D.D.D's Profile

是日冬至，特地買外賣回家跟兩老吃，在美食平台盲選屋企附近餐廳，見到餐廳名幾特別，menu 都幾吸引，點左五樣嘢返屋企三個人食（其實我哋唔算大食，可能因為係例牌，份量唔算好大）由上至下，左自由，分別係：蒜蓉粉絲蒸茄子，味道唔錯，蒜蓉味夠，難得有蒜味但又唔辣，但如果加多啲粉絲就更好！母親大人話茄子夠肉，唔會好似外面嘅咁樣咬落去冇嘢食。瑤柱蛋白炒飯，打開個盒嘅時候好驚喜，冇見過咁多瑤柱，食落香口，亦唔會太油，下次會再叫。啫啫雞煲，最好食嘅唔係雞，係豬潤。芥菜鹹豬骨煲，芥菜夠林，豬骨亦好味，唔會難咬，食完雞煲飲啖湯，非常良好。蒜蓉蒸蟶子，本身係叫蜆但賣晒，餐廳提議改食聖子，不過不失。…Read More

今日父親節，但又唔想太夜食飯，一早book左下晝三點，預訂時知道係串燒時間，冇定食不過完全冇問題，就係掛住佢既串燒所以再黎！而且餐廳仲話我聽，可以留定D海鮮，個人黎講認為海鮮依然係清蒸最好味，不過諗住可以多D花款，所以Reserve左大眼雞、虎蝦同白鱔。串燒黎之前，餐廳送左一小碟淮山漬比我地試淮山好爽口，帶陣陣wasabi味，但又唔會似蘿蔔有少少酸，好味！然後係黃油雞翼 ，真係好好食，外面非常香脆，雖然雞翼望落去瘦瘦地，但入面油份十足絕對要每次必食另一樣一定要食 （兼且好抵食）既係燒豆腐，滑滑嫰嫰，難怪要用兩枝竹籤味道同口感都係一絕本身想叫chef recommendation既home made 雞肉棒，但原來有釀甜椒版，作為蔬菜愛好者既我當然必選椒一D都唔辣，望上去有少少似煎釀三寶，但食落完全係兩回事雞肉餡非常有咬口，唔單只係彈牙，咬落非常有質感，而且非常入味不得不提既係隨串燒上既三色鹽，好特別，有柚子鹽、紫蘇鹽，仲有一種唔記得係咩...至於預留既海鮮白鱔好好食，爽口冇腥味，一D都唔潺，可惜屋企人都唔食鱔，我唔好意思叫多兩串(一路食，一路浮現某米芝蓮中菜廳既白鱔煲仔飯，疫情之後冇再食過)雞皮虎蝦，我一開始聽，仲以為係將雞皮釀起虎蝦入面，但原來用雞皮包裏住虎蝦，食落脆口、有雞香又有蝦既鮮味，又唔會麻煩強烈推介大眼雞打卡一流，同羊架一樣放起大大既碳色盤，好有氣勢，顏色又靚，原本大眼雞味道淡淡但係個汁酸酸地好好食！唔想食太多紅肉既話係一個好選擇 （不過要預訂）最後，因為不停見到出鏡率極高既黃菊花，最後先知道原來係食用花！好特別！…Read More

今天一家四人去吃了個下午茶，感覺有點遠的，對於不熟悉路的我來講還不太好找但反正早到了，也就按著地圖走過去離地鐵站不算「太遠」，但頂著太陽還是挺熱，不過總比下雨的好...到了之後，雖然訂了座，但安排入座不算快，幸好門口放了幾張沙發，時間不難過點的不算多，給大家介紹一下：素菜兩份，因為家人有吃素的，第一份是很清新的，相對性味道不大，第二份帶辣的，兩份配搭吃特別好點心都很便宜，吃著沒有驚喜沒有驚嚇，不過有個挺好的，就是腸粉是三色腸，一碟有齊蝦腸、叉燒腸、牛肉腸，是選擇困難症患者的救星。腸粉的皮有點厚，但夠滑。雞扎相對來對是沒有那麼好吃的，不知是不是開吃的時候已經冷掉了，有點硬。上素粉果、蝦餃、牛肉球還是可以的。點了兩個炸的，炸煎堆我沒有嘗，聽家人說就是沒什麼特別，但那個綠色的餅 (我現在還是搞不懂裡面的是香芋還是紫薯，反正就是外邊有點脆，裡面有點甜，吃一個的話還算可口。這茶居價錢很便宜的，坐的恰好是卡位，非常舒服，但就是地理位置不太理想天氣好的時候還好，如果下雨的話就麻煩了…Read More

前幾日特別日子，又費事出街食，搜尋咗好耐，最終決定叫平時都會食嘅Nadaman 🍱 。本身都有啲擔心，外賣返嚟水準會唔會有參差，好彩色香味俱全，包裝得都好靚，完全冇失禮！包裝嘅木盒本身有用日式方法包裝好，好有拆禮物嘅感覺，可惜木盒上面有少少豉油漬便當打開後，原本擔心會唔夠食，「八」宮格入面份份到好似好細好精緻，不過睇真啲，原來左下角鰻魚下面全部都係飯，最後其實食唔晒 🤓🤓大致上都好好食，特別係牛肉（睇返Menu我估係和牛）入口即溶，不過整體來講，入面嘅菜式同Menu有啲分別，介意嘅朋友最好問清楚…Read More

星期五晚，實在不容易搵位食飯，很好看到這餐廳食評不錯，又不需要久等，決定試試。餐廳室內環境不錯，我們四人坐高枱高櫈，尚算舒服，剛好在靠窗的位置，雖然望出去單馬路，但感覺仍然不錯。食物很快便來，我們點了一個二人餐，加甜品和兩款小食。個人最欣賞這個三文魚牛油果墨西哥卷。一開始以為是已經轉成柱形的，上菜時才知道可以自己弄，牛油果配了番茄salsa，非常有驚喜，一向不吃牛油果的我，也讚不絕口。墨西哥餅軟硬適中，讚！Carbonara 算是意大利麵的經典，這裏的意大利麵咬口很好，味道不錯，如果多一點煙肉會更好，溫泉蛋火候剛剛好，上菜的時候可以看到蛋在抖動，不過如果可以一同把pepper送上來，服務會更加分！不過不失的法國燒春雞Brownie配雪糕非常可口，不會太苦也不會太甜，雖然吃到最後已經很飽，但這個經典配搭實在好吃，焦糖爆谷更是錦上添花！朋友認為這個Apple crumble更好吃，我不認同整體來吃，餐廳性價比挺高，坐得也算舒服，位置非常方便，就在朗豪坊旁邊，價錢也很親民。原本想試蟹肉Muffin 但已經售罄，可以下次再試！…Read More

COVID閉左關好耐，終於出動搵食，我上次經過見到新開張，同朋友一行四人決定試吓，有驚喜！坐吧枱嘅話，可以睇住師傅整串燒，有大玻璃隔住，唔使怕油煙。（因為吧枱已滿座，所以我地坐卡位，又唔好意思影到其他食客，冇影相😂）本身以為座位偏少，不過原來入面有幾個卡位，就算四個人都坐得好舒服，嗰日仲見到隔離枱有小朋友。裝修比較簡約，但係有啲睇頭：餐牌好多選擇，鬆左一口氣，因為朋友鍾意食肉，但我鍾意食得清清地。飯糰串，表面金黃色、脆卜卜，個人覺得氹小朋友食飯一流。炸牛蒡、蒜頭，強烈推介漬物，炸牛蒡唔會太油，比薯片更脆，蒜頭🧄味道超好，但唔識形容，雖然只係漬物但睇得出花左心思，唔會hea。我本身唔太好肉，朋友狂食肉時我有好多其他選擇，值得一讚！蕃薯比出面既好食，有個本身唔食蕃薯既朋友，試完之後都試左一串 👏🏻👏🏻👏🏻我本身都鍾意青椒🫑，但好怕上面既蘇蘇 🙈菠蘿穩陣，份量十足。朋友們叫左好多肉，試左部分，味道非常唔錯，但今次主要食植物類 🙈🙈，下次再黎試。另外侍應哥哥話weekend lunch有定食，好似幾吸引。但稍有不足，冇乜甜品揀，如果加埋就圓滿喇！整體黎講，質素相當唔錯，埋單果刻比想像中平，又可以食地道日式氣氛，或者選擇舒舒服服坐大枱！讚！…Read More