正九清湯腩 (群星大廈)

Open Now

Now Closed

因為要由柴灣去九龍灣攞嘢，所以特登再去觀塘食佢，之前都食過呢間正九嘅排骨擔擔麵3，4次！ok好食排骨又多又外脆內軟，個麵又煙靭，個湯ok有少少辣，幾好食！咁今次去隔咗1個月，嘩，點解差咁遠，個排骨少咗3份2，仲要切粒，仲要得6,7粒（圖中係舊骨😅好似好大舊，開頭太肚餓,無影到)，啲豬扒粒仲要外燶內乾！湯又無乜好似撈麵咁，叫姐姐比啲湯，佢話以為我鐘意少啲湯，因為有人會少湯撈嚟食，（姐姐如果我要撈麵就會出聲啦，叫擔擔麵就要有湯㗎啦，唔好以為好唔好），個麵就普通，硬咗啲，無之前嗰啲煙靭，但我都食晒，因為都2:00我都未食過嘢，唔係好難食，係難食啫，又唔想嘥嘢，埋單有同姐姐反應話之前幾次嚟食係幾好，今次差咗好多，佢話唔好意思會留意返，但我短期內都唔會再去，觀塘咁多嘢食，試咗其他先，有緣再會😅