Magicjy's Profile

見到網上評語呢間燒鵝都有正平，買半隻燒鵝之後加買一份例牌叉燒試吓，點知食落去個肉質”林”到有啲奇怪唔使用牙齒咬都已經喺口到散晒，唔知係乜嘢原因，之前從來未食過呢種質地嘅叉燒。感覺奇怪。…Read More

之前在灣仔大道東及銅鑼灣見到一個十分搶眼黃底粉紅色字嘅門面裝修望清楚原來是咖啡店。今天是Flash Coffee 大道東店第一天營業，買了Cafe Latte，味道和我常常去喝九O的Fruity Blend非常相近是我喜歡的味道。地點十分就腳，不必特地去到胡忠大廈那邊。一定會繼續支持。👍🏻👍🏻…Read More

碰啱朋友有該商場的飲食coupon星期五放工便約埋一齊去這間西式韓餐食晚飯。6:00去到等了大約45分鐘便有位，座位寬闊與鄰枱也不近。菜牌上的菜式不太多我們點了”燉仔骨蛋包飯”, “炸雞(甜辣/醬油)”, “五花腩”及”卡幫尼汁韓國年糕”, 每一樣菜式都比菜單上的照片好很多份量也不少，最出色是燉牛仔骨蛋包飯👍🏻👍🏻很入味。鹵水五花腩配紫蘇葉/生菜很有韓國食烤肉的感覺。卡幫尼汁年糕感覺幾特別。炸雞方面醬油味及甜辣味兩款也十分吸引，不過雞件比較乾不及韓國的好吃。餐牌還有其他蛋包飯，可以值得再來嘗試👍🏻👍🏻😋😋…Read More

為香港人熟悉日本東京必食的”天ぷら丼”店 金子半之助今日在灣仔利東街開幕，有一段時間沒有到日本旅遊所以今天立即去試試看。店舖有大約三十個座位。要等齊人才能入座。餐牌只有三種丼選擇，今次點了最基本的天丼，有兩隻炸蝦、小粒尤魚、兩個炸松茸、炸豌豆/海苔和一隻温泉蛋。松茸、米飯和蛋還可以，蝦像筷子一樣幼。最離奇就是當我想把勺子🥄向碗裡扒飯時就發現個碗很淺，外觀和真實深度相差最少一寸，乘載量完全被騙。這和日本金子半之助相差太遠了。…Read More

現在要飲一杯濃郁有茶味的奶茶並不容易，今早路過修頓球場對面的一家小茶檔，這檔其實已存在已久不過一直沒經過去試。今早買了一杯回公司，上手仍然十分熱，喝一口覺得十分與衆不同，雖然已經加了糖但不甜而適中，有口感，不象其他只是多奶或茶味不足。真的十分好👍🏻👍🏻😋😋…Read More

上星期行街經過灣仔克街見到一間新開嘅”三拍子牛扒專門店”，剛好今日太太約了朋友外出食晚飯就去試一試這家三拍子牛扒專門店。店面積不算大裡面有大約20多個座位，一進店內侍應就會協助你去完成購票的動作然後把一個會震動的牌給你。這裏主打是安格斯牛有不同的部位選舉，而所有套餐價錢都已包括了白飯、沙律、牛肉湯和清水。我點了最基本嘅三拍子牛扒套餐有180克嘅安格斯牛，牌震動嘅時候就去廚房嘅窗前取餐，望落去已覺得這塊牛肉質素應該不錯，當我喺第一刀切落去嘅時候感覺非常嫩，其實上菜時已經幫你煮至medium rare係可以即刻食的，如果係想熟小小嘅就再放一會。不過要快因為石嘅熱力有限或者如果你擺上去喺上面放太久的時候就會well done。牛肉肉質很好只需加小小鹽做調味已經足夠，分量方面180克其實一個人都已足夠因為仲有飯同埋沙律。性價比非常之高。下次會去試埋其他嘅西冷牛扒。👍🏻👍🏻😋😋…Read More

上星期去尖沙咀行街經過加連威老道見到有「丸。茶手作」便去一試因為這個品牌在香港島那邊是沒有的，望到佢哋嘅餐牌主打係不同口味每天製造嘅丸子，特色的丸子有桂花丸子、香芋丸子、櫻花丸子和芝麻丸子。我點了一個皇室奶茶配桂花丸子，而太太點了一個古早味冬瓜茶配芝麻丸子。皇室奶茶味道一般但桂花丸子咬落有淡淡的花香味，冬瓜茶雖然不能調較糖度，但甜度適中，而芝麻丸子是最特別的，其他品牌好像沒有這樣口味的丸子，咬落好有好芝麻香味很配。👍🏻😋…Read More

今日在辦公室吃過午飯後突然想飲一杯咖啡但係公司樓下只係有兩間連鎖嘅咖啡店味道很不好喝，突然記得某次搭渡海小輪過尖沙咀時候看見灣仔碼頭內有一間咖啡店就去一試，這家咖啡店在閘口嘅旁邊招牌都整得幾靚，望著掛在牆上的餐牌，價錢要比連鎖店的便宜一點，因為對連鎖店沒有信心所以決定一試點了一個Cafe Latte。沖出嚟之後咖啡師已經把咖啡蓋上，當我打開嘅時候發覺都有一個用心的拉花，是一個要有高技巧的拉花，有時去%也未必有。其實唔應該咁早蓋上等客人可以欣賞一下。飲落去味道十分香濃可以媲美外面有質素嘅咖啡店如「什麼什麼 Espresso」 或 「_OC」這裏旁邊也有一些座位可以坐着喝。見到佢嘅告示牌，如果like咗佢哋嘅Facebook或者IG就會送一程小輪token都幾特別，當然亦都有買10送1的優惠。他們也有其他輕食例如牛角包同埋窩夫下次一定要試吓👍🏻👍🏻…Read More

星期日和太太去了佐敦行街，兩點幾食飯時段行過松街，這裡有好多食店唔知食咩好剛好經過一間吃越南菜的小店，在門口看了餐牌一會覺得價錢實惠所以入去試吓。店內裝修有越南色彩店員態度有禮見，進去時已有一兩枱人在用餐。他們的特價食品選擇多而且全日供應，越南食品當然要試一試生牛肉河、太太點了一個香茅豬扒撈檬。上菜時生牛肉河香味撲鼻，個湯頭好甜，牛肉分量亦唔少，配料檸檬葉亦帶出額外鮮味。👍🏻👍🏻太太嘅豬扒撈檬豬扒份量足，檬粉和醬汁十分配合。還見到餐牌有越式拼盤、春卷、蒸粉包，決定下次再來一試其他美食。👍🏻👍🏻…Read More

昨天下班經過謝斐道見到一間舊式的快餐店，所以今日午飯時決定一試。店舖裝修整潔，店員十分有禮，入去是人不太多但不久後便座滿了。看了牆上的餐牌選擇多而最重要係價錢親民。我覺得這裡最特別就是常餐因為可以配上熱狗或是漢堡包，很少地方有這樣的配搭。沙嗲牛肉是自家製有咬口，通粉都幾彈牙，漢堡包味道也不錯，飲品方面奶茶非常順滑。在灣仔以三十多元吃一個這樣的常餐實在抵食。下次試埋佢嘅炸雞亦和炸雞肶聽聞都好似好出名。😀😀…Read More

這家日本品牌嘅咖啡店又有新分店了，今次開在鴨巴甸街PMQ的對面。這間名為Hong Kong Roastery 係所有分店中最大的，裏面大約有15個座位，室外有20個座位左右。店內三處有一間玻璃大房裏面放了一部大型嘅炒豆機同埋一啲生的咖啡豆。因為有得坐坐喺度品嚐咖啡所以個感覺跟其他分店非常大嘅不同而且呢一區都係一啲文化氣息比較重嘅地方所以更加有感覺。希望有更多地點可以搵到呢間咖啡店啦👍🏻👍🏻…Read More

今天和親友一起到這家在炮台山商廈剛剛重新開張的西餐廳，該餐廳由前酒店名廚主理，質素絶對有保證。今日食了雙色芝士意大利雲吞及原個厚切炸薯條。金黃色的薯條，外脆內軟。意大利雲吞麵皮加入菠菜汁包得精緻有水準👍🏻👍🏻下次試下佢地既牛排及其他菜式😀😀😋😋…Read More

公司附近有一間華嫂冰室每次經過都見大排長龍今日同同事早咗啲出去攞位，比較好彩等左一回便有座位了。第一次去食這家茶餐廳裏面發現唔到有常餐或特餐嘅物體而且有冇肉丁麵有冇加沙嗲牛肉麵，每樣野都係分開點，點一個面之後熱飲仲要加錢。同事點了一個番茄雞翼麵我點了餐肉蛋麵再加一個特色菠蘿包同一杯熱飲，菠蘿包食落幾特別而其他食物只是一般。而且仲有點不老實，餐牌上明明有一個餐蛋麵嘅價錢$36但係店員寫單嘅時候就偏偏寫咗個兩餸麵($35)轉出前一定要加$3變咗38同佢講完之後佢話打錯有啲唔老實不過其實味道真係一般下次唔會再去食。價錢問題會找商品說明條例跟進。…Read More

前日我和一班好耐冇見嘅好朋友相約食飯突然有人提出話想食印度菜然後就提議尖沙咀寶勒巷的一間新開的印度餐廳。我們對印度菜的認識不多而餐牌上的食物都係辣和炸為主。一開始我們點了些特色飲品，印度奶茶和Mango Lassi，這個芒果飲品非常特別飲落去酸酸地好似飲乳酪嘅感覺，不過佢係用新鮮芒果製成非常香滑而且好濃厚芒果味，之後點了幾個頭盤，印度烤雞塊、烤芝士和炸洋蔥，三個頭盤我覺得炸芝士比較特別。我們一行八人所以點了多款不同的印度咖喱，有雜菜咖喱、雞咖喱、蘑菇咖喱、每一樣都精美好食。印度薄餅方面除了一般原味之外亦都有薯仔烤餅和蒜蓉芝士烤餅味道都相當特別。但最特別的一個套餐中間有一大碗飯傍邊有八至十種唔同嘅醬汁上邊仲有一兩塊薄餅俾你點嚟食感覺幾得意，是一個不錯的印度食品嘅體驗😀😀…Read More

今天跟同事去吃午餐，他們介紹了一間日式定食嘅餐廳門面的裝修都已經好有懷舊日本嘅感覺，當踏進這家餐廳後就完全覺得自己好似去咗另一個時空。因為店內裝修全部都令人進入日本昭和年代，佈置全是懷舊物品。食物方便是以魚生丼，天婦羅或咖喱飯等等。同事點了角切魚生丼，天婦羅海鮮丼而我便點了日式咖喱豬扒飯，咖喱嘅辣到適中但唔會無味而豬扒是厚切的有咬口，脆漿不厚。同事話魚生飯質不錯等我下次試吓先下😀😀…Read More