ching611's Profile

元宵佳節，順便提早慶祝情人節， 除咗傳統地區銅鑼灣同埋尖沙咀之外， 鰂魚涌太古坊也雲集高質素餐廳。 環境恬靜之餘， happy hour 酒類項目非常優惠。Sauteed Clams白酒香蒜煮蜆， 肉質鮮嫩的蜆肉，質地肥美鮮味， 配搭新鮮香草味道突出。 香烤多士吸收醬汁，很美味。Roman Meatballs羅馬肉丸，配蕃茄醬及巴馬臣芝士，肉丸鮮嫩多汁 外層微脆，內部保持左豐富肉汁，十分醒胃。Nduja salami spiralotti意大利辣肉腸螺絲粉, 手工縲絲粉夠咬口嚼勁 ,味道香香辣辣，用心精選。Prawn & Asparagus Risotto大蝦蘆筍意大利飯， 奶油味道香氣滿溢， 蝦肉爽甜彈牙， 意大利飯煙煙韌韌， 各項餐點都非常精緻，最鍾意配搭不同的香草， 提升食物味道。…Read More

新年是一家團聚，朋友歡聚的節日，有朋自遠方來要好好招待，朋友喜歡影相打卡，立即想起之前雜誌介紹過的，充滿懷舊港味的雞煲火鍋店。餐廳主打係雞煲或者係火鍋，看見隔離枱， 火焰原隻鳳梨雞煲，真係好有氣勢。餐牌還有廣島蠔雞煲、黃蜆雞煲 都非常吸引。想滋潤一點也可以選擇清熱椰子雞湯鍋，最啱乾燥寒冷的天氣滋潤補身。清熱椰子雞湯鍋， 滲出陣陣清香椰子香氣，雞肉豐盈 ，皮黃肉白，肉質嫩滑彈牙，雞味濃郁。半隻雞嘅份量原來也不少。加上大量新鮮椰子和粟米，湯頭非常清甜滋潤。龍鳳呈祥牛肉拼盤(細)(牛舌片、手切牛肉、牛胸油、 牛𦟌、牛肉粒、雪花肥牛)每樣都有啲非常豐富，最鍾意就係食手切牛肉、雪花肥牛，特別係手切牛肉質感柔軟，肥瘦均勻，肉質嫩滑味道香濃。龍鳳呈祥手打鮮蝦丸(8粒)即叫即製手打鮮蝦丸，圓潤又飽滿的鮮蝦丸，加上脆脆的蟹子點綴，真的好吸引。煮熟之後呈橙粉色，顏色吸引又好意頭，質感彈牙爽口，充滿鮮蝦味道。即制回味五香肉丁餃(6粒)餃子皮煙煙靭靭，彈牙有質感，餡料味道好得意，真係充滿五香肉丁的味道， 豬肉餡料加五香肉丁 ，香香辣辣的又唔會太鹹， 充滿湯汁又非常濕潤。龍鳳呈祥豐盛雜菜拼盤賣相相當吸引，心形蘿蔔 波板糖蕃茄，好玩又好味，仲有粟米、木耳、金菇、娃娃菜、生菜 、油麥菜，份量超乎想像，等於幾碟常規火鍋料，蔬菜好新鮮，吸收咗火鍋湯底嘅精華非常好食。…Read More

天氣很好,約了朋友行街， 順道可以搵間靚餐廳聚聚舊。 觀塘的Be Leaf 環境靚靚，是經常來的餐廳 。而且最近換了新的brunch餐牌， 配搭更加靈活。香煎鯖魚明太子意大利飯和式洋食風格， 鯖魚煎得香脆， 明太子意大利飯很有驚喜， 味道香濃帶少少辣， 毛豆軟硬啱啱好， 整體感覺鮮味。松葉蟹肉炒滑蛋 酸種麵包配炸薯條酸種麵包煙煙韌韌， 烤得香香脆脆， 配上厚厚的滑蛋， 嫩滑多汁蛋味香濃。 加埋鮮味嘅蟹肉 同埋清新嘅沙律菜 ， 感覺非常健康。自家製焦糖餅咖啡，每次來必點的焦糖餅咖啡， 除咗賣相精美， 咖啡亦都非常香醇濃厚， 特別係焦糖餅， 香脆甜美十分 吸引。Grapefruit summer soda， 色彩鮮豔夏日氣氛， 酸酸甜甜好適合夏天。…Read More

星期五就是要約朋友傾計放鬆， 生活和工作取得個平衡， 享受美食美酒， 來到我們都非常喜歡的瑞生酒店The pearl 餐廳。實在太欣賞調酒師， cocktail創新獨特， 味道非常協調， 有著不同風格。 今次選擇mocktail ， 雖然係用果汁調配 ， 但係要整得好飲都唔容易 。Passionate Night， 百香果漿配搭香濃葡萄汁， 酸酸甜甜 非常開胃， 最重要就是加入青檸乾， 帶出 青檸的獨特香味， 微微地滲出柑橘類的澀味。First Crush， 菠蘿汁和青瓜汁， 帶著清新嘅感覺， 清爽又不太甜， 加上微氣泡 非常消暑。秘魯吞拿魚拌蕃茄莎莎配香烤鱈魚脆片及黑醋汁。香甜嘅蕃茄莎莎， 點點辛辣的紫洋蔥， 配搭鮮味的吞拿魚， 加上烤得香脆的鱈魚脆片， 輕型沒有負擔的餐前小吃。蒜片橄欖油封大蝦配佛卡夏多士， 大蝦鮮甜彈牙，炸得金黃的香蒜片， 充滿香濃蒜味的橄欖油， 配搭多士一起吃超滿足。 慢煮西班牙黑毛豬鞍架實在要稱讚這裏的大廚， 每次來都保持到高水準， 西班牙黑毛豬鞍 非常juicy， 超濃郁的肉味， 嫩滑彈牙的肉質， 配菜是香烤的薯仔、大蔥、 甘藍， 外面烤到微焦，而內部保持充足嘅水分。和風原隻璣煮鮑魚配野菌意大利飯原隻機燒鮑魚 份量不少， 切開後更容易進食， 質感彈牙嫩滑。 意大利飯煮法正宗不會太淋， 蘑菇醬汁非常香濃。…Read More

想吃燒肉都會想起Yakiniku kakura， 地方非常寬敞， 環境清爽乾淨 。重點是烤爐控制容易 ， 火力均勻 。餐廳除咗有唔同款式的優質黑毛和牛。 最喜歡就是 omakase套餐。這天約朋友來到這裏慶祝生日， omakase套餐裏，每人都會包 黑毛和牛大判燒。 這個真的回味無窮， 肉質嫩滑肉味香濃， 濃濃的牛油香氣， 加埋嫩滑嘅蛋汁， 齒頰留香。 另外配搭的兩款黑毛和牛，分別是黑毛和牛裏腹小排、 黑毛和牛腹柳小排。 兩款都非常之嫩滑， 肉味香濃多汁。另外仲配搭咗兩隻好大嘅蝦， 爽口脆身嘅的牛舌， 嫩滑嘅雞肉。 蔬菜方面，有冬菇、雞髀菇、洋蔥、南瓜。 加埋兩碗好適合夏天嘅冷麵， 冷麵湯底酸酸甜甜， 面質煙韌彈牙， 清新嘅青瓜 同埋幾款 泡菜， 凍冰冰透心涼。最後係每次都好期待嘅甜品， 軟綿綿又煙韌嘅 雪糕糯米糍， 充滿杏仁味滑捋捋嘅奶凍。 為完美嘅燒烤晚餐劃上句號。…Read More

夏天最啱同陽光玩遊戲， 趁住天氣好 行咗跨灣大橋，尾站來到康城商場。 即時買返杯春陽茶事，可以消暑解渴。 最近都新出咗 夏天期間限定飲品。甜杏桂花烏龍清新舒爽嘅感覺， 香氣撲鼻桂花味道配烏龍茶， 甜而不膩嘅感覺， 滲出淡淡嘅茶香。 杏仁味啫喱煙煙靭靭， 杏仁味道突出 而且唔會太甜。 加上飲品超冰爽， 真係好啱夏天。蜜桃烏龍蜜桃烏龍充滿蜜桃嘅果肉味道， 香甜感覺充滿夏日氣氛。 選擇咗小甜小冰，味道啱啱好。 下次可以試下加珍珠 或者椰果，會更加有質感。…Read More

假期前夕最開心就係出街食飯, 預早book枱事事輕鬆， 選擇牛品任吃火鍋， 每次來都選牛御品套餐，性價比最高， 因為會免費送兩杯春陽茶事， 平時去買都要三十幾蚊一杯， 而家可以免費送真係好抵。最鍾意嚟呢度,火鍋底好多選擇，有辣又有唔辣。 期間限定綠野仙蹤濃湯鍋，超強的芫荽，好像好好吃。不過朋友想食黑蒜黃金鍋，好多黑蒜又有鮮甜的蜆肉。主要點的肉類，澳洲M9和牛＋美國特上牛小排，任點任食好快就送到， 所以每次來都係，每次點少少食曬先再嗌。 這兩款肉類 肉味香濃而且肥瘦均勻， 真係唔錯。 其他蔬菜丸類幾十款， 不停加不停補 ，望落都好新鮮。 仲有可以喺手機上面點小食， 鹵水牛三寶牛筋勁淋勁入味， 鹽酥雞、炸花枝丸、台灣香腸都好好食。今次來發現多咗可以DIY飄雪綿綿冰, 真係好特別， 好多人排隊爭住玩 ，仲可以喺芋圓吧自由加配料，同埋加 häagen-dazs雪糕。就算唔玩綿綿冰， 芋圓吧的配料都好豐富， 揀咗紫糯米、椰果、紅豆 、愛玉、 三色芋圓、彩色啫哩，加入花奶同埋少少糖漿，真係好好味。…Read More

天氣清清涼涼， 將軍澳海濱 慢慢散步， 朋友帶了我來這間 ，對著靚景跨灣橋 的中餐廳。 真的非常驚喜，半路天位置 坐滿了帶著狗狗的客人。 原來這個商場和餐廳都是寵物友善。 見到好大隻的 貴婦狗、柴犬、 哥基， 真的好熱鬧。這裏 有很多茶類選擇 , 特別欣賞冷泡茶系列 玫瑰烏龍 (凍), 很適合時年青人, 很清潤的感覺。 碧螺春(熱)， 新派泡茶壺 非常方便，茶味清香， 旁邊放了熱水壺可以隨時添加。窩貼蝦多士， 最喜歡這個傳統小食，繁複工序的小吃， 不是很多地方可以吃到。 蝦肉彈牙爽口，多士脆口而不油膩， 配上牛油果莎莎， 深得女士們歡心。小籠包， 皮薄餡靚又多汁， 肉汁很鮮味， 味道大滿足。焗菠蘿叉燒包， 小時候每次去酒樓都會吃叉燒餐包， 這個改良了用菠蘿皮， 倍感滋味。還點了鵪鶉黑松露燒賣 和柱侯金錢肚 。另外點要兩款小菜 ，蟹肉大良炒鮮奶， 奶味香濃 滑捋捋的， 而且蟹肉份量也不少， 記得一定要落醋係特別好食。魚香脆肉寶， 朋友 推薦的， 原來是脆炸鹹魚肉餅， 份量 絕不吝嗇， 鹹鹹香香的好下飯。…Read More

12月充滿節日氣氛的季節， 不停地約朋友出嚟聚會飲嘢， 東南亞菜式 真係好受歡迎， 夠曬香口惹味， 飲返杯啤酒，輕輕鬆鬆傾偈， 真係寫意。 經常來到 將軍澳海旁 這間東南亞菜餐廳， 好多外國人鍾意坐戶外露天位置甚有氣氛。特大杯裝hoegaarden都價錢相宜。泰式牛肉沙律原塊燒的炭燒牛扒， 肉味香濃肉質軟嫩， 趁熱食就最好味， 配上 櫻桃蕃茄 青瓜 洋蔥， 香茅醬汁酸酸甜甜， 很清爽的開胃菜。泰式炒河 pad Thai每次必點的炒河粉， 味道酸酸甜甜，面質煙煙韌韌， 配搭爽口大牙的大蝦， 加上花生、辣椒 、青檸 充滿東南亞風味。泰式生蝦 生蝦份量不小，而且厚肉彈牙， 配搭辣椒和生蒜， 點上秘製的青醬汁， 夠爽又夠辣。 兩個人叫一盤啱啱好。泰式燒魷魚炭燒魷魚等得耐咗少少， 美味的食物值得等待，即叫食燒 夠曬香口， 外皮脆卜卜， 好香的魷魚味道， 點上辣醬就更加好食， 記得記得一定要趁熱。…Read More

星期五約了朋友 到銅鑼灣sogo， 瘋狂購物之前當然要先補充體力， 朋友是 景樂集團的會員， 到期下餐廳全部都有折， 網上搜尋到 在fashion walk， 這間 西式多國菜。 趁著時間尚早， 沒有book位也可以walk in。 店員推介了幾款 菜式給我們， 而且配搭得不錯。香蒜橄欖油生墨魚片最有驚喜的菜色， 墨魚片可以這麼嫩滑彈牙， 而且帶著墨魚的鮮甜味道， 蒜片的香脆惹味， 配搭墨魚能提升滋味。香蔥魚子醬炸馬介休卷魚子醬的分量不少， 馬介休卷外層炸得鬆脆， 內裏餡料鹹香度十足， 加上秘製醬汁， 味道不錯。泰式羽衣甘藍 燒牛肉沙律泰式風味酸酸辣辣的十分開胃， 特別喜愛有羽衣甘藍感覺非常健康， 加上新鮮的沙律菜 🥬青瓜🥒 蕃茄🍅， 非常清甜新鮮。 烤牛肉肉味香濃， 香烤味道突出。法式忌廉芥末燴黃油春雞 配中東烤餅忌廉芥末汁香滑濃郁， 黃油雞雞肉嫩滑， 吸收了醬汁的精華非常香口， 加上大量的蘑菇和紅蘿蔔， 平衡了油膩的感。 略嫌中東烤餅的分量 可以多一點， 因為醬汁太美味， 配烤餅真的很好吃。…Read More

鹹檸啤🍺SALTED LIME GOSE鹹檸啤一款根據傳統德國萊比錫酸啤Gose釀造的復古啤酒。新版本混入了本土茶餐廳元素，加上自家醃製的鹹青檸模擬了鹹檸七的風味， 令人念念不忘的本土味道，每次來都是必點項目。高汁啤🍻HI-JUICE HAZY SESSION ALE風味明亮濃郁，啖啖蘊含來自美系啤酒花熱帶水果香氣，質地輕盈，清爽美味。啤酒配搭美食節是賞心樂事 😀。紅油蝦餃，這次來的新嘗試， 非常期待這款特色美食, 煙韌 又滑捋捋的外皮, 包著彈牙的蝦膠和鮮蝦， 配上西式的水牛城醬汁， 酸酸辣辣 滲著芫茜的香氣。 另外也 選擇了兩款經典的 招牌菜 ，啫啫雞翼煲和大坑薯條， 雞煲的腐乳鹹香味道 非常突出。 經典大坑薯條， 非常香脆 而且很惹味。蟹肉豆苗脆面店員推介的 蟹肉豆苗脆麵， 比想像中的分量多， 伊麵炸到香脆而不油膩， 師傅做中菜的功力很到家， 嫩滑的豆苗 配上順滑的嫩滑蛋汁， 加上浙江鎮醋會更加美味。…Read More

辛苦工作, 也要懂得好好休息和獎勵自己 ， 每個禮拜的星期五， 早已預備 環境優美的餐廳好好享受。 海邊餐廳當然是首選， 將軍澳海濱越來越多餐廳選擇， 朋友介紹這間餐廳， 就在海邊的Monterey Place。凱撒沙律羅馬生菜新鮮爽口， 脆脆的麵包粒， 流心半熟的水波蛋， 還有大量芝士碎， 只要輕輕的調味汁和海鹽胡椒， 已經非常好吃芝士焗釀新鮮波士頓龍蝦店員極力推薦的波士頓龍蝦， 芝士焗釀 味道豐富又惹味， 龍蝦 拆肉起件， 配搭蘑菇火腿 和醬汁， 釀在龍蝦殼， 大量金黃色的芝士鋪面焗製， 口感豐富， 而且龍蝦鮮甜彈牙。Holstein 16安士 肉眼扒傳說中的黑白牛 牛扒 ， 唔成熟剛剛好， 肉味香濃 鮮味， 配搭不同國家的芥末醬， 提升牛肉味道， 個人比較喜歡有芥末籽的芥末醬。另外happy hour時段 特飲 或酒精類飲品 有優惠， 店員推薦了這款 Shirley temple＋Blue lagoon， 顏色很漂亮而且味道很清新。…Read More

放工又可以和朋友聚一聚， 特登帶他來這裏試試特色與魚麵。 餐牌有少少轉咗， 多咗特色選擇， 看見鄰座的蟹皇魚米粒粒， 用魚肉做的意大利飯， 好有趣 好特別。 本來想試試，但係太受歡迎已經售罄。手機落單好方便， 可以慢慢睇慢慢揀。烏卒卒炸魷魚魚撈麵， 炸魷魚脆卜卜， 加埋沙律醬非常惹味， 魚撈麵加咗芝麻紫菜， 好有日式感覺， 蕃茄莎莎可以消除 油膩感覺， 味道好清新。黃金魚蛋蛋羅定豆腐 芫茜魚麵見到有芫茜魚麵朋友即刻 揀咗， 綠綠地色好得意， 淡淡的芫茜味道。 配搭大大粒魚蛋， 仲有魚腐同埋 芝士魚豆腐。另外叫咗幾款小食 ，卜卜脆鹹豬手， 炸到個皮卜卜脆， 夠曬鹹香而且份量不少。炸魚狗腸 日式和風 紫菜， 非常彈牙的魚肉， 醬汁很惹味。魚湯翡翠苗， 蔬菜很新鮮， 淡淡的魚湯味道很滋潤。檸檬杞子蜂蜜生薑茶超鍾意的 熱飲， 生薑味道 不會太辣， 加埋蜜糖同埋檸檬， 味道啱啱好， 仲有杞子可以明目。…Read More

前菜:真鱈魚白子非常新鮮的白子， 顏色奶白，質地挺身creamy，配秘製醋啫喱， 入口即溶 味道清新。安康魚肝多士味道濃郁 餘韻留香，厚身幼滑的安康魚肝醬， 香脆的多士， 配上靚靚的食用花， 就像藝術品般漂亮。先付:昆布森 真蠔北海道昆布森蠔，珍寶的size，肥美肉厚，質地爽口，充滿奶油味道。刺身:深海池漁肉質鮮嫩肥美，脂厚油香，入口魚油甘香細膩，配日本芽蒽，沒有一般葱的辛辣味，反之帶有一種淡淡的香甜氣味，跟味道偏淡的刺身相輔相成。鰤魚 鰤魚肉質緊實，油脂豐腴，厚切刺身經過網燒，脂香四溢，魚味濃郁，濃厚獨特的鮮味入口軟韌適中。大Toro 蒜香醬油肉質鮮滑而帶有濃郁的特有香味，入口即化，香味久久不散, 師傅配上獨特的蒜香醬油， 更顯美味。燒左口魚裙邊 金槍魚腩手卷很有趣又新鮮的配搭， 金槍魚腩蓉， 味道鮮甜質地棉密， 左口魚裙邊經過燒炙，後油脂豐盈 魚味濃沃。重頭戲鐵板燒，香草牛油紐西蘭海螯蝦， 味道鮮甜質地彈牙， 不需要額外配任何醬料調味， 已經鮮甜無比。北海道帆立三文魚子，厚肉雪白 北海道帆立貝， 彈牙又鮮甜， 配搭鹹香的三文魚子， 味道剛剛好。法國鵝肝配自家製藍莓醬， 鵝肝煎至兩面金黃， 配搭藍莓醬 去除油膩， 入口即溶。美國特選牛肉， 選擇 厚切 和薄切各一份， 五成熟肉質鮮嫩， 薄切包著炸蒜和香蔥， 非常惹味。 厚切牛肉，肉質彈牙肉汁豐盈，嫩滑鮮味。再來是黑松露炒飯炒， 加入大量蟹肉 個黑松露， 味道超香濃。吸物:日本淮山鮮濃魚湯，濃郁的鮮魚味道， 味道鮮甜 非常滋潤。甜品:日本海鹽雪糕綠茶牛乳布甸…Read More

充滿花浪漫的餐廳， 滲著法國浪漫情懷， 每處都係打卡 好位置， 寬敞又優雅的裝修， 前台 擺放著 不同的花花 精品， 原來這裏除了是餐廳也售賣鮮花和保鮮花， 各款保鮮花裝飾真的很漂亮， 真的想全部帶回家。法式龍蝦湯餐廳的盤子， 花紋很細緻， 龍蝦湯香濃creamy ， 味道鮮味。炭燒八爪魚露易斯沙律新鮮的羅馬生菜很清新， 配上糖心蛋 和麵包粒粒， 八爪魚 雪白新鮮， 加上 美味的沙律醬汁， 實在很醒胃。香煎鱸魚柳配白胡椒煮蜆魚皮煎得香脆脆，魚肉多汁嫩滑， 而且份量不少， 白胡椒 味道辛香， 蜆肉肥美彈牙， 配上檸檬汁就更加美味。燒安格斯西冷扒安格斯牛扒肉味香濃， 細心的預先把牛扒切件方便女士們進食， 配菜蕃茄鮮甜美味， 焗薯皮脆 有薯仔味。green tea latte＋hot chocolate盛載飲品的杯子很漂亮， 用嚟打卡影相 演出悠閒 輕鬆感覺， 飲品味道香濃幼滑。…Read More