Fookdiehk的个人专页

鳳園雞煲火鍋 (旺角)📍旺角豉油街36-42號榮高大廈地下至2樓⭐️五指毛桃脆皮雞煲之前冇食過脆皮雞，淥30秒就食得，食落幾爽口，有驚喜！同埋用五指毛桃做湯底，感覺好似健康😂 ⭐️捞汁酒鲜拼盘我會話係MVP！有少少辣，一個拼盤，有晒鮑魚、蠔、蝦、蜆，做餐前小食啱啱好✨⭐️潮汕肉餅有啲似魚片嘅質感，好啱打邊爐，越食越開胃。⭐️肉丸拼盤有晒牛丸、蝦滑、墨魚丸。一開始以為係蟹籽，估唔到粒丸入邊竟然係鹹蛋黃，係坊間都幾少見呢一個組合，幾特別。⭐️百香果檸檬水超級大杯嘢飲🤣 食完熱嘢再飲返杯冰涼嘅嘢飲真係超舒服～我哋仲叫咗泰式雞腳、牛肉、粟米等等嘅嘢食，食到超滿足！最後仲嗌咗個鳳園大滿貫甜品，平靚正，仲要食到啖啖桃膠勁足料！…查看更多

PizzaHa 📍深水埗欽州街37K號西九龍中心8樓美食廣場8F77-79號舖⭐️ P1O 甜蜜三色 SWEET TRICOLOR $67三重芝士Cheddar、Mozzarella同Parmesan配埋甜甜嘅蜜糖，真係幾特別！一般pizza多數走咸味路線，呢個甜口真係好少見。芝士濃郁但唔會過膩，啲蜜糖令成個pizza帶有輕微嘅甜味層次，仲要係薄底，好開胃。⭐️ 玫瑰卡邦尼炒年糕公仔麵 $69炒年糕同公仔麵嘅質感交織得幾好，年糕煙韌又唔黏牙，麵條吸滿醬汁。醬汁濃郁，食蒲好滿足，超邪惡✨🤣⭐️ 芝士牛肉飯卷 $62呢個飯卷芝士同牛肉嘅組合真係無得輸，芝士融化到啱啱好令口感更加滑溜。內裡配料豐富，好飽肚～整體嚟講，味道新穎又有驚喜，價錢都幾親民，一班朋友去食或者想嚟啲特別口味都好推介！…查看更多

想揾個地方放鬆一下，看著日落邊吃西餐？RIVA 灣 Bar & Grill 北角匯店超推薦！坐窗邊剛好望到海景，氣氛超chill，慢慢享受夕陽餘暉。聽講在馬灣也有分店，去玩完之後食返個dinner就啱晒啦～前菜方面，沙律超新鮮清爽，食落好開胃；椰菜花湯好smooth 好creamy，飲落暖胃又舒服。主菜必推:⭐️香烤美國牛側腹（12安士，$288），牛肉帶點脂肪，仲見到啲肉係粉粉嫩嫩，鮮味十足。廚師秘製醬汁配迷迭香味道剛好，搭配秋葵、茄子、南瓜這些蔬菜，份量十足又口感豐富。⭐️小份的鮮活澳洲藍青口（$188），青口粒粒飽滿，配Cream Sauce超濃郁，用麵包點醬吃超正，一啖接一啖勁快清晒。飯後甜點是酸酸甜甜的雜莓朱古力蛋糕，為整餐做個完美結尾。而且餐廳外有個狗狗友善區，雖然因為牌照問題目前只開放給外賣客人，但愛寵一族都可以考慮一下。整體嚟講，呢度好啱約朋友或情侶來邊食飯邊看海，尤其係日落時間，勁有Feel！…查看更多

Bingo & Cook 📍旺角亞皆老街8號朗豪坊10樓21-26號舖最近去朗豪坊發現咗一間有醬油蟹放題嘅餐廳，好耐冇喺香港食過醬油蟹，於是即刻試咗！佢就裝修係韓國街頭大排檔風，霓虹燈、鐵皮桌椅加鏡面嘅牆身 ，再加埋音樂，真係好似置身喺韓國咁🤣嗌咗雌蟹餐🦀，即係第一round有雌蟹，而之後可以無限加雄蟹，超抵食！蟹肉超多仲有大量蟹膏，味道鮮甜唔死咸又唔腥，雄蟹嘅肉厚實，再配麻油紫菜飯，每啖都好滿足，白飯小偷名不虛傳✨除咗醬油蟹，仲有炸雞同腸仔年糕串。炸雞皮酥不厚，但得原味；腸仔年糕串煎得香脆，年糕煙韌，仲有甜辣醬，一人一串啱晒。飲品方面除咗排骨湯，仲有汽水同梳打水任君選擇。一個價錢包晒咁多嘢都幾抵，食兩隻蟹就已經回本！🤓仲有就係啲蟹都上得好快，工作人員推住架車仔問你要加幾多隻蟹，服務態度好好！…查看更多

WOWDON 📍九龍城啟德協調道12號雙子匯1期崇光啟德店食匯堂14樓1403號舖7:30去到，雖然keep住好多人排隊，但係都算入得快，大概排咗15分鐘就有得坐低。其實我一直都心心念念好想試吓白布烏冬，但慕名而來最後都係賣晒！🥹想食嘅朋友仔要再早啲去！⭐️ 冰鎮竹盤烏冬配天婦羅拼盤套餐 $123夏天食冰鎮烏冬真係好爽😂 佢有兩個醬汁俾你揀，包括有經典嘅麻醬同埋昆布鰹魚汁。我個人就鍾意昆布鰹魚汁多啲，可以自己加Wasabi同埋蔥再調味，食落個感覺勁Fresh！✨佢嘅天婦羅有炸蝦🍤、青椒、蘑菇同埋南瓜。覺得最好食係南瓜🎃，薄薄一層嘅炸粉超級脆，同埋南瓜係最甜最大嚿🤣 配埋煙靭口感嘅烏冬食啱啱好！⭐️吉列豬扒配迷你冷蕎麥麵套餐 $138呢個餐係大食之選😂 除咗有一碗超冰涼嘅蕎麥麵（雖然寫迷你但係其實都幾大碗），仲有炸到脆卜卜嘅豬扒同埋白飯+沙律菜！絕對係男仔都會夠食嘅份量✨⭐️炸王餃子 $58本身冇諗住嗌，不過見到每枱都好似有就嗌嚟試吓。有成10嚿，仲要每舊都勁足料！好明顯食到裏面嘅韭菜同粉絲，鍾意食餃子嘅朋友仔可以試吓🥟#香港美食 #手打烏冬…查看更多

金金日式燒肉店 📍銅鑼灣怡和街2-6號英光大廈3樓銅鑼灣F出口1分鐘路程就到！一直都冇為意原來有間咁高質嘅燒肉店。真心覺得一分錢一分貨，啲肉質同配搭都好有驚喜，燒肉控必試！特選燒肉二人盛 $598 （原價$738）⭐️前菜- 芥末八爪魚青瓜：清爽開胃，食完即刻醒神- 磯煮鮑魚沙律：鮑魚彈牙，配菜新鮮⭐️燒物- 鹽燒深海虎蝦：蝦肉超鮮甜，完全唔係雪藏貨色- 日本A5和牛西冷：油花分佈靚，燒完一咬即溶- 澳洲M9和牛里肌肉：MVP之選，肉味濃郁，入口即化- 厚切鹽燒牛舌：爽口彈牙，牛舌控必食- 角切黑豚七味芝士燒：芝士香濃，黑豚肉質嫩滑- 香草牛油燒帆立貝：帆立貝大粒鮮甜，牛油香氣十足- 鹽味綱燒手羽中：雞翼嫩滑多汁⭐️配菜- 有機栗米燒：甜度高，燒完更香- 有機果物燒：健康又解膩⭐️碗物- 黑松露和牛炒飯：炒飯粒粒分明，牛肉香氣撲鼻，黑松露提升層次⭐️甜品- 自家製牛乳凍：奶味濃郁，配酸甜醬汁，完美收尾每款食材都好有誠意，無論牛肉、海鮮定配菜都保持高水準。最驚喜係澳洲M9和牛，真係入口即溶，完全唔會韌。黑松露和牛炒飯同牛乳凍都好有水準，飽到最後一刻都唔想停口！下次同朋友想食好啲，記得bookmark定！…查看更多

秋嵐日本料理 📍鰂魚涌英皇道1010-1056號東匯坊地庫072號舖好食過日本嘅檸檬牛舌？早排睇到好多人話佢好食過日本嘅檸檬牛舌，之前同朋友試咗次之後覺得幾好食，今次係二訪！⭐️ 極味厚切牛舌定食 (附牛舌咖哩) $158佢跟餐有麵豉湯、沙律、茶碗蒸、牛舌咖喱、白飯 ，仲有啫喱！勁豐富✨入到去基本上見到個個都係嗌呢個餐😂真係勁厚切🤣 啲牛舌望落好粉嫩，一上菜大家都即刻打左個靚卡。total有6舊牛舌，食落幾香口同彈牙，仲可以加檸檬汁、鹽、蒜鹽等等嘅調味料！個咖喱嘅調味偏甜，幾餸飯～食完正餐之後就食埋個蜜桃啫喱做甜品啱啱好。佢嘅食物質素幾好，可以再encore！…查看更多

Classy - Seafood & Steak 📍觀塘駿業街44號銀八1樓一坐低唔想諗就揀咗2人份TASTING MENU🍽️⭐️精選生蠔拼盤個擺盤好靚，隻隻都好飽滿。個重點係食落好鮮甜，一啲都唔腥！佢俾咗三款醬汁，無論係醬油、檸檬汁，定係辣醬都勁夾✨🦪⭐️是日餐湯揀咗蘑菇湯，好香濃同埋creamy⭐️香蒜蜆肉意粉個意粉有蜆肉、蒜片、橄欖油，同埋香草🌿勁足料，食極都仲有蜆肉⭐️炭燒美國黑安格斯肉牛肉煮到啱啱好，每舊都好粉嫩，食落唔會好嚡。配菜係調咗味嘅薯蓉同埋南瓜翠玉瓜嘅蔬菜，中和返油膩感。⭐️精選甜品拼盤 超啱節日或者係生日嘅時候去～一盤有齊晒馬卡龍、Tiramisu、水果撻、馬德蓮、仲有爆谷🍿環境都好舒服，好啱拍拖去~…查看更多

鳥駅 📍中環嘉咸街53A號嘉利大廈地下F及H號舖首先個環境都好舒服，然後就係服務態度超好！啲職員keep住幫手抹手用嘅濕紙巾同埋加水🤣 除咗有個locker可以俾你擺貴重物品，喺座位嘅正前方仲有插頭可以俾你充電✨佢係串燒店家酒吧，仲可以睇住廚師煮嘢食！⭐️時令沙律有牛油果同埋蟹，再配合埋新鮮嘅蕃茄，仲有蔬菜，非常開胃爽跟住會有10款唔同嘅串燒，食咗好多唔同嘅雞嘅部位，個有兩款會係蔬菜~款款都好吸引，等我揀幾款同大家介紹下！⭐️燒大腿 ⭐️燒雞翼 ⭐️燒雞心⭐️雞肝⭐️燒番薯⭐️燒牛柳輕鬆可以將佢咬落嚟，用咗簡單嘅黑胡椒調味已經好香！推介⭐️雞小腿廚師推介可以點啲柚子胡椒好軟滑！完全估唔到可以燒到咁嫩！⭐️白鱔可以點中間嘅山椒粉 個皮好脆，咬落去嘅瞬間魚嘅油脂噴出嚟！⭐️燒豆腐完全係外脆內軟嘅代表，出邊嗰層燒到乾水脆卜卜，然後入邊又好Juicy，配埋醬料，好食！⭐️車厘茄豬肉卷睇熱！啱啱燒起嚟真係好熱，所以要慢慢同小心啲⭐️醬油燒飯團/明太子飯團Best of the day!! 雖然肉類都好好食，但係燒到有焦香嘅碳水真係一百分🤣⭐️雞湯加咗少少胡椒調味嘅雞湯，飲到原汁原味之餘仲feel到有冇滿骨膠原，女士嘅最愛！⭐️豆腐雪糕用甜品收尾✨#中環串燒 #鳥駅中環 #中環美食 …查看更多

ChaTraMue Cafe 📍沙田新城市廣場三期3樓A327號舖估唔到呢間喺香港家傳戶曉嘅泰奶舖頭，竟然出咗Cafe版本！見到佢又太奶千層蛋糕同埋疏乎厘啲咁正嘅甜品梗係即刻去試吓🤣 不過估唔到佢踩過界竟然仲有埋主食，而食物質素都比想像中好🤣⭐️黃咖喱雞柳法包 $88非常推介！佢係偏甜嘅黃咖喱，覺得幾啱香港人口味~ 一切開就見到滿瀉嘅咖喱，入邊仲有洋蔥、菜同埋雞柳，攞麵包去點咖喱超好食！麵包個頂切咗出嚟，仲要係脆卜卜的，勁推薦嗌呢個！⭐️ 泰式冬蔭功蝦意粉 $108呢個就相對再重口味啲，超重冬陰功口味！佢食落去係有啲鹹+酸+辣味~ 好惹味好開胃，而且啲蝦仲要係搣咗殼，可以就咁食，啱晒我呢啲懶人🤣⭐️泰茶千層蛋糕 $65今次食到嘅係升級濃味版，切落去嗰下勁smooth，再點埋泰奶個醬，勁正！本身以為佢一定會甜到癲，點知食落去又唔會太甜，好快清晒🤣⭐️泰茶梳乎厘班戟 $88好鐘意食疏乎厘，佢上碟嘅時候仲係暖笠笠。蛋香幾岀，加埋泰奶奶蓋，見到都覺得好澎湃！如果唔係因為太飽仲想食埋雪糕，決定下次試下🤣⭐️正宗泰國奶茶 $32朋友坐低第一樣嘢就係叫佢最愛嘅泰奶，Classic款一定冇錯😂⭐️泰國斑斕珍珠泰茶鮮奶 $42正常泰奶我就飲得多，但係都係第一次加班蘭珍珠。食落去都幾煙靭同埋幾特別，加埋鮮奶底都好夾，推薦呢個多過普通泰奶✨…查看更多

小胖台灣便當 📍沙田沙田正街11-17號偉華中心2樓3B-3C號舖間舖頭嘅裝修都幾新淨，坐得都舒服。⭐️ B3台灣鐵路大排骨便當 $68塊排骨好大塊，切好一嚿嚿好方便食～ 個便當裏便，除咗有配菜仲有粉絲同埋滷蛋，唔會剩係得肉類咁dry。⭐️B36三杯蜜汁烤雞排便堂 $62烤雞煮到啱啱好，唔會Overcooked，肉質唔會太老太嚡。而且上面加咗芝麻就更加香，同雞嘅調味好夾。⭐️豬大腸麵線 $38豬大腸比想像中多，而且裏便有蒜同埋芫荽，直落有台灣嘅味道！跟餐仲有冷泡茶或者熱飲～我就揀咗兩款冷泡茶，芙香蘋果茶同金萱烏龍！飲落都好清新，好啱消滯解膩。…查看更多

吃茶三千📍觀塘觀塘道418號創紀之城五期(apm) 地面低層LG-2C號舖⭐️香橙冰茶 見到佢係期間限定就即刻試吓先！香橙冰茶揀咗松針綠茶作為茶底，搭配香橙的清新，飲落去勁fresh ~聽講茶底是用萃茶機現萃茶葉而成，所以有時要排隊等耐啲都值得等⭐️熔岩黑糖波霸鮮奶 雖然好鍾意飲茶，但間中都想飲快樂肥仔水！飲落去係超幸福，黑糖配鮮奶嘅甜度啱啱好~ 熔岩黑糖波霸鮮奶揀咗鳳眉紅茶作為茶底，與黑糖的甜美相得益彰。舖頭喺一田商場嗰層，電梯一落去就搵到，而且成日都有唔同嘅期間限定飲品！…查看更多

必試開心果忌廉麻糬疏乎厘！Four O Five Coffee & Eatery📍觀塘成業街19-21號成業工業大廈地下2號舖上年同friend都嚟食過，嗰時食咗蒜香蟹肉意粉同埋吉士焦糖疏乎厘覺得好好食，同埋都坐得幾舒服，所以今次就encore再試吓佢其他嘢！⭐️明太子醬軟殼蟹意大利粉 $128佢嘅意粉一如既往嘅好食，明太子醬嘅味道好濃郁好Creamy，都勁掛汁。軟殼蟹炸到脆卜卜，同意粉一齊食，有多重口感。⭐️牛肝菌汁野菌油封鴨腿意大利飯 $178佢嘅份量好多，而且個鴨髀都幾大隻，切到好多肉出嚟。最鍾意佢裏面有好多菇，同飯一齊食嘅時候口感好正，而且個飯好濕潤，好易入口。⭐️特濃開心果忌廉麻糬疏乎厘 $158作為開心果fans嘅我就梗係要試吓啦！份量真係超多，喺充滿蛋香嘅疏乎厘上面有一層麻糬皮，同埋極大量嘅開心果cream！啲cream嘅開心果味都幾濃郁，而且食落有啲似軟雪糕🤣 然後上面仲有啲開心果碎同埋杏仁片增加口感！ 建議大家留肚嗌一個疏乎厘試吓✨…查看更多

幸屋 📍灣仔機利臣街5-9A號維昌大廈地舖⭐️蟹籽沙律勁大份！🥗 本身以為係細細碟嘅前菜沙律，一上枱比佢嘅分量嚇親🤣 青瓜+蟹柳+蟹籽+沙律醬係經典款，食落好清爽開胃。⭐️蒜香雞軟骨炸到脆卜卜，調味好夠，唔使點沙律醬都已經好食。⭐️ 樱花蝦味增拉麵 首先有好大塊嘅肉係面，仲有好多櫻花蝦！佢唔係蝦頭湯底，而係味增湯底，覺得可以再濃少少。鐘意醬油湯底嘅應該都會鐘意呢款。⭐️北海道蟹肉湯拉麵係期間限定口味！比起樱花蝦味增湯底濃味好多，重口味必試！佢有好多蟹肉同蟹籽，同拉麵一齊食有好濃郁嘅蟹香✨ 最重要係佢有好多木耳同筍，食落好爽口，荀同拉麵真係好夾！…查看更多

Owens 📍將軍澳唐德街9號將軍澳中心1樓135A號舖2人餐 $408⭐️是日餐湯好香嘅菇菌同香草味！⭐️芝士焗生蠔（2隻）+$38好香芝士味！隻蠔都勁飽滿⭐️煙三文魚凱撒沙律我會稱為最唔會出錯嘅組合🤣 除左有沙律醬，佢入面有芝士碎，邪惡組合✨ 加埋鹹鹹地嘅煙三文魚，好開胃~⭐️龍蝦汁虎蝦闊條麵有兩隻大蝦喺面頭～蝦油嘅香味好岀！佢係偏厚身嘅闊條麵，所以都掛到幾多汁，同埋佢落咗三色椒，個味道都好出。⭐️露絲瑪利香草燒羊架慣咗喺出邊食羊嗌全熟穩陣啲，估唔到佢呢度羊架全熟都煮到咁軟熟！佢配咗兩款醬俾大家飲君選擇，除咗比較經典嘅黑椒醬，仲有一個酸酸甜甜嘅醬。⭐️開心果麻糬提拉米蘇 +$48非常推介！勁重開心果味✨面頭有一層厚厚嘅開心果碎同埋cream中間有蛋糕同埋麻糬！麻糬煙煙韌韌嘅口感加分不少😆⭐️法式焦糖燉蛋 +$38其中一樣最鍾意食嘅甜品！燒到脆嘅焦糖面好靚💫 望落超有食慾，就算食到好飽都堅持一定要食晒成個甜品🫡 …查看更多