dyiongw的個人專頁

百樂門為老字號潮州食府，最近推出58週年套餐，當中不乏矜貴食材。另環境雅致，宴客聚會都好適合😌入座後即送上甜酸菜及功夫茶，服務殷勤😌🌟58週年套餐（$580/位，2位起）.🥢滷水鵝肉拼墨魚鵝肉唔韌，墨魚有咬口，底部豆腐滑溜，滷水汁好入味😌🥢鮮蝦黃金角外層炸得好香脆，內有彈牙蝦肉，蘸醬汁同食更添惹味，另伴粟米片幾特別😌🥢竹笙螺頭燉湯湯料有竹笙、螺頭及雞腳，味道香甜清潤，非常暖胃😌🥢6頭湯鮑魚炆柚皮鮑魚軟腍size唔細，柚皮綿密入味，伴鮑汁好滋味，另柚皮處理比較煩複，估唔到套餐可食到😌🥢鹹菜煮馬友魚件馬友魚厚肉，經煎炸後與芹菜、榨菜及冬菇絲同炆煮，味道昇華之餘，更添口感😌🥢原隻滷水鮑魚撈麵撈麵彈牙爽身，麵質味道不錯，加配鮑魚倍感矜貴😌🥢福果清心丸綠豆爽清心丸口感煙靭，配綠豆爽令口感加倍提升，入口清清地又唔甜😌.🥢合時生果飽足後送上切件新鮮橙，多汁又清新😌…查看更多

最近去咗港島香格里拉cafe TOO嘆咗個非常豐富海鮮buffet，餐廳好似海鮮集市，款式多到花多眼亂，係視覺與味覺嘅震撼😌.🦞熱食海鮮區熱食區最吸睛係兩大竹簍，分別係熱辣辣嘅清蒸龍蝦及蒜蓉粉絲帶子，龍蝦保留原味，肉質彈牙；帶子蒸得啱啱好，蒜香撲鼻，粉絲吸收晒精華，每次一出都被快速清空😌🧊冰鎮海鮮區冰鎮區就好似海鮮珠寶櫃，長腳蟹、鮑魚、琵琶蝦、麵包蟹、三點蟹、大蜆及海螺等全部排得靚靚，款式真係勁多，每款賣相都好新鮮，真係海鮮控嘅誘惑😌🍣刺身壽司區壽司款式不少，而刺身有吞拿魚腩、油甘魚、三文魚及甜蝦等，刺身新鮮有光澤，吞拿魚腩及油甘魚腩肥美回甘，當中吞拿魚腩只限星期五至日及假期晚市供應；另有提供自由𢳂三文魚子丼飯，三文魚子經過醃漬，岩晒三文魚子控😌🍽️熱食區熱食方面都唔馬虎，秘製翡翠鮑汁花膠大大舊，花膠好黏口；避風塘炒羅氏蝦香口惹味啖啖肉；酸菜海鱸魚清新解膩；川貝海底椰瘦肉湯好潤喉，啱晒夏天飲；糯米蒸花蟹就係驚喜之選，蟹肉混埋糯米一齊食，口感層次好豐富；另有專人即切牛扒，牛扒外層微焦，內裡粉嫩，肉汁豐富，食落啖啖肉又唔膩，係肉食控嘅福音😌🥢粉麵區粉麵區有花膠蟹肉撈粗，蟹肉配花膠，不得不食；時令燉湯係花膠蓮子百合燉瘦肉，湯底清潤，有被滋補咗嘅感覺；粥品有鮑魚雞絲粥，粥底軟綿鮮甜，雞絲又唔乾，食落好有層次😌🍰甜品區甜品選擇勁多，除一大堆鮮艷奪目嘅糕點外，仲有水果及gelato 雪糕。雪糕中以黑芝麻及烏龍茶味最濃，入口香滑，茶味回甘。最驚喜係花膠蛋白杏仁茶，入口有膠質，唔會太甜，足足encore咗三次😌整體嚟講，dinner buffet好有誠意，唔止食材新鮮，連擺盤、烹調都見到心思，甜品區亦展現海鮮元素。如果你都係海鮮控，呢場盛宴唔試真係對唔住自己😌…查看更多

餐廳位於銅鑼灣，門口放滿供出售嘅鮮花，內裏亦有花卉佈置，非常fancy，簡直係為女士們而設嘅餐廳😌💐山野花間雙人套餐（$1,088）.【前菜】🌸吉祥•絲娃娃店員會先送上精緻小鉸剪，享用前先為拼盤剪綵，另備籤筒供食客抽出印有不同語句的餅乾，非常有儀式感😌拼盤有9小碟，附以食法教學，以餅皮包住各款素食食材，再淋上帶辣嘅醬汁，味道清新且刺激味蕾😌🌸富貴•花廚小食拼盤- 酥心•炸豆腐丸子- “面若桃花”麻辣田螺- 金槍魚塔- 乳酪米扁拼盤賣相精緻，分別有四款小食，每款小食都各具特色，而且好啱打卡😌【主菜】🌸福圓•古法酸湯山珍菌菇鍋素食鍋內有蘿蔔、南瓜、松茸及羊肚菌等各式菇菌蔬菜，湯底帶香濃蕃茄味，味道酸甜醒胃帶菇菌香，屬養生暖胃之選😌🌸桂花照燒菲力牛排（200g）牛排半熟軟腍，醬汁混有桂花，牛排蘸汁後帶桂花香，預先切片亦食得方便，岩晒懶人，伴菜有烤過嘅薯仔、蕃茄、南瓜和西蘭花😌【主食】🌸如意•陳釀臘腸糯米飯糯米飯以鑄鐵鍋盛裝，所以保溫力強，除一向會有嘅臘腸外，仲加入Parma ham及肉鬆等，糯米亦有別一般，口感介乎米飯與糯米之間，係配搭新穎但又出奇地夾嘅fusion菜式，絕對有驚喜😌【甜品】🌸平安•抹茶乳酪扇賣相有點似如意結，內裏有紅豆，與抹茶味道很搭配，底部有燕麥碎增加口感😌【飲品】🌸古樹紅茶/壺（熱）味道與一般紅茶無異，但解膩確係一流😌🌸美滿•刺梨“茉力”泡泡茶入口帶茉莉香及微氣泡感，味道酸甜有點似維多C😌點選此套餐可免費體驗植物染製作工作坊1次（$99），有得食、有得玩、又有得打卡，確係值得推薦😌…查看更多

上環有間潮洲私房菜，環境以獨立房間為主，私隱度及空間感十足，房間內有掛衣corner，又有專人服侍，服務非常貼心周到，好適合商務聚餐或親友聚會😌.店員先上琥珀合桃及鹹酸菜作餐前小食，另餐前、用餐中段及餐後分別有功夫茶及菊花茶清洗味蕾😌💥潮味雅饌-傳世盛宴（$980/ 位起）.🌟精·緻🥢潮州滷香凍鮮鮑魚🥢潮州滷水豬腳筋豆腐滷水以南薑、八角、桂皮等十多種香料熬製，絕對講究，味道唔會死鹹，反而滷水香味十足。鮑魚好入味且Q彈軟腍，配搭青瓜入口清爽；豬腳筋與豆腐配搭恰宜，充滿膠質😌🥢黃金三色蝦多士蝦多士外層炸至金黃色，賣相好吸引；選用虎蝦，質感厚實彈牙，釀入蟹籽令口感提升😌🌟養·生🥢花膠青欖燉鮮鮑魚湯原隻鮑魚與厚身花膠盡顯奢華，味道温潤香甜，滋補又養顏😌🌟鮮·活🥢胡椒焗阿拉斯加蟹伴長旺以阿拉斯加蟹腳入饌，蟹肉爽實帶鹹鮮味，底部粉絲伴以大量蟹肉，另吸收咗蟹肉精華，入口帶胡椒香，非常惹味；另蟹腳剪掉部份蟹殼及以燭火保溫，這方面顯得非常細心😌🌟禽·戲🥢八寶片皮雞雞肉去骨拆肉，再混入腰果、合桃及西梅乾等，雞皮則非常薄且香脆，整體口感直線上升😌🥢四式滷水拼潮州菜少不得滷水拼盤，拼盤有鵝肝、粉腸、墨魚、鵝頸肉及豆腐，最讚係鵝肝及鵝頸肉，鵝肝入味綿密，鵝頸肉去骨帶嚼勁😌🌟時·令🥢方魚炸鹹肉炒芥蘭芥蘭削去外層硬皮，入口脆嫩，方魚及炸鹹肉令芥蘭帶鹹香，變得惹味😌🌟五·穀🥢上海小籠包每隻小籠包內均含滿滿肉湯，與醋同食屬必然配搭😌🌟甜·沁🥢鴛鴦甜品甜品為豆磚奶酪及楊枝甘露，前者外層係麥皮，入口清新帶豆香；後者加入哈密瓜，實屬全新配搭😌…查看更多

位於沙田帝京酒店嘅日本鐵板燒餐廳最近推出一人前激安優惠晚市套餐，套餐有齊刺身、鵝肝、龍蝦、牛扒及蠔等食材，仲有大廚係席前烹調，人均價錢都唔洗$500，性價比真心高👍🏻🇯🇵八式·鐵板豐盛晚市一人前（$468）.🔥蟹籽沙律蟹籽份量不少，配青瓜及蟹柳絲等，味道屬正常發揮😌🔥時令刺身三點刺身有三文魚、油甘魚及帆立貝3款，入口甘味且尚算肥美，質素唔錯😌🔥素菜天婦羅（日本番薯、玉米筍、椎茸）粉漿薄薄一層，入口香脆帶蔬菜天然甜，簡單配天婦羅汁，熱辣辣又好食😌🔥焦糖匈牙利鴨肝配黑醋汁鴨肝外層煎至焦脆，內裏帶creamy，配香脆多士及黑醋汁，有口感又可減低膩感😌🔥鹽燒鰻魚鰻魚肥美厚肉，不用以其他醬料調味，簡單以鹽燒可突顯鰻魚天然味道😌🔥原隻鐵板波士頓龍蝦（+$150）活龍蝦新鮮生猛，大廚即席將龍蝦解體烹煮，入口啖啖肉，肉質鮮味彈牙😌🔥鐵板燒美國牛柳牛柳有一定厚度，大廚倒入酒烹煮，火勢猛烈甚有視覺效果，牛肉煎至半熟，肉質juicy帶酒香😌🔥濃湯豚肉廣島蠔鍋廣島蠔份量唔少，豚肉有質素，鍋內有各類蔬菜，伴熱湯同食可減肉膩感😌最後仲有白飯/ 炒飯/ 炒麵 / 湯烏冬、炒野菜、味噌湯及甜品，真係飽到捧住個肚離開，非常推薦👍🏻…查看更多

來到荔枝角一間居酒屋，平日晚市已人頭湧湧，基本上已坐無虛席。雖被安排坐bar枱，但可欣賞到師傅們製作食物過程，而且他們友善健談，期間多次請我們品嘗白子等不同菜式，非常好客👍🏻🏮金龍珠海膽吞拿魚蓉卷（$158）卷物大大件，內有醬漬蛋黃，口感黏糯帶醬漬鹹香，與海膽及吞拿魚蓉好夾，眼見好多枱食客都有order😌🏮金糖盒 - 蟹肉三文魚籽日式豆腐（$128）最中餅上有海膽豆腐、滿滿三文魚籽及蟹肉，以魚子醬及紫蘇花點綴，底部配搭棉花糖，味道鹹甜甚有特色，另置於高腳玻璃盤子上，賣相精緻吸引，真係睇得又食得😌🏮戀丼 - 月見特厚燒牛舌三文魚籽（$238）單係賣相已不能抗拒，牛舌好厚身，外層燒至焦脆，口感軟腍又不失嚼勁，三文魚籽多至滿瀉，伴橙紅色蛋汁同食，好食到舔舔脷😋🏮戰神鍋（$660）選用兵庫縣即開生蠔，數量多達十五隻以上，可刺身或放昆布湯底輕灼食用，size唔算好大隻，但勝在味道和品質唔錯，入口creamy且帶鹹鮮甘甜，而且更配有蔬菜盛盒😌🏮A4鹿兒島和牛(2塊)(+$188)額外追加嘅和牛油花均勻，色澤亮麗紅潤，入口充滿脂香😌🏮厚燒牛舌心（$58）🏮嚴選松板豬（頸）（$58）🏮安格斯牛肋肉（強嚼勁）（$58）🏮自家製雞皮蝦（$58）即燒串燒好高質，牛舌心軟腍但有咬口；松板豬焦脆且充滿油香；牛肋肉juicy有嚼勁，充滿肉香和脂香；雞皮蝦有特色，味道不錯😌…查看更多

酒吧位於灣仔AKI酒店，環境好有格調，落地玻璃令感覺開掦舒適，可俯瞰灣仔城景及遠眺海景，飯後chill嘆一杯確係唔錯😌🍸OOLONGTINI（$160）以3款single melt whiskies與烏龍茶、蜜柚及橙皮調配，最後經過煙燻，飲落味道清新帶茶香、果香及煙燻香，非常易入口，係酒吧signature cocktail😌🍸TEMPLE By Marco（$190）Cocktail混合了whisky、Hojicha Liqueur及柚子汁，味道酸酸地好refreshing，而且都幾適合打卡，女士好岩飲😌🥃Whisky Flight（$380）有6杯(每杯20ml)來自世界各地嘅whiskey，分別係紐西蘭、印度、台灣、美國、法國及日本，建議品嚐每杯酒之間以清水清清口腔，以更能突顯各杯酒嘅風味特色，whiskey愛好者必點😌…查看更多

最近有間新餐廳進駐尖沙咀美麗華，餐廳為Woooloomooloo副線，主打fusion菜式，當中嘅煲仔飯菜式、牛奶樽奶昔及霓虹燈等裝飾更突顯港式元素，充滿懷舊港風😌🥩MOOO’ Salad（$98）沙律有火箭菜、紅菜頭、蘑菇、牛油果、紅辣椒、山羊芝士等，作開胃菜入口清新😌🥩Flamed Mussels（$208）青口煮至剛熟，入口鮮嫩帶鹹香，一隻接一隻食唔停口，另麵包配醬汁同食好惹味😌🥩Chicken Wings（$138）雞翼外層包住香脆粉漿，配搭酸薑絲及川式蜜汁，味道酸酸甜甜，入口香脆又滋味😌🥩MOOO Mixed Grill（$498）燒烤拼盤有澳洲封門柳、香料豬肉腸、烤雞串及醋漬沙律，封門柳中間呈粉嫩，與蘑菇汁好配搭，烤雞串入口焦香啖啖肉，唔使蘸醬汁都已好入味，醋漬沙律則可減低肉膩感😌🥩Virgin colada peach ($68/ 17:00-19:00）Mocktail混合咗Coconut milk、Lime及菠蘿等，味道清新酸甜幾好飲，另於17:00-19:00 happy hour時段有特價😌🥩Red bean shake （$68）牛奶樽外型好搞鬼，混合了紅豆、淡奶及雲呢拿雪糕，味道與紅豆冰相似😌…查看更多

餐廳裝潢走大正時代風，充滿和洋復古氛圍，食物主打各式丼飯或鍋物定食😌🇯🇵黑毛和牛丼定食（$168/ M 120g）丼飯定食有4款，分別有M/ L/ XL 三個size，均附有時令前菜、味噌湯及鮮嫩生蛋。.和牛份量不少，肉質剛熟唔韌，拌勻生雞蛋同食可增添蛋香，珍珠米入口也帶有牛脂香，另沙律新鮮，醃漬前菜則可中和和牛本身膩感😌🇯🇵日本黑毛和牛A4赤身（$168/ 120g）鍋物定食有3款，可選配日式昆布柴魚湯或關東風壽喜燒湯，隨附時令前菜、野菜拼盤、日本珍珠米飯及鮮嫩生蛋。.半熟和牛肉味濃有嚼口，配料有雜菜、雜菌、芋絲及腐皮等，壽喜燒湯底味道咸中帶甜，很好下飯😌…查看更多

餐廳位於灣仔AKI酒店內，以法國菜為主打，木系裝潢設計有簡潔日系感覺，整個用餐環境好舒適，另價錢及份量都幾親民😌🍴Sharing Set Menu （$960/ 2 persons）.店員先送上餐前麵包，拌麵包嘅法國牛油混入炒過嘅洋蔥，味道特別香及豐富😌🥗凱撒沙律·生菜·煙肉·巴馬臣芝士生菜原個切半，灑上煙肉及巴馬臣芝士，並拌有醬汁，賣相有別於平時常見的凱撒沙律😌🥩法式傳統牛肉他他（100克）牛肉他他與雞蛋拌勻後，口感滑溜有少少嚼勁，拌烘多士同食減膩之餘又多一份香脆口感😌🧅法式洋蔥湯洋蔥湯內有法式多士及芝士，另洋蔥已煮至糖化，入口香甜帶濃郁洋蔥香😌🐔法國黃油雞·羊肚菌·蘆筍·炒飯黃油雞選用雞胸部分，慢煮過後完全唔嚡口，雞皮口感焦香，羊肚菌則令整個飯味道提升，每粒飯均充分吸收羊肚菌香😌🥩牛柳·香草青醬·蕃茄牛柳中間呈粉紅色，口感好腍唔嚡口，即使唔配醬汁都好食，配香草青醬則令人有一刻食緊羊肉感覺😂🍰白朱古力·香草海綿蛋糕·檸檬檸檬外層以白朱古力製，內裏有白朱古力mousse及檸檬醬，兩者配搭唔會覺得好甜😌🍰Chef Ricky精選甜品當日精選甜品係dark chocolate mousse，味道帶點苦及酸酸地😌🍾Perrier-Jouet Grand Brut, Champagne（$180）味道偏淡且帶少少提子味，好易入口😌🍸Apple Crumble（$88）味道聞落好香，有Apple Crumble味道，另外好似有少少陳皮梅嘅味道，味道幾特別😌…查看更多

餐廳位於中環，高樓底及落地大玻璃令觀感開揚舒適，靚靚小酒吧亦好啱同朋友飲酒傾偈，食物質素又令人喜出望外，服務仲殷勤friendly，整體表現都係近期食過最好嘅steak house，非常推薦😌.🍴Charcoal Baguette & Focaccia兩款麵包都係自家製，竹炭麵包帶芝麻香，Focaccia食落脆口，另法國煙燻牛油及油封蒜頭真係好好食，令麵包味道提升，係靈魂所在😌🍴Crab Crepe（$288）以蛋包飯嘅製法，將蛋皮包住一絲絲蟹肉，蟹肉非常足料，另配三文魚子及醬汁，口感及味道都係滿分😌🥂【Wine Pairing】Champagne Ayala Brut Majeur以法國香檳區嘅Chardonnay釀製，入口帶青蘋果及檸檬香，口感輕盈清爽，非常易入口，女士應該會喜歡，作為Aperitifs配搭生蠔或蟹餅最適合不過😌🍴Beef Tartare（$268/ 5oz）骨髓油份較重，令生牛肉入口帶濃濃脂香，另配秘製薯條及多士，不但多咗香脆口感，又可減低膩感，配搭驚喜又perfect match😌🥂【Wine Pairing】Robert Mondavi Napa Valley Chardonnay美國加州知名酒莊出品，酒體濃鬱帶蜜桃及菠蘿等果味，伴有檸檬皮、杏仁清香及牛油香，與白肉類料理更為配合😌🍴France Ribeye（$888/ 12oz）🍴Asparagus Side（$88）🍴French Fries Side（$88）牛扒外表焦香，內裏肉質粉嫩，牛肉味好濃郁，口感軟腍juicy，不論配特製醬汁或芥末，都食得好滋味👍🏻蘆筍翠嫩，清清地簡單配醬汁已好好食；薯條即使後期凍左，都仍然保持香脆口感，十分抵讚👍🏻🥂【Wine Pairing】 Escudo Rojo Baronessa PRothschild家族於智利釀造嘅深寶石紅色調紅酒，酒體濃厚帶果香，且有豐富橡木層次感，飲落柔順易入口，非常適合配搭各類牛扒😌🍴Tiramisu（$118）店員即席於整盤tiramisu 潷起，甚有儀式感，食落口感幼滑濕潤，滿滿咖啡酒香又唔甜，呢款餐廳嘅signature甜品值滿分😌…查看更多

餐廳裝潢優雅帶格調，樓底好高又光猛，每逢假日及週末提供brunch buffet，有多款海鮮、烤肉、即煮pasta、精選沙律、凍肉拼盤及甜品等供應，全程都chill住食足😌🦞海鮮早午自助餐（$598/ 位）.🍴海鮮區有生蠔、長腳蟹、龍蝦、蟹鉗、大蝦及青口等，生蠔唔算好大隻，但好乾淨且有蠔味，一啖一隻密密食，encore左好多轉；龍蝦有膏且好鮮甜，食落啖啖肉；青口配醬汁同食好惹味，整體質素幾好，非常推薦👍🏻🍴烤肉區有和牛、豬腩肉及芝士龍蝦等，和牛肉質呈粉紅色，口感軟腍；豬腩肉外皮烤至金黃，入口焦脆😌🍴即煮意粉區除有熱葷外，仲有多款意粉、醬汁及配料可揀，所有意粉即點即煮，加埋芝士勁惹味😌🍴沙律及凍肉拼盤區沙律種類多，每款都好新鮮；凍肉則有各色火腿、芝士及煙三文魚等，最岩作開胃前菜😌🍴甜品區有多款糕點、生果及雪糕等，整個甜品區都好colorful，甜品控一定鍾意😌…查看更多

餐廳有幾間分店，今次去咗葵芳分店，環境裝潢幾有特色😌🇰🇷特級牛肉搭配（$548）拼盤內有4款牛肉，二東刀紋牛排骨及韓國屠夫特選牛排都係韓國直送，前者加入醬料醃過，入口肉嫩好juicy，後者肉質相對較有咬口，肉味亦較突出；極級霜降肉及牛膈肌滿有光澤，前者入口軟嫩，油脂較重，後者肉味濃且帶嚼勁😌另配有韓式辣蘿蔔、生菜及特式醬料拌燒肉同食，醬料內有貝柱及蜆肉等海鮮，入口豐富且帶鹹鮮口感😌🇰🇷火焰牛油海鮮3+1鍋（$298）3+1鍋分別係指3類海、陸、空食材及1款湯，海類食材有熱炒小章魚及五花肉，陸類食材有熱炒豬皮及豬腸，空類食材有香辣無骨雞腳及辣炒雞肉，另配酒煮牛油海鮮鍋。店員先將酒倒入鍋內，並點火燃燒生蠔、蝦、蜆及青口等海鮮，及後加水與海鮮同煮成湯，即時香氣四溢，而海、陸、空3類食材均香辣惹味，充滿韓式味道😌🇰🇷Mango Sparkling Ade（+$50）芒果梳打內有果肉，飲落帶芒果香甜，配燒肉與鍋物，既清爽又解渴😌…查看更多

酒樓位於尖沙咀，除有一貫酒樓菜式外，另有鮑參翅肚套餐做緊優惠，奢華又抵食😌.✨奢華珍饈2人套餐（$580/位 (兩位起)）.🥢生拆蟹肉翅蟹肉翅真材實料，魚翅及蟹肉比例都多，每羹都有啖啖魚翅及蟹肉，味道及質感都唔錯😌🥢芝士龍蝦（伊麵底）龍蝦厚身啖啖肉，芝士質感香濃且稠，與龍蝦係絕配，更令平平無奇嘅伊麵變得更好食😌🥢清蒸海斑海斑新鮮且肉質嫩滑，並無蒸得過火，簡單配蔥及薑絲清蒸，最能帶出魚鮮味😌🥢8頭禾麻鮑魚拼遼參鮑魚及遼參炆得軟腍入味，遼參更膠質滿滿，兩者配搭更顯矜貴😌🥢帶子西蘭花西蘭花翠綠，帶子唔算大粒但好厚身，入口滿有口感😌🥢瑤柱蛋白炒飯炒飯炒得乾身，內有蔥粒及瑤柱碎等，味道清清地😌🥢甜品有4款甜品可揀，揀咗熱馬蹄露，內有切片馬蹄肉增加口感，味道唔太甜又爽口😌…查看更多

餐廳位於中環，裝潢帶有中國色彩，主打麻辣四川菜，並連續11年獲得米芝蓮推介，更曾獲米芝蓮一星殊榮🤩最近餐廳分階段推出「懷舊十八式」菜單，令客人可嚐到經典懷舊菜式，感受昔日滋味😌另辣度可因人調校，不論係無辣不歡或未能食辣人士都照顧到😌.🌶️前菜名為「麻、辣、燙」嘅前菜有豆芽、粉皮及花生，豆芽偏麻少辣，粉皮爽口偏辣，花生則脆口😌🌶️龍井蝦球（$488）蝦肉大隻且新鮮彈牙，面層有龍井茶葉，入口帶微微茶香，醬汁酸甜內有洋蔥粒等，配生菜同食，味道帶點清雅之餘，更有清新爽脆口感😌🌶️竹網茶香排骨（$338）排骨大小適中，外層金黃焦脆，內裡軟嫩多汁，伴以辣椒及香蔥同炒，入口會先感受到香麻，隨後辣感會係口腔延伸，伴以淡淡茶香滯留一段時間，有鑊氣又惹味😌🌶️水煮桂花魚（$488）魚肉嫩滑無骨，食落有彈牙口感，感受到魚肉本身嘅鮮美；底部有薯粉、蘿蔔及豆芽等，吸收咗湯汁後充滿麻辣感，味道唔會過咸或過辣，開胃又惹味，推薦😌🌶️The Orient’s Orchard（$158）Cocktail以荔枝及lime調配，初入口時酒味較重，待以荔枝汁製成嘅冰融化，與酒混合後味道變得香甜，味道亦唔會變淡，冰內更有荔枝肉，非常啱女士飲😌🌶️Song of Sunset（$138）Mocktail以熱情果肉、青檸及kombucha調配，味道清新酸爽，配麻辣菜式更夾，既可解辣又可解渴😌…查看更多