肉千層麵 意式軟包烤得好脆口 不過佢嘅自家製蕃茄醬偏酸 唔係好適合我口味 牛肉千層麵焗得啱啱好唔會太乾身 個面鋪咗會拉絲嘅芝士 中間嘅肉醬有香濃牛肉味 蕃茄嘅醬亦都啱啱好唔會過酸過甜 …查看更多

睇其他食評對個濃蝦湯拉麵好有期望 但食完覺得好普通 拉麵係味千拉麵嗰種麵質 拉麵本身個配菜好少 好多配菜例如粟米 蛋嗰啲都要加錢先有 拉麵湯底重口味 覺得愈食愈咸 整體咸覺一般唔會再encore …查看更多

要預約先可以上去食嘅穩世私房菜 去食嗰晚只有我地一枱 最驚豔到我係第一道上嘅湯 湯名係女人的心 凍嘅蕃茄配熱嘅南瓜湯一齊食 一冷一熱嘅配搭好創意 必試！！餐廳環境亦好有復古感覺 氣氛好適合celebration …查看更多

叫咗佢嘅第一名嚟飲 重乳烏龍厚奶芋走糖少冰 走糖依然會帶有甜味 因為佢本身有奶嘅香甜 平時唔係好飲得甜野嘅我覺得咁樣嘅甜度係啱啱好 唔會搶咗烏龍嘅茶味 小芋圓煙韌有口感 整體會俾8分 下次會試其他飲品！…查看更多

叫咗一個bacon jam BTL with whole grain bagel 一個smoked salmon with garlic bagel 仲有latte 冷熱各一 兩款bagel 加熱後都過硬 少咗bagel 嘅煙韌口感 但餡嘅味道岀色 BTL bagel 嘅肉醬惹味 smoked salmon 醒有檸檬 口味清新 不過咖啡就一般 咖啡味淡…查看更多

Lunch 唔想食咁貴 試咗間米線小店 發現原來係區內都幾岀名 叫咗雲南小鍋米線中辣加生菜同腩肉 湯底中辣都唔係好辣 重味精食完好口渴 腩肉岀色 肥瘦差半食落入味香口 呢度最驚喜係個米線面底 偏幼身但口落非常軟糯有煙韌口感 …查看更多