greenteaccy's Profile

【九龍灣】Solé炎炎夏日行街睇戲食飯都想集中喺商場，今次喺Megabox行街，嚟到5樓大庭靠側嘅一間法國餐廳，位置雖然唔太顯眼，但入面嘅環境令我非常驚喜！😍裝潢以白色做主調，柔和燈光營造出浪漫又夢幻嘅感覺。餐枱同座位非常寬敞，每張枱上面都有燭光，氣氛令我感到放鬆。☺️晚餐提供一人及二人餐，兩款餐牌裡面嘅菜式完全唔同，而二人餐就比一人的多出頭盤及餐湯。（我覺得一人餐頭盤比較吸引🤭✨）頭盤：✨香煎鴨肝伴無花果汁✨法式香蒜焗蝸牛（6粒）兩款都係我最愛！！鴨肝煎得剛好，入口外表焦脆內裡嫩滑。沾一點旁邊微酸嘅無花果醬汁再搭少少蘋果粒一啖食，正好中和鴨肝嘅膩。👍🏻自從上年第一次食蝸牛之後就愛上咗。呢款焗蝸牛用咗香濃嘅牛油調味，未食已經被香味吸引咗🤤，而且絕對要搭配底下幼滑嘅薯蓉一齊食，令整體口感更豐富。😆主菜：✨ 炭烤特級安格斯肉眼扒伴脆薯條及田園沙律✨ 炭烤法國羊扒配普羅旺斯田園鮮蔬炭燒肉扒相當出色，表面焦香，肉眼扒5成熟，牛肉呈現出好靚嘅粉紅色，肉質軟淋。主菜配咗三款醬汁，最鍾意其中一款綠色薄荷汁用嚟配羊肉食，有助減低羊肉嘅羶味同油膩感。甜品：✨ 芒果芝士蛋糕👉🏻環境、食物同服務質素都非常滿意，價錢以食西餐嚟講非常合理，最欣賞餐廳嘅裝潢，好適合情侶約會。💖✨Solé📍九龍灣宏照道38號Megabox5樓3-4及9號舖…Read More

【將軍澳】Hygge 🔸Hygge 丹麥文，是指一種歸屬和溫暖的感覺，亦可是一個感到舒服與滿足的時刻。🔸用Hygge作為餐廳店名恰到好處，餐廳氛圍舒適，木系裝飾擺設配上柔和嘅燈光，不其然有種「外面刮緊大風雪，匿喺屋入面飲返碗熱湯」嘅設定。🤭🤣餐廳主打手工薄餅、意粉、法式可麗餅 等，薄餅即叫即做，係必選項目，每次出爐時首先聞到誘人嘅香烤味，未上菜就先流口水。🤤✨ 意式風乾豬臉頰薄餅ℙ𝕚𝕫𝕫𝕒 𝕀𝕥𝕒𝕝𝕚𝕒𝕟 𝕊𝕠𝕦𝕝ɢᴜᴀɴᴄɪᴀʟᴇ, ɢʀɪʟʟᴇᴅ ᴀʀᴛɪᴄʜᴏᴋᴇ, ʙᴇʟʟ ᴘᴇᴘᴘᴇʀ, ʀᴏᴄᴋᴇᴛ餅皮咸香薄脆，有基礎調味，就咁食餅皮好都好正！風乾豬臉頰即意式煙肉，口感同普通煙肉近似，但肉味格外濃郁。✨海鮮水管麵ℙ𝕒𝕔𝕔𝕙𝕖𝕣𝕝 𝕨/ 𝕄𝕚𝕩𝕖𝕕 𝕊𝕖𝕒𝕗𝕠𝕠𝕕ꜱᴄᴀʟʟᴏᴘ, ᴍᴜꜱꜱᴇʟ, ᴄʟᴀᴍ, ꜱᴇᴀʙᴀꜱꜱ, ᴄʜᴇʀʀʏ ᴛᴏᴍᴀᴛᴏ我特別喜歡食較寬嘅意粉，以我個人鍾意食偏硬身嘅麵質來講，呢款水管麵不論麵質還是大小都啱啱好。👍🏻先講醬汁，先嚐到香料爆炒過嘅味道，隨之而來香濃蝦殼味🤩。配料方面亦有被驚艷到，青口、蜆肉、帆立貝及鱸魚，好重手🤣！起初發現唔到鱸魚，原來係小小嘅魚肉碎隱藏喺醬汁之中，令整體口味層次更豐富。😍✨👉🏻餐廳晏晝提供咖啡，夜晚改為餐酒，非常建議夜晚嚟飲番杯以及享受美食，體驗hygge。☺️💖🔸很多人氣喘吁吁地追逐快樂，追得如此急迫以至於匆匆錯過了快樂。」——丹麥作家 齊克果🔸✨Hygge 📍將軍澳唐俊街28號海天晉滙地下G33號舖…Read More

【大埔】御千丼 夏日熱辣辣，小暑剛過，真係熱到郁都唔想郁～🥵 咁熱之際，要食返啲凍野降下溫。😚今次食嘅刺身丼小店位於大埔美豐花園地舖，呢條巷仔細個去親大埔泳池都會經過，好懷念。🤭御千丼主打刺身丼，亦有熟食及小食提供。刺身丼款式非常多，一律可加+$18轉定食，最平嘅「御の丼」只需$58，價格親民，價廉物美。😍✨醬燒三文魚腩、醬燒帆立貝、火炙左口魚邊醬燒系列係餐廳熱門食物，醬燒係用沙律醬及醬油淋面，再用火槍高溫燒到微焦，三文魚腩、左口魚 等高油脂魚類好適合醬燒，油脂更香！✨ 吞拿魚蓉、珍寶赤蝦、三文魚、油甘魚刺身肥美新鮮，油甘魚仲好厚切，大滿足🤤！吞拿魚蓉味道濃厚而且唔會食到有陣雪味，個人非常推介。👍🏻✨御千丼 📍大埔翠樂街11號美豐花園地下15號舖…Read More

【土瓜灣】Still上一次嚟啟岸搵朋友食飯時，發現呢度美食街都幾多餐廳而且氣氛又唔錯。今日同朋友食生日飯專登嚟返呢度搵食，餐廳嘅菜式係西班牙x日本嘅fusion菜，朋友食過都話覺得好滿意。☺️✨庇利街啟岸外圍扶手電梯上，左手面就係餐廳正門入口啦。餐廳比我嘅第一印象係好有異國風情，到處都擺放咗好多綠色植物🌿🪴，加上裝修上用咗大玻璃令到採光度好好，晏晝嚟食感覺好舒服，好似去咗度假咁！😍🥣三文魚蘑菇湯 超濃郁，個人來講個湯打得再滑啲就滿分。🥙水牛芝士沙律 好大舊芝士啊！超正！✨朋友order嘅西班牙鮮果特飲，味道酸酸甜甜好清新，勁好飲！我有啲後悔無嗌到特飲。🥹✨日本油甘魚刺身沙律𝙷𝚊𝚖𝚊𝚌𝚑𝚒 𝙰𝚟𝚘𝚌𝚊𝚍𝚘 𝚂𝚊𝚕𝚊𝚍 𝙱𝚘𝚠𝚕油甘魚沙律下次一定會再encore，對於我呢啲鍾意嘆沙律嘅人嚟講係大滿足🤤！用料好豐富，菜底用咗菠菜同火箭菜（有啲人唔鍾意食，我就超喜歡💖）。牛油果同重魚油香嘅刺身特別夾，之前試過搭配三文、吞拿，原來油甘魚都一樣出色。👍🏻😍（喺屋企整沙律又多咗一個靈感✨）✨ 明太子帶子忌廉扁意粉𝙼𝚎𝚗𝚝𝚊𝚒𝚔𝚘 𝚂𝚌𝚊𝚕𝚕𝚘𝚙 𝙻𝚒𝚗𝚐𝚞𝚒𝚗𝚎朋友話佢平時唔太食白醬意粉，之但係佢都大讚呢個🤣。忌廉汁撈咗明太子增添風味，令每啖意粉都充滿明太子嘅香氣同質感。🤭🍰伯爵茶戚風蛋糕 蛋糕鬆軟，中間有奶凍做夾心，個面吱咗啲伯爵茶忌廉，整體口感好好，茶味香濃。☺️…Read More

【觀塘】壹.01 壹.01由一班年輕人經營嘅台式小店，有魯肉飯、便當、台灣小食 等，款式多而且價錢相宜，follow埋餐廳IG或用OpenRice 訂位仲可以享有9折優惠添！✨全手作芋頭鮮奶（推介💖）芋泥控必點嘅飲品！超重芋頭香，而且用嘅鮮奶好香濃，飲落口感濃厚，大滿足啊！😍✨雙檸冬瓜茶呢杯消暑一流！雙檸有檸檬同青檸，微微酸得嚟好清新，建議揀少甜或走甜，健康又解渴。🤩「觀塘除咗塞車，重有壹.01」🙌🏻✨香蔥紫菜魯肉飯魯肉肥瘦中等，一個人完成一份飯都唔覺滯。紫菜提升香味又吸收咗魯肉汁，食到停唔到口，一定要多紫菜。🤭✨台北夜市小食拼盤（台灣腸、花枝丸、鹽酥雞）$39有3款炸小食，非常抵食。台灣腸表面搽咗蜜糖，甜甜地。而我最鍾意係爽口彈牙嘅花枝丸。🤭✨脆炸鮮奶卷、古早芋泥二文治店家推薦嘅小食！✨二文治外皮類似餅乾，炸得鬆脆，中間夾住厚厚嘅芋泥，外脆内軟。鮮奶卷襯熱食咬開有流心，奶餡香甜軟滑。✨壹.01 📍觀塘駿業街56號中海日升中心2樓D號舖…Read More

【觀塘】Coti 鴻圖道90工廈地舖嘅一間小型文青cafe，以木系裝修及乾花佈置，座位唔多，大概十幾個，不過環境好warm。☺️飲品Menu幾吸引，有特色咖啡同花茶，揀咗好耐先揀到飲咩😆。收銀隔離有個甜品櫃，見到Tiramisu好大杯，好正咁喎！😳Order咗：✨污糟朱古力咖啡✨鮮奶咖啡Dirty Chocolate好夠污糟！打卡一流啊😆！朱古力味濃郁，有黑朱古力碎同朱古力醬，搶咗少少咖啡味，不過又咁啱啱晒我今日口味，想飲重朱味。🤣✨ 原條鰻魚炒滑蛋飯鰻魚配炒滑蛋永遠係無得輸嘅組合，滑蛋夠滑賣相吸引，而且比想像中大份，性價比好高。👍🏻✨ 香煎雞扒藜麥沙律同樣都係好大份嘅，沙律菜混合多種菜款，有誠意！雞扒煎得夠嫩，調味剛好，啱晒on diet 嘅朋友仔。😁✨ 煙三文魚忌廉芝士貝果聽聞貝果係港女不二之選，貝果口感煙韌，煙三文魚新鮮，夾住少少忌廉芝士及沙律菜，口味清新，總括來講係一個精神嘅早餐。😎👉🏻 吧枱位有配置插蘇，附近返工嘅朋友可以帶埋部電腦嚟邊食邊做，或者外賣自取又得有8折優惠。😉✨Coti 📍觀塘鴻圖道90號地舖…Read More

【長沙灣】金鮨今日去荔枝角搵朋友，平時好日都唔會嚟，一於順便喺度搵食啦！荔枝角工業區嗰邊餐廳大多比較早收舖，沿住大馬路行咗6-7分鐘嚟到呢個小區，原來好多野食喎。😳揀咗間日式小店，舖仔細細，但menu非常豐富，有多款丼飯、壽司、特色小食 等🤩。海膽來自韓國，店員話有需要可以+$38轉日本海膽，不過我哋冇食過韓國海膽，都想試吓。韓國海膽顏色比較鮮艷，口感好creamy ，不過味道上比日本嘅淡啲。😌偷聽到店員話今日油甘魚好靚，即刻落單。🤭刺身全部都好肥美，尤其油甘魚新鮮甘甜。😍💖呢度裝修好有feel，充滿日式感覺，碗碟同杯都花咗心思。 💖店員超好服務，全程用餐體驗良好，有種好似去咗人哋屋企食飯嘅感覺🤣，都係我鍾意去小店嘅原因。👉🏻座位有限，建議先訂位。我8點半左右walk-in大概等咗15分鐘，唔算耐都幾好彩🙌🏻。✨金鮨 📍長沙灣沙灣兼善里44號A3地舖…Read More

【將軍澳】大將 一間好有趣嘅日式火鍋店，時不時舉辦活動，吸引一眾食客挑戰。早排大將召集嘅大胃王挑戰，成功挑戰可獲$500餐飲券，唔知有冇朋友參加咗呢？🤩（無咩事～小鳥胃嘅我都係正正經經去餐廳食嘢先🤣）我哋食澳洲和牛牛小排放題，店員先介紹新推出嘅雞煲系列，揀咗味噌雞煲同雞白湯火鍋湯底，一人一鍋唔洗爭。🤭不得不說自助吧都幾多元化😳！除咗多款蔬菜同丸，仲有前菜、甜品、雪糕機，最最最～特別有部自助窩夫機😳。✨味噌雞煲 醬底都幾惹味，雞件預先炒好，大火煲返滾就食得，仲可以無限添加雞。肉類方面推介 澳洲和牛牛小排、和牛胸腹眼，雪花分佈均勻，肉質軟嫩，胸腹眼肉味更濃郁🥰。以及昆布漬雞肉，超級嫩滑👍🏻👉🏻特別想讚下餐枱嘅用餐設計，每人一個透明架用作分隔菜盤同肉盤，慳位之餘亦都方便攞，設計非常聰明。😆👉🏻環境光猛，座位寬敞舒適，空間充足，好適合一家大細嚟用餐。舖面設置咗個小型超市，飯前飯後可以順便shopping 下。😆✨大將 📍將軍澳唐賢街9號PopCorn 1 1樓F10號舖…Read More

【屯門】焼肉 焰屯門市廣場嘅日式燒肉店，裝修以木系營造日式高級感，燈光偏昏暗，坐位寬敞又舒適。最吸引莫過於店員落手會為客人燒肉，既可以確保燒肉嘅質素，仲可以坐定定等開餐！😆天氣咁熱，循例先order兩杯清涼梳打爽一爽佢。✨沖繩菠蘿梳打 ✨原味活乳酸梳打，酸酸甜甜，非常解膩。前菜胡麻沙律可以無限refill😍🙌🏻店員先燒油脂最多嘅✨特上豬梅花肉 ，燒到黃金微焦，仲幫我哋剪細啲，方便入口。餐廳主打和牛燒肉，提供日本和牛及澳洲和牛。今次食澳牛，肉味比較濃郁，油花平均，肉質爽嫩而且帶嚼勁。✨一本漬和牛牛肋肉（推薦✨）✨醬汁牛肋燒✨和牛牛柳其中一本漬和牛牛肋肉相對多油脂，燒起上嚟好香，搭配店員幫我哋燒得非常靚嘅燒菠蘿，絕對開胃！ ✨龍蝦尾（2隻）（大推💖）燒海鮮對於火喉控制要求較高，好彩有店員幫手燒得啱啱好👍🏻。佢仲特別介紹龍蝦上嘅自家制蒜蓉，撈埋牛油再淋落龍蝦上，香氣撲鼻，十分難忘。😍✨鮮帶子 刺身級別，輕輕燒到兩面金黃即可，5成熟食落鮮甜爽口。👉🏻除咗服務周到，另外值得一讚就係抽風系統非常好，呢度嘅抽風內置咗喺爐邊，吸油煙能力強，食完餐飯都唔覺成身味。🤩🙌🏻✨焼肉 焰📍屯門屯順街1號屯門市廣場1期2樓2253A號舖FOODMAZE內…Read More

【沙田】龍華酒店龍華酒店係香港最古老的酒店之一，裝修仍保留住五六十年代嘅風格，好多知名影星曾到訪，亦有不少電影到此取景。龍華比我嘅第一印象係非常之有氣派，古風大門口加上沿路掛滿紅色燈籠，彷彿走入時光隧道，帶我回到老香港。☺️✨龍華脆皮燒乳鴿龍華乳鴿作為沙田名物，果然名不虛傳😍乳鴿選用不超過26天的嫩鴿，先以製滷水汁浸熟，再蘸蜜糖水即叫即炸。鴿皮色鮮香脆，肉質嫩滑而且肉汁飽滿。✨新鮮菠蘿咕嚕肉餐牌上介紹係當年李小龍太太最喜愛的菜式，搭配超甜新鮮冰凍菠蘿，開胃到不得了！咕嚕肉炸皮調較得剛好，皮脆肉爽又啖啖肉。👍🏻✨ 沙田風味豉椒炒蜆蜆肉不帶沙而且鮮甜，一碟份量都頗多，用嚟送飯一流！✨姬松茸燉竹絲雞 足料熬製，湯質清徹味道鮮美。👉🏻富有香港特色嘅地方買少見少，有時候不妨停下腳步，用心感受還在努力堅持嘅佢地。✨龍華酒店📍沙田下禾輋村22號…Read More

【九龍灣】濟州燒肉食堂 聽聞德福廣場二期food court有間高質韓式燒肉，環境唔錯而且仲好好服務，今日#肉魔 繼續出動！😍前菜4款：沙律菜、醃蘿蔔、涼拌海帶、泡菜，以及爐邊烤蛋同粟米粒芝士，以上*除咗沙律菜*全部可以無限refill！✨梅子青檸梳打 ✨濟州特飲餐廳兩款人氣飲品，濟州特飲係有鮮橙果肉嘅口味，酸酸甜甜非常開胃。✨牛大骨（推薦🥩）預先烤至一成熟再切成一口牛，燒起上嚟好方便。呢款牛中間會有少許嫩筋，入口有嚼勁，肉味濃郁。🤩✨食堂牛小排（醬油）可選醬油或鹽燒口味，牛小排油花分布均勻，肉質相對柔軟。✨每日新鮮鰻魚（半份）（大推💖💖）韓式燒鰻必食！外皮香脆，肉質爽口。注意先燒皮嗰面，半熟時塗上鰻魚汁，再比啲耐性就能夠燒到焦脆嘅鰻魚皮。🤤✨濟州特上豬拼盤（豬排、五花肉、豬下青、豬皮）豬肉肉質肥美，油脂豐富。燒豬肉建議可以燒燶啲，逼出油份，讓肉表面達至黃金色，非常香口，包生菜食一流！✨食堂蘋果梨汁雞肉用果汁醃過嘅雞肉，肉質嫩滑而且帶微微果香甜味。☺️有冇人同我一樣食燒肉會想有啲米落肚🤣!?✨ 牛·燒肉飯估唔到咁大碗🤩！賣相唔錯，材料仲好豐富：溫泉蛋、泡菜、芽菜，燒牛腍身且調味剛好，飯桶人士必點呢個！😋✨朱古力棉花糖都唔知幾多年無燒過棉花糖🤭。將棉花糖燒到外脆內軟，放上朱古力餅上食，又幾正喎😳。啱晒帶小朋友👧🏻嚟嘅朋友，可以比小朋友試吓燒自己嘅食物，有得食又有得玩。😆👉🏻真係要讚讚呢度嘅店員服務友好，由帶位到點單嘅流程都好舒服，店員為我介紹餐牌，亦時刻留意到顧客燒烤上有需要幫忙嘅時候。✨👍🏻✨濟州燒肉食堂 📍九龍灣偉業街33號德福廣場2期5樓Foodeli 501B號舖…Read More

【堅尼地城】COZE港島向來都有好多特色Cafe，今次到訪呢間位於西環李寶龍路，環境清幽，係避世嘅好地方🤭。餐廳樓底偏高，座位之間空間充足，以木系及植物做主調，令人感覺舒適同放鬆 。叫咗杯flat white同iced latte，咖啡方面不過不失，個人認為啡味可以再濃啲。✨Tiger Prawn Tagliolini超推薦！意粉醬汁由店主自家熬製，濃濃鮮蝦味。而我最欣賞係佢嘅手工意粉，口感彈牙而且掛汁。😍意粉由香港手工意粉廠製，100% made in HK，絕對係誠意之作，鍾意食意粉嘅朋友萬勿錯過✨👍🏻 ✨All Day Breakfast 全部都係我鍾意食嘅野🤤！（牛油果、煙三文魚、沙律菜、炒蛋、巴馬火腿及酸種包）食材全以輕型同健康為主。其中黑麥籽酸種包有被驚艷到，入口帶焦香鬆脆嘅烘烤風味，搭配香草cream cheese食，令味道同口感上更豐富。另外，餐廳係pet friendly cafe，設有寵物餐單，可以帶埋毛孩一齊嚟Chill。🥰✨COZE📍西環李寶龍路28-30號寶龍樓地下B號舖…Read More

【旺角】喜來稀肉喜來稀肉喺香港開業多年，相信好多人都聽過佢嘅名，主打烤肉亦提供多款韓式料理。最吸引莫過於各類韓式小菜：泡菜、醃蘿蔔 等，自助式任食。🤤旺角分店位於瓊華中心，地點非常方便。餐廳座位闊落，提供卡位私人度充足，適合一家大細或情侶二人。☺️✨喜來烤肉牛肉砌成花形，賣相好吸引。肉質結實，肉味相對濃郁。✨牛五花油脂較多，燒出嚟非常香，輕輕一燒就可以，配生菜包住一齊食啱啱好✨蟹籽紫菜飯團我特別鍾意呢種韓式紫菜飯團，落手攪拌再搓成一粒粒飯團，好食又好玩。飯團充滿蟹籽同紫菜，試下再夾多塊燒牛一齊食，保證食到停唔到口。😋✨水冷麵估唔到主食咁出色！水冷麵有好多冰座住，好夠凍，麵質煙韌😆。另配白醋同芥辣汁，我自己會加好多醋咁食，酸酸微微特別開胃。👉🏻食晒以上所有野，鐵板側邊嘅烤蛋啱啱整好，可以當甜品食🤭。烤蛋一面焦脆，一面鬆軟，𢳂起嗰下仲著曬煙，要小心辣親咀。✨喜來稀肉 📍旺角彌敦道628號瓊華中心7樓…Read More

【觀塘】阿元來了有冇人同我一樣間中會想食下啲肥膩野？🤭今日咁啱出觀塘，突然間好想食阿元來了，一於放肆一日啦。🤤✨魯肉飯魯肉肥瘦均勻，肥嘅位油香撲鼻，瘦嘅位入味而且淋身👍🏻。醬汁濃稠，每粒白飯都被油脂同醬汁包覆，極之邪惡！睇落份量偏少，食起上嚟一碗都幾飽下（小鳥胃表示今次又眼闊肚窄，早知一碗兩份分🥹）。✨秘製蒜泥白肉今次第一次點蒜泥白肉，有被驚艷到。醬汁味道有層次，有蒜、醋、辣椒、芫荽 等，再將醬料攪爛成蓉，醬料更好地沾喺白肉片上。香辣惹味，下次食必定Encore。✨🤤✨鹽酥雞相比下鹽酥雞稍為遜色，皮脆可惜肉質偏硬，應該炸得太乾了。👉🏻我好鍾意呢度嘅環境，充滿住台式懷舊氣氛。食飽飯不妨欣賞下周圍嘅擺設，每一個角落都好有心思。👉🏻因為喺觀塘工業區關係，午市時段會有好多上班族嚟食晏，如果想坐得舒服啲建議午市後嚟，咁就可以好好地感受呢度嘅氛圍。✨阿元來了📍觀塘鴻圖道28號地下後座…Read More

【沙田】Terrace in Seaside 最近沙田新城市開咗間新cafe，Menu幾吸引而且仲好啱打卡，今日收咗工一於嚟試下啦！🤩✨濟州柑橘乳酪呢度嘅飲品賣相精緻，柑橘乳酪係必點嘅招牌飲品，用咗新鮮柑橘而製，每一啖充滿粒粒果肉，飲落酸酸甜甜好清新。👍🏻✨AQUA BOMB水漾奶昔賣相充滿度假風情，奶昔底味同韓國香蕉奶一模一樣，味道相當濃郁。✨韓國蜆肉紫蘇飯第一眼就睇中呢個蜆肉飯，蜆肉份量多，以韓式辣醬調味，濃濃蒜香非常惹味！調味偏咸但撈埋炒飯一齊食：一個字「正！」，直頭食到停唔到口。😂✨傳統飯卷我不嬲都鍾情韓式飯卷🤤，無論去邊間韓國餐廳都一定會食。呢度呢飯卷好足料，一份只需$68，性價比高十分推介！✨抹茶麻糬窩夫大大舊麻糬放喺窩夫上😍，麻糬超級煙韌，同脆口嘅窩夫好夾，仲有抺茶餅碎增加口感，整體唔錯。✨Terrace in Seaside 📍沙田沙田正街18號新城市廣場一期L6樓609號舖…Read More