X肥肥's Profile

海之戀地標擁有荃灣西海景，不少單車友途中停下作休息，韓樂位於海之戀商場門口相當易找。今天同朋友趕住11.30am 前吃早餐，順便在此享受美好的風景。早餐點了“香茅雞扒湯通粉” 和“ 野菌牛肉沙爹湯意粉”。沙爹牛肉都是香港人最愛食品之一。這裏的沙嗲牛肉味香濃而不死鹹，牛肉腍滑富牛味。意粉要滑和彈牙，加上野菌也非常有口感。這裏的雞扒不薄，有一定厚度才有嚼勁，煎炸要夠香口又要不失肉汁。牛油炒蛋滑順，配著香蔥一起吃，簡單美味。職員話這裏的檸檬是新鮮榨的，但感覺有點像檸檬粉溝水 但我們認為，$70 在此能夠享有優質友善的服務，也是非常值得。…Read More

鼎爺廚房不嬲都想試吓，朋友忽然間想食燒鵝瀨粉那就去幫襯下。地址位於海之戀商場3樓，上樓梯就會見到。裝修用了佛禪哲學，好似去了無印良品一樣。此店標榜無添加味精為宗旨，那就點了 “化皮燒腩仔拼貴妃雞飯” 和 “ 鼎家柑橘燒鵝背瀨粉。這裏的鵝皮香口光澤，用了鮮橙，檸檬和青檸檬來醃製，鵝肉肉嫩結實無渣，濃郁鵝味在口中散開，大快朵頤。燒腩肉一定要趁熱吃，才可以吃的到皮脆肉滑嫩入口的滋味。貴妃雞的精碎，雞肉鮮嫩爽滑，新鮮濃郁的雞味。此店價格屬於中環價錢，但一分錢一分貨，想吃鼎爺嘅食物就快啲嚟試下。…Read More

細細個已經幫襯呢間扒房。屹立至今，80年代裝潢，環境有點老化，但頗有懷舊情調。玻璃門掛窗紗，膠枱墊卡座，分上下兩層，上層樓底偏矮，擁有著不少人的回憶。十來款鐵板餐就點了牛柳和雜扒，份量十足。先來了一碗羅宋湯和忌廉湯，湯味道對辦，酸中帶辣，惹味開胃。餐包拳頭般大，鬆軟有麥香。終於到主角出場，眼前不敢相信是一個人的份量。牛柳近兩吋厚，脂肪比例均匀分佈，煎出來帶油脂香和肉味濃郁，入口即化。雜扒餐份量十足，煎豬扒，雞全翼、牛柳、巨型雞扒等，疊至幾吋高。薯菜，番茄，蔬菜作配菜。雪糕作甜品。但炎炎夏日就點了一杯啤酒作消暑解渴。你冇聽錯，啤酒是跟餐的。…Read More

倫哥位於佐敦道26號2樓，Promotion $188啫啫海陸空雞煲火鍋放題，附送海鮮拼盤(二人起)，不得了。這裏的雞煲真的不能錯過，雞煲要煮五分鐘，每兩分鐘攪拌一次，避免黐底。雞肉嫩滑肥瘦適中，油炸鬼再吸收埋店家地製香辣惹味的麻辣汁，滋味無窮。呢度啲雞煲實在太好味，忍唔住 encore一次，太滿足。海鮮拼盤非常新鮮，鮑魚肉質彈牙，魚片爽口，帶子鮮甜結實絕不鬆散，鮮蝦爽脆大有海鮮甜香，冇得輸。肥牛肥瘦均勻入口油香，各種丸類海鮮雲吞響鈴午餐肉韭菜餃魚皮餃豬紅腐皮凍豆腐牛魚丸芝士丸等出前一丁烏冬，應有盡有。各類蔬菜都係自由添加，飲品汽水都係任飲，但啤酒要另外加錢。襯佢仲做緊promotion 就快啲去啦！！！…Read More

越南粉 Pho 對於一個麵痴的我情有獨鍾，自小就喜歡越南撈檬那種酸酸甜甜的汁料。雖然我未到過越南吃真正的越南河粉，但我在巴黎及多倫多吃過當地的越南人烹飪的牛肉湯河後，就被它深深地吸引著。今日介紹這間老趙位於鑽石山荷里活廣場3樓。中午時分人流不算太多，裝修舒適寬乾淨。清澈的湯底是越式牛肉河粉的靈魂所在。我建議大家都先喝一口湯品嚐湯頭的原味，湯頭相當濃郁的鮮甜卻很爽口。生牛肉被熱辣辣的湯底輕輕灼熟，既有濃郁牛肉味又不失嫩滑口感。的確不錯。天氣熱，很多人喜歡用檸檬汁增加開胃，湯頭會更加酸甜。再奉上一盤香料，金不換，苦菜葉，檸檬，魚露豆，芽菜下去。攪拌之後再另喝確一口湯，另一番鮮味。…Read More

呢間冰室位於太子水渠道，太子地鐵站B1 出口行一分鐘就到。話說當日是公眾假期，很多早餐食店已爆滿，行行下就嚟到呢一間，啱啱有位就入去試下。說到茶餐廳必食的招牌名物，沙嗲牛肉麵一定上榜，沙爹牛肉即食麵，都是香港人最愛的茶餐廳食品，不二之選。但做得出色的卻不多，不是沙嗲醬煮太鹹，就是牛肉被鬆肉粉醃得淡而無味，想吃一碗滋味的沙嗲牛肉麵都不是一件容易的事。這裏的招牌沙嗲牛肉喜麵沙嗲味香濃而不太鹹，牛肉腍滑麵條爽口而不過軟，好吃。配牛油多士+煎蛋+香腸。煎炒蛋好吃很多，相當香口，加上一杯冰凍凍檸茶，簡單美味滿足。…Read More

餐廳位於富豪機場酒店1樓，從機場1號客運大樓前往約10至15分鐘，始終酒店機場比較偏遠，所以中午不會太多人。這裏環境舒適乾淨，員工很有禮貌，佈置紅色為主。小籠包外皮厚薄適中，同時能承托包內湯汁，肉餡有肉的鮮味，質感鬆化有咬口，調味適中。外皮皺褶要工整，用筷子夾起，隱若見到裏面嘅湯汁，賣相才靚。上海粗炒麵條有嚼頭，炒得又有鑊氣那材是正宗上海粗炒。材料好簡單，豬肉椰菜，將拌好的醬汁炒麵，如喜歡辣，拌入豆瓣醬炒更惹味。豬扒沾上一層炸漿及麵包糠，食落啖啖肉口感，多汁肉腍，煎炸香口又要不失肉汁，軟硬適中。一般味精湯，但不會過鹹。…Read More

荃灣不嬲都多嘢食，因為剛好經過，但又不太餓就走進去了。點了一碟炸兩腸粉，腸粉口感札實，硬脆的口感很不錯，淋上醬油和辣椒醬就香味十足了。豉油皇炒麵炒得乾身，簡單樸實，不會炒得太肥膩，加上香甜的醬油，口感十足。艇仔粥要綿綿滑滑才好吃，魷魚、碎牛肉、炸豬皮、油條、花生等食材，讓人吃上一碗就很飽足，滋味卻十分清爽。牛肉粥的牛肉切得碎碎的、半生熟的牛肉絲是鮮軟的，一上桌就要利用粥的熱度把牛肉給拌了個五分熟。口感有層次，好豐盛。傳統的港式粥是用非常滾燙的粥底以生滾粥方式將配料煮熟，品嘗時記得先吹涼，小心別燙口了。…Read More

聽朋友講呢度好多後生仔等排隊，既然朋友約我係度食lunch 就即管試下。入到餐廳夥記便會安排你坐位，剛剛有二人位空出，夥記便示意我們坐下去。兩個人一樣點了紐西蘭一級西冷牛扒。這裏不是舊式扒房不會喺你面前淋汁上扒。西冷扒帶少許脂肪的部位，脂肪比例均匀分佈，煎出來帶油脂香和肉味濃郁，入口即化，令人你帶來嶄新牛扒滋味。馬鈴薯，蘸上醬汁，加入黑胡椒碎，風味獨特。炎炎夏日走進茶餐廳，當然想要嘆杯凍檸茶消暑解渴。午市值得推介。…Read More

雲桂香不嬲是我最喜愛米線舖之一，今日見佢新裝修新張優惠 88折一於捧吓場。既然有折頭今次就點了倉魚米線和蟲草花雞湯米線。朋友很喜歡食倉魚，因為肉質細緻又少刺，不過近年來倉魚的價格愈來愈貴。乾煎的魚身厚度適中，肉厚白肥美，且不帶腥氣，魚湯味濃。$65唔使劏唔使買唔使自己去煮仲要有折都的很好。蟲草花雞很有營養，蒸出來的雞肉原汁原味，湯不但吸收了雞的鮮味，還夾雜了蟲草花的香味，新鮮的蟲草花顏色非常漂亮，入口很甘甜，擁有很好的養生保健功效，爽脆滑嫩很好吃。新優惠不會永遠的，喜歡吃米線的你還不快來？…Read More

不嬲都以為四季文昌只係食文昌雞和打邊爐，早午經過見到佢哋做早鳥午餐 Early Lunch 只限11.30am - 12.30pm，諗都唔諗就衝上去試一試。文青既裝修，面對住始創中心大玻璃，地方寬敞環境舒適，未食已經加分。三個人就試曬佢三個餐，四季文昌海南雞飯，叉燒煎蛋湯烏冬，海南咖哩豬扒飯。海南雞飯最好味地方就是不太肥不太瘦不完全熟透，骨與肉之間帶點桃紅，皮與肉之間帶點薄薄的透明啫喱，加上甜豉油和薑蓉撈飯一流。叉燒帶點炭香味，微焦外皮入口香甜，肉味濃郁帶香味，叉燒配煎蛋加上香滑可口烏冬簡直絕配。豬扒炸出來外酥里嫩，香脆又鮮嫩，肉的質感軟淋但充滿嚼勁，加上香濃的咖喱，再來一碗白飯，根本停不下來。每一個餐附送三碗湯加飲品，足料之外飲得出絕對冇加味精。Set lunch可以飽到上心口，講笑夜晚可以唔使再食。如果五星滿分可以再畀加分我一定會再加。…Read More

呢間東哥係元朗區都有好幾間分店，但都未試過，啱啱經過太子站就一於試下。點了一碗生滾牛肉粥，份量畀我想中大。濃稠的粥帶著牛肉的鮮味，牛肉嚐起來滑嫩帶汁，熬成熱燙軟綿的粥味道鮮甜。豉油皇炒麵炒得乾身，簡單樸實，不會炒得太肥膩，加上香甜的醬油，回想起細細個至愛早餐，就是大排檔的白粥和豉油皇炒麵。籠仔鳳爪排骨盅飯加上甜豉油、飯香因而口感提升，排骨略帶肥膏，肉質軟腍，調味亦恰到好處。整體一百蚊有找食咁多嘢真係好抵。…Read More

今晚有事慶祝，但又唔想去花X餐廳，知道隔離有一間扒房未食過，價錢又好似平少少於是試一試。其實都唔使等好耐，不過你想坐卡位就要等一等，條隊都算去得快。環境算ok，燈光較黑暗。自已點了鐵板西冷牛扒，朋友就點了鐵板帶子鑊仔牛柳。先來了一個湯和餐包，湯都算足料。其他港式牛扒好興喺你面前淋汁上面，貪佢咋咋聲嗰種視覺享受。呢度你唔同侍應講分上，佢就幫你淋埋先出餐。黑椒汁慢慢滲入牛扒內，經高溫烤後，牛扒會更為焦香，每啖都有濃郁的牛香味，加上薯條香口，難怪那麼人排隊。整體嚟講咁樣嘅價錢畀對返嘅食物，值得再嚟。…Read More

經朋友介紹下，就嚟試下呢間嘅set lunch。佢哋晏晝有做韓燒放題，不過唔啱我啲返工得一個鐘頭食lunch既人。餐廳位於彌敦道726號9樓，整座商業大廈都以餐廳為主，一開門已見到餐廳門口，內面唔算太大，但乾淨企理坐得舒服。點了一碗洋蔥牛肉石鍋飯，牛肉飯勁大碗，牛肉夠淋，入口即溶又多汁，真係讚不絕口。柚子炸醬雞，炸得剛剛好，外脆內軟，咬下去的肉質也非常爽口，值得一讚，紫菜飯味道不錯，沙律夠新鮮。這裏份量比我們想像多，要打包。午市套餐包餐湯，前菜及汽水一罐，真心值得推介。…Read More

天氣濕濕凍凍，最好就係食麻辣米線，雲桂川是我其中一間最喜歡米線舖。次次經過都人山人海，但到我們去就很多時候都不用等位，去得多姐姐都認得我們。今日 order 麻辣米線(小辣)配麻辣雞，朋友叫了酸辣湯底(小小辣)配豬紅雲吞。佢哋嘅麻辣雞真係有麻辣味，多肉又多汁。豬紅軟滑，雲吞是自家製所以皮薄餡靚夠鮮味，湯底麻辣層次分明吃得十分過癮。以前都食到中辣，現在越吃越不吃得辣，可能年紀大哈哈，所以沒有叫小食，下次一定要試下。點菜紙十分清楚，減少出錯意外，記住記住記住菜紙可以加蔥加芫茜加酸加米。…Read More