📍旺角豉油街36-42號榮高大廈地下至2樓
⭐️五指毛桃脆皮雞煲
之前冇食過脆皮雞，淥30秒就食得，食落幾爽口，有驚喜！同埋用五指毛桃做湯底，感覺好似健康😂
⭐️捞汁酒鲜拼盘
我會話係MVP！有少少辣，一個拼盤，有晒鮑魚、蠔、蝦、蜆，做餐前小食啱啱好✨
⭐️潮汕肉餅
有啲似魚片嘅質感，好啱打邊爐，越食越開胃。
⭐️肉丸拼盤
有晒牛丸、蝦滑、墨魚丸。一開始以為係蟹籽，估唔到粒丸入邊竟然係鹹蛋黃，係坊間都幾少見呢一個組合，幾特別。
⭐️百香果檸檬水
超級大杯嘢飲🤣 食完熱嘢再飲返杯冰涼嘅嘢飲真係超舒服～
我哋仲叫咗泰式雞腳、牛肉、粟米等等嘅嘢食，食到超滿足！最後仲嗌咗個鳳園大滿貫甜品，平靚正，仲要食到啖啖桃膠勁足料！
