kenchoi9's Profile

「好蔡館」大廚蔡昱係「好酒好蔡」大廚蔡昊嘅哥哥，兩兄弟都係煮潮州菜嘅高手！嘗過「好酒好蔡」的美味，自然對「好蔡館」都有一定嘅期望。是晚餐單：- 烚花甲 $298/pax- 獅頭鵝拼盤 (鵝頭頸/鵝腸/鵝肝) $754- 脆皮婆參 $498/pax- 走地雞 $298- 方利魚鼎 $698- 潮州蠔烙 $128- 蒜頭焗蟹 $800- 豬油渣春菜煲 $238- 牛油果桃膠花甲味道鮮甜富層次感，食到停唔到口！滷水鵝頭拼盤夠入味，乃招牌必食之選。脆皮婆參稍嫌外皮唔夠脆身，但海參質地煙韌黏口，調味亦出色。走地雞肉質鮮嫩可口，非一般冰鮮雞可以媲美。方利魚新鮮嫩滑，有好濃薑蔥味，又係食到停唔到口。蠔烙係不得了，外脆內軟，入面直頭可以用juicy 嚟形容！蠔仔係大大粒，超級肥美。蒜頭蟹同春菜煲稍為冇乜特別驚喜，蟹肉係新鮮嘅，菜都嫩，只係稍嫌啲湯比較鹹。最後呢個牛油果桃膠平時係叫唔到㗎，係咁啱當晚有人訂私房菜老闆私人醒嘅！味道非常清新，連平時唔食牛油果怕咗佢個味道同texture 嘅我都覺得好好食😋全單🧾：$6400 連酒水人均消費💲：$1600總結：每一道菜都非常美味，鍾意食地道潮州菜嘅一定要嚟試吓。如果想食得高級啲，亦可以考慮預訂佢哋嘅私房菜，大概$1800-$2000位。地方座位有限，為免失望，記得book 位！😉 …Read More

魚湯藥材濃，用左三種唔同既魚熬製而成，食之前一定要飲返碗暖下胃！菇湯有菌嘅鮮味，鐘意清淡嘅朋友啱晒呢度嘅桶蠔大過手板，真係第一次見咁巨型啖啖肉嘅蠔！桂花蚌爽脆一啲都唔腥，時間掌握得好淥一淥就食得黑毛豬片油花均衡肉味濃，手工包嘅餃拼盤同秘選菜籃都大大個份量足清清地健康簡單的一餐火鍋值得一提，服務生非常有禮貌，態度一流，值得一讚如果想私隱度高啲，打邊爐兼唱K，原來佢哋有特色VIP 房可以選擇，min charge 都非常合理，下次試吓先！…Read More

旺角呢間真秘鍋，幾乎係我同朋友聚會必去訂房打邊爐唱K嘅餐廳。秘鍋－－雞煲翅，係熟客/熟客介紹先識得預訂嘅隱藏版豪華湯底。需要提早一至兩日向餐廳order。熬足一日的雞湯金黃，超級濃郁，入口每一口都是膠質，對於對食物有要求已經食慣咗一般火鍋湯底嘅朋友，不妨試吓呢個隱藏式矜貴版秘鍋，絕對係一試難忘，唔係普通湯底可以比擬的。另一個必點湯底係招牌九五之尊，龍蝦味非常出，打邊爐用嚟搭配海鮮配料真係冇得頂！龍蝦鍋入面嘅仲有特別QQ水晶粉，吸晒湯汁，又鮮又彈牙。呢度嘅刺身亦都好出色，新鮮即撈嘅澳龍刺身、象拔蚌刺身鮮甜爽口，仲有市面少見嘅花金古魚刺身。自家丸餃手工製大粒有誠意，牛肉有本地手切鮮牛，有唔同矜貴部位，五花子帶軟骨，牛肉味濃兼且爽口。鍾意來真秘鍋，因為呢度除咗有VIP房有得唱K，仲有一個原因，係因為呢度食物質素好，同連鎖集團唔同，火鍋店食出半私房菜感覺，餐廳對食物有份執着、出品有誠意。…Read More