奄尖人's Profile

要去圓方睇戲所以黎食，之前都有睇食評所以本身有戒心所以諗住嗌住幾碟試下先食左1.  蝦餃 - 好彩熱既，一入口個味咁得意既，唔係唔好味，但... 諗到啦，味精!! 跟住肥豬肉!!2. 黃沙潤腸粉 - 唔夠熱，比起好多年前得一間舖果個年代，差好遠啦3. 陳皮牛肉球 - 無乜陳皮味，食落有個似曾相識既味道，無錯，用左蝦餃一樣既味精，同埋又係食得到既肥豬肉，即係味精係從肥豬肉而來...去呢間嗌茶要醒目，唔同茶唔同價錢，但一坐低伙記會問你要咩茶果陣，係會問你要A 定B 咁，但果啲都係貴既茶，好彩之前行過已經拎過點心紙黎睇，所以我話睇下先，無中伏2 個人就係咁多，真心麻麻...環境係超嘈，伙計唔用對講，全部用嗌，大牌檔咁…Read More

已經第二次黎食，上次星期六，今次平日，想講之前啲餐牌有啲一個價錢一籠幾隻咁叫，宜家已經無哂，全部要逐隻計，好多要最少兩隻。去到嗌甜品，上次兩個人黎，食左蛋白杏仁茶，本來想嗌兩款既，但佢一定要同款兩件，無錯，即係連加一過一百蚊，想試兩款係唔得嘅，見佢都幾杰，心諗係咪太少會痴底? 今次三個人去，以為要叫三個同款，點知佢話可以嗌一個喎，就諗住叫三款唔同啦，點知佢話一定要有一款要兩個，Y? 原來唔係做唔到一個，咁點解又可以2+1咁嗌? 完全無理。廚房咁囂，點解唔去做omakase，直情由頭到尾唔駛俾客揀啦。fine, 你咁有原則，我地都好有原則地唔食。野係好食，服務都唔錯，除左做甜品果個，做卓苑嘥左你，去做omakase 啦，你係屬於果度架。…Read More

睇返六月七月啲食評，好多野食喎，但今日完全兩回事。見啲人有龍蝦/ 切牛肉/ 長腳蟹? 咪玩啦，食到一點度見到大航假期團友到，真係193 話齋，知我咩料啦，就係團餐既料囉...所以所有貴野唔會有架啦，切牛肉? 脆味燒腩仔就有，好味既，脆既，正正常常燒肉囉...海鮮，六七月有白灼蝦喎，而家? 有完全無肉但有腥味既瀨尿蝦，真係無肉架，咬兩啖放棄。生蠔?  團餐級數點會有呀? 食青口啦..食帶子啦... 不過啲顏色全部望落都唔吸引架...剌身有三文魚/ 魷魚/ 吞拿魚(? 唔太記得)/ 蟹....... 柳........ 壽司有海葡萄，不過賣相係... 是但pat 少少上去咁，所以無食.....西湯係南瓜湯，正常味，中湯係燉湯，黑麻麻，連個湯係咩名都唔寫，所以無飲... 環境仲正，回到疫情前，無膠板兩張枱中間隔半米都無，枱面無搓手液，如果想營造疫情前氛圍，不如連口罩套都唔好擺啦?唔知係我黑仔定點? 佢係有人收碟既，但我張枱有大半啲碟都係要我拎出去..... 咁既服務? 真係酒店黎?朋友生日買一送一所以去，有半磅生日蛋糕，啲蛋糕同一時間出，差唔多枱枱都係生日先黎，跟住我見侍應開始幫客pack 蛋糕，個個蛋糕同一個樣，大家又吹candle 又拎黎影相，跟住又 batch processing 咁pack，你估佢地認唔認得邊個cake 邊張table 呢可? 我就趁佢地差唔多pack 晒，自己拎出去俾佢pack，佢問我邊張枱，我話我等佢.... 俾左人地果個我，你叫我仲食唔食好? 要拎走蛋糕既小心啲啦....相都無影，除左朋友同蛋糕影左張相，有佢個樣所以唔post 了.......…Read More

食開日航，轉左手之後第一次食，睇過食評最想食既焗蠔仲有，加上OP 有七折coupon，去馬!之前焗蠔係魚生附近，唔見既? 好失望.... 原來搬左去熱葷到，即拎兩隻，一樣咁好味。西冷又要左一塊，同朋友兩份食岩岩好，食晒成塊好飽呢~海鮮多過之前，又有蟹又有龍蝦鉗，由頭到尾都有得食，無話食完無晒架~仲有白灼海蝦，呢個竟然會無架喎，之後會轉左螺? 無食，綠綠地色有shell，唔知係咪螺呢? 講返個蝦，當努力同蟹同鉗搏鬥之際，聽到隔離檯話上次黎無晒海蝦，又讚好食，即去拎啦，見到已經擺左啲螺上面，搞左好耐拎到六隻，兩人分食剛剛好，真係好好味，好有蝦味，仲好彈牙。唔怪得刺身無咩人拎，因為大家都努力搞緊啲海鮮 刺身拎左一次，鯛魚、三文魚、吞拿魚各四件，正~ 一人兩件大滿足。西湯係蟹肉粟米忌廉湯，出乎意料好味喎，其實之前食呢間都係飲沙冰，但今次得返汽水，所以試新野，最後飲左兩碗。 但係.... 可唔可以整返沙冰呀~~~~~ 好掛住個沙冰呀~~~~ 天婦羅呀，芒果芋頭卷都好味，但會飽肚所以淺嘗一件夠啦。食飽飽食返個沙律清下，一貫水準，無咩特別啦，加埋黑醋就無咁飽啦，之後轉戰甜品。甜品保持水準，仲多左心太軟，佢叫朱古力軟心布甸，大約一點開始有得食啦。最後行過見到肉骨茶，又唔錯喎，胡椒味濃，冬天食更好。最最最後見到有薑味奶茶，又試下先，諗住行埋去自助，點知一埋去就有職員話佢幫我整，應該係怕客人淥親啦。其實之後覺得日航奶茶唔好味架，一直都諗係咪日式唔合口味，今次出乎意料飲到正常奶茶味喎，但係個人覺得薑味勁左少少，太辣啦。 …Read More

如果你鍾意排隊，如果你食自助餐只求回本，如果你只求兩個半小時過得充實，呢度係你不二之選。想食生蠔? 想食刺身? 想食牛扒? 想食mo 記雪糕? 排隊啦。但如果你追求輕輕鬆鬆，想同朋友傾下偈，sorry，呢度唔係sell 呢樣野。生蠔每次兩隻，每次約排五分鐘，刺身每次一款四件，又係約排五分鐘，牛扒條龍超長，無排，發覺食左成個鐘都無咩野落過肚後想去排，已經無晒轉左豬柳，條龍即時消失。一開始去心諗，排隊野不如遲少少先食啦，食住其他野先啦，乏善足陳。結果生蠔、刺身，由十二點直至兩點都有條龍。而且你唔一早排隨時無，好似牛扒。睇返食評好多人都覺得抵食，回本之作，我想講下另類觀點。我本身都算鍾意食buffet，但都係剪coupon 呀，或者網上有promo 先去，價錢大約都二百蚊一個人，但呢間真係俾我全新既感受。一去到，兩人檯坐正路口，張檯又細過平時果啲，算，都算近拎野食，見到D 檯真係多到，我估比平時多五成，擺野食位，最多只係同其他一樣，唔會比其他多，僧多粥少，下場當然係排隊。眼見好多人拎到成檯都係蠔/ 刺身，甚至一早拎雪糕，無錯，去呢度原來係咁樣食先正確，一開始頭半小時各自去排，跟住咪可以圍埋開餐，否則好似我呢啲唔知碇既人，就食得少。即係點? 容我講明一點，呢度好好賺!! 野食相對人流偏少，質素當然可以高一點。食到飽死既人，其實係食埋人地果份。OK，我唔排係我既事，又點可以話食埋人地果份呢? 不公平啊~ 好! 我舉例!!生蠔刺身幾抵食，你可以食到飽嗎? 食得太多生野好容易肚瀉，而且對身體都唔好。牛扒去到一點半咁上下無晒喎，我無食過喎，我想食架喎，咁你話係咪即係人地食左我果份呢?唔只，我想飲個西湯啫，都無晒喎，洋蔥湯好貴咩? 都無，之後拎返d 西洋菜湯出黎，中式湯黎喎，原本係一中一西，變左兩樣都係中湯既? 我又無飲過喎，我又係想飲架喎!同行友人一早唔想排食左甜品先，有個芒果蛋糕好好味，到真正食甜品時間，又無左!!如果你用餐係依足正常程序，熟食-> 甜品，咁你就注定不斷排隊，點半後mo 記雪糕又係排隊，甜品部都係排隊，最正係，咖啡同茶可以無晒.... coffee tea 都無? 真係第一次見，同期西湯都無晒... 因為人太多，總之大家開始食同一類野，就即時無晒，無晒之後咪有人無得食囉! 因為唔知佢係唔再出定出唔切，吉碟處處。呢度食野原來係要排隊之餘又要搶，無問題既，不過咁既話我最多只會出百五一個人。食完果下其實都唔覺，兩個半小時轉眼就過，但諗返轉頭，印象只係排隊/ 吉碟，好似大家坐定定傾下計既時間都無乜，因為平時食buffet 係大家拎完野食坐低食，而家係各自排隊拎果幾件野，坐低一分鐘內食完又出去排過..... 我想問，我係食buffet 定係去左food court?所以... 我本人會將佢列入黑名單，不會再去!唯一可取係食物質素 ok，最少我呢個玻璃肚食完生蠔刺身都無事。我寫呢個評語係想大家去食之前，諗下自己係咪適合呢間餐廳既"風格"。…Read More

都係食團購優惠，$85 二人餐。9 吋 pizza 揀左肉桂味，之前有食評話pizza 唔脆又太鹹，我果個就係唔脆唔熱同超甜，pizza 只係暖暖地。意式Gelato 軟雪糕 - 食完只可以話麥記雪糕新地真係好好味，呢個花生少，朱古力醬又少，個醬味道仲差過麥記...無限添飲咖啡或紅茶 - 要左一啡一茶紅茶係立x 茶包，奶茶配既奶稀如水，不過難飲真係唔關佢事，關立x 事，茶差，俾咩野奶都無得救。不過如果係咁，我不如去買茶包，頹成咁，無言...咖啡 - 無咖啡香，又係會令人懷念麥記$85 團購都俾多佢。…Read More

見佢新開又有特價點心，$3.80 盅頭飯，就去試下啦。$7 @ 茗茶 : 價錢唔算平，但係真係淡如水，我地揀左飲普洱，都叫好彩，因為普洱點都會有d 顏色，唔係就真係以為自己飲緊清水 $3.8 盅頭飯 (鱆魚肉餅飯)，限一人一盅，我地先叫一盅，味道唔錯，飯亦係一粒粒，唔會一pat pat 咁，咁就encore 啦，點知出事。第二盅極腥，水準如此不穩定，實在有點那個..其他點心:蝦腸 ($13.8) 味道唔錯，腸粉有少許彈性 :)鴨腳紮: 芋頭好粉，好味 :)五香咸肉粽 ($13.8): 綠豆夠粉，可惜唔知加左咩調味料，個味好怪好難食 :(蘿蔔糕: 普通酒樓水準，用粉開，削削地，不過不失潮州粉果: 花生好爽，西芹好香，唔错 總括而言，咁既價錢不妨一試。但由於水準唔穩定，隨時今次覺得唔錯，下次難食到嘔。同朋友黎或作為慶祝節目就免了，隨時掃興!另外，夥計嚴重不足，或者係最低工資作怪。近期食肆普遍現象，要搵人加水或者收點心籠要俾d 耐性。…Read More

見有套餐兩碟點心只係 $15，再加上之前食過都不過不失，就諗住貪平食下啦，點知出事我地三人行總共叫左三個套餐 - 六碟點心1. 肉餅飯 - 唔怪得我見同檯搭檯既老人家都嗌飯唔嗌粥啦。因為 d 飯真係淋到無牙都食到! :(2. 叉燒腸併牛肉腸 - 呢個嗌左兩次，因為算係入得下口，只係腸粉唔係滑，係有少少痴牙既感覺。同埋叉燒係一夾即散，好明顯係冰鮮肉都嫌貴，只係用急凍肉3. 炸鯪魚球 - 呢個正常，仲有四粒 tim，不過 size 只係正常既 1/3 (或 1/4) 4. 蠔油鮮竹卷 - 如果果日有勞作要做，可以叫呢個， 個汁可以當埋膠水用，正! 5. 薑汁雞包仔 - 正常囉，唔可以話難食，亦唔可以話好食同場仲發生左件事，有個伙計想拉張椅入去俾個客，佢竟然係舉起張椅黎過，結果椅腳就掃到對筷子，而椅背就打中隔離張檯既食客... 有咩理由唔係叫人借借俾位佢推過架唔通佢以為自己係連椅都係用膠椅架? 同埋 d 碗真係超級污糟，摸落手油油咁不特只，仲有黑色污蹟.... 點可以俾人用架?唔駛旨意再有下次!…Read More

同朋友慶祝生日，叫左一個八人餐 $2388 - 另加一茶芥野食味道係唔錯既，但服務真係唔得囉....請臨時工好多食肆都會，但呢個臨時工似新人多 d 喎收得咁既價錢，除左食物外，我諗 expect 有返咁上下服務都唔過份丫....一開始，個伙記已經撞到我朋友，整濕佢隻手，好彩唔係熱水... 跟住收碟果陣，可以碟上面既水，滴落另一碟未食晒既送度.... 上菜位成日轉，唔係應該次次一様架咩，咁人地坐果陣係特登有個位疏 d 俾佢上菜架嘛，搞到 d 菜成日o係我地頭頂過....我原本個碗因為食魚，所以好多豉油，就用左飲湯個碗繼續食，佢收左我個湯碗都合理但係佢就咁俾返原本個碗我，見到有豉油，唔係應該換過隻俾我咩?好啦，咁大家食完雞，換過隻碟清左 d 骨，佢又換 d 唔換 d........請臨時工可唔可以都做下 quality control 呢? …Read More

之前行街見到話十二點前半價，拎左個 menu 睇，見唔係貴，於是專登早少少去食兩個人，食左四樣野醉雞 - 好好食，份量亦好足，都幾重酒味，唔錯 $24烤麩 - 質感拍得上鼎泰豐，只係相對比較甜 $19小籠飽 - 普通，個皮好薄，但唔夠多汁 $13鍋貼 - 如果硬要分高下，呢個係最差既，但唔可以話唔好食我地揀左人蔘烏龍，好好味，同行友人話好似佢在台灣飲過既味道而且唔算貴 $6 @唯一不足係嗌埋單，個伙計就咁話 ok，咁我地以為佢去埋啦點知等左一排都無人黎，再嗌第二個伙計啦，佢埋黎拎左張白咭去埋咁即係一開始嗌果個伙計係完全無做野架啦 :(不過咁既價錢，咁既野食質素，個伙計又未令我要俾 OK 佢既…Read More

其實係好幾個月前既事係為左慶祝母親節話說我地早左兩個禮拜慶祝，打電話去 book 位，問清楚係有碟野送既 (好似係一隻雞，太耐啦，都唔記得係送乜)去到啦，問個伙記，佢竟然話 "今日係節日嘛，梗係無啦" (語氣仲好囂果隻)明明早左兩個禮拜食，都叫節日?跟住我地話 book 檯明明問清楚係有架喎佢繼續大大聲咁講，今日係節日，度度都無架啦!!! 係你地聽錯!!!跟住仲要一大班伙記圍住我地張檯，七咀八舌(點解個個伙記都唔駛做咁? 因為得我地一檯客，有咩好做呀?!)即刻已經嬲到想走，但家母唔想掃興.... 唉......... 結果都留低左食叫左幾味送，味味都超難食最"正"係個冬瓜盅，竟然係冬瓜湯，唔係用冬瓜個皮黎裝住架d 肉真係煲湯肉咁，超鞋，無味!問個伙記，佢話 "係呀，我地係咁架，呢 d 係我地既特色!"唔識整就唔話係特色 唔好食不特只，仲碟碟都好細碟最過癮係呢間野你做乜都無用，鬧佢咩，佢搵班伙記圍住你坐耐 d 等佢做唔到生意咩，佢都無客，你咪坐囉食食下 d 野咁難食，忍唔住得佢一句 "唔怪得無客啦"個經紀大大聲話，咩無客呀， book 晒架結果後尾八點幾都得幾圍檯，真係想問佢係咪有鬼眼，我就真係見唔到 full 囉總之你想試下食飯食到好似伙記圍住你既，呢度真係不二選擇!…Read More

好味，好香既芝士味本來只係貪過癮食下，去拎果陣已經聞到好香既芝士味，到煲緊果陣仲香唯一要彈既係芝士偏少，食晒d 料已經冇晒不過$39 唔可以要求太高，比我預期中好!!…Read More

今日同dad 同mum 去左小肥羊食晏晝雖然係公假，但特價野依然有得食，抵讚!!叫左一個$98 既套餐可選4 款點心.. 有成兩大行，好多款，揀到眼花我地揀左黑椒牛仔骨(牛仔骨好肥下，可能係蒙古口味，好滑，不過唔健康囉.. 我就唔會再揀啦)蝦餃王(ok 啦，不過唔太爽口，但佢唔係食海鮮，唔可以太高要求)春卷(保持水準，好脆)羊肉包子(羊肉味好勁，我接受到就覺得好正，唔喜羊既就唔好嗌)1 款炒粉麵揀左福建炒飯(ok，不過好似比以前細碟左dd，但三個人去食都夠飽，俾多d 都係o徒，所以冇問題)1 款涼菜揀左海哲(以前可以揀鴨舌，今次冇得揀，母親大人有點失望..)1 款時蔬揀左蒜茸菠菜(蒜味好勁，不過油左d，不過我好鍾意咁濃既蒜味XD)仲有甜品，我地揀左紫米露，ok，冇乜驚喜..埋單$130，三個人黎食算抵…Read More