亞金's Profile

與中學同學相聚，本來想放題，點知無位。咁啱見到The place，之前都想試，撞啱有快閃優惠5折（得呢兩日），注定要試試佢。總結係物超所值，飲品有罐裝、有DIY cocktail、有紅白酒、果汁咖啡，海鮮有生蠔，我唔食唔知好唔好，龍蝦，蟹腳，蝦，青口，瀨尿蝦仔等，有味既！冷盤有沙律、菌類、hams、等；熱食有牛扒、豬、鵝肝、中西湯、煎品、蒸餃、中西湯、煮水餃等，從蝦子粉可見其detail；有雜芝士、魚生，樣樣都有。甜品有疏乎厘、蛋糕、撻、Movinpick雪糕、雞蛋仔等。食完飽到一個點…Read More

我喜歡食辣，又喜歡食麵，朋友話舊上層南記有辣麵，就去試試。點餐紙見到個名唔知係乜，間店又無貼相，係下面招牌有張腩肉麵相，也不知係咩名。a+b係麵+飲品$68，有幾款揀，凍飲+3， 可樂+8， 咁一定唔會點可樂囉。a+b+c/d(小吃或糖水），我點了這個餐。$78落單見有good的小白就點，侍應話這是腩肉就試試。碗麵黎到，不是我喜歡的湯底類別，油油咁，味道ok既。食完都未飲完野，男的走來問食完未可否早些交枱，我即時吓！剛放低雙筷野都未飲完，佢話哦唔緊要，問問啫。回頭望有人等位，怪不得催還枱。埋單，又唔係平，要加一86蚊，service charge在於有人落單，有人上菜，要排隊比錢，和被催還枱。呢種湯底唔係我喜歡的，仲要唔坐得唔好坐，價錢亦唔係平，咁唔會係我有下次的選擇囉。…Read More

訂左食lunch buffet，前一日有人打黎confirm booking。是日到達，waitress語氣好，帶到位倒水，有lemon的，倒水還會有另一隻手渣住餐巾蓋住，避免有水淺出，細心。:)食物方面，企企理理，味道也不錯。有serve salad，我鍾意佢有磨菇片，有olive。魚生都係basic果幾種。熱食佢地會轉款的，讚。有cheese，有dessert，有咖啡機及juice，有noodle，粥，羅宋湯。坐在大window，出面大草地，感覺好舒服。…Read More

之前見到呢間野開張，唸住搵日試下。記得我之前行過，決定下次都係唔會黎。但今日......落雨天，同事話食米線試下新開呢間，我話上次我睇過，但唔記得咩原因我唔會選擇黎呢度食，結果比次機會佢啦。去到都有8、9成入座率，座位唔會太迫，但睇睇個menu，嘩，想走囉。26蚊個湯連配料，7蚊一個餸，即係一餸落樓33蚊，同區價黎講﹐除非你碗野超好味，否則絕對唔值。同事點了雞絲蕃茄湯底 : 7蚊一個餸，唔會太差吧?! 噢，點知出黎係鞋 及"un"的手絲雞，似係煲完湯用啲渣絲開咁。雖然係咁既quality，但都係比左一小撮。湯底ok，有幾舊蕃茄，但未到超濃湯，所以，個湯唔值廿六，個餸更加唔值7蚊囉!!!!!!我點了豬軟骨麻辣米線 : 有麻辣味，但唔令我上癮，比言覃人子或巴蜀豬排黎講，比下去。配料亦好求其，兩粒花生，同蔥絲，同酸菜芽菜，但都係少量。都係果句，唔值26蚊。豬軟骨有幾舊，但都係薄切，不過比我同事好囉。唔敢話佢值唔值7蚊，但肯定唔係抵食囉。埋單一人三十三，一餸米線，都講下個米線啦。無咬口，係煮唔夠會爽，煮得耐會腍果種，我今次係腍，無米線的彈牙口感，都係差。提一提，佢有個8餸套餐，有貢丸，生菜，雞肉紅腸，魚旦，雞排，腐竹，同唔知咩，呢啲餸，佢收59蚊囉，仲要飲品另計，死未。佢場細細，伙記好幾個，舖租又應該唔平，所以佢唔收呢個價點做?! 但係...唔係呢個quality囉。…Read More

今日同同事共四人去呢度食餃子，入到去坐左張四人枱，啱晒。由坐低起計都未到15分鐘，果個面無四"錢"肉既男侍應生，話"你地已經食左好耐，出面好多人等緊位"，我既反應就係"吓，唔係吓話"，隔離枱有個男仔都不禁望下過黎。由於我食淨餃，所以較快食完。但我朋友既雞麵同牛展飯都未食完，佢已經成日想黎收，佢地啲飯同麵食淨左大半碗，我地計都未有傾過，何來好耐呀?! 如果坐低十零分鐘就話我哋阻住，咁你地不如限時啦?! 出去埋單，都無人等位啦，果陣都係1:30，可以理解。一路行番公司，我地一路心心不忿，點解佢地態度能夠如此，蔡瀾，請你不要推介啦，嚇死人。老實，食物方面，我的餃是可以的，但回程勁口渴，好重味精。餃是ok的，但係咪值得專程去我又唔覺得囉，加上咁既服務，要你咁食既速度，我唸你唔會食出啲咩味來。總言之，除非你無睇過食評，否則的話你應該唔會去呢間野。更可能你會好似我咁，黎睇食評因為你覺得佢既服務超差。…Read More

食完晚飯，飽飽地，要左個榴槤雪樣，10蚊雞。我鍾意佢有啲肉响入面，係一間再去果頭，會再買黎食既甜品。…Read More

果日响官也街，禮記無開，唯有選譚家。上樓上見人地食緊啲佛跳牆幾靚仔，但因為我地跟住就食晚飯，所以都係淨食翅。選了一個98同一個68，68的當然少翅啲，98果個都見到兩群仔。但係個湯好杰，我就唔鍾意囉，好似食"獻"咁。呢間我唸我都唔會encore了。滿有期望去食翅，去完呢度就唔會再恨要食，唔知好事唔好事。…Read More

有朋友响英國返黎，想食越南菜，經open rice搜尋過，選擇左呢間。中環店full了﹐打電話到灣仔店，訂四個大人一個bb車，七點有位，於是選擇左黎呢度了。去到七點二，遲左少少，好彩果陣人未多，所以仲有位比我。佢安排左我响一個很好的位置，可安放我的bb車，但由於佢的bb椅是高椅而唔係加上坐椅上的櫈仔，所以我個十個幾月大的bb終於可以登上大枱，摺埋bb車响側邊了。朋友聚舊，飲番幾杯冰凍啤酒，hsbc卡有買一送一，very good。共點了8道菜+一藍包，食物好新鮮，亦有平時食唔到的一些越南菜，很讚。prawn salad roll - 蝦甜，一份兩條四件，good deep fried soft shell crab - 唔太乾，唔太濕，好似有 6件，下次要帶媽咪黎食sweet potato shrimp spring fritter - 幾得意，第一次食，有隻蝦stick with一個煙un既餅sizzling crepes saigon - serve with 一籃菜香葉，幾特別，goodhanoi tomato crab noodle - 湯味濃茄，good，不過唔好期望係濃蟹味，佢係整碎左，個湯有啲肉，同有兩粒丸ox tail ragout - 牛尾好味，有大約三大三細件，入面有蘿蔔braised vegetables - 有青椒，西芹，椰菜等的雜菜，值得一讚係，雜菜都唔係下欄菜，都係好新鮮的。fillet of sole rolls - 都係salad roll但係魚黎既，呢個無咩特別印象，not bad but not specialbaguette - 法包，佢係烘過的，有heart啊。加埋18枝啤酒，但係9個order，因為買一送一，埋單加埋一都係791，very worthy！酒果度佔277，食物佔514。:)…Read More

我和老公於8月24日下午，到三上打算吃下午茶時段，因早幾日去吃過宵夜，唸住平平地，無乜選擇都唔緊要。點知我地埋單，下午茶食左231蚊，但無食啲咩好野，質素亦固然唔好啦。最嬲係，佢門口話特惠時段增加左啲項目，但原來家下唔係半價，而係果張紙仔上面的價錢已經係特價。我問經理迴轉上係咪都係半價，佢話係，原來唔係半價不單止，仲係無特價收正價添。等我仲响迴轉上面拎三文，同一樣野我不如落單。總之果餐肯定係我最後一次出現响呢間餐廳。唔聲唔聲加價同取消優惠，咁都唔緊要，但似乎係呃啲客人咁既手法唔要得，老實講，231唔貴，但唔係呢種質素囉。…Read More

尋晚我同另外兩位小姐黎食飯，六點幾到，全場首張座上客，我地點了以下食品:酸奶一杯<== 朋友話幾好飲芒果酸奶兩杯<== 一般素咖喱角三隻<== 唔錯，又抵食，五蚊隻鐵版燒雞(五件) <== 唔錯，肉嫩特濃鮮茄羊肉<== 唔覺得緊羊，唔"蘇"，汁好味咖喱牛<== 唔係所唸既咖喱，唔問佢唔知邊個係羊邊個係牛既order，應該同我襯個唔同類的咖喱會好啲。個味其實唔錯既。白飯一個烤餅一份炸鮮奶球(三粒) <== 完全唔合我口味，勁甜，送黎果陣貌似一個雪糕杯放了三粒大紅提咁。味道口感好似啲蛋糕麵包球浸完入鍊奶糖水咁。薄脆<== 咖喱王係坐低就送的特色小吃<== 薄脆上加洋蔥醉同唔記得咩，只係八蚊，但唔會再叫，好油，放耐左會林，完全唔"特色"啤酒三枝埋單: 331 <== 咖喱王入vip有折，呢度入會員都無優惠其實平時我多數去咖喱王，不過見呢度comments咁多，就黎食囉。呢度幾好坐，唔太迫，所以我地可以坐成晚囉，相比咖喱王就無咁好坐。至於食方面，個人覺得咖喱王好食啲。服務上，咖喱王的johnny會比食物意見，呢度亞james都好好人。新德里有個好野係，你可以帶wine去飲，唔收開瓶費。…Read More

其實我過去黎過呢度幾次。由佢98到而家變成138蚊一個人，包三個鐘，燒烤同啤酒汽水任飲。開爐每個28蚊。上次我地黎，一夠鐘就即叫你走，無商量可言，連你個爐上面既野食都要同你倒埋。佢間野話收2:30，我地8:20開始，到11:20我地決定比廿蚊佢加鐘，到12:20分，佢得番一兩圍，佢話唔可以再加，因為無其他booking，所以唔加鐘，我話唔係呀，佢話明收2:30，我先唸住黎玩咋喎，跟住佢比我地加最後一個鐘到1:20。當然，未夠鐘個經理又行定出面睇住火記做野，一夠鐘即刻郁手收野。我覺得咁好過份囉，打亂晒我既計劃，係咁我唔駛黎啦，我地10個人兩個爐一人都184(加兩個鐘)，再加的話204添，我出去出面場可能唔駛咁多，仲可以玩耐添啦。仲有，佢其實都任飲架啦，我帶紅酒黎開，都唔明佢點解要收我50蚊一枝開瓶費。野食方面，都ok，叫做樣樣有，係最唔滿意個時間同收費。如果呢個價錢，真係唔駛黎。基本消費一人都144架喇。…Read More

果日去開紅磡，就同朋友試吓大家都讚的時新漢堡。我地點左雙層芝士漢堡------ $ 12芝士漢堡蛋漢堡---- $ 12 炸薯條------------ $ 10熱奶茶------------ $ 9啲漢堡抵食囉，12蚊有個烘過既包，煎過既自製漢堡，漢堡入面混有洋蔥，加塊卡夫低脂芝士。咁同中環出面熱狗比，12蚊一隻雙腸狗，我會揀漢堡既。但佢個薯條就唔係好得，首先10蚊唔大碟，外觀燶燶乾乾唔新鮮咁，食落都熱辣辣的，但就係唔會再食佢囉。不值。仲要佢比一包包茄汁我，果幾包野勁"痴笠笠"。我覺得呢度都只會係黎開口痕就會食，但唔會專程黎囉。…Read More

由於我公司响金鐘，我間中都會黎呢度食車仔麵。雖然地方細細要企响度食，但我都接受。但係今日再去，我好唔高興。早前已經聽同事講知佢加左價，加幅都幾大，由每個餸4元加至5元，即25% 升幅架。但係，我覺得最差既係，佢份量好似比之前仲少左添。今日無左昔日條人龍，唔知有無關係呢?! 不過我都打算罷食佢。好不忿咁加價，仲唔比足啲料。係咁早排就唔好裝修留番啲錢做福下大家啦，反正裝完都唔見得特別大分別。…Read More

我地16個人，星期日到萬發食小菜，好飽。我地叫左咸水雞同炸子雞，我個人覺得就麻麻，咸雞唔夠滑，炸子雞唔脆。是晚人多關係，叫多左好多菜，上湯西洋菜好吃，菇竹笙菜都好食，沙拉骨好食，牛仔骨都好食，菜脯蛋一般，肥牛粉絲煲ok，蜆芥堎魚球，豉椒炒蜆(怕辣的人可能食唔到，要叫佢走或減辣)。起碼15碟野，加汽水啤酒，一人都係95蚊。食完朋友話打邊爐仲正，下次試下先。整體上，唔係特別好食，但ok囉，又平，又大碟，用黎做飯堂都抵過你煮。…Read More

以前黎過幾次，都知道呢度啲野唔好食，但昨晚和友人到海港城行完，因為手拿的東西太重，而且我們又是煙民，所以想起這個地方了。我跟朋友說這兒相對又貴又唔好食，建議去諾士佛臺，但出到街，因手上東西真的重，所以都係去左"她"。對面的日本餐廳不見了，但該間"她"居然仍然生存，真係難以置信。我們一人點了一個椰青，(本來我叫lime soda，但果杯野完全唔係你同我飲開果種，為安全起見，我轉番椰青，不過佢都肯同我換)。我們點了1)三色拼盤(魚餅，蝦餅，春卷各x3件)蝦餅唔爽，春卷皮林，魚餅唔彈，整體上成碟野唔得；2) 青咖哩雞，青咖哩啲雞肉都ok，但嫌個汁好水，稀得滯。3) 咸魚炒芥蘭，呢碟係最好果樣。跟住朋友的男朋友黎埋，叫左一位冬蔭湯(即一位用的湯碗)，勁唔得，有酸味有辣味，但夾唔埋的，而且無香味。最後我地叫椰汁西米糕，個侍應問係咪一客，我地問佢一客有幾多，佢話六件，老實講唔問佢的話，叫三客佢係咪黎18件呢?最後我地叫一客，碟野黎到，首先賣相唔得，上面無左粒粟米，面頭啲椰汁cream又難食又太多又出界，入面的西米發到好大粒但係硬既，無左粟米唔緊要，但响西米入面加馬蹄粒，9唔搭8。加埋三碗白飯，埋單45x。唯一係佢有得食煙，唔迫唔趕。…Read More