今日同左女朋友去食韓國嘢，雖然對於韓國食物冇乜興趣，不過女朋友想食冇計啦🤷🏻♂🤷🏻♂，見到餐廳嘅裝修同清潔都大致良好，有唔少食客。
女朋友首先叫左個芝士餅雪冰，竟然係甜品食先，因為佢話淨係想食甜品🤦🏻♂🤦🏻♂，見到個賣相都幾靚，有新鮮水果係上面之餘，仲有幾舊芝士添，份量足夠一個人食，食完都唔會太飽。
而我就叫左首爾醬油無骨雞同埋海鮮部隊鍋跟辛辣麵 (小辣)。首爾醬油無骨非常好食😋😋，由於冇骨既關係，可以一啖放哂落口，佢仲有特別嘅醬汁係上面，增加味道口感，果然係一間以雞🐥🐥為賣點嘅餐廳。
海鮮部隊鍋跟辛辣麵 (小辣)方面...聽人講部隊鍋就多，自己食就未食過😂😂，大致上裡面有年糕、腸仔、冬茹等等嘅材量，加埋辛辣麵煮，更加豐富左添，不過小辣都已經有啲過左我嘅接受程度🙈🙈
第一次接觸韓國食品，大致都滿意同有新鮮感，可以再黎食過👍🏻👍🏻
