seaC23's Profile

最近喺香港餐廳周見到呢一間日式餐廳，Lunch Omakase 好抵食，所以book黎試吓。餐廳好就腳，好近時代廣場。裝修簡約得來好靚。Lunch set好抵$298（餐廳周限定），加$68多兩件壽司加件手卷，有滿瀉嘅海膽軍艦、拖羅壽司，一定要加!!啲食材非常新鮮，唯一差少少嘅係帶子壽司嘅帶子有啲薄，其他都好滿意。師傅會介紹每一件壽司，仲會同你吹吓水，幾Nice 。如果下次有優惠價一定會再食，性價比極高!!!!雖然好難book~🥲…Read More

呢間銅鑼灣新舖開咗一兩個月左右，已經成為新寵，次次行過都忍唔住要買。Bagel 🌕🌕🌕🌕🌕舖頭入面一半嘅產品都試咗，最推介嘅都係bagel，特別係茶味嘅bagel（所有茶味都好食）！Bagel個包好煙靭好好咬，仲要入面啲餡係多嘅，茶醬餡嘅茶味好濃唔會太甜，仲有麻糬喺入面，成件事好豐富。通常啲bagel好早俾人買晒，有時剩低一兩個明顯個樣唔靚仔，仲要細個啲;( 原味布甸撻 🌕🌕🌕🌕🌗第一次食覺得好驚艷，佢個撻皮喺牛油餅底，好鬆化，入面啲蛋漿超級滑，蛋漿份量仲要好多，唔算太甜仲要好香牛奶味，而且完全唔貴$12❗️份量好足，食完係會有少少漏。佢舖頭仲有啲花邊酥皮撻，個人覺得蛋漿好少，酥皮有啲油同埋可以再酥脆啲。開心果細麻糬撻 🌕🌕🌕🌖🌑前嗰排好興開心果，買咗個嚟試，幾好食嘅，麻糬底好煙靭，開心果醬普普通通，最好食係上面嗰啲開心果脆條。麻糬🌕🌕🌕🌕🌖出名嗰幾間麻糬舖頭一件麻糬已經$1x，呢度$5-7/件，性價比好高。味道選擇比較少，有伯爵茶味，伯爵茶味好香，煙煙韌韌，幾好咬。海鹽牛油卷🌕🌕🌕🌕🌗麵包好煙靭，但個底係脆嘅！雖然個底超多牛油，但真係好好食。個包係中空嘅，可以塞啲蛋呀午餐肉呀牛油果嗰啲入去，正😋其他吞拿魚包、朱古力包、熔岩芝士蛋糕，scones嗰啲都普普通通。…Read More

最近有朋友生日，甘就趁依個機會試下邊爐K！依加party room 競爭甘大，好耐無黎new way 了，唔知佢依加變成點。依加做緊優惠4-6月仲有半價，好抵！野食選揀都好多，而且係任食，好抵呀。叫左個烏雞湯底，個湯其實都幾好味。食物質素方面不過不失吧，啲肉好薄但勝在任點，連續食左3轉。。值得一提係佢完全唔拖單，好快上菜。最後仲有甜品碟，但已經食到好飽，夠曬皮了。邊爐加唱K依個組合真係第一次試，但整體感覺幾好，有得吃有得玩，埋單因為半價都唔洗300蚊一個人，真係好抵，有機會會再黎！…Read More

一早知佐敦尖沙咀多cafe靚野食，朋友介紹近佐敦既一間居酒屋，最近做緊優惠野食又唔錯，當然要黎試下。 鐵板漢堡扒配忌廉蟹肉薯餅，依個一定要點。切開個時，肉汁係爆出黎，好誇張。仲有大量炒蛋，好正。 串燒做緊優惠38蚊一份，各款都試左啲。月見汁雞肉棒串，雞肉彈牙，仲有少軟骨，富有口感。月見汁豚腩波板串，好大一串，惹味。鹽燒雞翼燒到表皮香脆，入面仲有大量肉汁，有水準。 另外叫左佢個助酒小食套餐，200蚊包括有明太子沙律，枝豆，玉子燒 ，蒜香牛柳粒。特別中意佢個玉子燒，好滑，加埋明太子係上面食更加正。蒜香牛柳粒係鐵板上，一開蓋香到不得了，好味。整體黎講依度係好高質既居酒屋，價位合理。黎既時候仲有一班人慶祝既生日，好有氣氛，一定再黎。 …Read More

每次經過紅茶都大排長龍，聽講係網上平台度有大量既廣告，所以好多遊客都黎食。今日行過旺角甘岩見到唔洗排就入去食個快tea。叫左個魚柳包薯角配熱奶茶，平平地40蚊左右。魚柳包講真縮左水，以前大大塊魚柳，依加變左兩舊細既。包依然好有咬口，有烘過，唔錯。而魚柳炸到仲有少少香脆，加埋沙律醬都幾好味既。薯角唔係太脆，我諗炸完可能放左工陣，但都ok 既，唔差既。奶茶依然好飲，有茶香回甘既味道。整體出品還好，未算超級好食但對得起個價錢。可惜人真係太多，食到一半已經full場，想慢慢食都會帶啲壓力。…Read More

聽人講佢既咖哩麵食好正，今日一於黎試下。係地鐵站行5分鐘左右，好易搵。祖傳咖喱牛腩 蘿蔔薯仔河粉薯仔蘿蔔真係my favourite! 煮到好入味，好味！牛腩大大件好靚之餘都好腍，咖哩味好濃，好味！瑞士汁豬頸肉/紫菜幼麵瑞士汁甜甜地，豬頸肉好大份又好腍，唔錯！紫菜主要幫湯底提鮮，湯都飲埋！炸雲吞瑞士雞中翼 小食黎講算大份，味道唔錯good，隻滷水唔會太咸，亦都食到好香既香料味整體唔錯，可以再黎試埋其他咖哩小食。…Read More

之前係觀塘番工成日都會黎幫趁佢，最近聽舊同事講佢搬左鋪，大左又靚左，甘當然要黎試下佢啦！炭烤沙嗲，叫左雞肉同埋牛肉串，水準依然keep 到，雞肉夠曬嫩滑而牛肉好香好多汁，點埋配送既沙爹醬黎食真係正， 好味！泰式鮮蝦炒金邊粉，黎依度必點既菜色！炒金邊粉有大大隻鮮蝦，新鮮彈牙，而金邊粉吸曬味，甜甜地酸酸地非常開胃。青咖喱椰汁雞肉，可以講係我最中意既菜色！青咖哩加左椰奶，湯汁濃郁，雞肉嫩滑，撈飯食一流！今次叫左薄餅配黎食，薄餅香脆可口，外薄內厚， 可以好完美地掛上青咖哩汁，依個配搭100分！馬拉盞炒空心菜， 醬汁係大量蝦醬加上少少辣醬，炒到有鍋氣非常惹味 ，香辣開胃，而空心菜口感爽脆，真係一啖接一啖好pk就依完！當然熱泰式奶茶同埋芒果沙冰都係my favourite! 識點一定要點！整體黎講環境靚左坐位都適服左，最緊要食物水準依然keep 到，一定會再黎。…Read More

之前去完旅行，特別掛住香港既車仔麵。番到黎一定要吃番碗，今日就黎吃銅鑼灣人氣車仔麵。估唔到7點到已經排曬大隊。叫左雞翼，冬菇，蘿蔔，紫菜。甘湯比較甜既，叫左咖喱小辣，夠香唔係好辣，正。每樣送都大概有3件，份量都還好。個人覺得白蘿蔔唔係特別入味，但勝在無筋。雞翼就不過不失，有鹵水既香味但肉質偏柴。個人最中意係冬菇，無數錯應該有5粒，仲要粒粒都好厚肉，吃落非常過癮。味道偏淡但好在湯底夠味。冬菇我覺得係必食的。整體表現中上，冬菇高分可以再戰。…Read More

幾年前食過一次佢既蛋糕，一直都覺得好食想再試過。早前見到佢有訪問就follow左佢社交平台，甘近排就買左卷蛋回味一下。開心果麻糬卷蛋12CM 賣238 有啲少貴，但食落又覺得值回票價。首先蛋糕係好軟，吃落口係有回彈的。入面既開心果醬非常濃郁，真係啖啖都果蓉，好誇張。出面既因為會加大量cream，所以質地比較滑。但jenjen 既依隻醬反而比較粗糙，相對係有大量開心果，特濃！麻糬既質地比較厚實，個人覺得輕番少少會好啲。另外佢都配左少少柚子cream，食落無甘heavy 又清新啲，個配搭幾用心。整體黎講完全超乎想像，中意開心果既一定要試。…Read More

今日趁唔係甘忙就去遠少少lunch, 德島既奶茶聽過好多次，今日裝終有機會試下。中午人真係好多，預左要搭台。叫左個咖哩雞扒飯，講真賣相唔係話好亮麗，但勝在份量夠多，依度起碼有1.5大塊，好足料。雞扒肉質幾嫩滑，雞皮係脆的。估唔到賣相麻麻但味道都幾好。咖哩汁偏咸，係典型既港式咖哩味，還好。主角係奶茶，拿獎係有原因的。飲到茶既香味，之後係回甘既甜味。因為夠濃所以入口真係好rich，黑白淡奶真係奶茶既靈魂，好香。見對面加糖飲但我覺得唔加先好，飲到茶既自然回甘甜味。整體個人覺得食物質素幾高，奶茶係必試。…Read More

之前見係xxday 做緊優惠，見唔係好貴甘就幫趁下。晚餐4xx既價錢黎講都算係正常價。先講地理位置，尖沙咀地鐵站唔洗出直接可以上到去，超方便。估唔到夜晚人流甘甘多，幾乎住滿曬人。食物方面，熱食選揀都多，單係中菜都有成10款揀，個人覺得比目魚蒸得唔錯，幾滑，其他就都還好。海鮮區都好多選揀，師傅完全唔手緊，拿左一份刺身，大大件爽爆。當然仲有長腳蟹蟹腳，龍蝦任拿。仲有每人送一隻8頭飽魚甜品區都幾好，有好多既蛋糕選揀，雪糕係movenpick, 但有啲可惜既係佢唔係獨立包裝。個人最中意佢既熱香餅，新鮮即整仲可以DIY 加唔同既toping，真係又玩又食整體表現中上，食物質素幾好，環境地點都方便，就係唔太中意唔係獨立包裝既雪糕，其他都還好。…Read More

觀塘工廈出名多靚Cafe，今日專登黎到老遠既cubber Waffle，因為之前食過一次覺得幾正的。黑松露雞肉意粉，好香既黑松露醬加上大量cream，又香又滑，正呀。雞肉都幾滑，整體好高分！雞胸肉pizza，好有特色既雞胸肉pizza 加千島醬。雞胸肉係厚切，仲有大量肉汁。pizza 略嫌有少少淋左d,，整體都好好味的。班蘭糯米Waffle加椰子雪糕Waffle真係好有水準，外皮係脆既而入面係軟糯，真係食到好香既班蘭味，一流。加埋椰子雪糕就岩岩好。整體非常滿意，食物質素非常好，雖然店面細細但絕對值得黎。一定再黎。…Read More

銅鑼灣唔知點解近期開左好多麵包店，今日黎試下依間日本好出名既麵包店，裝修好靚 打卡一流！用左日本料食落好好味！草莓忌廉軟包 開心果忌廉軟包朱古力忌廉軟包 忌廉軟包系列黎講唔錯，本身麵包比較軟身，加埋cream食落好滑。佢既忌廉係好香既牛奶味，好正。最中意係朱古力味，濃得黎又唔會搶曬味，依然係食到好香既cream。堂島卷伯爵茶卷 香栗卷 卷蛋黎講個人最中意係原味，簡單得黎吃到cream 既奶香。但個人嫌比較貴，一件4x 真係唔係個個願意比依個價，仲要無得坐低慢慢食。整體可以一試，但略嫌貴左啲…Read More

作為麵食喜愛者平時食得最多就係米線，雲桂香係我好中意既一間米線正店。平時黎到都會忍唔住叫佢個雲桂米線，貪佢一碗有曬我想食既野，湯底一定係叫酸辣。配料好多，有腩肉，雞肉，魚卷，冬菇酸菜，腐竹雲耳等，非常豐富。好中意佢既雞肉，完全唔柴，係比教滑既，魚卷都幾彈牙，冬菇有兩舊，可惜比較細隻。食米線一定係配酸辣湯底，酸酸甜甜非常開胃。湯底本身有大量肉碎同埋配菜，層次係曬度。整體黎講質素完全值得依個價位，68蚊大大碗食得好滿足，一定再黎！…Read More

作為麵食喜愛者，平時食得最多係米線，今日有啲趕時間，就去左隔離既牛雜粉麵店解決，估唔到佢都幾抵食。44蚊一個牛腩麵，銅鑼灣黎講都算幾抵食。牛腩份量都好多，有足足8大塊，而且每件睇落都幾靚仔，有啲意外，估唔到甘抵食。味道黎講比我想像中淡少少，牛汁柱侯醬既香味好夠，加埋炸蒜蔥粒香到不得了。牛腩係好腍既，而每件都好大好多肉，但又見唔到好多肥肉。吃落幾香，幾正。整體黎講44蚊食到依個質素真係值得一個讚，希望水準可以維持，下次會再黎的。…Read More