夜貓俠 =]'s Profile

最近減脂期，好多邪惡嘢都戒咗，但係今次失手🙈今日行街行到口渴想買嘢飲，但宜家citysuper foodcourt 裝修緊，得返一個細攤檔賣食物，選擇唔係好多。加上今日天氣極唔穩定，不停落大雨，都唔想出室外，咁岩見到哩間台式飲品，俾佢哋嘅茶香吸引到🧋今次係第一次飲哩間茶飲店，以前每次經過希慎店都大排長龍，完全排唔到。時代廣場店安靜啲，有一張長凳可以坐住等，旁邊仲有一張高枱，放低嘢企埋一邊等都唔會太阻空間。風格同希慎店有啲唔同，時代廣場店工作區同樣係白色，但其餘地方係用木紋色。雖然店舖無希慎店咁大，但係時代廣場店唔算太繁忙，加埋木系裝修，整體環境時代廣場店相對較舒服。飲品可以揀已經預設好嘅配搭，或者跟據自己口味去配，先揀茶底，再揀調味，再揀配料，大部分嘅飲品都可以揀甜度冰量。水仙葡韻纖菓冰茶 ($44)Grape Iced Tea with Konjac最近出咗葡萄系列，係期間限定😯茶底可以揀松針綠茶、玉露青茶 或者 水仙桂花。今次試吓纖玉菓子😌，甜度揀少甜，配玉露青茶。甜度岩岩好，茶味好出，飲到青茶嘅甘味，配埋提子肉粒，酸酸甜甜，味道好清新清爽。纖玉菓子口感煙韌有咬口，成杯飲品口感好豐富。國王珍珠奶茶 ($38)Bubble Milk Tea朋友揀咗人氣之選嘅國王珍珠奶茶，同樣係少甜。茶底預設鳳眉紅茶配皇家厚奶，哩款厚奶好似係招牌之一。茶底好香，奶味的確係比其他品牌嘅珍奶濃厚好多，口感好綿密好順口，好似cream咁，好香好滑。茶唔會太濃，同厚奶夾埋一齊味道好平衡。珍珠夠煙韌，唔會太硬亦唔會太稔，唔錯👍🏻下次大家嚟Times Square行街可以試吓👍🏻原來宜家茶飲店做緊活動優惠，8月18～21號每日晏晝5:30～6:00時段關注社交平台吃茶三千香港官方帳號，再即場打卡，就可以免費得到一杯葡萄系列🥹。接住8月25～28號買任何葡萄系列正價飲品，第二杯自選飲品 (青提系列除外) 半價‼️好抵🥹…Read More

好耐之前已經聽過「陳茶館」，差唔多係黃埔名物，芋圓迷必食店之一，但係位置問題，一直都無試過。「陳茶館」近期進駐啟德體育園，同佢嘅距離開始收窄🥹今日去airside食晏，就知道有機😎大家高速食完飯，就起行去體育園。因為停車場仲未開，啲車路未完全開哂，所以選擇咗由airside行去。路程唔算好遠，大約10分鐘左右，中間無馬路，穿過一個公園就到，幾舒服。不過唔係好熟商場格局，反而係搵唔到間鋪頭😂椰汁桃膠三寶 ($42)餐牌標明係低糖之選😝糖水係椰汁底，亦可以揀豆漿底，配料有三色芋圓、桃膠、小丸子。糖水好足料‼️‼️芋圓大大粒，芋圓煮得透，同時間口感仲係保持煙韌彈牙。小丸子比芋圓爽口，口感同樣煙韌彈牙。仲有滿滿嘅桃膠，好豐富😋同事食開心果雪燕西米露，偷食咗兩啖，開心果味好濃，明顯食到開心果味。兩款糖水都唔係好甜，好食。大推👍🏻👍🏻👍🏻…Read More

平時節日怕多人，啲餐廳又會趁節日刻意拉高個價，有時仲規定只可以叫套餐，所以一般都好少出去食。今個聖誕反而好靜，行過商場，見到哩間餐廳唔洗排隊，個套餐價錢都唔貴，就入去試下。特選尊貴二人餐 ($328)套餐有湯、前菜、主食、糖水。酸辣湯 / 瑤柱豆腐羹湯有兩款，一個辣一個唔辣，岩岩好可以一人一個。湯料好足，調味適中。酸辣湯唔會好咸，微辣，唔食得好辣嘅朋友都勉強可以食到。完全唔食辣的話，可以叫瑤柱豆腐羹，同樣好味。鎮江水晶肉 / 雞絲粉皮前菜同樣有幾款可以揀。水晶肉一份10件，口感爽口唔黏笠，點醋食無咁膩。雞絲粉皮好夠醬，好好味😋蔥爆牛肉 / XO醬炒年糕兩款主菜都唔辣，而且份量剛剛好。蔥爆牛肉有好多大蔥，牛肉入味，醬汁調味剛剛好，但略為油咗啲。食到一半，我哋攝高一邊碟，等啲汁可以流埋一邊，啲牛油唔洗浸住啲油。炒年糕好入味，年糕口感控制得好好，口感煙韌，唔會太軟身。味道惹味又唔會太濃太咸。兩款主食相比之下，炒年糕做得比較好，無咁油。薑茶芝麻湯圓糖水唔會好甜，薑茶又夠薑。成個晚餐有埋甜品做收尾，好滿足😋計埋加一、茶錢，每人唔洗$200，節日黎講，好唔錯。當日人流少，餐廳唔係好繁忙，服務幾好，職員好有禮貌。而且味道唔錯，份量又夠，值得一試。…Read More

餐廳開咗一段時間，但係每次經過都大排長龍🥲，人龍長到可以直接放棄😮‍💨，完全無機會試。今次喺啲奇怪時間經過，一於去碰下運氣，拎籌之後，發現自己排第五，好似有啲機喎😯😯中間叫咗幾咗幾張都無人，兩、三分鐘後，下一張枱已經係我😍。以為有奇蹟之際，有幾張過號返嚟，一下子fill哂啲吉枱🥲好在等多15分鐘左右就可以入座，分配咗一張四人卡位枱俾我😯😯，我以為我哩啲一人客只會安排吧枱位，有啲surprise 😯同一般壽司店無異，用平板落單。迴轉帶上面都有少量壽司🍣，不過睇落就麻麻哋新鮮😬某幾款壽司可以揀飯量，而全部壽司都可以揀唔要wasabi，落單之前喺自選配料頁面揀好哂，就可以送出訂單🍣蔥花吞拿魚拖羅蓉 ($35)炙燒鰻魚 ($30)三文魚拖羅 ($30)鰈魚鰭邊 ($24)池魚 ($35)蔥鹽炙燒三文魚 ($30)魚生好新鮮，全部厚切，就算係鰻魚都好厚身。壽司飯調味岩岩好，醋份量適中👍🏻，食完唔會覺得口渴。總結都係三文魚最好食🐟，食到滿滿油脂，好滿足😋因為之後仲要去做運動，所以無食到好飽。今次只係叫咗6款，加埋一之後都成$200，但一啲都唔飽🙈比較適合下午茶輕食🥢…Read More

一開頭上網望到個餐牌，見到兩隻燒扇貝差唔多成$200，俾個價錢嚇一嚇😵再望下其他食物都係正常價就訂位。撞岩今日有live band，可以一路食飯一路聽歌。音量調得岩岩好，聽到歌之餘又傾到計🎶雞肉串燒 ($46/2串)牛肉串燒 ($46/2串)雞肉好嫩好滑，個沙嗲醬都好食。相比之下，牛肉串燒就燒得有啲乾。泰皇咖喱炒紐西蘭青口 ($38)餐廳每日都有優惠，每個優惠食物都只係$38，星期一係咖喱炒青口。一份咖喱青口有5隻，唔腥。除咗青口，仲有三色椒同洋蔥。後來發現串燒點哩個咖喱汁仲好食🤣如果追加一份蒜蓉包點咖喱汁食，一定好正👍🏻泰式濕炒牛肉河 ($118)主食份量好大，無論河粉定牛肉份量都多，兩個人絕對夠食。河粉炒得入味，調味適中唔會太咸，唔錯👍🏻青檸菠蘿沙冰 ($45)味道酸酸甜甜，飲到菠蘿同青檸嘅味道，兩款水果味道好平衡，口感清新👍🏻全程手機落單，但我手賤唔係揀錯就重複落單，難為職員們🙈整體食物質素都唔錯，份量同味道都好滿意，食物上菜速度快。餐廳全晚人流唔算好多，但有live band 搭救，氣氛稍為熱鬧啲。2個人夾埋唔洗$400，銅鑼灣黎講，算幾抵食👍🏻…Read More

屋企人成日聽一個朋友提起哩間餐廳，仲每個月都會食一次，佢哋心思思想試，今日帶埋我一齊去哩間餐廳。餐廳位於利舞臺廣場，近地鐵站，好方便。餐廳裝修好靚，環境舒服乾淨。咁岩今次被安排坐卡位，枱與枱中間有一定距離，通道闊落，而且樓底夠高，就算坐滿人，都唔會好嘈。精美四小拼 ($128)先叫一個小食拼盤，有四款福建傳統前菜。家鄉燜筍乾用肉汁燜嘅筍乾，好入味，淡淡咸香，唔會好濃味。九轉小腸係福建傳統手工腸套腸，一層一層做得好靚。福建筍凍睇落有啲似潮州嘅餚肉，上面有啲蒜頭辣椒碎，浸住豉油汁。水晶果凍入面包住一條條煙煙韌韌嘅嘢，當我哋討論緊係咩嚟嘅時候，職員經過聽到，介紹俾我哋知係海沙蟲。好在當時無即場上網search個樣🤣🤣蝦苗頭水紫菜水紫菜係指每年頭次採割嘅紫菜。紫菜混入蝦米同醬汁，酸酸甜甜好開胃，好適合做前菜。閩南五香卷 ($68/6粒)用豆皮包住肉餡，再去炸。外皮酥脆，食到餡入面有啲馬蹄，雖然係炸但唔會好油。不過略嫌餡料唔夠實，口感有啲削。福建特色海蠣煎 ($118)福建式煎蠔餅，蠔餅厚身，蠔粒粒大隻。但係中間多餡料嘅位比較咸。都係潮州嘅，炸到脆脆嘅好味啲😛酥炒芋芯 ($98 / 例)將芋頭切粒，外面包一層脆糖漿，外脆內軟，好好味👍🏻石鍋滑豆腐 ($98 / 例)最後，叫咗一個豆腐鍋。其實係俾隔離枱吸引到，見到隔離枱食緊，賣相睇落唔錯，於是叫嚟試下。豆腐有啲似玉子豆腐，好滑。先將豆腐外皮煎香，再用茨汁煮到入味，食到有少少豆板醬嘅味道，但唔會辣。個汁好好送飯，而且石鍋保溫，食到尾都仲係熱辣辣，好好食😋餐廳近期做緊免費甜品優惠，只要喺大眾點評 或者 google打卡，就可以送一份甜品。每一個客人完成打卡，就送一份。如果全枱食客都打卡的話，就每人都有一份免費甜品。甜品可以揀 薄荷枇杷凍 或者 建蓮雪耳湯。薄荷枇杷凍果凍食到淡淡薄荷味，可以解膩。上面有奇亞籽，仲有一粒枇杷，好清新。建蓮雪耳湯雪耳煮到好軟，入口即溶。兩款甜品都唔會太甜，唔錯。整個晚飯體驗都好滿意，淨係服務都滿分。職員會主動幫我哋加水。食緊前菜嘅時候，職員聽到我哋對菜色好有興趣，當每上一道菜都會做簡單介紹。食物嘅味道同份量都唔錯，調味唔會太重手。枱面上有一樽辣椒醬，唔食得辣嘅就唔好試，真係好辣🙈食五香卷嘅時候，職員話可以點辣椒醬食，唔小心落太多，好辣🙈上網見到原來餐廳喺海外都有好多分店。宜家即場登記做會員，仲可以有現金券，可以即刻用。如果想搵一間坐得舒服，質素好啲嘅中菜，而價錢又唔想太貴，可以考慮試下👍🏻…Read More

今次已經係第二次食哩間餐廳。上一次食完覺得好食又抵食，一直都好掛住佢。今次經過哩個商場，再去食多次😛知道每逢晚飯時間一定大排長龍，今次特登一早去食咗飯先，避開繁忙時段，食飽先再慢慢行街😋生蝦(8隻) ($118)Live Shrimp in Thai Style一份生蝦有8隻。蝦好新鮮，蝦肉厚身，而且好彈牙。配埋生蒜片、辣汁👍🏻糯米雞翼 ($98)Glutinous Rice Stuffed Chicken Wings見到餐牌上面寫 “NEW” ，即刻叫嚟試吓🍗先將糯米飯釀喺雞全翼入面，再將外皮煎香，重點係全隻無骨🤣糯米飯夠味得黎又唔會好油，配埋脆皮雞翼，好香口。餐廳配泰式辣醬一齊上，點醬食 或者 就咁食，都好味。馬拉盞海鮮炒粉絲 ($88)Fried Bean Vermicelli with Belachan & Seafood上次食過炒河粉已經覺得好好食，今次試埋炒粉絲。配料有蝦、魷魚、帶子、粟米仔、洋蔥、三色椒。粉絲炒得乾身，夠哂鑊氣，好惹味。今次係食馬拉盞，完全唔辣，唔食辣嘅朋友都食到。椰皇沙冰 ($33)Coconut Shake食濃味嘢通常都會叫一杯凍飲。沙冰食到啲細細粒嘅椰肉，有啲咬口，令飲品多啲口感，無咁單調。味道亦唔會太甜，好清新。唔錯。食過兩次都覺得好好食，味道 同 份量都好滿意。食物選擇又多，價錢亦唔貴。第時會再嚟食，一定會試吓佢個招牌咖哩軟殼蟹同蒜蓉包😋不過睇漏單，份生蝦無入到優惠價，收咗正價🥲…Read More

行街行到攰，是但揀咗間餐廳，見到餐廳有位就入去試下。奇味雞煲 (半隻) $168我個人唔係太好雞煲，一嚟食完啲衫、袋好大陣味；二嚟試過幾次啲雞都斬到好碎，覺得無咩肉食，成煲碎骨；三，我唔係食得辣，所以無人會想同我食😂無論叫烤魚 或者 雞煲，都可以自由加配菜，我哋加咗蓮藕片 ($33)、寛粉 ($33)、鴨血 ($48)。雞煲一上，職員會放底個計時器，差唔多夠鐘，職員會自動嚟幫手打開煲蓋。雞煲有紅蔥頭、白蘿蔔、蔥、芫茜、唐芹。雞肉好滑，味道唔錯，都幾入味，調味唔會太咸。份量偏少，半隻雞兩個人都唔係好夠食。食完雞煲就加湯煮配菜。蓮藕片切得比較厚，所以要煮好耐。因為朋友要就我食唔辣，所以鴨血都係唔辣。我自己唔食鴨血，所以唔知個分別，但係朋友就話唔辣嘅鴨血好難食😂最後，拎咗辣椒油加落去😂咁岩今次3樣配菜都係需要時間去煮，個爐又唔夠力，等湯滾，再煮配菜，都等咗一段時間。君子好逑四季春 ($38)飲品甜度適中，百香果同檸檬味好香，好岩配啲咁濃味嘅食物，可以解膩。餐廳放咗好多檸檬，成疊咁😂寒天有好多，不過口感係煙煙韌韌，同我印象中嘅寒天唔太一樣😅，但味道係可以嘅。食物味道一般，味道唔算出眾，餐廳係走茶餐廳路線，唔係主打雞煲，味道一定唔及外面雞煲店惹味，抽風亦相對比較差，所以食完都係成身雞煲味。服務算唔錯，職員幾殷勤，不時會行過嚟睇下洗唔洗加湯、斟水。不過唔係好抵食，只係叫咗3個配菜，加埋加埋，已經接近$300，出去食任食仲抵啲。後來上網睇到其他人嘅食評，都係投拆餐廳嘅衞生問題🤮，直接放入無下次系列。…Read More

今次係第二次食哩間餐廳。第一次食嘅時候，同事介紹餐廳係NGO開辦，幫助有需要人士。今日再去，見到張單寫住幫助自閉症人士。其實上一次食嘅體驗唔係太好，所以一直都無去試第二次。不過今日有同事話想食，於是去食多次。上一次我係食 All Day Breakfast，一向All Day都係最安全嘅食物。但係餐廳調味實在太咸，啲炒蘑菇咸到好似用鹽浸咁。至於炒蛋，奶嘅份量重手咗，完全遮蓋咗蛋香。個牛角包窩夫上面加咗啲有味糖漿，同個包又唔夾。每個食物嘅味道都麻麻哋，然後將全部嘢放埋一齊，係第一次食到難食嘅All Day。全份早餐得個沙律菜最正常🥗上一次黎嘅時候係夏天，餐飲係水果冰茶。飲品完全無味，得啲澀味，杯飲品好細杯，但我都無辦法飲哂。經過上次，今次唔會再食All Day啦，揀返啲更安全嘅食物。英國紳士炸石班：櫻花蝦碎蛋、雙層牛角包窩夫伴薯條 ($128)同事食炸魚薯條，個魚略嫌炸得有啲過火。炸到外皮粉漿有啲硬，不過食落味道唔錯。薯條份量好多，佔咗碟嘅⅓。份餐一共有兩件牛角包窩夫，其中一片灑咗糖漿喺面，另外一片就夾蛋沙律。個蛋沙律要特別介紹佢，因為佢加咗櫻花蝦，個蛋沙律有啲調味之餘，又有少少口感，令個層次會豐富啲，食落無咁膩。手撕沖繩阿古豚肉•西西里蕃茄•肉醬意粉 ($118)手撕豬肉甜甜哋，豬肉絲圍住意粉鋪一圈，份量好夠。就咁睇，以為個意粉汁好稀，但係食落個醬汁好濃稠，意粉可以掛汁。除咗一條條嘅豬肉絲，意粉入面仲混合咗啲肉碎，味道唔錯👍🏻宜家踏入秋冬，餐飲唔再係水果冰茶，而係熱桂圓枸杞蜂蜜。飲落都唔係好有味🤣，但有啲桂圓，浸下浸下就開始有少少甜味。今次啲食物質素進步咗好多，食物嘅味道 同 調味都正常番好多。大家預返食物上菜需要啲時間，唔係快速午餐，如果食飯時間唔係太長的話，會有少少趕。旁邊有coffee shop，唔想食一份正餐咁heavy，可以選擇去旁邊鋪位，坐底飲杯咖啡。 …Read More

今日去新蒲崗試一間cafe。有次開地圖搵附近食晏地方嘅時候發現佢，見到環境好似幾靚，於是組團去試下。餐廳好易搵，位於大馬路旁邊嘅一個路口角落鋪位。餐廳兩面都用咗落地玻璃，同附近商鋪風格好唔同，遠遠就已經見到。鴨肝椎茸意大利飯 ($148)Duck Liver with Mushroom Bovril Risotto鴨肝好大件，表面輕輕煎香🦆意大利飯熟度煮得岩岩好，保留到少少煙韌口感。飯入面混合咗幾款菇，再夾埋鴨肝一齊食，好好味。成個飯好香，好濃味。虎蝦紅咖喱意粉 ($113)Tiger Prawn Red Curry Spaghetti蝦有三隻，肉質彈牙。雖然個名叫紅咖喱，我覺得更似泰式冬陰功，酸酸辣辣，好惹味，好清新。食落都幾辣，唔食得辣嘅人要注意。日式焙茶芝士蛋糕 ($52)Hōjicha Basque Cheesecake聽聞哩度嘅巴斯克芝士蛋糕係必食🍰見到special menu上面有香茅青檸味，諗住試下，不過當日餐廳無整，只有原味同焙茶味。可能每日提供嘅味道都會有啲唔同，可以落單嘅時候問下職員。茶味好濃，好香，甜度亦適中。蛋糕質感creamy但唔會太削，唔會一拎出室溫就溶哂，而且表面烘燶度好靚。真心，無論賣相、味道都好過hemma好多💯Flat White ($38)只要叫主餐牌任何食物，所有飲品都有減$20優惠，加$5可以轉植物奶。咖啡豆味道偏向fruity，但唔會好酸。奶打得滑，好香。西柚康普茶 ($53)Grapefruit Kombucha味道酸酸甜甜，好清新。尤其叫咗個辣意粉，凍凍哋解辣岩哂。推薦👍🏻👍🏻…Read More

早排發現到哩間餐廳想試吓，但係當時遲咗一步拎位，要等成廿張枱😵‍💫，唯有放棄去其他餐廳。今次再經過沙田諗住去碰下運氣，不過正值晚飯時間，預咗又係大排長龍，照去望下會唔會有機會。去到門口嘅時候，竟然一個人都無😯，可以即刻入座。坐低之後，見到枱面上嘅餐碗仲有飯......已經胃口大減🤮餐廳係手機落單，職員只係需要專心上菜 同 收拾餐枱。當我哋搵附近職員幫手換新餐具嘅時候，職員都顯得有啲唔耐煩。食物上菜速度算幾快，手機落單之後，食物好快就陸續送上。泰式奶茶 ($32)Thai Milk Tea奶茶可以揀熱 或者 凍，甜度 同 冰量都可以調整，想口感豐富啲可以加$4加珍珠。珍珠煙韌，食落有少少甜味。餐廳好有心思，每杯飲品都會套上編織竹杯套，好有特色。可惜杯套上有啲疑似蛋汁嘅污積😥😥，未正式開始食已經對餐廳大打折扣😰泰式生蝦 ($108)一份生蝦有8隻。蝦肉爽口彈牙，都幾新鮮。配埋酸辣汁同蒜片一齊食，好味👍🏻海鮮炒闊河粉 ($128)味道唔錯，調味岩岩好，河粉入味得嚟又唔會太咸，亦唔會炒到好油。但係份量細得誇張，所謂嘅海鮮就係兩粒蝦仁同一件魷魚。兩個人share的話，每人大約分到半碗河粉、一隻蝦 同 半件魷魚😓如果一個女仔食，都未必夠飽。燒羅氏蝦 ($56)我哋叫咗生蝦，炒河粉有蝦，串燒又叫咗燒蝦。唔小心變咗全部都係🦐🦐🦐所有串燒都係兩串起，餐牌上面嘅價錢係一串嘅價錢，入到app落單就會自動計數。燒蝦好大隻，肉質彈牙，蝦頭仲有好多蝦膏，正😋餐廳唔收加一，不過會收返每人$10茶錢。後來上網見到餐廳由米芝蓮名廚打理，整體食物味道係唔錯，不過份量真係少得誇張。同衞生方便有待改善😐食到一半大約係8點左右，仲係晚餐高峰時間，但係餐廳已經有1/3空枱，我諗好多食客都同我一樣，食完無下次。…Read More

好一段時間無出嚟AIRSIDE食飯啦。喺AIRSIDE食午餐，每人平均消費接近$200，唔可以成日食🙈不過一大班人出去食，又或者揸車的話，AIRSIDE就一定有位泊車，沿路又唔會塞車，而且大部份餐廳都一定有位。食過咁多次，都無試過要等位。今次已經係第二次食哩間餐廳。餐廳岩岩開嘅時候，晏晝時間係無套餐。直到上一次食嘅時候，發現餐廳晏晝時段都開始推午市套餐，今日帶埋啲同事陪我食多次😋套餐包前菜、主菜 同 飲品。前菜有湯 或者 巴馬火腿。主菜有8款，好多嘢揀，有沙律、薄餅、飯、意粉、漢堡、牛扒。當日餐湯係忌廉粟米湯，再配一片麵包。湯就麻麻地，似普通罐頭忌廉湯，而且粉漿好重手。麵包我估係餐廳嘅sourdough🥖Scallop Mushroom & Risotto ($188)帶子蘑菇意式燴飯意大利飯好香。飯面鋪咗3大粒帶子，帶子熟度煎得岩岩好。意大利飯醬汁濃稠度適中，唔會好漿口，亦唔會太creamy，食落唔會覺得好滯。Wagyu Beef Burger ($198)和牛芝士漢堡配薯條遠遠已經聞到香噴噴😋漢堡有芝士、生菜，仲有......酸瓜😖偏食人第一時間拎走佢🤪漢堡扒好juicy，肉汁仲滴緊出嚟。薯條係粗薯條，條條飽滿，炸得好脆，好食😋Naughty Girl Pasta "Puttanesca" Spaghetti With Prawns ($188)海蝦蕃茄橄欖意大利粉見到餐牌上有個辣椒公仔🌶️，不過落單嘅時候職員話唔會太辣。食落又真係唔辣，只係有微微辣味。就算唔食得辣嘅人，應該都可以食到。蝦有4-5隻，肉質彈牙。整體味道都唔錯，微微嘅辣味帶出蕃茄醬嘅香。US Black Angus Sirloin ($268)美國黑安格斯西冷牛扒牛扒上面放咗香草牛油，旁邊有菇同薯條，淨係賣相都攞哂分。牛扒煎得好香，好靚，肉質唔硬。同事要求3成熟度，職員話會盡量整😝黎到大約係5成，都係預計之內，唔錯。推薦🌟👍🏻除咗漢堡、牛扒比較 heavy 嘅主菜，飯 或者 意粉類份量睇落都係偏少，但係有前菜 同 飲品，食完都夠飽。食完離開餐廳嘅時候，記得要參觀佢個麵包櫃🍞🥖🥐有各式各樣嘅酥皮麵包、甜品，仲有超巨型嘅sourdough，我諗成個sourdough成2磅🥖不得不提佢個麻糬酥皮蛋摓，之前食過一次，好正，好好味👍🏻，價錢又唔貴。值得一試👍🏻環境方面，餐廳偏嘈，唔知係咪有一個開放式嘅bakery，夾雜住啲機器聲。而且 lunch hour 餐廳內部比較繁忙，同時又好多人買麵包、外賣咖啡，就算樓底好高，都係聽到好多人聲同嘈音，大家傾計就要大聲少少，但係整體氣氛都係唔錯。…Read More

餐廳有五款基本拉麵，所有拉麵都係$88。鳴虎 (日本魚乾豬骨湯)黑鳴虎 (博多黑蒜油)赤虎 (特濃辛口)綠虎 (四國香蔥油)鳴海老 (蝦味噌豬骨湯)$128就可以升級套餐，有一碗拉麵、一個小食、一杯飲品。一個小食唔夠，可以加$18追加多一個小食。黑鳴虎拉麵 / 赤虎拉麵麵底可以揀軟硬度。兩個拉麵湯底好香，質地濃稠，啲麵好掛湯。不過赤虎拉麵個湯底對於我就有啲太辣。如果叫套餐的話，仲可以有一次免費替玉👍🏻肉餃子芝麻手羽 (2隻)我哋貪心追加咗一個小食😝肉餃子有六隻，雖然睇落細細粒，但係中間好飽滿。外皮薄，炸到脆脆，唔錯。正價一客雞翼有四隻，跟餐進加就兩隻。雞翼炸得岩岩好，唔乾，外皮好脆，炸粉唔厚，肉質嫩滑。跟餐包一杯飲品，可以揀橙汁。不過當日賣哂，所以轉咗蘋果汁。但係好淡，溝哂水😟餐廳一直都唔係好多人，可能位置唔喺商場啲靚位，本身人流就唔多。總括食物質素唔錯，除咗杯果汁無乜誠意之外，其他都幾好。如果唔係大胃王，可以一個人叫餐，一個人單點拉麵。食落真係唔夠飽的話，套餐個拉麵有一次免費加麵。再貪心啲可以用套餐價追加小食，咁就最抵😛…Read More

好耐之前已經知道哩間餐廳，成日以為佢係又貴又食唔飽嘅餐廳，一直都無去試。原來係我誤會咗佢，係好抵食!!餐廳係食新加坡菜，但係上網睇食評嘅時候，大家都話佢係越南菜。原來有個餐牌係做越南菜套餐，一個主食、一個小食、一杯飲品，都只係$8x。而且無加一，飲品冷熱同價，好抵。順化湯檬 (檬粉) ($88)配料有牛丸、牛展、扎肉、扎蹄。湯底微辣，好惹味。份量算大，啲配料每款有兩、三件，食極都有。香葉烤雞扒喇沙摻摻 ($86)雞扒厚身大大件，煎得好香。肉質好滑好嫩，亦唔多肥膏。佢係喇沙摻摻，所以有油麵同米粉。湯底同樣係微辣，唔錯。新加坡咸蛋黃魚皮街頭雞肉串燒跟餐配埋小食，我哋叫咗兩個餐，可以揀兩款✌🏻咸蛋黃魚皮好似新加坡嗰隻😂始終咸蛋黃就油啲，食落成口嘅感覺，但味道係好食。雞肉串燒有兩串，燒得香口，肉質同樣好嫩。薄荷青檸梳打凍馬來手工拉茶兩個麵嘅湯底都係微辣，揀咗兩杯凍飲。甜甜哋，好岩解辣🌶️食物味道唔錯，份量好夠。而且價錢平，套餐有小食、主食、飲品。又無加一，一個人一百蚊有找，絕對係平、靚、正晚餐首選。職員好有禮貌，服務好好。有一個食客睇咗好耐menu都決定唔到食咩😂，但係職員都無催佢。推薦👍🏻…Read More

尖沙咀一向係韓國菜集中地。今日就嚟試一間幾出名嘅韓國餐廳，只要上網search 餐廳名，就會見到GD。原來係餐廳舊老闆同GD父母係認識，當年GD都有嚟幫襯。餐廳有空間感，枱與枱之間距離好遠，完全唔會有壓迫感。最重要嘅係，餐廳地面好乾淨。平時去韓燒，地下又笠又滑，哩度好乾淨。岩岩放工，大家都好肚餓，叫咗幾款熟食，食住等。釀冬菇伴柚子沙律 ($35)釀冬菇有3粒，全部切半，可以多啲一齊分。柚子沙律醋好味，好開胃，好清新。葛根水冷麵 ($88)冷麵配醋、芥茉一齊食，酸酸甜甜，同樣開胃。最近天氣熱返咁多，個冷麵夠哂凍，即刻降溫。冷麵有辣同唔辣，可以按自己口味落單。韓式蔥和海鮮煎餅 ($150)個煎餅有8大片，多餡。食落唔會好多粉，煎餅邊邊煎得脆口，唔錯。煎餅比想像中厚，真係要多啲人一齊食，如果唔係好快食飽哂。食完熟食，就準備等啲牛肉嚟😎職員幫我哋開爐後，等了又等，成20分鐘，啲生肉都仲未到...最後等咗差唔多成半個鐘先到...食前菜都食飽，所以食完第一轉肉，就無再追加。牛舌 ($140)調味特級牛肋骨 ($280)烤大蝦(4隻) ($120)特級韓牛橫隔膜 ($280)牛舌一份有12片，份量好多。幾款肉嘅肉質都好淋。尤其係醃咗嘅牛肋骨，唔會好咸，好好味。另外，值得一提嘅係牛橫隔膜。第一次食哩個部位，餐廳將件肉扎得好靚，一個圓形咁。我哋先將橫隔膜燒到半熟，再剪開絲帶，拆開嚟燒。口感好有咬口，但係唔會好硬，無腥味，又幾好食。未試過嘅朋友都可以試下，好特別👍🏻餐廳係無煙燒烤，食完啲衫、袋，全部無味🥹🥹整體食物味道都唔錯，唯獨係上菜時間有啲耐。反而熟食好快到，生肉就等好耐。前菜可以無限refill，一路等一路食，食前菜都食飽🙈餐廳有儀式感，即使係燒肉配料 同 醬汁，擺盤都唔馬虎。所以啲牛肉未到，已經擺到成枱嘢🤣成個用餐體驗唔錯，推薦👍🏻…Read More