eatsth's Profile

四川涼皮呢一個四川涼皮可以自己選擇辣度，我就叫咗一個微辣，涼皮煙煙韌韌，非常之爽口彈牙。醬汁係酸酸辣辣，佢嘅醋味好香，而且每一片涼皮都沾上醬汁，非常之惹味，係會令人食唔停口。素菜餃其實餃子除咗食肉之外，我覺得食素菜亦都係一個唔錯嘅選擇。而呢一間素菜餃佢嘅餡料除咗非常飽滿之外，佢嘅材料亦都非常之豐富，有馬蹄，木耳，粟米，蘿蔔，總之唔會令你覺得素菜一種好單調嘅味道，而且煎得非常之香脆可口，非常之有水準。松茸餃另外我仲叫咗一款松茸餃，佢嘅松茸好香濃，而且佢嘅餡料亦都係爆多，食落去一啲大滿足。果然係店舖嘅王牌招牌餃子！…Read More

今晚食完飯之後我哋意猶未盡去咗隔離呢一間專食芒果甜品嘅舖頭去飲佢嘅芒果特飲. 呢一個芒果甜品舖頭其實同隔離嗰間泰國餐廳係相連,食飯嘅時候都可以嗌佢一啲芒果特飲. 我地今晚總共試咗兩杯芒果特飲.Mango coco mousse  $42好好飲嘅芒果椰子西米慕絲特飲，西米好多，而且佢嘅椰汁好香，飲落去好 creamy。芒果同埋椰汁好夾，芒果清甜。Mango mania $33呢一杯就係純芒果特飲好多芒果蓉，而且佢嘅芒果粒亦都好大粒。呢一個夏天飲一杯芒果特飲真係非常之透心涼。…Read More

今晚去開北角嗰邊，決定喺北角和富商場食埋晚飯先走。我同我朋友見到呢一間泰菜入邊好多人，而且價錢都唔貴，所以試吓。炭燒牛肋骨 $96牛肋骨笑得好香，肉質好軟淋，點埋佢嘅醬好好食。咖喱海鮮脆包盅 $148見到好多枱都有叫呢一個咖喱海鮮脆包，我都唔執輸叫咗一份。呢一個咖喱超級好食，椰汁味好濃，而且入邊嘅海鮮餡料都有好多，有魚柳，青口，魷魚，蝦等等，好新鮮熱辣。嘅麵包焗到非常香脆，點埋佢個黃咖喱汁食冇得輸。泰式炸蝦餅呢一度一至五每一日都有一蚊優惠，而我哋就揀咗呢一個泰式炸蝦餅，原價係$73。佢嘅蝦餅非常之爽口彈牙，好好味，外皮炸到脆卜卜。焗蒜蓉包 $36叫得咖哩又點會唔叫多份蒜蓉包點去食呀？佢嘅蒜蓉包蒜蓉好香，又係焗到非常之香脆。Mango coco mousse  $42超級好飲嘅芒果特飲每一啖都飲到佢嘅芒果茸芒果好清甜消暑解渴。…Read More

椒鹽腰果雞軟骨$88雖然係外賣返屋企，但佢個雞軟骨仲係脆卜卜，腰果亦都夠多，攞嚟送酒一流。豉椒炒鵝腸$88超級惹味呢一個炒鵝腸。豆豉味好重，而且每一條鵝腸炒到到非常之入味，鵝腸煙煙韌韌，肥膏唔算太多，好送飯。竺扶大班小炒王 $98呢一個小炒王又係超級足料，韭菜冇渣，好好食。入邊有菜甫，蝦乾，腰果，魷魚等等，每樣味道好惹味，送飯都係一流。it has been a while for me to dine out. therefore, it was very convenient for me to have a choice to have delicious takeaway for dinner. I will be back some other day!!!!…Read More

煎韭菜豬肉餃 $58呢一個韭菜豬肉餃餡料非常多，入邊係塞滿左滿滿嘅韭菜同埋豬肉，外皮好薄，煎得非常香脆。粟米豬肉餃 $58再嗌一個煎餃。，不過佢嘅豬肉粟米餡料都好爆滿，粟米好鮮甜，食落去好舒服。至尊松茸豬肉餃跟狀元九鼎湯 $118先講佢個松茸豬肉餃，內餡又係非常之爆滿。松茸都算多，食落去好香松茸嘅味道，唔會好單調。另外個九鼎湯就好清甜，一啲味精都冇，飲完好舒服，好似自家煮嘅住家湯。山楂雪梨水好清甜，雪梨嘅味道好重，山楂酸酸甜甜，非常知解油膩。…Read More

燒鵝例牌燒鵝髀啖啖，上枱嘅時候雖然唔係熱辣辣，但係微溫。外皮燒到幾香脆，肉質嫩滑，點埋佢哋特配嘅柚子醬，食落去非常香甜，好好食！唔怪得知佢係以燒鵝為主。菠蘿油其實我係好鍾意食菠蘿油嘅一個人，見到有梗係會叫啦！嗰日係賣剩最尾兩個，可想而知其實真係好好賣！佢嘅菠蘿酥皮好香脆，甜甜的，加埋好香嘅牛油，食落去真係好似每一啖都係天堂一樣咁滋味，值得一試。常餐(牛油多士/滑蛋配火腿/燒鵝米粉)唔好以為呢度剩係得燒鵝食，其實佢都有茶餐廳嘅常餐。我都俾佢嘅牛油多士同滑蛋驚艷左！因為真係好滑同埋好好食，而且價錢又好相宜，性價比好高。油菜幾翠綠，不過我就略嫌油左少少。…Read More

自從疫症爆發之後好多地方都唔敢去，今日難得放工之後過咗嚟尖沙咀海旁呢一邊，見到非常空曠嘅尖東海旁，非常感嘆： 原來要有一片屬於返香港人嘅地方係咁困難………好鍾意飲呢一間日本過江龍嘅咖啡，質素真係非常之高。Spanish latte好nice ge店員姐姐特別推介肥妹仔飲呢一杯spanish latte，因為佢唔係用普通牛奶做底，而係用咗非常香濃嘅煉乳， 所以比一般嘅latte有好香濃嘅煉乳味， 鍾意飲甜嘅朋友一定要試。Caffe latte媽就飲咗呢一杯caffe katte。肥妹仔冇飲到，但係媽嘅評語就係去呢一杯latte好濃呢牛奶味，見到佢用嘅牛奶係日本嘅奶，所以佢嘅奶香味好濃。咖啡味都好出，唔會淨係飲到奶味而冇咖啡味。…Read More

今日同左女朋友去食韓國嘢，雖然對於韓國食物冇乜興趣，不過女朋友想食冇計啦🤷🏻‍♂🤷🏻‍♂，見到餐廳嘅裝修同清潔都大致良好，有唔少食客。女朋友首先叫左個芝士餅雪冰，竟然係甜品食先，因為佢話淨係想食甜品🤦🏻‍♂🤦🏻‍♂，見到個賣相都幾靚，有新鮮水果係上面之餘，仲有幾舊芝士添，份量足夠一個人食，食完都唔會太飽。而我就叫左首爾醬油無骨雞同埋海鮮部隊鍋跟辛辣麵 (小辣)。首爾醬油無骨非常好食😋😋，由於冇骨既關係，可以一啖放哂落口，佢仲有特別嘅醬汁係上面，增加味道口感，果然係一間以雞🐥🐥為賣點嘅餐廳。海鮮部隊鍋跟辛辣麵 (小辣)方面...聽人講部隊鍋就多，自己食就未食過😂😂，大致上裡面有年糕、腸仔、冬茹等等嘅材量，加埋辛辣麵煮，更加豐富左添，不過小辣都已經有啲過左我嘅接受程度🙈🙈第一次接觸韓國食品，大致都滿意同有新鮮感，可以再黎食過👍🏻👍🏻…Read More

聽朋友仔講喺上環有一間專打火鍋嘅私房菜，等今次呢就趁收工同朋友仔去試下。湯底呢我哋就試咗椰子雞湯，佢個椰子係原隻椰子倒啲椰汁落去，入面最好多中藥例如杞子，淮山，海底椰，仲有半隻雞去煲湯。你會見到好清。打邊爐之前我哋都會去食咗個雞煲先，佢啲雞好滑，佢啲湯係好清嘅椰香味， 唔會越淆越渾濁，食完隻雞店員好好地幫我哋refill返啲湯，跟住我哋就打邊爐啦。我哋嗌咗個黑毛豬，佢嘅黑毛豬其實係五花腩，同平時食開嗰隻薄嘅唔同，食落去口感非常豐富。 跟住我哋嗌咗魚片，安格斯牛。佢嗰啲材料比一般火鍋店嗰啲靚好多，雖然份量唔係好多，但係每樣既質素都非常之好，所以食落去好滿足，而且環境亦都坐得好舒服，店員好細心。…Read More

今日放工，如常經過尖沙咀，行下竟然有一間新開嘅燒味店，見環境幾好，好光猛好乾淨，所以就入去試吓。一入到鋪頭入邊，發覺裝修好精緻，隨即拎個餐牌，點一個二人餐。二人餐包括，兩個瀨粉，燒鵝，叉燒，例湯，同埋凍檸茶，另外仲加一碟油菜。燒鵝皮脆肉嫩，肉質超滑，食住呢件燒鵝，一路喺度諗，點解食燒鵝要揸到去深井咁遠呢？於是就去研究下呢間餐廳有乜嘢歷史。餐廳老闆原來做咗好多年燒鵝嘅經驗，靠佢嘅經驗，開咗呢間燒鵝做主題嘅餐廳。除咗燒鵝之外，佢嘅叉燒都非常之不錯。我地點左半肥瘦嘅叉燒，嚟到真係冇乜肥，亦都唔會太過瘦，證明夥計真係用心聽我哋嘅要求，提供你想要嘅食物。不得不提嘅就係佢哋仲有自己嘅燒鵝醬汁任你用，所以總括而言，呢間餐廳唔似一般燒臘店，環境好好，可以坐好長時間進食，同埋食物製作用心，位置方便，經開尖沙咀呀你哋下次…Read More

早排同朋友仔去咗觀塘工廠大廈the wave,試下呢間登堂嘅高級西餐廳，聽聞佢係食fusion菜，咁今次就同朋友仔試咗佢嗰個墨西哥芝士牛扒烤餅同埋北海道帶子鹹蛋黃risotto ，飲品呢就嗌咗佢杯招牌咖啡， 講一講佢個墨西哥芝士牛扒烤餅啦，佢嗰個烤餅做到拉斯嘅感覺，仲有唔係夾啲碎嘅牛肉，真係夾一塊牛扒上去，呢個係比較特別，佢個北海道帶子鹹蛋黃risotto帶子非常之厚，食落口啖啖肉再加埋南瓜同埋鹹蛋黃歲半出嚟嘅risotto頓飯佢而家返咗少少硬…Read More

今日係星期日我同咗朋友去西環嘅一間好出名嘅日式咖啡店度飲咖啡，最出名係對住西環嘅海邊，充滿文青風格吸引，不少人嚟打卡同埋 合照。Ice latte $50我個朋友鍾意飲唔甜嘅咖啡，所以佢就嗌咗一杯ice latte,我都試飲咗一啖，飲落去好香奶味，咖啡同奶嘅比例剛剛好，好smooth.Spanish latte $50呢一杯spanish latte飲落去比平時咖啡甜，原來加咗煉奶喺底，所以飲落去除咗有咖啡嘅香味，仲有我煉奶嘅 香甜味道，鍾意飲比較甜嘅又鍾意飲咖啡嘅人可以一試。Matcha latte $60話明係日本過江龍，就梗係要試下日本好出名嘅抹茶啦。果然冇令我失望，佢嘅綠茶味好濃，比例剛剛好，抹茶香又帶有濃濃嘅奶香味， 我相信熱飲都會好好飲。…Read More

今日我去咗鰂魚沖嗰邊做嘢，放工嘅時候經過見到有一間好靚嘅coffee shop，門口出面有好多人喺度影相，但係舖頭入面都好多人喺度排隊買咖啡。spanish latte呢一個係我哋之前飲開嘅有少少唔同，佢唔只用牛奶，脫脂奶去沖，而係佢加咗煉奶，所以飲落去係咪特別香甜，重煉奶味，你好啱我呢啲嗜甜但又鍾意飲咖啡嘅人。caffe latte呢一杯拿鐵田飲落去好重奶香味，但係咖啡味亦都好出，拿鐵同咖啡既味道同香氣都好平均，水準非常高。matcha latte呢一杯抹茶拿鐵好香嘅抹茶味，而且佢嘅抹茶係飲得出好醇，好甘香，唔似坊間一啲所謂用綠茶粉開出嚟，鐘意飲抹茶嘅朋友一定要試。…Read More

安格斯牛肉芝士煙肉漢堡配薯條  $138呢一個安格斯牛肉漢堡真係世界級好食。佢嘅牛肉漢堡食落去係非常香同濃嘅牛肉味，而且咬落去非常多汁，一啲都唔乾同柴， 係一個非常高水準嘅牛肉漢堡扒。 另外佢嘅薯條係屬於粗身薯條， 炸到脆卜卜，唔點任何醬已經食到好香好濃嘅薯仔味，鍾意食漢堡同炸薯條嘅人嚟到一定要試。魷魚燒南瓜法邊豆 粟米黃金意大利飯伴香煎北海道帶子$178平時食意大利燉飯就食得多，但係今次我真係第一次食用鹹蛋黃醬整嘅意大利飯。佢呢一個醬汁除咗好香南瓜蓉味之外，仲有另一個特色，就係有一粒粒嘅鹹蛋黃粒。鍾意食鹹蛋黃嘅人一定唔可以錯過，佢嘅意大利飯煮到軟硬適中，食落去連埋鹹蛋黃粒一齊食，非常香口。 另外佢嘅北海道帶子非常厚身同厚，肉咬落去非常多汁新鮮，而外煎得香脆，食落口感非常豐富。雞肉墨西哥烤餅配酸忌廉莎莎醬牛油果醬  $138呢一個墨西哥烤餅入面除咗煎到好香嘅雞肉粒之外，入面仲充滿咗芝士同埋辣椒粒，所以食落去除咗有好香濃嘅芝士味之外，仲有微辣，食落去非常刺激。佢嘅烤餅烤到非常香脆，連埋個酸忌廉同莎莎醬一齊食，又係另一種味道。hotel california $ 118Malt whisky, honey, pineapple, mint, soda water呢一杯hotel california飲落去好香濃嘅whisky味，但係我建議要等佢啲冰溶咗少少再飲，其他嘅味道會更加出，除咗whisky之外仲會飲到一種甜甜嘅水果味。Beat of candy  $88Candy syrup, mango syrup, soda water成杯嘢小朋友都可以飲，係一種甜甜嘅糖果味，但係最特別嘅係係用咗冰做一個少少嘅兜仔，裝住好多gummy bear,好特別好可愛…Read More

尖沙咀多特色嘅餐廳就係人都知，但係今次我嚟呢一間彌敦左岸食飯 ，食完嘅感覺係覺得食物質素同環境氣氛都超級好，我相信我之後一定會再同朋友嚟食過。法式龍蝦濃湯  $68我哋叫咗個法式龍蝦湯試下，佢嘅法式龍蝦湯唔似出面嘅龍蝦湯咁濃味，佢係有龍蝦嘅香味，但係飲完唔會口渴，而且佢嘅龍蝦肉食落去爽口彈牙，不錯。脆香雞翼配泰式辣汁  $68呢個脆香雞翼外皮炸到脆卜卜，熱辣辣。雞肉肉質嫩滑，配埋泰式辣汁非常惹味。卡拉布里亞辣香腸蒜片白酒 牛油汁煮紐西蘭刀貝蜆  $188紐西蘭刀貝蜆真係好特別，佢嘅蜆肉比普通嘅蜆係大粒，而呢一個醬汁就好香蒜蓉同埋白酒牛油嘅香味， 食落去除咗有肉質飽滿蜆肉嘅鮮味之外，仲有濃濃嘅蒜香真係令人食唔停口。鮮海膽手拆蟹肉天使麵  $228如果鍾意食海膽嘅朋友一定要食呢一個海膽蟹肉天使麵!!!因為佢隻海膽味真係超級濃郁，佢嘅海膽汁係多到每一條意粉都可以沾上。 而另外佢嘅配料除咗又蟹肉之外，仲有一粒粒好結實好香嘅蟹膏，食落去真係雙重享受。鹽焗去骨時令鮮魚焗伴輕蔬  $198今次我哋食嘅時令鮮魚係鱸魚，佢嘅鱸魚用咗一層厚厚嘅鹽去焗，所以食落去係有好香嘅鹽香味。除咗鹽之外，佢嘅鱸魚入面仲用咗檸檬，香草香料等去烹煮調味，所以食落去有一陣檸檬嘅清新香味， 非常鮮味。煙三文魚pizza  $158Pizza方面我哋就叫咗一個煙三文魚pizza。我以為煙三文魚係主角，但原來唔係，係佢嘅芝士先係主角!!!佢嘅pizza係屬於薄身餅底，但佢嘅芝士厚度係厚過佢嘅餅底，食落去啖啖芝士，超香，超濃芝士味，大滿足。Earl Grey On Top $148Fusion of earl grey tea and gin with cream cheese on top, so special!!!Left Ice $78Strawberry milk shake, simple but deliciousCocktail Stick $138Fusion of vodka and orange juice, fresh with strong after taste!Oolong with Cheese  $70…Read More