wininhk's Profile

成日喺Yoho 搵食，食到悶悶地，行過少少去鷄地搵食，發現呢家酒樓已易手做阿翁火煱。見個無限時任食火鍋好扺食，只需要$268 加一。個任食套餐好大堆頭，好多野揀😁包個環球海鮮盤，有6-8款時令海鮮，好期待呀！之後要選食辣鷄鍋定豬骨鍋，食完再打邊爐，湯底我地揀左個招牌鴛鴦鍋（元茜皮蛋及番茄）。套餐包埋數款刺身拼盤、水餃皇、極級牛頸脊，鮑魚扣玉掌或鷄蓉燴燕窩。另外，亦有多款可自取食物、飲品，呢個價錢真係無得彈。先黎左個鷄蓉燕窩暖暖胃，材料足，食落滿口都好滿足。雞窩嘅雞件配埋d香葉，整得好惹味，但都唔敢食太多，要留肚。趁食物未上，出左去自助區拎左d蔬菜、菌類、丸餃類、麵類食住等。肉類就要以點紙嗌的，落單後廚房直出，以保食物安全、衞生。海鮮拼盤及刺身質素唔錯，推介蝦、帶子、墨魚都的新鮮、鮮甜。水餃皇亦係必食，唔知係咪自家製的，jumbo size , 滿口蝦肉，彈牙又爽口，真想再encore。極級牛頸脊係必食，估唔到分量好多，係出面食要幾百蚊嘅質素。飲品亦有數款選擇，鍾意飲啤酒嘅，都可以啤啤佢。今晚真係食到捧住個肚走，可惜又做左大嘥鬼，應該要俾多啲耐性等啲正嘢嚟晒，食完唔夠先再點自助區食物。呢度性格比高、重要冇時間限制，可以慢慢食慢慢傾，值得再黎encore!…Read More

收工返嚟已經好攰懶得煮，去T Town搵食，經過半島漁港門口先醒起之前都食過佢其他分店。原來$1嘅海南文昌雞、至尊燒鵝王及極品BB豬仍然做緊優惠，咁就俾佢個優惠吸引左入去。酒樓燈光光猛、空間寬敞，晚市見除左食小菜外，亦有做埋火煱，都幾多人食。坐低叫左壼茶，點左幾個菜，唔駛十五分鐘已經已經上齊曬，上莱速度超快，啱曬我呢啲心急嘅人，唔駛食完一道菜坐喺度等食🤪酒樓其中一個賣點係即燒燒鵝，依家咁抵食，非點不可。 燒鵝以玻璃器皿上枱，要讚嘅係全程以蠟燭保溫，燒鵝真係唔錯，外皮燒至又薄又香脆，肉質依然嫩滑juicy，好正。家常菜菠蘿咕嚕肉，酸甜度剛好又啖啖肉，幾鐘意佢個菠蘿放旁邊，唔會沾上個汁。平時食茄子肉醉煲最怕就係太鹹，我幾鍾意呢度個茄子煮出黎唔會成pat 野咁，送飯好正。鮑魚金錢鵝掌煲係必點的，冬菇超大隻，厚肉又爽口，鮑魚肉質軟又煙靭，食完個煲感覺食左滿滿的骨膠原。最後食埋個煮到好綿嘅紅豆沙，真係好滿足。今晚整體食物好味、份量足，坐得舒服。但今晚做左大嘥鬼，下次都唔可以再眼闊肚窄。…Read More

朋友幫我慶生，今次黎Airside食中式fusion菜。餐廳位置方便，喺啟德站已可直達。餐廳「嵐月」位於商場三樓，門面好有氣派，有個華麗嘅吧枱。裡面劃分了唔同區域，整體視野遼闊，座位空間寬敞，可以慢慢傾、慢慢食。當晚試左幾款菜式：北寄貝沙薑漬，原來係餐廳其中一款奪得金獎嘅菜式。清淡嘅沙薑配上新鮮嘅北寄貝，嚐到鮮味、冰涼又清爽嘅味道。皇帝蟹海皇酸辣羹，盛載嘅器皿好靚，下層一直有個燭台熱住，全程都保持住個溫度。酸辣度恰到好處，開胃得黎又嚐到啖啖蟹肉，好滿足。薑蔥爆金蠔煲，有六隻肥大嘅金蠔，色澤金黃，口感外脆，肉質軟糯，蠔身亦保留了水份，頗香口的。嵐月小炒皇係餐廳嘅signature，果然唔錯，口感豐富，爽脆、咸香、嫩滑，而且有鑊氣。川貝陳皮燉啤梨，係今晚圓滿嘅作結，啤梨燉至非常淋身、又香甜，配上陳皮絲、川貝等，感覺養身又潤喉。臨走時見到其他得獎菜式，慢煮牛肋肉及黑豚叉燒，下次要再黎試埋先。…Read More

早前行過南昌薈「半島漁港」酒樓門口，俾佢個晚市優惠$1 BB豬/燒鵝/文昌雞吸引住，我哋今晚係為個$1燒鵝而黎😂未夠七點嚟到，已經見有成七成枱坐滿咗，好熱鬧！今日嘅例湯係赤小豆粉葛，好適合依家嘅天氣飲，我哋點咗個細嘅，兩個人每人分到兩碗，湯好足料又清潤，重另上埋d湯渣。$1 燒鵝超有驚喜，份量比預期多，圖中相片已經有舊落左肚😁今晚真好彩分到隻燒鵝髀，皮薄香脆，中間有層油脂，鵝肉頗嫩，肉味香濃。另外加分嘅係份燒鵝用個玻璃兜盛載，下面一直有支蠟燭溫熱住，保持住燒鵝嘅溫度。半島小炒王好惹味，韭菜炒得好香又爽口，夾雜着炸過嘅白飯魚、腰果、蝦仁、菜脯等食材，送飯一流！XO醬螺片珊瑚蚌，整個菜色的味道唔錯，螺片同珊瑚蚌數量都唔少，翠玉瓜同荷蘭豆入晒味得黎又唔乾身，感覺好味得黎又健康。最後仲有足料綠豆沙同椰汁桂花糕送，超滿足，捧住個肚走，下次要嚟試埋個冬瓜盅先！…Read More

好耐無去太子砵蘭街嗰頭，原來依家變到成條食街咁。友人話想食打邊爐，經過寶寶雞煲，由門口望入去，都坐左7成人，應該有信心保證，入去試試先。 餐廳有兩層，整體感覺平實，傳統打邊爐格局，座位比預期中多。湯底我哋點咗個古方香辣雞煲，見有新鮮走地鬍鬚雞揀，一於試試佢。落單冇耐，先上兩杯飲品，真係名副其實嘅巨無霸裝嘅鹹檸七同凍檸賓，同打邊爐真係絕配。湯底一上就聞到濃郁的香料味，味道豐富，走地鷄皮脆肉爽、雞味濃，脂肪又少，正！推介嘅配料有來自貴州牛頸脊，肥牛油脂分布平均，肉質有光澤，放落湯底滾兩滾已經食得，而且牛肉味濃郁，忍唔住又encore多碟生蝦好鮮甜，彈牙，忍唔住食完一隻又一隻三寶丸：牛丸彈牙juicy 、墨丸、鯪魚球各部特色，好味貴花蚌新鮮又彈牙鵝腸乾淨、多膏又爽口整體今晚都好滿足，食材新鮮，收費合理，而且店員亦有禮，服務𣎴錯！下次亦會再encore！…Read More

依家6點後禁堂食，今日出開元朗市中心，順道買埋晚餐番去，支持下小店。我晚上6點左右到，餐廳啱啱清潔完，估計係剛剛開門做晚市，感覺疫情間做食肆嘅特別困難。餐廳環境精緻，乾淨，播住輕鬆音樂。檯之間距離頗遠，無壓迫感，適合慢食，感覺好舒服。紅醬羅勒葉肉丸扁意粉:紅醬味道清新，意粉軟硬度剛好，仍然有咬口。肉丸味道好Juicy，唔錯！焙茶鮮奶：焙茶味好香濃，入口順滑，有驚喜！幾鍾意個餐廳環境，下次試吓堂食先！…Read More

朋友帶我黎食泰菜，佢話呢度對住個海景，食物地道，可以慢慢傾、慢慢食。餐廳位置好易揾，喺海港城近中港碼頭嗰個入口入，上到三樓行兩三分鐘就係到。門面以本系裝橫，左右兩邊係兩間唔同嘅餐廳，我地食嘅係左邊呢間。餐廳樓底頗高，深綠色天花、配上木系、仿籐製餐椅，感覺環境光猛、乾淨、清新。而靚view都係呢度賣點之一，坐下傾下，對住個靚景都開胃D。食物嘅選擇都頗多，最終揀左泰式牛肉船麵，個湯底夾雜不同香料，忍晤住飲完一啖又一啖，牛肉味香濃又唔韌、牛丸都juicy, 麵底有咬口，唔錯。另外，冬蔭公味道好出，整體調味比例均勻，蝦新鮮彈牙，好味。飲品點了椰子沙冰，椰味香濃，冰打得幼細，解膩一流。今晩真係好滿足，以海港城餐廳黎講，性價比頗高。餐廳：Nara Thai Cuisine地址：尖沙咀廣東道3-27號海港城港威商場3樓3303號舖 (港威商場) …Read More

這星期天氣轉冷，急不及待相約友人吃火鍋。餐廳外觀很富麗堂皇，古色古香，令我十分期待。餐廳在內地頗有名氣，我很欣賞部份食品的湯底、調味料等由內地運來，故口味地道。調味料有多款選擇，特別推介秘製紅油及乾碟，惹味同時亦能提升食物味道。鍋底是宮庭藥膳鍋，真材實料，藥材味道撲鼻而來，喝口湯感覺喛胃養生。食物方面：日本 A4和牛頸脊味道超班，感覺與日本吃的質素無異，牛味濃厚，油脂比例剛好！必吃之選！桂花蚌亦是另一推介，食材本身很優質，新鮮，爽口。黑毛豬比我預期的更美味，豬味香濃及厚薄適中。杞子龍眼菊花蜜真材實料，甜度適中，物超所值。餐廳環境舒適，食材高質，新鮮，值得再次到訪。…Read More

朋友相約收工後飯聚，近近地喺公司附近搵食。門口見間鋪頭格局清新，藍天白雲天使翼，環境好relax 咁。入到去環境闊落，唔會密質質。餐牌食物主要以西餐為主，亦有鐵板燒、窩夫等食物。我地點左個set Dinner, 個餐有田園沙律，沙律菜幾新鮮，亦有麵包糠點綴。餐湯係周打蜆湯，湯濃稠度適中亦香滑。主菜係美式BBQ豬排骨，個排骨賣相唔錯，好大份，上枱時香味撲鼻，顏色都燒得好靚，切落去骨肉分離，好味道。甜品本身係跟兩件一口芝士蛋糕，我見隔離枱食緊個窩夫好吸引，加錢upgrade左食士多啤梨窩夫，窩夫好香脆，口感軟綿綿，配上士多啤梨雪糕，一冷一暖好好味，真係完美嘅作結。…Read More

攞咗假陪亞仔放暑假，終於可以試吓午市放題，始終小朋友唔食得多，會抵食D。呢度格局比較光猛、有水晶燈、有獨立嘅房間，大部分梳化座，坐得好舒適。拎野食都好集中方便，氹氹圈就見到有熱食、炸物、手卷、飲品、甜品、沙律吧、水果、雪糕區。雖然係放題，但唔想浪費，又心思思想試多啲野食，想食嘅先點一件，啱食先再點。食物方面較驚喜嘅係有蟹腳食，尺寸都唔細，味道鮮甜。蜜汁一口牛同燒牛都係必點之選，牛味香濃配埋唔同醬汁，各有風味。銀鱈魚亦好嫩滑亦有魚香，點完又點。如果食榴連嘅，炸榴連亦係必點的，食落好香榴連味，暖笠笠少少拉絲。呢度嘅甜品都有多款選擇，一口一件啱曬，雪糕都有數款高檔品牌，亦沒有數量限制。飲品最喜歡還是清酒，配刺身一絕，暖暖甜甜的。飲飽食醉真係身心滿足又放鬆，簡簡單單已一樂也！…Read More

打邊爐除左之外，湯底都一樣咁重要，呢度出名湯底高質得黎又有特色。今晚想試下d海鮮湯底，就試下呢個卜卜蜆蟹魚湯先。湯底由銅制嘅鍋裝住，侍應會即場炒下啲食材，贊酒、點火，再加入秘魚湯，未食都覺得真材實料。一如所料，湯底鮮味。其他食物嗌左廣島蠔，蠔味香濃、滑身又大大隻。今次試左象拔蚌刺身，有唔同部位，幾有咬口，又爽又鮮甜。A5和牛亦係必點之選，牛本身好高質，油花好靚，入口滿滿牛味，夾雜好香嘅油香。環境好chill, 樓底高，坐位間隔亦疏，食得開心又安心。…Read More

細路放暑假喇，要盡情出去玩下、飲飲食食先。佢哋話想再encore食流水蝦，咁啱我哋喺九龍公園玩完，慢慢行過黎都好方便，加上又肚餓，任食啱晒。黎到已經好full, 一坐低我哋兵分幾路出去嘢食拎嘢飲. 爸爸裝定啲冰入鐵筒，預備定凍暈d啲流水蝦，因為太生猛，紥紥跳。我就迫不及待拎d海產，帶子、扇貝、蜆、蠔、魚、魷魚應有盡有，每款都拎少少。細路就拎佢哋鍾意食嘅嘢，雞翼、丸、紅腸、蒜蓉包等等。細路話見到啱啱重游緊水嘅流水蝦，監生被凍暈，放上爐燒，好殘忍，但食嗰陣又好似唔記得咗咁，話好爽口、好味！食咗幾輪已經開始又飽又眼瞓，食埋雪糕真係一大滿足，今晚係一個開心又愉快嘅親子樂。…Read More

Set lunch有數款選擇，前菜有三個唔同組合, 可因應需要自行選擇，我點左個餐湯同凱撒沙律，沙律幾爽脆，配埋細細粒嘅麵包糠、煎香過煙肉好香口又開胃。餐包上枱時暖笠笠的，入口鬆軟可口。是日餐湯係蘭度豆湯，d豆煮溶晒，個湯好綿又有少少咬口，感覺又幾淸新。主菜點左個煎龍脷魚，個魚外層稍為煎香，而裏面嘅魚肉依然嫩滑，同保留住魚油香。薯蓉亦好幼滑，感覺啱啱好！甜品係士多啤梨慕絲蛋糕，蛋糕食落去甜度啱啱好，幾清新，配合埋啲士多啤梨醬好香甜。總括嚟講呢度環境舒適，無諗過喺旺角嘅鬧市都搵到個咁寧靜寫意嘅地方，而且景觀一流。係同朋友相聚慢慢傾、慢慢食嘅好地方！…Read More

剛打算買幾杯台式飲品到朋友享用，無意間發現原來品茶開了首間外送店在觀塘，下載手機APP可免費送一杯飲品，支持下先。我地點了三款飲品：米香烏龍檸檬冷露其實係烏龍檸檬茶，茶底加左米粒，多左份米香，有檸檬嘅酸同清新，本身飲開凍0茶走甜嘅會好like(留意飲品本身係無糖嘅)。鮮奶咖啡 咖啡幾香滑，咖啡同奶比例平均，入口順滑。凍黑糖珍珠鮮奶鐘意珍珠本身有甜味，煙煙韌韌，如再煮淋身小小會更好，小朋友話好好味。飲品整體質素唔錯，欣賞外送30分鐘內送到，外送員十分有禮，加分！…Read More

之前應承咗阿仔考完試後，陪佢食放題。今日出開嚟旺角，見呢度幾多好評，食物選擇多，價錢又抵，一於同佢嚟試吓。餐廳位置喺創興廣場，一上扶手電梯就見到。餐廳面積好大，圍住條扶手電梯氹氹圈咁。當時我地嚟到約12:30，已經座無虛席，要喺門口排隊等入座。坐低後，先用QR code點嘢食，趁食物未到，便出去行個圈，睇吓有咩嘢可以即食，原來選擇都幾多，有啲涼拌前菜、幾款熟食、中式糖水、貝類、甜品、清酒等，可以自行取。約10分鐘，嘢食開始陸陸續續上枱，始終小朋友食嘅份量唔多，每樣都係點一件試吓先，諗住啱先再點。好鍾意呢度啲創意手卷、壽司飯細細件，唔會好飽肚，可以試多d其他野。我哋主要食熟食為主，蟹棒天婦羅、比目魚、鰻魚、燒雞翼、牛肉烏冬都係必食推介。阿仔雖然食得唔多，但係得閒又出去夾下魚蛋，又揀下甜品、雪條，睇見佢都開心。重話下次要帶埋細佬黎食。…Read More