michellemy121's Profile

上星期同朋友去咗太子食咗間人氣街坊小店——竹面譜💕相當有驚喜😍價錢超親民，好抵食‼️最癲係$68蚊就可以食到「鹿兒島A5和牛丼」同「鮑汁花膠冬菇鍋」！💫 夢王和牛丼我地叫咗個招牌夢王和牛丼，中間嘅夢王蛋圓潤飽滿（可以揀溫泉蛋/流心蛋/太陽蛋/生食蛋），我地揀咗生食蛋❤️戳破蛋黃，蛋液緩緩流出，同軟嫩和牛、香軟米飯拌埋一齊，口感層次豐富，超級滿足🤭💫鹿兒島直送A5和牛+ 鮑汁冬菇花膠鍋另外仲試咗鮑汁冬菇花膠鍋，$168 嘅價錢，配料超豐富，成個煲有五六嚿掌心大嘅花膠，煮到淋身又入味，冬菇香濃，吸滿湯汁，每啖都好滋味～😋💫小食必嗌「炸鮮奶」，金黃外皮咬落去脆卜卜，入面啲奶餡仲係流心嘅，好香又滑，熱辣辣食真係停唔到口。🤩💫鯪魚球都唔輸蝕，咬落去啲魚肉好彈牙，點埋鹹香蜆蚧汁仲正💫最後飲埋佢哋自家煲嘅涼茶，即刻解晒啲油膩感👍🏻👍🏻真心抵到爆！同區茶記食個頹飯都要五六十，呢度百零蚊就可以歎A5和牛同花膠，難怪咁多人去食😝 👏🏻…Read More

上星期約咗朋友諗住去搵個地方飲杯嘢傾吓偈，竟然俾我地發現到尖沙咀呢個咁熱鬧嘅地方，竟然藏著一間好Chill又好似去咗外國嘅Coffee Shop——MAROUF COFFEE。呢間咖啡店有露天座位區，亦有室內，可以好悠閒地享受愜意時光🌴☀️🥰好多人喺度同朋友傾吓偈，或者用電腦工作，氛圍好chill好舒服。原來呢間coffee shop 係阿拉伯地區嘅人氣Coffee Shop嚟🤣入到去見到佢哋買嘅咖啡都充滿中東特色。而且仲賣緊自家品牌— 最近好興嘅杜拜開心朱古力🍫鍾意嘅朋友可以買來試吓😍我同朋友點咗冰開心果咖啡、抹茶拿鐵、燒牛肉三文治、火雞芝士牛角包同兩款甜品。💫冰開心果咖啡☕️💕真係要大力推薦，入口唔會過甜，滿滿嘅開心果味，香氣獨特又迷人，每一口都好享受。💫抹茶拿鐵拉花精緻，抹茶味濃郁，搭配牛奶嘅醇厚，口感順滑。💫燒牛肉三文治，麵包外脆內軟，牛肉燒得火候剛好，肉質嫩滑，搭配上蔬菜同醬料，層次豐富。💫火雞芝士牛角包，牛角包酥脆，火雞肉搭配芝士，鹹香可口。呢間店無論環境定食物都好令人滿意，好適合閒暇時光過嚟坐一坐。…Read More

隱身尖沙咀中達大廈三樓嘅「壽喜燒·肉屋」，真係有驚喜。坐低未食已經覺得有種儀式感，侍應哥哥全程細心介紹同幫手燒肉，完全唔需要自己落手，對於想靚靚坐定歎世界嘅女仔嚟講，簡直係天堂！今次試嘅係「頂級京都牛鍋x壽喜燒極致盛宴」，一人前$598，兩位就$1,196。𝐀𝐩𝐩𝐞𝐭𝐢𝐳𝐞𝐫 前菜🥗 芥末八爪魚野菜沙律｜ 柚香脆豆腐｜芝士炙燒和牛卷八爪魚爽口彈牙，帶點芥末微辣，配合爽脆野菜，入口清新開胃。和牛卷嘅脂香同芝士嘅濃郁融埋一齊，仲有炙燒過嘅焦香，好食!!𝐏𝐫𝐞-𝐌𝐚𝐢𝐧 𝐂𝐨𝐮𝐫𝐬𝐞𝐬 精緻小食🍋 檸檬の牛舌｜牛舌爽脆彈牙，加上檸檬清香，酸香提味，食落清爽又解膩。𝐌𝐚𝐢𝐧 𝐂𝐨𝐮𝐫𝐬𝐞𝐬 主菜｜京都牛鍋𝐱壽喜燒🥩 炙燒焦糖肉眼芯牛鍋 (75g)｜肉眼芯紋理分明，慢火炙燒後外層微脆，鎖住粉嫩肉質，焦糖甜香滲入肉汁，層次感好豐富。🐂 A5和牛壽喜燒 (125g)｜雪花紋路靚得似藝術品，入口軟嫩即化，脂香滿溢，焦糖手法帶出甜香，濃郁又高貴。🥩 西冷/肉限（視乎供應）｜肉質結實中帶軟嫩，咬落肉香濃郁，油脂分佈恰到好處，令人回味。🥩 肩胛肉｜肉味厚實，纖維細緻，吸收壽喜燒醬汁後更添香濃。🥬 七品野菜盛合｜京蔥鮮甜、冬菇肉厚香濃、燒豆腐軟滑入味、蒟蒻彈牙吸汁、芝士竹輪鹹香惹味、春菊帶點甘香、大白菜清爽鮮甜，全部食材吸盡牛汁精華，好有層次感。𝐒𝐭𝐚𝐩𝐥𝐞 𝐅𝐨𝐨𝐝 主食🍚 蘭王蛋壽喜燒飯｜ 夢美人特級白米飯蘭王蛋黃晶瑩濃郁，拌入特級白米飯，將和牛軟嫩襯托到極致，入口絲滑香濃。𝐃𝐞𝐬𝐬𝐞𝐫𝐭 & 𝐓𝐬𝐮𝐤𝐞𝐦𝐨𝐧𝐨 甜品及漬物🍧 清爽柚子雪葩｜酸甜清新，口感冰涼，解膩效果一流。𝐃𝐫𝐢𝐧𝐤𝐬 飲品🍹飲品方面叫咗杯「青風細語」🍇，梳打水入面滿滿葡萄果香，清涼解膩，少女感滿滿。無論係食材、料理手法、定係服務，都見到餐廳嘅用心與巧思。要數尖沙咀高質壽喜燒體驗，呢間「壽喜燒肉屋」絕對可以封為壽喜燒革新者！…Read More

燒肉迷有福啦！今次試咗尖沙咀呢間「驚安燒肉商店」，CP值超高，$8牛舌芯真係抵到爆！成間店環境乾淨企理，仲有唔少高質和牛選擇，食肉獸必去！💰$8牛舌芯（必食）超抵價！牛舌芯新鮮爽口，燒到微微焦香，$8可以食到呢個質素，真心抵到爛！🥚 蟹黃海膽月見飯超滿足！蟹黃同海膽味道濃郁，拌埋流心蛋一齊撈飯，每啖都 creamy 得嚟又鮮甜，強烈推介！🍖 極·九宮格和牛（必食）九款唔同部位嘅和牛，一次過滿足！油脂分布均勻，每款肉質嫩滑香口，真係一啲都唔鞋。🍞 和牛多士多士烤到香脆，配上香濃和牛，入口油香四溢。不過牛肉質地略微韌啲，要多咬幾下🥗 黑松露牛油果沙律牛油果滑溜，黑松露香氣濃郁，燒肉之後食一啖，清爽解膩。🔥 厚切牛舌芯厚切款咬落更爽，燒到啱啱好，鎖住肉汁，牛味濃郁，好啱鍾意重口感嘅人。🥩 和牛三角腩（必食）三角腩油脂超豐富，燒完入口即溶，真係好正！🐟 味淋魚干魚干帶微甜，嚼勁十足，好啱配酒做小食。🌽 粟米天婦羅天婦羅香脆唔油膩，粟米粒香甜，食到停唔到口！整體食物質素好高，選擇多到眼花繚亂，燒肉迷一定會好滿足。推介必試 $8牛舌芯、九宮格和牛同蟹黃海膽月見飯，CP值超高！…Read More

上星期同朋友去咗旺角MOKO新開嘅千海水產海鮮火鍋放題，主打即撈海鮮＋任食火鍋，鍾意食海鮮嘅朋友一定勁開心😍平日只係大約300幾蚊，就可以食到任撈海鮮同靚肉，超抵食！😎⁡🦞 即撈海鮮區自己揀心水海鮮，再交比店員即場清潔處理～新鮮度有保證，龍蝦、蟹、花甲、白蜆、海蝦全部任揀，海鮮控大滿足🤩⁡🥩 美國牛肩胛 + 澳洲M5和牛肉質幾嫩滑，M5和牛油花靚，涮幾秒就食得，香口又juicy～牛肩胛味道濃郁，幾啱鍾意牛味重嘅朋友！⁡🍦 甜品＋小食仲有多款haagen dazs雪糕、炸物、蔬菜、火鍋配料等等，選擇超多，好抵😍⁡💡小貼士：想食得盡興記得早啲book位，假日夜晚好快滿座！⁡總括而言，真係超級抵！！選擇多，食物質素唔錯！絕對啱哂所有大胃王朋友😍😍…Read More

上星期同朋友五六點左右做完運動，喺灣仔附近搵餐廳食嘢，見到呢間新開嘅餐廳，環境好似幾舒服寧靜，仲有得望海景，感覺幾適合坐低傾偈放鬆，所以就入去試下!!我哋試咗幾款菜式，包括：同人氣Bagel網店 @monsoon.bagel 合作嘅🥪九層塔鹽酥雞bagel，口感香脆!🐣炸雞軟骨即叫即炸，香脆熱辣辣好食🦐鹹蛋虎蝦鹹蛋蝦加咗蝦油，幾惹味，份量更多會更好 🥹🐮五香牛腱肉質軟嫩夠入味🍜自家製蔥油伴麵帶有奶香同蔥油香🌭自家製滷水炸大腸一嚟到聞到好香好吸引，但我地影相影耐咗，食落有點硬（大家要趁熱食）🪿瑞士汁鴨舌微甜帶鹹香 送酒唔錯🦑冰鎮柚子醋墨魚頭味道清爽，但自己鍾意再濃味d🍧甜品：船粉配龍井紅茶餐廳用船粉加上佢哋自家沖嘅龍井紅茶，茶香淡雅，口感滑溜清爽，幾有特色。整體嚟講，食物質素穩定，不過對於食量較大嘅男士嚟講，分量有機會唔係好夠。整體係一個適合想搵地方輕鬆歎吓海景同朋友慢慢傾嘅地方。餐廳晚上會變成酒吧，有買一送一酒精飲品優惠，氣氛應該幾好👍🏻如果你想搵一個環境舒服、有海景嘅地方坐低休息，呢度係一個唔錯嘅選擇😍整體體驗放鬆愉快☺️…Read More

之前喺尖沙咀開到要排長龍嘅韓國過江龍脊骨湯品牌店，以濃郁薯仔脊骨湯同Oppa幫你燒到juicy嘅燒肉爆紅！依家終於進駐旺角，加開分店，新店同樣係韓國食堂風，坐落彌敦道瓊華中心，地點超方便！🥔🍲 必食 1：薯仔脊骨湯湯底用大量豬骨熬，非常濃郁，辣辣地入口暖笠笠又香氣十足；薯仔粉糯入味，脊骨炆到輕輕一夾就骨肉分離，若果薯仔更多會更好9（本人係薯仔控）🍳🍚必食 2：韓式炒飯（+$50 加配）炒到微焦帶飯香，酸辣開胃，最後加上海苔碎點綴，食到停唔到口。🥩 必食 3：韓牛燒肉全程由 Oppa 幫你烤，唔使自己動手，燒到外層微焦，內裡鎖緊肉汁，每啖都鮮嫩juicy!🐖 香煎韓豚肉片蛋餅煎得好香，之前未食過，估唔到幾好食!!❄️ 韓式冷麵冰涼湯底加彈牙麵條，配上酸酸甜甜嘅蘿蔔絲，炎夏食一流。…Read More

上星期同朋友嚟到大圍 TERA，餐廳主打甜品，環境乾淨光亮，樓底高又舒服，最啱坐低慢慢嘆個甜品下午茶。✨必試甜品：🍫杜拜朱古力疏乎厘呢個真係必食之選！一上枱已經聞到香濃朱古力味，疏乎厘入口鬆軟、蛋香突出，質地輕盈綿滑，甜度啱啱好，食完唔會覺得膩。🧀大圍限定：瀑布芝士漢堡🍔我叫咗鐵板芝士安格斯牛肉漢堡，上枱時店員會即場喺你面前加熱芝士同漢堡，鐵板保持熱度，芝士慢慢溶喺漢堡上，夠晒過癮又唔會一上枱就流晒。漢堡肉厚實多汁，帶濃郁牛香，配上香濃芝士一齊食，鹹香又滿足。甜品、主食質素都有驚喜，尤其係甜品部分非常出色，推介鍾意打卡甜品嘅朋友嚟朝聖一下！…Read More

早前同朋友喺銅鑼灣試咗極尚大喜屋晚市放題，兩小時只係$308，性價比非常高，而且最近仲推出咗幾款新菜式！💡必食新品推薦：🍣 焦糖牛奶鵝肝壽司：用咗同壽司郎一樣嘅做法，鵝肝滑口無腥味，上面仲有焦糖牛奶醬，甜鹹平衡得好，入口即溶，完全係邪惡級美味。🦀 避風塘炒蟹：蟹鉗肉質實淨，炒香嘅蒜蓉同辣椒撲鼻，香口惹味，絕對唔係得個樣。🍛 咖哩大頭蝦：蝦身大隻結實，微辣帶香，掛汁一流🍱其他推介：除咗新品之外，刺身、壽司、燒物、水果甜品款式多又轉得快，整體質素對得住價錢，唔會求求其其!!極尚大喜屋今次新品加得好有誠意，三款菜都用料實在又有驚喜，特別推薦畀鍾意食海鮮或者壽司控。想平價食得好，可以一試！…Read More

上星期同朋友去咗一間超高CP值嘅韓國燒肉放題餐廳，最震撼係$338就可以任食韓國1++頂級韓牛，真係平過我之前喺韓國馬場洞食嗰啲高級韓燒，質素絕對唔輸蝕！⁡⁡💡必食亮點:🥩🔥1++韓牛任燒：油花分布極致平均，入口即溶但唔會過膩，肉質彈牙有層次，燒到五成熟最啱，肉汁鎖得剛剛好。⁡‼️超過30款韓式料理任食：款款都夠地道，配肉一流。其中以下幾款我尤其推薦👍🏻⁡❤️生拌牛肉：細粒生牛肉配雪梨、三文魚籽、青瓜絲同酸汁，酸爽開胃。💚包肉韓式前菜：4款小碟（辣魷魚、酸蘿蔔、辣蘿蔔絲、芝麻葉）配燒肉一流。🧡海膽炸蝦飯卷：炸蝦紫菜卷鋪滿鮮甜海膽＋三文魚籽，足料又邪惡。🤎辣炒魷魚：惹味微辣，好下飯。💛玫瑰醬炒年糕：煙韌香辣，帶淡淡花香，好特別。⁡🍗NeNe Chicken炸雞：八款唔同口味任食無論鍾意甜辣、芝士、咖喱定蒜香，樣樣都有（特別推介😋甜辣同初雪口味）全部炸雞即叫即炸送上枱外脆內嫩，醬汁夠掛身，甜辣平衡得好，絕對係配燒酒嘅最佳拍檔。⁡📅溫馨提示：放題星期一至日都有但韓牛每日新鮮供應，數量有限一定要提前電話或網上預約Walk-in係食唔到1++韓牛㗎!!⁡呢間韓燒餐廳真心推介畀肉食愛好者，$338可以食到呢個質素嘅韓牛，真係冇得輸。無論約會、朋友聚餐、定慶祝節日都啱晒，記得提早Book位，唔好錯過！…Read More

上星期同幾個朋友想搵個地方熱鬧吓傾吓偈，竟然發現銅鑼灣都有得BBQ兼飲Cocktail，好似幾啱我哋幾個朋友聚會。呢度除咗有酒飲，仲可以帶寵物，星期四仲有live band駐場，音樂輕鬆舒服，仲有得玩掟飛鏢同骰盅，同朋友傾計飲嘢超放鬆。BBQ任食連非酒精飲品任飲先至HKD388一位，性價都幾高。雖然我哋去個日係夏天，但都有大大把風扇喺隔離吹住，所以都唔算太熱，同埋都可以得閒又上返去酒吧處飲吓嘢傾吓偈，涼下冷氣。呢無論係想同朋友hea下，定係搞聚會，呢間鬧市中嘅BBQ餐廳都幾啱🤪…Read More

上星期第一次去🥳裝修好cyber！好有氣氛😍唱歌特別hyper🎤環境好新淨企理😎本身對食物不大期望，但估唔到好好食🤩有串燒、炸物、燒物等！全部即叫即燒，嚟到仲熱辣辣👍🏻而且樣樣都好惹味👍🏻而且服務員服務都幾好，有細心介紹俾我哋知房間內嘅設施🤣例如可以用QR code掃描即可選曲、控制氣氛燈光，冷氣風速、點選餐飲等。而且歌曲都算幾新，中台韓日等歌曲，由經典金曲到新歌都有，滿足不同年齡😆👍🏻最有趣係有AI評分，就音準節奏感情三方面評分，可以同朋友一較高下🤣🤣…Read More

💫 白桃蜂蜜撻撻皮酥鬆，內餡夾著粒粒桃肉，咬開是清甜果香，中間 custard 滑溜順口，蛋香濃郁得嚟又唔會太甜，上面輕輕灑咗檸檬皮碎，添咗陣清新香氣😋💫開心果酥酥皮烤到金黃香脆，咬落卜卜聲，內餡滿滿開心果蓉，堅果香醇厚，甜鹹平衡得好好，食完仲想再食！💫 開心果酥皮窩夫同樣驚喜，酥皮依舊香脆，裹著香濃開心果脆脆😍💫 焦糖布丁香滑，焦糖層微焦帶苦，中和布丁甜味，口感細膩🥰人均幾十蚊食到高質甜點。環境乾淨企理，店員態度又好，下次經過銅鑼灣一定再幫襯…Read More

今次去發現佢哋做緊六周年感謝祭🥳星期一至日所有午市套餐六折，真係超抵😍💫 牛肉壽喜燒🐮🫕壽喜燒嘅牛肉好嫩滑，入口即化，搭配清甜嘅蔬菜同醬汁，味道層次豐富。蛋作為蘸料，增添咗一份滑順嘅口感。💫 申子三式丼🍣申子三式丼裡面有海膽·拖羅蓉·三文魚子🥰就咁望落去已經雙眼發光🤩超多海膽超crazy!! 刺身新鮮度滿分💯魚子醬在口中爆開，海膽綿密細膩，與醋飯搭配得天衣無縫。💫一口芝士黑豚卷一口芝士黑豚卷都相當出色，外層炸得金黃酥脆，咬落去芝士嘅香味同黑豚肉嘅鮮香融合，令人回味無窮。之前來過就覺得呢度食物質素高，今次依然冇令我失望，完全冇因為做活動而減少品質。銅鑼灣/旺角區嘅上班族想 enjoy 返個開心 lunch ，可以嚟試試🤣…Read More

📸呢日朋友生日，又知佢鍾意打卡，就帶咗佢去呢間餐廳慶祝😍一入去幾乎每一處都係打卡位✨餐廳分為兩層，天台以夢幻粉紅色🌸做主題，巨形彎月🌙吧枱·心型雙人座等裝飾超靚🌺仲可以飽覽維港夜景🌃⁡餐廳門口，又有浴缸🛁打卡位📸裝修華麗💐氣氛感滿滿✨⁡另外最signature嘅當然係佢哋嘅Cocktail🍸好多主題Cocktail，例如❤️‍🔥阿拉丁神燈🫖美女與野獸🦁🌙Moonand Flowers🌸等，真係每一杯都好想試🥹⁡⚠️⚠️注意，除咗Menu上嘅Cocktail，原來仲有好多隱藏Cocktail唔係menu上，例如哈利波特🪄世外桃源✨人魚的眼淚等主題Cocktail🩵全部都要上佢哋社交平台/問餐廳先知㗎‼️真係好神秘😎⁡ᴡʜᴀᴛ ᴅɪᴅ we ᴇᴀᴛ? 😋⁡💫Cocktail🍹❤️‍🔥阿拉丁神燈”ONE THOUSAND & ONE NIGHT”店員一點火，閃耀嘅光火真係勁靚❤️‍🔥😍充滿視覺享受😆飲落係Sake base，熱情果汁味，酸酸甜甜，對女仔嚟講，好易入口✨⁡🪄Harry Potter “BACK TO SCHOOL”🤓店員會俾支魔杖你點火，聽住哈利波特主題曲，加埋冒煙嘅魔法鍋，好似真係變身哈利波特一樣🪄好玩又開心💕飲落有驚喜，係Rum base加左菠蘿favour同牛油，甜甜地好好飲✨⁡💫Dinner🌈前菜有湯🥣火燒牛骨髓松露和牛生牛肉他他•新鮮海膽配刺身帶子撻～連上菜都滿滿儀式感，店員端上一個箱，一打開噴晒煙💨而裏面就係帶子撻😆真係超忙，拎少一陣手機都唔得🤣除咗靚，食物質素唔差😎食落好fresh，清新開胃✨⁡主菜✨雜錦海鮮薯蓉批配原隻軟殼蟹· 香草煎羊架配烤蒜頭🧄軟殼蟹又大隻又脆，薯蓉綿滑Creamy，薯蓉底仲有好多海鮮同mushroom😋羊架有驚喜，生熟程度啱啱好😍肉嫩多汁，好味🤤甜品就有蘋果覆盆子批💕⁡儀式感爆滿嘅餐廳❤️‍🔥打卡打得好開心🤪🤪…Read More