ysobone's Profile

聞說呢度ge早餐好食, 重有kc同王迪詩ge推介, 咁岩撞正係金鐘見工, 掂晒, 試下個早餐先, 上次幫襯已經係上年情人節晚餐!我同女友一人嗌一個set, 佢要egg benidict, 我要full breakfast!先來麵包, brown toast 同七穀包, 鬆軟, 剛剛烘好, 脆熱, 正, 搽佢地自家製strawberry, 杏, 橙皮果醬, 蜜糖, 正呀; 但杏加入薰衣草, 搶了味, 士多啤梨淡淡的玫瑰香, 橙皮略帶苦, 蜜糖清甜女友揀左鮮榨蘋果汁, 係會氧化ge, 新鮮; 我要西柚汁, 冇話驚為天人egg benidict 唔流心, 蛋黃呈半凝固狀, 但muffin比full breakfast脆邊, 正我ge full breakfast, 有番茄, 輕烤, 帶出鮮味, 但可再烤多d時間會更香; 烤蘑菇一般, 乾乾的; 金百利香腸加入香草, 清新肉味濃, 正, 煙肉都係一般, 炒蛋加muffin, 炒蛋味唔濃, 滑如醬, 唔會太稀, 連muffin食一流餐飲, cappuccino, 奶泡滑, 不太濃, earl grey tea還是老樣子吧…Read More

其實都唔係第一次來今次來都係happy friday drink! 加上頭先係榮華川食完, 唔過海去blue bar, 就搭215X過來, 望下維港東無敵海景well, 其實佢地d cocktail 岩晒d酒量淺ge人(包括小弟) 一入口果陣酒味唔濃, 偏甜, 易入口, 連出面飲落去好掯ge long island都係咁, 可樂味蓋過酒味, sex on the beach直頭似杯peach juice成份話有蜜瓜甜酒, 但係一d都飲唔出有酒味但係.....景色令人醉倒, 同知己坐係咁正ge地方吹水, 真係夫復何求…Read More

見到michelin guild 2012, kc, openrice好評過百, 搞到我又心思思想試下好老上街舖風味, 所以都嗌左d傳統菜色唔算落得多豆粉茨, 味道偏辣, 令我食其他野ge味覺下降鱔切成絲, 爽口, 味唔算好濃, 唔會食完口渴, 芽菜炒得爽, 唯一唔中意佢有薑絲夾雜係碟野入面呢個肉有d霉, 唔新鮮, 蒜泥食落口偏辣包較厚, 唔爆汁, 但肉餡香滑, 配以帶有酒香而唔算濃烈的醋, 好食很軟熟, 帶有麵粉香, 配以花生醬汁, 香滑可口八寶茶味似菊花茶, 飯後消滯不錯的, 豆沙鍋餅做得不油膩, 香口, 不錯…Read More

期待已久嘅頭盤自助餐今日終於有機會品嘗到388元有得食晒以下頭盤同埋一個pasta, 所以兩個人就揀左番茄龍蝦天使麵番茄汁唔算濃, 但味道清新, 略帶茄酸味, 麵質適中, 始終難煮得爽寬條麵質地al dante, 對於喜歡食有嚼頭的本人十分喜歡, 薄荷汁清新, 而碟中主菜就中規中矩, 始終我最愛吃的是麵不是蝦啊!頭盤自助餐最愛露荀, 清甜, 無渣, 爽脆, parma ham 味道濃郁, 鹹香沙律汁調得十分香滑, 但芝士味唔算濃, 對於唔中意芝士ge我十分適合, 菜十分新鮮, 清爽, 配以煙肉碎, 醒胃!還配以多種麵包, 當中grissini, olive bread, 牛角包味道出眾!…Read More

睇完王迪詩本食書, 經過分析後, 食完第一間介紹ge新羅寶後, 就到呢間所謂「全宇宙最好食ge海南雞飯」女友就黑肉(雞脾), 我就白肉(雞胸) 照足書中男女食法!講番碟飯先, 個飯薑蔥香味剛好化去雞油油膩的口感, 飯身唔爛, 但濕潤! 食落去好醒胃, 非同凡響, 白肉較瘦, 肉質唔算滑, 但未到鞋口, 食軟滑雞味濃就要食黑肉了!!!! 三個醬油方面都係中意雞醬, 辣得來酸甜度較好, 唔會搶走雞味, 相負相乘! 南洋豉油帶甜與稠, 接著就有咸鮮, 但本人較喜愛中式豉油, 薑蔥蓉不嬲都麻麻, 所以一味蘸雞醬! 呢碗雞湯, 一d都唔油, 濃濃的雞味, 老火湯的味道, 細味品嘗後, 十分美妙!!! 加上望著健兒們衝往維園, 一年只得一次!!! 非常美滿的午餐!…Read More

呢餐飯, 一個月前已急不及待訂位點知女友臨時上海公幹, 佢冇得試4連三星的中菜廳的實力不過受惠ge係喺澳洲放暑假ge表弟, 做表哥當然想請佢食野la, 係澳洲冇啖美食我同表弟早到, 侍者已立即問我喝什麼茶(每位25元), 聽完佢講之後, 想試龍井, 唔想飲普洱咁濃ge茶訓唔到淡淡的茶香, 水很滾, 喝一口, 滑進喉嚨深處, 舒服, 跟陸羽不相伯仲點菜, 是我壽星仔發辦, 不過是遵照了各食家的推荐, 一定沒死主菜前還是有每一道免費前菜花枝丸很爽, 彈牙, 墊底的那塊東西十分脆口, 像剛剛炸好一般, 新鮮醬油碟精緻得很, 每款醬油都有小匙, 西餐的sophisticated, 但味道並不強烈, 加上我也不喜愛食餸蘸醬油呢個名成日都唔識點讀, 加上各食家指定菜式, 一定要試, 龍=蝦, 帶=帶子, 玉梨=啤梨, 食落真係香、脆、爽、鮮、密梨香, 面脆, 蝦膠爽, 帶子鮮, 口感綿密! 果然係名菜 (180元)鴿腿肉較多, 肉質鮮嫩, 但兩老嫌冇肉食, 太細隻 (100元一隻)呢個煲聽個名冇諗到佢會有鮑魚, 同埋佢將魚肚擺上菜名上, 有其原因, 因為魚肚當真奪得該菜的最佳位置! 咬落去, 牙齒咬幾深, 就幾深, 唔會kick住(即太鞋口), 唔會跣(太薄, 冇口感), 感覺就係咁實在, 雖然看到不是高級魚肚, 但蘸左鮑汁茨, d汁係口腔內流動, 鮮濃, 不禁用匙喺個煲度整一羹, 擺入口再次品嚐! (600元)汁濃肉軟滑, 但厚切, 不會入口即溶, 好讓你慢慢感受和牛面的香味 (300元)第一次食到個炒飯, 米飯唔爛, 分開的來唔硬, 很鬆, 但不是散的, 很難形容, 總之係第一次咁正, 香氣撲鼻, 配料是啥重要嗎 飯就是主角!!!!! (260元)由於本人生辰關係, 少不了自攜蛋糕跟侍者飯前說好飯後吃蛋糕後, 飯後就立刻送上點好蠟燭的蛋糕, 為本人說聲生日快樂,送上祝福, 雖則這是機械式的動作, 但也被感動, 誠懇地跟他們說謝謝, 吹完蠟燭, 他們也隨即為我們切餅, 也毫不偏差地, 自動送上有字牌的一件蛋糕給我, 味道呢........還是tony wong適合香港人, 朱古力太甜了, 太膩, 但咖啡味濃, 不錯, 餅底很脆, 新鮮, 才不致太失望 (288元)除了一句生日快樂外, 還有點實際回應吧, 就是餽贈一籠壽包, 侍者送來道 "意頭嘛" 但我仍覺得這是一份心意, 大可以不送, 大可以收到切餅費, 還有, 壽包的擺法是充滿"意識形態"的.............尖向天的是傳統白蓮蓉, 橫放的是麻蓉, 淡淡的蛋黃混入其中, 個人較喜愛麻蓉餡, 不是黑芝麻, 太濃烈, 白芝麻的香令人覺得蓮蓉不會太膩....但有些包身有點硬......有點厚.....美中不足桂花清香, 但咬下去有明顯魚膠粉味, 還是那個酥夠香脆鬆化看圖會發明每道菜的件數是每人可平均分的, 這個細節他們也能做到, 令我感到欣喜, 侍者殷勤, 不疾不徐, 帶點笑容為我們奉茶上菜, 真是其他地方不能遇見的, 加上醉人的維港景色, 教人難忘的一頓晚飯!…Read More

食完瀰月屋, 同表弟漫步維園, 之後本來去崇光, 過馬路見到皇室堡, 又口痕, 又諗起食跟住同表弟講, 不如食宜家lor, 難得一齊過海食野, 二話不說衝入宜家肉丸肉味濃, 口感尚可, 唔鬆, 但配野莓醬係個絕配, 醒胃! 同埋唔好ge唔夠熱黑糖雞翼味正呀, 甜甜的兩個都係18蚊, 抵食!…Read More

食完小甜谷, 步行到天后, 即刻入瀰月屋食日式甜品呢個解釋為類似凍蒟蒻, 蘸上黃豆粉食完, 蒟蒻狀食品入口凍, 好! 但黃豆粉唔夠香, 同埋上粉有d難我地飲左杯巨峰特飲, 入面有蒟蒻, 總之用飲管吸一口, 蒟蒻隨之而上, 唔係一粒粒, 飲到冇晒為止, 令杯野口感更滑, 激讚!酥皮面薄而香脆, 但酥皮底硬到似樹皮, 不過都好香, 原個蘋果焗, 肉質腍, 大塊大塊真過癮, 自然的蘋果甜味…Read More

話說同老表上站食完達磨後, 諗住過番天后食瀰月屋, 諗諗下記得, 係wor, 小甜谷未試過, 食完再去呢個甜品係好多甜品店都好少見, 通常係上海舖先見(恕我孤陋寡聞) 但係呢度搵到, 即刻嗌, 連本人最愛ge名物紅豆豆花都要下次先好香桂花味, 酒釀味適中, 稠度恰到好處! 但丸仔口感一般, 黏了一點…Read More

麵身爽, 煙韌, 豚肉腍滑香濃! 還是不太喜歡醬油湯底, 不過湯是熱呼呼端出來的, 很好糖心蛋望落去整得幾好, 但我唔中意食蛋, 畀左我表弟食埋 整體是一間高質拉麵店! 最好就係唔使等位! …Read More

早於一個月前訂檯今朝confirm booking, 證明我當日冇打錯電話!紀念日ge晚餐一定要出眾, 上年就揀左法國菜, 今年就試一試意大利菜!同埋想試下白松露ge風味!!!!共食左3個, 水準唔太一致, 尤其係脆片, 不過車厘茄焗得香之餘保持鮮甜味, 麵包條香脆我不喜愛的芝士, 無法評論, 但幼滑很薄, 咸香, 入口即融, 但不算濃烈大蝦只得一隻, 兩個人食就唔夠蝦食la, 但新鮮, 甘香, 爽口, 意粉十分彈牙, 可能其他人會覺得唔熟唔淋! 龍蝦汁鮮濃滑!!陣陣香松露香味隨住bombana大師刨片ge時候散發出來, 完全籠罩整個餐廳, 因為白松露菜式此起彼落! 清香, 獨特! 配以和牛, 鵝肝, 薯蓉. 鵝肝香滑, 和牛有濃郁香味, 火候剛剛好!清新的提子雪芭, 配以淡香芝士蛋糕!呢個openrice推介, 未睇menu已經榜上有名! 不過美中不足係咖啡雪糕太liquid! tiramisu就無懈可擊!!!可可粉細滑香濃, 加上咖啡及芝士, 滑如絲!!!! 唔算甜! 令我呢個唔中意奶類食物都大舉姆指!free dessert x2 hahahaha 烏結糖同榛子餅都唔錯, 香口, 但拖肥糖就....都係caprice果粒新鮮ge最正!…Read More

出左新蛋糕(本人之前未食過, 就當新)就係medal 同devil coffee兩件都有橙香料, 將濃味咖啡同朱古力調和對比得非常好, 非常醒神mousse十分幼滑食完一件devil coffee, 真係變左魔鬼, 即刻想食多件, 不過太貴了…Read More

記得上一次食, 已經數年前, 經過米芝蓮一星後, 再試試有咩變化唯一肯定ge係價錢幾級跳麻香雞腳筋, 爽口, 帶點雞骨碎, 口感更加豐富, 麻醬香, 同雞腳筋配合得好, 是醒胃小食南乳粗齋, 沒啥驚喜, 南乳淡, 不是我的心水招牌撈麵, XO醬撈麵是也, 香口, 但麵質與其他麵家沒有大分別…Read More

之前食過芒果拿破崙, 好吃, 唔太甜, 酥皮唔林, 脆口, 唔太酥, 充滿芒果, 醒神所以今日試士多啤梨拿破崙點知成個餅得頂層有一粒, 其他就冇淡而冇味, 得吉士重要收多一蚊當時係舖入面食, 食完想係度棄置垃圾點知個女店員話, 呢求冇垃圾桶, 自己處理, 說話態度傲慢同埋我都唔明拿破崙寧寧舍舍唔擺出來?!…Read More

因為的士行錯路, 耽誤咗啲時間, 1245去到嘩, 啲人咁多嘅, 一邊牆都係人不過到正式登記時, 職員問你食邊間tea, 我話chocolate時, 睇睇張紙, 哦, 好啲, 唔使第二輪, 都係得幾枱客, 可想而知, lounge嗰邊幾咁多人兩點返到去, 重要排隊搭lift, 呢樣唔太好上到去, 原來圖書館係得半層空間 (因為102樓ge餐廳有兩層樓底, 圖書館就縮咗入去) 得幾張枱有海景Tea for two首先上飲品, 我地當然係嗌朱古力啦, 香濃, 幼滑, 唔嗆喉, 應該用黑朱, 泡泡效果令呢杯朱古力更滑餐前包點塊包唔夠鬆軟, 但味道適當, 唔會太重(咖哩包), 冇乜特別鴨肝醬朱古力撻鴨肝醬都係滑, 味天然, 唔算濃, 唔算搶, 帶點鴨肝香, 同朱古力平衡到芝士雲石蛋糕我唔食芝士都食咗, 芝士味唔濃, 慢慢品嚐, 最後都覺得膩白朱古力杯野莓醬醒胃, 與白朱古力較甜而膩特色相配, 下午茶中唯一可滋潤喉嚨的甜品朱古力撻呢個就真係唔記得有乜特別, 畀朱古力侵入成個口, 淨係撻內有紅莓醬橙味朱古力杏仁餅入口即融, 淡淡橙香, 較黏口朱古力貝殼蛋糕同雪芳類同, 朱古力味囉, 係唔會食到口乾朱古力拿破崙餅呢個係全個下午茶最好食, 比tony wong, paul lafayet 同類作品更超卓, 更似一粒粒高級版金莎擺入口, 榛子味濃而不膩, 十分醒神白咖啡慕絲朱古力撻又撻, 係呀, 不過個白咖啡mousse又幾滑, 咖啡味剛剛好總體, 冇再回來的理由, 自己唔係朱古力狂迷, 食晒有啲滯想像中嘅海景冇埋, 下次考慮食樓下tosca…Read More