rubychoi1020's Profile

最近發現北角地鐵站附近一個隱秘既後巷, 原來都有幾多間餐廳，今日決定試一試其中一間只係日式丼飯。這家食日式井飯既餐廳，門口普普通通，鋪頭面積細，大約10張台，但係台面都吾算細既, 放左兩個飯加小食都吾會好迫。鋪頭細細, 真係得一個人做落單上菜收錢，所以係需要多少少時間等。果日食飯都8點左右，餐廳吾多人，直接就有位可以坐。兩個人叫左兩個飯，一個費城芝士牛排飯， 一個火灸橡果黑毛豬溫泉蛋飯， 每個飯都跟小食同埋野飲， 性價比都吾差。不過等候食物既時間係比較長，估計可能係漏左單，但都體諒一個待應既餐廳。食物方面，賣相吾錯，肉同飯既份量都吾少。細食既女仔係會太多。費城芝士牛排飯方面，芝士味吾重，牛肉都嫩身, 吾會好老又乾身。黑毛豬溫泉蛋飯就係正常燒肉既味道, 加埋溫泉蛋既蛋香, 真係好食既。…Read More

首先, 好簡單咁講一句, 今次預訂夜上海食晚餐係被米芝蓮一星的殊榮而吸引。事前2星期左右啦, 打電話輕鬆就預訂到. 用餐當日係初4, 農曆新年期間, 夜上海除了新年的2人及4人套餐以外仲有a la carte menu。 點菜時候都參考米芝蓮的推介 : "除了花雕醉雞、清炒河蝦仁、蟹粉釀蟹蓋等必吃菜式，蒜泥白肉也值得品嘗：薄切五花肉味道香濃，口感爽嫩，蒜泥和醬油味道得宜，非常惹味。"  於是, 一對小情侶的我地點左6樣菜, 份量都吾差, 兩人係完夠飽。一開始坐低, 侍應就放低左一小碟炸菜, 味道小小辣, 爽口得泥又有濃濃炸菜。如果你平時係愛食炸菜的朋友, 你一定會好愛。另外，枱上面有一小樽自家制xo 醬。個醬係好好食到可以淨食醬，佢吾辣，食得出師傅用左好多蝦乾貝金華火腿，果種咸香真係一試難忘。我自已都忍吾到口, 淨食醬都食左一小碟。之後等一陣, 飲兩淡茶就開始上菜. 這家餐廳有個小小問題, 就係上菜太快，會不停打斷你食野. 例如你仲食緊岩岩上菜既爆蝦, 突然又上小籠包，咁你一定要停, 轉食左小籠包先. 所以成晚係有小小似玩over cook咁. 1. 醉雞 - 擺碟都幾靚, 雞一件搭上一件, 望落好似一件餃子. 雞的肉好嫩, 真正的雞有雞味. 但係如果你係鍾意醉雞有濃濃酒味, 這個會不合你胃口.2野山蒜油爆蝦- 這個真心推介。個蝦係中間開左殼再炒，炒到連蝦殼都可以直接食既脆口。連蝦殼食會令隻蝦既鮮味再提升。另外蒜油炸左蔥都好香口。真係食吾停口。3. 蟹粉釀蟹蓋 - 這個係失望之作. 首先, 佢個底係有一層蛋白. 第二, 其實食釀蟹蓋 通常都係希望食到淡淡都係蟹肉, 而佢只係稀疏的蟹肉絲. 我明白既, 價格反映食物的用料. 而90蚊一個都真係平既 (以尖沙咀貴價地段去考慮), 但我寧願佢收貴啲, 整多啲蟹肉落去..現在...好似食緊素菜咁, 好難不失望4. 蒜泥白肉 -  這個真係好食, 蒜泥不會太多, 同時有埋醬油去平衡蒜的刺激5. 嫩雞煨麵 - 正常水準，冇咩特別6. 小籠包 - 真係好普通，食完就算，完全吾會想再叫。…Read More

如果你係喜歡食壽喜燒, 相信你一定聽過日山這家店.   日山源自日本東京, 目前在香港有兩家分店，分別係尖沙咀和沙田. 作為一家多年奪米芝蓮既餐廳, 其賣點係所提供的牛肉為日本A5黑毛和牛!  本人一直都想試試日山的美食, 無奈尖沙咀分店一直人氣高企, 之前試過打電話去訂位, 但當時尖沙咀店的該月和下個月午市時段都full booking.  有幸上月中再次打電話去訂位, 被告知月底和4月均有午市空位, 當然即刻預留座位.  不過要來日山用膳, 當然要指定海景位置.  來到店內, 幸好店員安排了一個有張8人桌既小房間, 房間有落地大玻璃, 露台有棵松樹，可享維港景, 又有幾分日式味道.  房間空間十分闊落. 一張8人座既長桌, 只有我們兩人用膳, 十分舒暢.今次我和朋友都點左一個壽喜燒a5和牛及野菜盛既lunch set。 lunch set會包埋前菜（細蕃茄啫喱、肉醬芋泥團、茶碗蒸）、主菜（一片西冷、一片肩部位既和牛）、以及甜品（柚子雪葩）。日山既壽喜燒特別之處是師博吾會係你枱邊燒牛，而是由侍應和你溝通你想要嘅生熟度，然後侍應會同師傅溝通，燒好再將牛肉拎去俾你，上菜嘅時候牛肉已經浸喺生雞蛋醬裏面。我自己其實幾鍾意咁嘅安排，因為咁樣可以令客人身上吾會有好大陣燒肉嘅味道。講返牛肉質素， 日山嚴選部位嘅牛肉品質都好好，好有牛肉既味道又柔嫩細滑。不過有比較就有傷害，兩片牛肉互相比較，你會發現西冷完勝肩部位既牛肉，無論係喺質感定係油脂方面，都係完完全全比肩部位高一個檔次。除咗牛，師傅都會燒日本大蔥、洋蔥等作為配菜，這些同樣為今餐既亮點。雖然只有兩片牛肉，但是配搭起一碗米飯半碗蒟蒻麵一起食，女生都會覺得飽。最後我們多點一份雞泡魚干，這個正正常常，同其他餐廳點嘅都差不多。最後想講講餐廳唯一不足嘅地方。 這次午餐只有75分鐘用膳時間，12點入座，1點15分就需要離場。雖然餐廳上菜速度快，但係感覺始終趕急，未應慢慢享受。面對咁靚既海景，大家都會想慢下來慢慢享受，75分鐘真的不太夠。…Read More

為左慶祝阿媽生日即日去當文歷蛋糕店買蛋糕，現場有好幾款大蛋糕，當中有佢地店比較出名既檸檬茶蛋糕。一個4-6人份蛋糕賣480， 定價不算貴。 不過最值得一讚係服務員嘅態度。我本來計劃想去海港城買蛋糕順便行街，但係又驚蛋糕賣晒。我向收銀員提出可吾可以先付款，想行完街再泥鋪頭拎蛋糕，佢都好樂意幫我。現在真係唔多蛋糕店可以係星期六繁忙時間都咁樣安排，真係值得一讚。味道方面不過不失，紅茶味檸檬味唔算特別濃郁，個底有啲朱古力脆脆幾特別。想打卡既可以試下。…Read More

小妹一直都幾鐘意食waffle ,所以中環既green waffle 一直都係我既wish list 上。 可惜係未開中環新分店之前，green waffle 一直都好有人氣，未有book位既情況下我未試過食到lunch。知道佢開咗新分店之後我就即刻去試咗啦。 lunch menu 既main選擇唔多，價格大概係100左右，不過一個set有湯/沙律，主菜，半份waffle加餐飲，真係幾抵食。我同朋友點左卡邦尼意粉和軟殼蟹沙律。味道幾好，正正常常，份量夠女仔飽肚。 不過座位比較細，如果食嘢唔夠快嘅話會放唔落主菜。 …Read More

半島酒店的下午茶相信大家都吾會陌生, 對於食品品質, 服務質素以及用餐環境方面有一定的水準.今次去試下新開張的半島精品店與咖啡廳.  雖然係新開張, 但係食品品質十分好, 同樓上既半島酒店下午茶同一層次. 食物質素吾係度再多三強調幾好食. 作為女士, 我反而想讚咖啡廳的tea set的份量.  整個份量比樓上既半島酒店下午茶更加合適女士.  這個tea set只有一個鬆餅, 食完仲有胃口食其他小食.  服務質素方面我覺得半島精品店與咖啡廳比較貼心.  服務員會主動幫忙倒茶去我地既茶杯, 又會同我地傾幾句, 感覺好親切.  因為只有5張台, 服務員有時間去照顧每個客人既需要. 同樣地, 枱與枱之間有足夠的空間, 不會聽到其他人的對話.  可惜當日有媽媽和小朋友一起用餐, 小朋友的確會有少少聲浪, 不過係可以接受既.不過半島精品店與咖啡廳係冇得book 位.  佢地係walk-in mark時間, 再係差不多對你既時段時打電話去提醒你.  …Read More

事緣因為母親節，想同媽媽係大埔區食餐好又吾想搭車出沙田/九龍。上網睇餐廳時見到e間餐廳，看似同中環fine dining 有得比，而且菜式賣相唔差，於是係OpenRice訂位。於是咁就係惡夢開始。餐廳星期日下午5點左右打電話confirm booking,再溫馨提示用餐時限係75分鐘。 我果下 ，我訂果間好似吾係快餐店/ 茶記，平時食個飯一般都90分鐘，點解要我咁急？餐廳員工都有補解釋如果時制到又食晒，吾會催促交枱。 但係我嗰下已經覺得唔合理，咁既價位有咁既制限？不過都book左啦我就算啦，okok咁。去到餐廳，得返最近大門口果張， 真係近到閂咗門口，座位同門口得返一個人打側身可以行過嘅空間。成餐飯最差係服務態度。 上面講到已經座得好迫，侍應仲要喺座位同門口間條行過上菜，明明旁邊有另一條走廊位出入都吾行。要我提佢地佢地都冇講吾好意思或者解釋點解要咁行。佢地吾會主動加水，比餐具或換餐具。例如上左小菜，係一個大碟三人份，再比三隻細碟你分。食完上湯，佢係吾會拎走細碟。之後係我見冇位叫佢拎走啲碟佢先拎。大佬，我有比2百蚊service charges. 咁既服務我點比得落？野食方面算啦，我只可以講同一個價錢我可以去沙田18食餐豪既。 頂級牛肝菌濃湯係結到加得太多麵粉嗰種濃，蟹肉他他好多蟹殼，海膽同生蠔我都唔食，不過個樣係吾錯既，生蠔好大隻。龍蝦尾海鮮飯冇龍蝦味，龍蝦肉好軟身唔彈牙，煎帶子外面封煎得唔夠時間，個芯又比較生（明白太子比較難剪得好唔怪佢）。 威靈頓牛扒正正常常，不過不失。barramundi fillet,個魚本身好彈口，吾錯既，可惜冇味，令食落去比較素和乾。又返去75分鐘時限，根本Mission impossible。我等左20分有先上到最後main course. 果時已經係用餐時間80分鐘。 餐廳既運作員工應該係最清楚，咁你都做唔到，點解你可以set咁嘅時限。 咁同趕客有咩分別呢？到最後我只係想講，咁既價錢吾該比返相對既質素。我本來仲有一絲幻想大埔有真正嘅高級餐廳，可惜我錯啦。…Read More

午飯時段的一風堂真的有好多人等位。 1235拎號碼等，差不多1300才可以安排入坐。點了一個特製白丸（$88）。 上菜速度好快，另貼心提供餐巾。拉麵有紫菜兩份，叉燒三件，半隻溏心蛋。叉燒好普通，湯底算濃，蒜油好香，不過份量太少。…Read More

上次試左fat fat 西菜， 今次就試埋fat fat 日本菜同樣座位好舒適，又闊。Lunch set 送既前菜， 另有一杯飲料。前菜有味噌湯和辣螺肉。 味道吾錯。上菜速度比較慢，可能是因爲焗飯的關係吧。點了芝士咖哩吉列豬扒定食。定食份量好多，咖哩是少辣，而且豬扒好大件。不過飯吾夠乾身。整體而言，好抵食。…Read More

今日點了一個 lunch set, 有中湯和一杯飲料送。中湯好足料，吾會太咸/淡。主菜是藕餅肉燥飯。藕餅切到好薄，真係好脆！肉燥有冬菇同碎肉，吾會好咸。飯量算多，一個女仔食吾哂。…Read More

朋友介紹這間餐廳。 見鄰近公司，今日同同事一起試試。是日餐單 點了Set G， 跟是日餐湯，一杯飲料。是日餐湯很健康，帶濃濃南瓜和紅蘿蔔味道。主菜意大利飯不錯， 意大利米煮得入味，濃濃忌廉汁， 有大量野菌伴菜。雞不會煮得很老又乾。整體而言，都算抵食。…Read More

中環區要食個平既晚餐真係好難。好多餐廳一早6點前已經關門。今日冇心情諗食咩，去吉野家諗住平平地一餐就算。 點了黑蒜油燒汁雞丼 $38黑蒜油汁得咸味， 說好的燒汁呢？雞分量正常， 粟米感覺上較少， 食完成個飯好好好飽。 我下次會食返野菜煎雞飯。…Read More

上次去了灣仔分店為男友慶祝生日, 幾滿意食物質素和侍應生的熱情服務態度今次再與朋友再來銅鑼灣分店這家餐廳以海事為主題, 很有特色,餐桌上有小燈塔瓶子(鹽和黑胡椒)小妹很愛這家的crepe,結果全都點了crepe.(1)La Piano (with smoked salmon, spinach, egg, cream, salad) $128咸咸的煙三文魚有大量菠菜中和, 配上中間的流心蛋和Cream,  味道濃郁(2) La super complete (with french cooked ham, emmental cheese, camembert cheese, blue cheese, egg salad)小妹一直不愛blue cheese, 幸好這個食時不會有blue cheese的味道stand out, 3種不同的濃郁芝士加上火腿, 味道比piano更濃更咸, 配上中間的流心蛋, 更加俘虜了我的心.最後當然要食一個甜品La Sexy Suzette (with Mango Sorbet, homemade lemon, cream, flamed with Cointreau) $108點這個甜品是為了看有火的薄餅侍應生在上菜時淋上點了火的甜酒，令薄餅上有藍色火焰.火焰會燒一段時間，有充分時間拍照上面的雪葩單食是十分酸，不過配上薄餅的酒香和少少苦的醬汁，是出奇的好食如果可以我想多食一個薄餅, 不過小妹真的飽啦~…Read More

來尖沙咀的話，通常都會去新太陽廣場的和民食晚飯， 每次來到都不用等位，而且位置都近港威中心和巴士站.點了牛油咖哩黃金鍋(小) $58， 另加烏冬 $28牛肉有6件左右，加上大量生菜，少量盧荀和 南瓜等蔬菜，另跟2隻雞蛋，份量算多.  湯底是濃濃咖哩汁，少辣帶甜，似日式咖哩. 烏冬是正常一客份量，彈牙不會容易變軟.另外，侍應生會給一少瓶咖哩汁，方便加湯最後還點了石鍋鮭魚魚子飯 $73上菜時，飯和魚子分開. 方便撈勻時不會整爛魚子.鮭魚呈半熟狀態，撈勻後全熟了，不過因有飯焦，整個飯食落好香口，飯的份量都算多.…Read More

今日晏左收工, 搭車返到大埔已經9點左右冇咩心情想食好野, 行去巴士站附近食譚仔雲南米線 做晚餐米線加一餸是$29, 多加一餸$5-7, 麻辣另加$1.點了雞肉生菜麻辣米線$35, 以晚餐的價錢算很便宜雞肉,生菜和米線分量正常, 米線彈牙. 小妹不太能食辣, 但愛食小小麻辣叫了4小辣, 算可以接受既辣度這家的麻辣, 麻方面不夠麻, 辣方面卻真的辣, 舌頭有刺痛感小妹係食吾哂一碗米線已經好飽!**真心係好抵食**…Read More