盈盈攻煮's Profile

今次攻煮同屋企人出巡，為左睇下間餐廳的打卡level 可以去到邊，就試下呢間以墨西哥 style 裝潢而且食fusion 泰國菜既餐廳。開左三個月，周圍新束束的感覺，特別鐘意個圓穹形入口，確實有d感覺。雖然d 侍應好殷勤嘅款待，可惜真係太green , 全team 有d手忙腳亂,對住全場滿座嘅場面，真係嚴重甩漏。攻煮容忍度一向幾高，但今次催左四次食物黎未， 催左2次加水，一次甩單甩到要cancel 左成碟炸蝦餅 (野食未齊但侍應溫馨提示我們是時侯賣單了.....) anyway,氣氛好到連我呀媽都話有情調。 講返食物, 有少少驚喜既。首先叫左個冬蔭功湯，攻煮視佢為泰菜既必需品。呢度嘅湯本身透徹，質感較為清爽，而不是濃稠的。椰奶不多，但飲到有鮮菇、蝦肉同雞肉味，辣味適中都可以。而呢個湯好在夠平衡每種味道，加起來，卻又無比和諧，不會過酸、過辣。至於火車頭鰻魚炒飯就麻麻地。好似好多料，但食唔出講唔出有咩味。味道配搭有d怪, 食食下又好似食到冬蔭功味....媽呀....我好亂黑松露巴拿馬火腿pizza 就唔錯。餅底薄到0.1厘米，係正宗意大利pizza 嘅厚薄度。松露風乾火腿加埋係冇得輸，松露獨有的香氣交織著風乾火腿的甘香，唔太膩，食得過。一句到尾，呢度嘅德國咸豬手比我想像中好，塊皮確保咬下「索索」聲，脆卜卜之外，肉質卻腍滑多汁，真是似食乳豬。但略嫌乾左d，如果多d汁就 prefect。人黎！幫我加杯啤洒！而坎稱甜甜攻煮既我當然唔少得甜品。 大菜糕個貨質地好好，清香味留係口中久久唔散。重叫左呢度signature 蝶豆花芒果糯米飯。齋睇個色已經好夢幻，顏色非常吸晴，而且糯米飯煮得軟熟！芒果薄切香甜多汁，入口即溶。糯米激似似泰國糯米的口感。其實一間餐廳只要有一様好好好好signature 嘅野已經夠。希望再train 好d 公司嘅staff, 呢間應該有得做。…Read More

攻煮又出巡, 今次俾面老表， 去左沙田。估唔到入面都有平民fusion 菜, 係一間行廣東路線的fusion 菜。有時d fusion 菜又真係估你唔到, 毋須破舊，但亦能立新，在固有的框架上發揮創意，將傳統變成時尚，全靠大膽創意， 悉隨尊便。室內鳥籠設計師別出心裁，或者人人都係一隻愛吃嘅雀仔，餵到埋口即食!開始我地叫左d點心, 係黑金流沙奶黃包。外面似用毛筆寫書法，金筆一揮, 點綴左漆黑既包皮。呢個包主要以外形吸引人, 質感比普通的流沙包更軟實。呢碟鷄仔+ 雞蛋真係摸唔透.....名為「有雞先定有蛋先」，哲學題我唔識，唯有食左先講 。其實係名乎其實既雞蛋布丁，滑嫩順口的雞蛋布丁注入小蛋殼，濃郁香氣撲鼻，口感綿密滑順，滿滿的Valina 味。油炸鬼食得多, 腸粉都食得多,呢個洛神金花紅米腸粉combine 左兩款。腸粉的皮很薄，咬下去外軟內脆, 有d洛神既味道 (我估係山渣), 再沾少少酸甜醬確係幾襯。如果少d油就 perfect 了。一口咬落去就滲透住櫻花蝦的甜味，成口都係，味道出奇地好， 整盤炒飯的靈魂都在櫻花蝦 :) 迷人的香氣, 漂亮的色澤， 已經令人想食了。攻煮通常鐘意食乾身， 粒粒分明既炒飯。水煮牛肉都係攻煮至愛，呢碟麻辣味厚、d牛肉滑嫩適口而且鹹香，有一番滋味既。總括黎講可以一試!…Read More

攻煮久休服出, keep fit 完一輪又要出撃了。臨近聖誕, 好多公司老闆要紛紛安排Christmas lunch 慰勞下個 team。係傖促時間下揀左呢間, 話哂据扒, 應該唔會太失禮。service 同環境唔使多講，優雅中帶點cozy，節日氣氛滿滿的好warm。頭盤係 pea soup, 竟然一d青豆原有的臭青味都完全除去， 入口順滑，奶cream 重，香氣與豌豆搭配恰直，意想不到的清新口味在嘴裏化開，而且有少少飽肚感兼暖胃。扒的種類好多， 但攻煮怕份量太多而點左個細細的 hanger steak （即係烤腹肉牛扒或牛隔膜）， 肉味好濃，口感嫩而有嚼勁。嗜生野的攻煮要medium-rare，肉質岩岩好，紋路分明，鮮紅中又帶了點粉嫩的肉色, 令人流哂囗水呀。 如果可以來一杯可以提鮮既紅酒畫龍點睛就好了, 可惜呢間公司唔興午餐飲酒 😅試左同事嘅rib eyes, 好似重好食，我下次一定會點！甜品有朱古力軟心蛋糕。 略嫌朱古力味太甜，但濃度絕對OK，好rich 好 full filling。應該話外層係朱古力mousse，內層則是味道濃郁且綿軟的雪芳蛋糕，不同層次令口感更豐富。…Read More

開會開左全日，係全日....中間食左一個包。10 點收工先去搵食。攻煮為了瘦身， 好多野都只可以遠觀但唔可以食。原來肚餓真係會磨滅意志，忍唔住入左間串燒。 間舖有點細, 但野食種類多, 可以補返。個人覺得豬同牛唔錯。鹽燒牛舌算唔錯, 都算厚切。經過高火力的炙烤，牛舌的香味走哂出黎，而且不會帶出太多油脂，吃起來不擔心滿嘴是油， 爽口彈牙。有人話醃牛舌好似海鹽醃製鵝肝一樣，烤完後灑上一d香料同糊椒, 攻煮快要吃酸了..為左減少罪惡感, 攻煮都叫左少少蔬菜, 就係汁燒BB 籚筍。燒過之後呈翠綠色，好大個頭的蘆筍鮮嫩多汁，只需要簡單烤過就很好吃。師傳只需用鹽、黑胡椒調味已經好好食。欣賞師傅細心, 籚筍沒有根沒有渣的。另外重有燒粟米 (唔係粟一焼 🙊） 烤好的粟米棒有甜味有鹹香味,味道層次很豐富，我覺得面頭掃左一層蜜糖, 簡直令人想連粟米芯都食埋, 質地軟熟一d都唔硬。個人推介係鮑魚，有d人因為怕黐牙唔鐘意鮑魚，但呢個網燒鮑魚就完全無呢個問題，因為鮑魚軟腍入味，經炭燒都吊出左鮮味。燒黑松露香菇廣島蠔都唔錯, 重口味的攻煮被香濃既黑松露味征服了, 完全投降。隻蠔燒到七成熟， 滑入喉嚨而且一d都唔腥，外形飽滿， 一咬成囗鮮甜既海水汁爆出來，正！重有燒雞翼， 外層燒到脆卜卜，味道微辣，入面係啖啖香雞肉味，好食。今次PK 了, 有排減!!…Read More

攻煮呢排因工作而身心俱疲, 只係知自己唔想要咩，唔太知道自己想要d咩。同樣地, 想食日本野但又唔想自己諗。上網冒住中伏危機搵左間omakase。見冇咩人去過，又無咩review, 勇字行頭既攻煮就去試下。奇異在間野無店名的, 搵左好耐原來係商廈隔離; 問個security, 佢又好鬼祟問我咩事, 有冇book 位...... 就因為咁，成件事變得刺激左! 㕆內充滿神秘感, 日式裝潢兼係正中間的開放式廚房任你睇。spacious 得來有個大如鱘龍魚缸的變色裝置, 老闆話代表春夏秋冬。我覺得似盤景沙漠（哈!)。講返omakase, 即係廚師發辦，代表左食客對廚師的信任，由他來為你挑選最優質、最時令的食材，也是很多美食家品味日本料理的「最高境界」。正所謂 「當晚大廚如何, 你既晚餐也必如何」。呢度所有野都好講究, 攻煮好迷戀呢個態❤️一開始上sake 也好講究。以冰鎮的手法成座上, 令冰不用溝淡洒的味道, 再用傳統的杯仔飲，更可以品嚐到清酒的香同甜。由於呢支大吟釀酒體好薄，所以座冰之後會保留香氣,不讓它揮發。Appetiser 係酸醋海藻配蕃茄, 聽個名都開胃哂。可能因為冷盤特別醒神，接下來就乖乖等司傅的一台好戲。然後師傳準備好準備了蒲燒鰻魚俾我, 究竟代表d咩? 師傅嚴選鳗魚, 揀的都特別肥美厚身，再將鰻魚直接燒成，迫哂d魚出黎, 所以食落油香味較重口感較軟身，不太乾之餘卻油香較豐腴，皮較脆口。徐徐除了鰻魚嫩滑帶油香外，鰻魚汁亦是畫龍點睛。待鰻魚燒至乾身再塗上醬汁，大約重複三至四次，直至鰻魚燒熟為止，魚肉便沾滿滿醬汁的香味。重有個 surprise 係海膽焗飯。熟海膽其實我好少機會食。既然海膽焗飯是這裡最著名的菜餚之一，香酥的米飯上成桶上枱, 有homey 感; 再蓋滿厚厚一層海膽，撒上香料和海苔末，一口吃下去那陣海膽的鮮香好突出，先是日本珍珠米味，味道層次格外豐富。煙煙韌韌的米芳香至極，伴着海膽的鮮甜，一啖飯一啖海膽，人生! 即使不食入口, 打開蓋即散發着陣陣撲鼻的香氣，已令人心跳加速 - 師傅真鬼馬!呢碗鹽麴大蜆湯係我至愛, 有我至愛的cherry stone (車厘蜆) , 肥美爽口，如果可以用來生吃更好。麪鼔調得味道剛好, 提升蜆本身的鮮味, 不稀不濃，加上topping就是剛剛好！Wrap up 是重要一環, 壓軸登場有緑茶布甸及黑糖漿䣥配果凍。布甸奶味濃,已奪攻煮芳心。本身不是綠茶控, 但都拜倒師傅以抹茶入饌，難忘這客如絲幼滑而又精緻的抹茶甜點。黑糖甜品質感特別, 口感偏向QQ、軟軟，屬於比較滑口的質地、硬度及份量剛剛好！黑糖味道正宗, 甜中帶苦, 令人怦然心動 :)當然還有其他料理，原諒攻煮未能盡錄。當晚大廚的心情一定好好， 多謝您㨂選得咁好！其實食omakase 唔一定好貴, 只係睇你識唔識窿路 …Read More

十一月plan 左去韓國, 但appetite 已經出哂黎。諗住去間韓式餐廳頂住檔先, 就試左新野。銅鑼灣鬧市難得搵到間上既, 格局好乾淨。其實可以話有少少fusion, 因為同西餐好似, 先上頭盤沙律。呢客韓式野菜沙律好refresh, 岩夏天食。攻煮一直奉行沙律一定要吃得天然、無味精、多菜少油少化學調味。呢度都算合格。胡麻醬味道複雜特別，準備好為之後的main course 打定底 ，至少健康。Ta-da! 主菜來了 ! 這個牛仔肉韓潮春川芝士鍋不得了! 賣相好 （同menu 上90%相似!) 之餘又有專人幫你煮埋, 自稱cooking idiot 的也不用擔心。 睇到有勁多mozzarella cheese , 芝士控的我表示發癲! 將新鮮雜菜同鮮嫩韓牛放入中間炒熟, 再加上韓式燒烤醬，香味撲鼻。炒牛肉味道帶甜，據知牛肉秘方是醃肉的手法，令牛肉更加軟滑。燒熱鍋後下油，落洋葱略炒，薯仔, 洋葱, 椰菜絲, 年糕同瓜炒至軟身時，放入本菇和紅蘿蔔同炒，當紅蘿蔔至軟身，加大葱略炒，就可以落牛肉炒至轉色。除了牛肉新鮮度是整道菜的靈魂外，醃肉醬汁也很重要。呢個牛肉吸引哂醬汁同菜的精華, 味道特別吃出幸福口感或許選牛肉也是重要過程, 老闆㨂的這部分的肉帶有少許網狀油脂，炒後油脂會融化，吃起來不感油膩，而且肉質柔軟，牛肉味濃，令人停不了口。另一靈魂所在是芝士。在不同的野菜上配上濃郁的芝士，再帶出拉絲效果，吸引力完全爆燈! 融化的芝士漿很香, 與入味多汁的牛肉吃起來特別匹配。也點綴了炒過的菜, 每啖也芝香豐腴。重有呢味韓潮炸雞, 酸甜的醬突出了蜜糖味。總括來說味道有層次, 複雜，外皮酥脆，雞肉軟嫩，整體很滿意! 雞件是指所以部位, 頗有雞味, 但吃時要小心別令上顎受損。新店未有洒牌未能送啤酒, 但試了牛油果檸檬特飲, 一樣清新消膩。檸檬的維他命 C及膳食纖維，比鮮橙高出兩三倍。加上牛油果，含大量鉀質，可助身體排出多餘的鈉，平日愛吃鹹的，喝了助去水腫。你可能會好奇杯野咩味? 試後感是牛油果的果肉質地細膩，味道鮮美，似乳酪，有點核桃味, 鹹鹹地。但檸檬將成杯野提昇了。好啦, 我好很期待即將來臨的韓國之旅! …Read More

Buffet 唔係人人like, 攻煮鐘意 buffer appetiser + 甜品, 有得揀之餘又唔使太飽。剛剛上星期食左個lunch, buffet 的食物質素的確有點surprise, 唔知餐廳點控制成本的。包羅萬有任你食的包括: salami 腸, 生牛肉， Parma ham, 水牛芝士蕃茄，沙律菜, 各式生果, 甜品有macaroon, 奶油蛋糕, 藍莓慕思小糕點等。我比較欣賞的是水牛芝士蕃茄。芝士夠軟心, 配上切成絲的羅勒葉，撒在蕃茄表面，澆上橄欖油、黑醋、鹽和黑椒調味, 簡直一流。質感煙韌，柔軟香滑。Main course 點左個清蒸海鮮。用料okay 新鮮，將蝦,靑口, 墨魚,鯛魚一齊焗, 將海鮮應有的鮮汁迫哂出黎。加上一塊檸檬, 幾滴果汁好厲害 ,夠哂提鮮。啖啖肉, 係享受既。但如果份量再多少少就好了。友人叫左牛扒, 我忍唔住偷左幾啖。七成熟的牛扒煮得剛剛好，一點也不靭。這個熟度亦把肉汁的鮮味緊緊鎖住，口感細膩。淋上牛扒面的黑椒汁把牛扒味道提升到另外一個層次。拌碟的薯角也十分甘香， 絕不馬虎。週末就是要讓身心都休息一下，還有給自己偶爾放縱的機會。減肥？明天再算吧!!!!…Read More

話說係IG 同Facebook , 甚至雑誌都見到佢個brand, 就好奇去試下銅鑼灣新店。攻煮本身都鐘意食上海滬菜，又再抱多少少希望..... 點知....Okay 食物細碟唔緊要,如果係有質素的話。必叫的生煎包上碟了, 咬落去之際....咦?! d皮厚到咁, 肉汁不多湯又小，味道麻麻口感更差......好啦，煎包唔得試下雞絲粉皮。咦?雞絲呢?! 只有堆肉碎加係一堆厚粉皮上...個麻醬徐係okay, 但成個希望幻滅哂。最失望既係蔥油拌麵。唔夠乾身麪唔夠爽口,而且汁極多。最怪異的是......食落去同上海粗炒一樣味!! 我同朋友都好混淆 , 媽......好亂呀!!重有碟油泡茄子， 較其他食物好,只係油左少少。但如果有涼拌就更好。由於對銅鑼灣店好失望，未必會去其他分店。…Read More

攻煮唔同一般港女, 收d兵都比較唔同。（杜如風tone) 今睌咁岩黎到有有專人服侍既地方,off work 後要好好歎返下。和風餐廳黎講, 我寧願地道d, 貼地d既裝潢都總好過大而無當, 華而不實的那些。呢個門面岩我心水, 培養左我準備食日本海鮮的心情。前菜來個蟹肉蟹籽野菜沙律。蟹籽不會太多，或太幼，剛剛好，口感不錯，粒粒豐盈加上咬爆蟹籽時環迴立體聲響, 好滿意! 刺身拼盤黎講較喜歡赤貝刺身。赤貝刺身本身極富鮮味，肉質爽脆無比，帶有獨特而濃厚的海洋鮮甜味，聽講降膽固醇，降血脂。顔色夠鮮橙, 可媲美築地果d。至於對海膽痴來說, 甘甜、清淡、略帶海洋氣息，果種入口即溶既Feeling 好實在, 充滿衝擊感, 口感豐腴，令人回味無窮！而牡丹蝦好肥厚好長，啖啖肉、膠質重，蝦味濃郁，唔生吃都對唔住自己。蝦殻依然紅艷，膏也是極品，甘香至極, 最衰師傅去左蝦頭,我最鍾意拎去佐洒。蝦肉甘甜，鮮味得很，肉質爽滑而且吃時不加醬油、 wasabi，原汁原味，是最佳享用方法。活海鮮烤又是另一種樂趣。試想像在日本海邊將捕獲到的海鮮即時放上烤爐燒烤的滋味，只是想像都令人興奮，愛好嚐鮮的攻煮又怎會不趨之若鶩 。跟著的就是主角浜燒盛合，有齊活伊勢海老（活龍蝦），蟹肉蟹膏甲羅燒，活帆立貝，活鮑魚，日本蠔，活刀貝等，全部海鮮都是在魚缸新鮮即撈出來，新鮮無比。全程都有專人代燒令食客享受去到頂點。活鮑魚仍微微郁動, 足見極度新鮮，店員將之燒到剛熟，入口鮮嫩彈牙, 加埋燒汁係有d甜味! 伊勢海老 （好有氣勢既名! ) 被放在爐上慢慢燒熟，期間掃上牛油，爐火瞬間燒得火紅，見到d觸鬚微動，龍蝦肉質結實彈牙，帶著淡淡牛油香顯得特別更鮮味香口。主食以烤飯糰為閉幕。以牛蒡配飯糰好特別。飯糰清淡沒有餡, 但整個飯糰的外圍被油包住。最勁係烤到略帶焦香, 似鍋巴的口感, 絕對是對技術的講究。最後以抽子雪葩wrap up, 天啊, 今晚無憾了! 攻煮表示好幸福。…Read More

面對回歸20 年, 攻煮都要食返餐好平衡下。中環係英治時期殖民地色彩比較濃厚的一帶，係附近揀左句間新野。由於太新, 都係本帶住頭盔去試。無獨有偶，呢間係fusion 菜。（媽呀，我既香港已經fuse 左好多國內元素了，....)由於對方太大食, 唯有點多些。新簇簇的地方岩哂我呢d有清癖的人。頭盤係沙律, 用左48 個月製成既火腿粒加上師傳自製的醬同埋日本醋,再加日本蔥, 調出酸甜既感覺。個人覺得師傅好有誠意, 令我明白到日本x 西班牙係咁既東東。一兩滴黑醋已提升了食物的原味, 而且不用怕酸! 。師傅黑醋味道比較清, 果味豐富濃郁，香味持久而香醇，徘徊口腔良久不散。絕配也。這三個小圈球唔係講笑，我覺得係全晚亮點。遠遠的已聞到一股淡淡的煙燻味, 咬開還有淡淡的煙燻味混合雞肉的鮮香，不僅是頭一啖而是貫徹地渾和雞肉中, 味道很有層次感。雞翅如肉丸般色澤棗紅，光滑油潤，皮香肉嫩，吃後口有餘甘，令人回味, 有點 '咸鮮' 感覺。之後有和風的雞骨湯厎拉麵, 無錯, 是比較冷門的雞骨湯。一雞多味, 老闆收集雞的不同部位來熬製雞骨湯，湯釋出大量膠質，讓雞湯也有豬大骨湯的濃郁口感。而整碗拉麵的亮點是炙燒叉燒, 有2件,一件是港式叉燒味道, 另一件是典型日本叉燒,誓要來個港日crossover! 兩片厚厚的叉燒肉，表面經過炙燒，因此吃起來除了紮實有嚼勁外，還多了一股香氣, 確實有點似五花腩尾升的第二道main course 是煎鱈魚, 攻煮略嫌味道太淡,可落多些調味料,但全靠火侯控制好，外酥內嫩的香煎鱈魚也不錯。而最後我竟念念不忘的是這杯 coffee cocktails. 眼前的 cross over 已蓋過了世事應有的常態。這種方法保留了咖啡迷人的苦澀，昇華到cocktail 。以這杯極品作結，是晚上派對能量的泉源！還有那杯鼓起勇氣一嘗的豉油味雪糕! 沒錯, 是soy Sauce! 合上眼感受那冰凍而鹹鹹的, 幻象中的我曾想像過醬油拉麵的精華。先是鹹然後是淸甜, 是回甘, 師傅還有穀麥味與海鹽味, 都不錯, 是驚喜萬分。回歸甘載, 英cross-over 中或者是時侯找出當中其獨有的味道吧...…Read More

攻煮愛私房菜係人都知。當每人都有set 獨特的密碼, 而解碼的往往係食物。好既私房菜就像戀人，懂我的才可解碼。奇遇是😊放工累透後與友人轉角遇到愛。神秘的門口在樓梯上不似入囗, 按鐘有人想應門, 店主再領我們經由玄關再入餐廳。這是什麼玩法? 佐菜是辣洒煮大螺,是腼腆的店主為了表達小小心意而免費奉送的，嗯,很gentleman! 花螺是帶殼的海產品，本身肉質爽口又鮮甜，除了加入是辣酒煮還吃到蒜末、花椒、八角等味道，舌感立體, 從螺肉中能嗜到淡淡的酒香味，亦能嚐到辛辣味。 Appetizer 係一度性感的吞拿魚他他。看似面前是赤裸祼的, 用新鮮的吞拿魚肉切碎，wow ! 原來入面好有內涵，橄欖油、香草、黑椒、鹽等提味，再以紅葱、魚子、南瓜、菜苗等伴碟，食果時配法包多士，很有地中海的風味！令人欲擺不能的是黑松露忌廉漯湯。偏向濃稠creamy的的質感如FrenchKiss 一般的醉人，這個精選湯除了散發濃烈的忌廉香味，每口還啖啖蘑菇和黑松露碎，口感豐富且牽動著咀角的節奏, 一顰一笑完全被它控制了。Scallop risotto 是戲肉: 一道用高湯把米煮成奶油般濃郁質地的義大利經典。brrrrrrravo! 米飯都吸收哂湯汁既精華, 有蝦味鮮味牛油味芝士味洋蔥味蒜味檻欖油味等,質感呈現柔滑狀，粒粒分明, 煙煙韌韌, 好重既黑松露味。帶子表面煎得金黃香口, 內𥚃還是刺身口感，Come on! 又殺死我。唔俾我抖即刻上香煎鱸魚。這道奶油香煎鱸魚有著淡淡的白酒奶油香氣, 魚肉非常酥香細緻有彈性，加上少少檸檬汁, 魚肉的鮮甜且感覺清爽想來多點- baby hit me one more time!最後以Apple Crumble 作總結, 唔太甜但點到即止，蘋果亦唔太酸，如果有多d雪糕, 加強冷熱感就 perfect ！很有意思, 有點似型男撒了一下嬌, 冧死攻煮主。後記: 原來可預先book 位預訂食物。下次識做嘞😏…Read More

Short weekend 之週五也瘋狂(世界怎麼㨾? 所有事情有點不能控制....) 。尖沙咀好熱, 落住毛毛雨見到有間比較似樣既cafe, 猶如沙漠綠州, 就咁同大隻同事衝入去。坐低後望望周圍, 幾盞舊舊黃黃的燈 (是周杰倫的歌!!) 令我係一堆亂極既思緒中抽離, chic 中帶上cozy。店舖面積真的很小, 有點台灣電影氛圍。白洒忌廉藍青口細細隻既青口以最經典做法加入忌廉、香草同白葡萄酒，煮成一煲。因為細隻，青口肉很鮮嫩，白洒入饌後味道更清新，酸甜味交替，突出左青口的鮮味。因青口帶鹹味，烹煮時只需落少許鹽調味便可。青口殻微開, 溫度不太熱, 原來海鮮切忌太熟，否則鮮味盡失。今次反而肉滑有汁脹卜卜。西班牙烤乳豬呢道為是日主菜，亦都係我比較喜歡的。與傳統中式乳豬唔同, 肉較多脂肪, 肥膏層較厚, 但脆皮拿捏得不錯的，咬落時crispy 感覺同肉層特別夾。而食到肉質有不同層次, 好可能係醃製方面下了工夫，用多種香料及蔬果令乳豬更美味。可說是外皮焗得非常鬆脆同時，肉質依然嫩滑帶果香而不帶腥味，與香軟鮮甜的配菜同吃非常匹配。如果有一碗白飯，效果可能更佳。略嫌空口食乳豬會比較膩滯，送飯可以吃更多！綠茶mousse 蛋糕呢碟賣相唔錯，係全晚wrap up. 本身不是綠茶控, 但都impressed by 呢件幼滑的綠茶慕絲，加上玫瑰花瓣, 芬香滿溢味道又帶點餘甘，配上薄層奶香，綠茶控絕對不能錯過。個人喜歡呢個樽的 design …Read More

旺角出名打邊爐既一間火鍋店，因出名而來。好食又唔係話超好食 ，鬼咁串門面既service 又唔係特好，book 8:30 , 黎到竟然話我訂左9:00 , 佢唔認電話中既對話，真係輸在我冇錄音.....已經好嬲, 真係食龍肉都冇味。平心而論，野食唔係特別精緻，花膠燉雞湯底有味精 ，鷄肉水準不一, 有時係滑, 有時又鞋口, 勝在花膠尚算足料。食物種類ok, 都有得揀。個人最愛係脆肉骨鯇 ，邊煮邊吃，皮脆肉嫩又汁豐, 咬口非 •常 • 爽 • 脆，一下子以為自己在吃魚扒，幾乎沒有腥味。骨多但粗身，易從口出來中挑出從肉眼可見魚鱗片片鮮明，光澤無比。其次是手切安格斯牛肉。這比一般美國肥牛更正, 更有味道。由於安格斯指的是黑毛牛品種，所以不難看看玉人脂肪分布有大理石花紋,及脂肪比例最平均且肉味濃。咬落煙韌, 無渣, 食完一塊又一塊。墨魚滑 、蝦滑等都是由師傅手打, 新鮮有彈性 。彈牙得來很有質感，都算有墨魚肉香，但可能與街市買的上乘料差不多。聽說首經有瀨尿爆醬牛丸, 但老闆話反應不太好而停售.......希望可以再出返, 懷緬下以前周星馳睇極唔厭既電影都好丫....…Read More

又去呢個老地方約朋友傾心事，甜品係好重要的配角。雖然我地唔會即時俾食評面前的甜品，但其實已暗自記下了甜品的味道。當晚叫左豆腐花。呢度既特色係成個木桶上。每做一桶豆腐花之前，都要先用滾水沖洗木桶幾次以撞出的豆腐花就更滑。兩三下手勢就製作好一桶豆腐花。店員俾埋個鐘客人計時，建議三分鐘後先掀開木桶蓋，一桶新鮮熱辣的豆腐花就在眼前，再隨意加入你喜歡的糖粉糖水。攻煮鐘意黃糖所以落糖粉，溶在滑嘟嘟的豆腐花上，啖啖滲透出豆的香味，不用咀嚼，慢慢妹下妹下就 「 雪」一聲滑左落喉嚨。…Read More

臨近聖誕，攻煮個mood 好好。同行友人話打邊爐但身為女性既，真係堅驚爆瘡，所以建議食下蒸氣鍋。㨂左間新既分店，開左唔夠一個月。唔知係語係太新，伙夥間其實沒太有默契，安排同出菜有少少亂，好在最後有個後生靚仔經理招呼，頓時安心哂。我地雖然揀任食set ，但海鮮則有限quota，確保海鮮質素是高質的。蒸，是中國人發明的其中一項廚技，唔熱氣之餘，靠蒸汽加熱的熟物保留了原汁原味。今次點的海鮮美蒸煮後亦沒有點調味品，已覺得味道岩岩好。經理心水清，記得哂每種食物的䥋煮時間，再係計時器慢慢輸入，保證食物唔會過熟。薑蔥蒸美國石蠔手掌般大的美國石蠔肉口感濃郁，熟左奶香猶存，十分creamy 。一向抗拒食熟蠔既攻煮都即刻「開綠燈」。厚肉得來鮮甜，滿有濃濃的海水鮮味。蕃薯蜆呢隻蜆同平時果d唔同，坑紋較淺但肥嘟嘟，鮮甜度較優勝，而清蒸時來得幼嫩細滑，每隻都有鮮甜的湯汁。蜆約有三分之一隻手掌般大小，而肉也似番薯，是黃色的，令攻煮很著迷。清蒸象拔蚌/扇貝日本象拔蚌/扇貝已處理過，加上蒜蓉及粉絲，蒸起來更鮮，入口爽脆之餘已經入口d蒜味。沒有渣，嫩口非常，重要飲埋殻上的汁先係重點。食完海鮮，跟着來的是蟲草花蒸鮮雞及和牛片與和牛粒，一打開蒸鍋，香氣撲鼻。特別係d牛，肉味道濃郁，又滑又無渣，油脂均勻和牛置在蔬菜上，蒸製時肉汁往下流入哂個粥厎，盡滲鮮牛香，真係一滴都唔好嘥。和牛只蒸2分鐘，吃時蘸點惹味芝麻醬，滋味無比。 其他丸同釀花菇都唔錯最後，我最期待的畫面出現了! 登登登凳 - 就是上蒸海鮮下煮粥，一開始店員先放生米、准山同搖柱下鍋。所有蒸海鮮精華及肉汁都會溶入粥底，個粥好綿，一粒粒冇黏底，正到speechless..蒸氣Hom hom 聲，蒸到我一面都係,好似做左個facial 。靚住飽住咁走。…Read More