jobbee's Profile

事原想食中式糖水，剛剛喺筲箕灣東大街附近翠苑就諗住買木瓜雪耳，腐竹白果！一向喺北角分店都係咁買（大碗），啲姐姐都好有禮貌，點知筲箕灣用細碗裝㗎啫，潷湯水個講唔準廣東話個阿毛仲要串串貢話我裝咗細又要改話我麻煩😡火都嚟埋，比多啲錢買，仲要比佢話，立即走人，永不幫襯，香港嘅服務業係比啲講唔咸唔淡嘅人攪喎晒啦！…Read More

要去中大同阿女照X-ray, 前一晚上open rice 睇吓旺角有咩食，好怕星期六旺角太多人，見到吃扒個20cm 吉列🐷加$18熱熔芝士🤩👍阿女就一定要食啦😁攪掂就坐東鐵線去旺角沿火車條路唔駛10分鐘到，未係lunch高峰期，有枱，侍應哥哥姐姐個個勁好👍（香港餐廳侍應服務係好好㗎😘）Lunch menu都好豐富，估唔到係個價錢可以咁抵又可以咁大份咁足料咁好服務仲要喺旺角🤔其實可以收貴啲啊，阿譚仔，乜乜米線，快餐點都做唔到！Forget it, 咁阿女要20cm吉🐷薯條，加錢熱熔芝士，我就叫咗肉眼Medium-Well（其實想叫牛柳但要dinner 先有），黑椒汁，意粉,兩客餐湯要紅湯，阿女要菠蘿冰🍍，我就玫瑰蜜桃花茶（特飲加少少錢），我個扒餐仲包埋牛油餐包加杯雪糕👍！特飲兩個都出色，菠蘿冰好足料，花茶可以大杯多少少😅(唔記得影），羅宋湯好足料，可以辣啲同酸啲，個見到都驚嘅20cm吉🐷嚟啦🤩我眼都凸埋，兩個人都食唔晒啊😅，侍應姐姐喺面前倒熱熔芝士落塊吉豬上面👍芝士係唔咸嘅好好，唔係就好漏，我個鐵板肉眼都到，比我想像係薄咗，但都做到Medium- Well,意粉（勁多），黑椒汁另上，倒落仲有咋咋聲扒房feel🤩我唔夠汁叫侍應比多個，佢勁樂意🙏阿女食唔晒，我幫佢食，又要多份汁都得👍呢餐眞係好飽好開心💜係咁叫啲fd嚟食，大家都支持佢哋啊👍🙏…Read More

琴日夜晚7:30,兩個best friends 約我食飯，補祝生日，女仔朋友話嚟呢間，佢嚟過食下午茶ok,問我去呢間好唔好，我話無所謂，試吓，因為平時去啲我未去過嘅餐廳我會上open rice 睇負評，係唔會睇好評，so就去咗，同埋我呢兩個friends 食嘢仲要求高過我，我哋每人叫咗個set dinner 點知惡夢逐漸開始😳😓餐湯-南瓜湯，無影個樣普通，唔甜，唔咸，唔香，唔滑，叫人攞咗支pepper加少少飲咗佢😮‍💨Main course -慢煮牛面肉伴薯蓉賣相麻麻地，細舊但幾厚，咁就奶嘢，勁難切，切到把刀都斷，勁大力先剛剛切到，啲肉又鞋，咬到牙骹都軟😭，又無味，唔咸唔香唔知食緊咩，個汁又唔咸無味少少酸👎中間無啦啦有一大舊牛筋，又硬又靭，攪唔掂😮‍💨😮‍💨Dessert-原味梳乎厘大佬嚟喇，個樣ok但到見到中間濕濕地，都知奶奶地嘢，一切開啲一pat pat一粒粒（粉）嘅淡黃色液體流晒出嚟🤢（好核突無影）唔熟😠，可能我哋last order 先叫上甜品啦，眞係食💩啦，無辦法唔叫個妹妹侍應過嚟，問佢係我問題or你哋公司嘅梳乎厘texture 係咁，佢就話換過比我，心知都唔方好得去邊，我兩個fd嗰兩個都勁濕，但都未至於流出嚟，其實都唔係好熟！唔夠3分鐘侍應妹妹攞咗碟好似新嘅返嚟，都知係頭先個再煎一煎兩面攞返過嚟，算啦，再換都嘥氣，切落去都係濕嘅，但又至於流出嚟，forget it, 求其食咗個面就算，橫掂都唔會再去，開頭諗住好食嘅話就下次帶阿女嚟，永無下次啦！…Read More

因為要由柴灣去九龍灣攞嘢，所以特登再去觀塘食佢，之前都食過呢間正九嘅排骨擔擔麵3，4次！ok好食排骨又多又外脆內軟，個麵又煙靭，個湯ok有少少辣，幾好食！咁今次去隔咗1個月，嘩，點解差咁遠，個排骨少咗3份2，仲要切粒，仲要得6,7粒（圖中係舊骨😅好似好大舊，開頭太肚餓,無影到)，啲豬扒粒仲要外燶內乾！湯又無乜好似撈麵咁，叫姐姐比啲湯，佢話以為我鐘意少啲湯，因為有人會少湯撈嚟食，（姐姐如果我要撈麵就會出聲啦，叫擔擔麵就要有湯㗎啦，唔好以為好唔好），個麵就普通，硬咗啲，無之前嗰啲煙靭，但我都食晒，因為都2:00我都未食過嘢，唔係好難食，係難食啫，又唔想嘥嘢，埋單有同姐姐反應話之前幾次嚟食係幾好，今次差咗好多，佢話唔好意思會留意返，但我短期內都唔會再去，觀塘咁多嘢食，試咗其他先，有緣再會😅…Read More

好靚又好食，著埋全身bape all in 😄,阿女老公勁happy😚點咗龍蝦意粉，漢堡薯條，仲要甜品窩夫雪糕😋👍好食又好睇🍔🍟🍺叫咗支Asahi, cappuccino …Read More

伏到爆，買咗半隻海南雞，返屋企打開已經反胃，有骨已經扣分，樣又差仲要鞋過鞋底，🤮🤮仲有豬手，唔喊唔香，都唔知食緊啲乜，無啦啦整幾舊大豆腐做咩啊？九唔撘八，救命！！…Read More

其實呢間初試業嚟過，係麻麻唔叫好食，隔咗咁耐就比多次機會，又係失望，仲叫潮得起，個湯水咁一啲味都無，又唔香，牛腩鞋又羶叫阿姐攞支豉油，比支甜豉油，食腸粉咩，原來成間鋪無咸嘅豉油，鹽都無😵，食咗幾啖就無食，眞係東區最難食嘅粉麵店！唔會再去，仲要開喺電車路大街，唔知可以做得幾耐！…Read More

終於比我揾返以前喺大角咀食過嘅川味港，依家搬咗去觀塘做咗私房菜（要訂位），食物依舊好味，仲多咗好多特別精緻菜式👍上星期三同家人做節，老闆威哥依舊熱情招待！每樣餸都給我哋驚喜，以前最鐘意食佢嘅川菜，但家人唔食得好辣所以叫多咗啲小菜！以後又可以經常嚟食飯啊！🤗…Read More