風仁丸's Profile

好似係第一次黎青衣城，目的係食晚餐。沒一定話要食邊間，由於這間最快有位，所以....牛肉燒得好好食，芒果絲又夠青新，正好中和肉類的肥膩，加上芒果粒的酸甜，感覺醒胃。這個配合作為頭盤真係適合不過。這個炒河就普通左小小，一般啦！個汁唔辣但好香甜。但份量十分少，雞肉相當珍貴，可能廚師知道多都冇用，因為好"鞋"唔好食，主打係個汁，所以一定要加錢跟多客蒜蓉包，否則就沒意思了。所以這個煲的價錢便是$80另外叫左杯咖啡沙冰，當我飲左兩啖之後才想，點解沙冰d冰係大大粒嘅。我相信這杯只是一般的凍咖，並唔係沙冰，但已飲過，唉！算數！但這杯凍咖都甜得交關，我接受不到的甜。最後以芒果糯米飯作結，可惜芒果唔甜仲有點澀，失敗。…Read More

中午食晏12點左右，到香檳大廈，同事話新記的之士麵好出名，想試吓。殊不知，門是開了，但還未營業。老闆娘話開12:30。心想真係咁唔優做。算數下次再試。咁啱今日早收工，4點幾，同事話而家去食之士麵啦!坐下來望住個餐牌，不得了，全都要三十幾蚊，飲品再加$9一個豬頸肉之士公仔麵加凍奶茶$48賣相就係咁啦！都幾求其架！豬頸肉好香口野味，正！公仔麵煮得軟硬適中，唔錯！之士汁係卡夫之士溝金寶忌廉湯，簡單味美，撈麵食真係good呀！不過這個份量下午茶可以，但午餐就唔掂喇。而這個價錢午餐還可以，但下午茶就唔掂喇。…Read More

$108任飲任食。湯底只須$88，還有多款可供選擇。無得...頂！低食之選$128片皮鴨連鴨件湯底，表面上令你感到膩而食少左其他野。實質是只須比多$40就有成隻鴨食，大佬呀！返大陸都食唔到呀?又有邊個想得到原本去食火鍋會變左食片皮鴨咁鬼馬咁驚喜架。無得...頂!豉油不會太鹹，又大兜，醬油費都只是每位$30，有冇可能收咁平架!如果想加蔥、蒜、辣椒等配料，無問題，只要比錢就有，真係好方便貼心，無得...頂!D肥牛脂肪豐腴，分佈均稱，一份肉對兩份脂肪，嘩!一放進口內，即滿口油香，歷久不散，此等貨色，不可能在超市及街市可以買得到。無得...頂!蝦夠新鮮，芝心丸彈牙，炸魚皮酥脆，蔬菜嫩綠。還有多款付費食品可供選擇，響鈴都只是$28，豐儉由人。無得...頂!三個人食，$88湯底，沒有任何項目，每位$165…Read More

在GROUP BUYER團購左兩張優惠劵($140一位)星期一訂星期四，好順利，可能是21:00-23:00比較容易有位‧在門外的價錢牌標示21:00-23:00的價錢是$218，而最貴時段19:00-21:00是$238.沒有團購所指的$398‧難免有點被搵笨的感覺‧服務方面本人要求唔高，所以可以接受‧食物質數方面，以我食過的作以下粗略評論(以百幾蚊一位的價錢作比較)刺身整體唔錯，排列整齊，有冰薦低，唔會一堆咁比你‧蟹,三文魚及油甘魚都好肥美，值回票價之選‧壽司沒有大舊飯的情況出現，品質亦比完六的好‧款式亦不少‧蟹粥賣相平庸食落確不同，好鮮甜‧肥牛鍋，原來有烏冬，一般，肥牛真係好肥，而且仲好靭‧青酒煮蜆，沒青酒味，這是當然的，但有沙就接受唔到‧天婦羅及串燒，完全唔掂，一點成意都冇，可以不食‧沙律菜，好唔新鮮‧汁煮田螺，螺肉，八爪魚，菠菜一般‧牛肉他他，雖然唔知點解叫牛肉他他，因我理解牛肉他他是生牛肉碎，這個是五成熟而且是一片片的，不過又幾好食‧泡菜超正，可以叫多D，唔會飽肚又醒胃‧青酒淡而無味，都係飲ASAHI啤酒好D‧埋單要比$40服務費(每位)，好似有D唔底，因為是團購應該是平多一點個心會好過D，所以覺得GROUP BUYER有誇大優惠‧睇新聞話團購服務的投訴不斷增加，所以大家要小心‧…Read More

原本打算去鼎泰豐，行到銅鑼灣廣場見到有南翔，就這間吧！不走那麼遠了。一坐下來職員便叫我們點茶，$8一位，都算平過酒樓嘅，而且質數幾好，最好的是個茶杯，設計好好，好想買番個。鮮肉小籠包6's($28)→味道唔錯，皮薄而軟硬適中，但小了一份鮮味。排骨擔擔麵($48)→湯底好味，麵質爽滑。如果有肉碎及炸菜粒再加一點辛辣就無得頂啦！件豬排好入味但不夠香脆。酸辣湯($22)→嘩！小得可憐，亦唔係十分足料，偏酸。某些鍋貼大王的酸辣湯比她做得好。鱔糊炒麵($55)→這個上海粗麵對比以上的食品是最出色的一個，好味。如果個汁可以再"杰"一點就更好。…Read More

肥仔叫我陪他食晚飯，他說介紹我吃一間好好吃的牛肉麵，說的就是九龍城的大婆牛肉麵。他點了一碗大牛肉麵($46)，我要碗小的($40)，酸菜竟然要收$2，再加一碟鹽酥骨。其實大與小的牛肉麵的分別不在於麵底，只差大約一件牛肉。牛肉麵→ 麵質有彈性又夠滑，湯底濃味，但少了台灣牛肉麵的那種藥材味，但都是好味的，而最正是牛肉，她用的是牛展，夠入味，夠香濃，筋夠多，入口鬆軟又不黐牙，無得頂。:)鹽酥骨→ 入口酥香唔"鞋"外脆內軟，因為有好多肥肉，愛健康人仕，可能不太合適，但對我來說尚可接受。…Read More

程班長剛登陸香港時，在食評的真假上起過一番風兩，誰是誰非，不得而知。事過境遷，她依然屹立於銅鑼灣，我都係時候要見證一下。紅燒牛肉麵($42)→之前有睇過食評話好油，但我果碗就唔係好油。傳來的香味令我想起"滿漢大餐"，但牛肉就不夠"滿漢大餐"的好食，湯底亦不夠濃味，唯一可取的是麵條，整體來說，拍馬都未能追得上台北的"老董牛肉麵"炸醬麵($36)→麵條好，炸醬亦調得好味，如果肉可以腍一點就更好。酥炸排骨($28)→原來係一件豬扒，仲要係薄切，唔夠酥，好一般。唔可以話好差，但唔算得上好，可能是地區關係，價錢略為貴一點。…Read More

兩男兩女專程去食靚煲皇,原本友人說食正斗會好d,由於我未食過靚煲皇,加上飲食男女又有介紹,講到鬼咁正.叫了一個招牌靚煲皇,手切肥牛,脆鯇腩,蟹柳,蟹籽丸,西洋菜,一支啤酒&酸梅湯.招牌靚煲皇→失敗之作,d大蜆有沙,豬骨奇差.手切肥牛→仲離譜,一d肥都冇,像去街市同牛肉佬買十蚊牛肉炒嘅的牛肉沒兩樣.其他不過不失,埋單差不多六舊,仲要食唔飽,頂...好彩有義海大結局睇,如果唔係都唔知點算.…Read More

我們5:30便到達，職員說6:00才營業，咁其實都等了半個鐘。一行三人，叫了一個什錦吉列定食($512)，跟餐有一客炸軟殼蟹，另叫了一客吉列豬排飯($165)，跟餐麵豉湯+$轉豬骨湯。自己磨芝麻，但又唔覺好香芝麻味。炸軟殼蟹麻麻地，唔係好脆。什錦有四種炸物，分別是豬排、豬柳、蠔、蝦。吉列豬排→豬排比豬柳好食，有肉汁，不過時間耐了味道差很多。所以一定要襯熱食。吉列豬柳→豬柳較乾，口感一般。吉列蠔→夠大隻，又鮮味，外脆內嫩。吉列蝦→四樣最好食的就是蝦，超級彈牙，給口腔帶來最高的享受，正正正。吉列豬排飯→這個飯較為失色，不值$165。唔排除可能是太飽的關係。之前我的感覺是百幾蚊一隻豬排，點食得飽，但原來可以好飽，因為白飯任添(其實一碗都夠)又有咖哩汁，椰菜絲有多種醬汁選配口味清新，絕對可以食得好飽。還有是她們的服務一流，當然是她們的食物貴的原因。但起碼令我們比錢都比得高興。…Read More

已經是上年的事了,還好這店還沒摺埋.當時去食這拉麵的原因,不是他出名,而是openrice寄了一張Domon拉麵的$50coupon比我,既然有讚助,一試無防.現場環境清幽,應該說成層都好靜.若不是有coupon的引領,相信我到這層用膳的可能性很低.所以openrice應該繼續提議客戶多送coupon或各種優惠給openrice的食家.言歸正傳.這裡菜色選擇都十分之多,但我們一心要嘗的是拉麵,亦有叫女友鍾情的曼魚.牛油拉麵---->看他自家的介紹,札幌拉麵,以濃味見稱,果然相當濃,而且仲好咸,可能是咸得正宗,但我接受唔到囉!此外义燒及拉麵都好穩妥,可惜未見驚喜.咖啡拉麵---->咖啡香濃,相對來說沒那麼咸,受樂不少,值得一讚.浦燒曼魚---->好味!曼魚汁已完全滲入曼魚表面,肉質嫩滑,味香濃.奈何份量少.不是他的拉麵不好,卻又不是十分好,如沒coupon,再次光顧的機會不大.因這裡的消費都頗高.…Read More

冇戲好睇,為有坐低慢慢食晚飯.之前來過i square見到有間壽司店很多人在門外輪候的.這就是"monster sushi"今晚唔係好多人,只須輪候兩個號碼,女朋友要求坐bar枱,所以要等多一會.想坐bar枱就是想在回轉帶上挑選食品,但好可惜,回轉帶上的食品小得可憐,好像快要關門一樣.(入坐時間是21:10)只好低頭落order.吃了以下食物:三文魚壽司,喜靈魚壽司,曼魚壽司,蟹棒壽司,曼魚玉子燒,冷烏冬配芝麻醬,拖羅芒果三文魚卷及不知明的軍艦壽司.在門口看餐牌有提示,本店的壽司會較大件.這好明顯是誤導,我真係唔明佢點解會咁寫,跟本是騙不到人的,食客是有眼看的.他只是切得長而薄身.而且卷物方面我覺得做得比較細件.壽司好食,但飯已加上醬油,所以比較易散.拖羅芒果三文魚卷都好好味.不知明的軍艦壽司,是用蘿蔔薄片代替紫菜,好清新.曼魚玉子燒,曼魚弄碎了配上曼魚汁超好味,缺點是蛋包唔住曼魚,曼魚會漏出來.冷烏冬配芝麻醬,芝麻醬好好味,烏冬爽滑只欠煙靭,最差的是份量太少.服務方面:可能我今天時運低,我坐下至我食第一碟壽司,還沒有人為我們奉上熱茶,直到我要出聲為止.還有直到我們結帳走人為止,沒有人為我們添過一次水.我杯茶已完全飲晒了= =" 只好怪自己唔出聲啦!埋單仲奇怪,放下了帳單便走了,我放下了visa卡後沒出聲,看看他幾時才回來.等了良久,結果是沒人理,只好舉手叫人收.還有是坐位沒有地方放手袋,都幾唔方便.到了這個食評的重點:本人當食了有味精的食物便會有口渴的感覺,味精越重,口渴的感覺越持久,就算已飲了水,口渴還會持續.今晚吃完monster sushi後,再到貢茶買了杯愛玉檸檬,回到家飲了一罐啤酒,到現在寫食評還感到口渴.+_____+"…Read More

女朋友看雜誌有介紹,便鐘黎試吓.門外已圍了一堆人,有一個員工在門口派位及向第一次來吃的人客介紹及解說流程.價錢是$12/100g 心想起碼2,3百克都冇走雞.結果我們搞左4百幾克出來.($50.5)自己唧雪糕加配料的確幾好玩.味道同ok便利店差不多,但不夠雪糕車的香滑.軟雪糕在我的觀念是十分底成本的.所以這裡的軟雪糕偏貴,但開心無價.來這裡食雪糕不應該問好唔好食,而係問好唔好玩,由其是一對小情人來到,志不在美食!店內狹窄(旺區是必然的),如果人客太多時,(因為外買不用等,可直接入內玩)會影響玩樂的心情.…Read More

每次出旺角都好頭痕,唔知食咩好,因為選擇實在太多啦!所以咁次不想太多了,看見生龍清湯腩,就食佢.這裡主打除了清湯腩之外,還有巴基斯坦咖哩.所以叫了一碗清湯腩和咖哩牛脷飯,一次試齊佢兩款食品.清湯腩米粉→湯底夠清,清得來夠香,香得來亦夠味.但牛腩不夠腍,好似有味精.整體份量較少.($27)咖哩牛脷飯→與亞龍咖哩相似,以大量洋蔥為主,牛脷夠腍,唔錉.我要中辣,但我覺得唔夠辣,亦唔夠野味,悉合唔係好食得辣人士.($40)p.s:巴基斯坦咖哩不是本人喜好的咖哩.店內濟迫,但好在客人不多.地方清潔,服務沒什麼不好.…Read More

這間的魚蛋粉之前食過，ok的，買成廿蚊一碗，做得好食都好應該。今晚是食晚飯，所以叫飯食會飽d。本人是愛吃咖哩人士，所以點了咖哩牛腩飯。咖哩來到我的面前，見到有純白色的物體，看真點，原來是大大件全生的洋蔥，還有青椒。賣$32，唔算好貴。但煮得比工業大廈的飯堂還要差，個吓幣。咖哩汁已經是好一般，洋蔥、青椒、薯仔、牛腩，完全零交流，感受得到它們是被迫走在一起。咁又何苦呢!唔識煮咖哩唔係罪，但唔識煮仲拿出來賣$32，就罪加一等。好地地賣魚蛋粉算啦!…Read More

第二次幫襯.銅鑼灣要食酸辣粉,除了金西南就係渝.招牌套餐→酸辣粉，薯粉煮得啱啱好，有咬口，但湯底一般，不夠酸辣。 口水雞，雞肉嫩滑，醬汁香辣。三款小食都唔差，由於麻辣汁做得好，所以青瓜和夫妻肺片都好 味， 而個木耳就唔夠爽口。 桂花冰，外表美觀，入口清甜，解辣一流。($72)川北涼粉→這個粉比較失敗，可能我這一碟煮過了時，又或是他的涼粉就是這種質 地，一夾就散再加上好正宗地配上炸黃豆，但硬得不能下嚥。 ($30)擔擔麵→我第一次食到沒有湯底的擔擔麵，配上肉碎及花生碎加上麻辣汁，撈暈就 食得。由於他的麻辣汁確實造得出色(怕油的人士未必啱食)，再加上 爽口彈牙的麵質，一流，好一碗麻辣撈麵。而作為一碗擔擔麵，它便欠 缺一份花生醬的味道。($34)麻辣豬尾→老闆介紹，試下啦!都係個句，由於麻辣汁造得好，所以加了大量麻辣 汁的豬尾，正。但本人覺得，如果他的豬尾不是炆腍而係煮得爽口的話會更好食。($50)青瓜豆漿→好清新的青瓜汁，將豆味完全淹蓋。但比淨青瓜汁好飲。只恨太貴。($18)地方企理，老闆服務好，厠所雖小勝在清潔，值得一讚。…Read More