Yè Shanghai

首先, 好簡單咁講一句, 今次預訂夜上海食晚餐係被米芝蓮一星的殊榮而吸引。事前2星期左右啦, 打電話輕鬆就預訂到. 用餐當日係初4, 農曆新年期間, 夜上海除了新年的2人及4人套餐以外仲有a la carte menu。 點菜時候都參考米芝蓮的推介 : "除了花雕醉雞、清炒河蝦仁、蟹粉釀蟹蓋等必吃菜式，蒜泥白肉也值得品嘗：薄切五花肉味道香濃，口感爽嫩，蒜泥和醬油味道得宜，非常惹味。"  於是, 一對小情侶的我地點左6樣菜, 份量都吾差, 兩人係完夠飽。

一開始坐低, 侍應就放低左一小碟炸菜, 味道小小辣, 爽口得泥又有濃濃炸菜。如果你平時係愛食炸菜的朋友, 你一定會好愛。另外，枱上面有一小樽自家制xo 醬。個醬係好好食到可以淨食醬，佢吾辣，食得出師傅用左好多蝦乾貝金華火腿，果種咸香真係一試難忘。我自已都忍吾到口, 淨食醬都食左一小碟。

Xo  醬

之後等一陣, 飲兩淡茶就開始上菜. 這家餐廳有個小小問題, 就係上菜太快，會不停打斷你食野. 例如你仲食緊岩岩上菜既爆蝦, 突然又上小籠包，咁你一定要停, 轉食左小籠包先. 所以成晚係有小小似玩over cook咁. 

1. 醉雞 - 擺碟都幾靚, 雞一件搭上一件, 望落好似一件餃子. 雞的肉好嫩, 真正的雞有雞味. 但係如果你係鍾意醉雞有濃濃酒味, 這個會不合你胃口.

醉雞

2野山蒜油爆蝦- 這個真心推介。個蝦係中間開左殼再炒，炒到連蝦殼都可以直接食既脆口。連蝦殼食會令隻蝦既鮮味再提升。另外蒜油炸左蔥都好香口。真係食吾停口。

野山蒜油爆蝦

3. 蟹粉釀蟹蓋 - 這個係失望之作. 首先, 佢個底係有一層蛋白. 第二, 其實食釀蟹蓋 通常都係希望食到淡淡都係蟹肉, 而佢只係稀疏的蟹肉絲. 我明白既, 價格反映食物的用料. 而90蚊一個都真係平既 (以尖沙咀貴價地段去考慮), 但我寧願佢收貴啲, 整多啲蟹肉落去..現在...好似食緊素菜咁, 好難不失望

蟹粉釀蟹蓋

4. 蒜泥白肉 -  這個真係好食, 蒜泥不會太多, 同時有埋醬油去平衡蒜的刺激

蒜泥白肉

5. 嫩雞煨麵 - 正常水準，冇咩特別
6. 小籠包 - 真係好普通，食完就算，完全吾會想再叫。

小籠包