円相

Open Now

Now Closed

一早知佐敦尖沙咀多cafe靚野食，朋友介紹近佐敦既一間居酒屋，最近做緊優惠野食又唔錯，當然要黎試下。 鐵板漢堡扒配忌廉蟹肉薯餅，依個一定要點。切開個時，肉汁係爆出黎，好誇張。仲有大量炒蛋，好正。 串燒做緊優惠38蚊一份，各款都試左啲。月見汁雞肉棒串，雞肉彈牙，仲有少軟骨，富有口感。月見汁豚腩波板串，好大一串，惹味。鹽燒雞翼燒到表皮香脆，入面仲有大量肉汁，有水準。 另外叫左佢個助酒小食套餐，200蚊包括有明太子沙律，枝豆，玉子燒 ，蒜香牛柳粒。特別中意佢個玉子燒，好滑，加埋明太子係上面食更加正。蒜香牛柳粒係鐵板上，一開蓋香到不得了，好味。整體黎講依度係好高質既居酒屋，價位合理。黎既時候仲有一班人慶祝既生日，好有氣氛，一定再黎。