jajachun's Profile

觀塘工廠大廈嘆蒸氣石鍋每位約$300有找。蝦已插入竹籤但仲識郁證明超新鮮, 沙巴龍躉切片份量好足又美味，隻鮑魚蒸左6分鐘超級爽甜👍日本帶子配南瓜、冬瓜、淮山也不欺場。蟲草鷄醃得好味！最緊要父母👍😊對海鮮及店員的服務讚不絕口！食埋粥底，吸哂所有精華，perfect ! …Read More

冬天特別羨慕在泰國避寒的朋友，好彩在荔枝角D2 place 開左間平靚正的泰國快餐店，食品好有heart, 鹵水豬手入味又不膩口，不太辣的肉碎煎蛋配上熱驣驣的白飯，好回味。小食：春卷是即炸的，又香又脆又含juicy 菜，配上泰國汁，真的百吃不厭喔。蝦餅也ok , 薄了一點，可能是特色吧，味道👍。快餐店多用cheapy 非洲 苦lemon ，但這兒用的貨色是靚lemon😊 。希望水準繼續保持👍。…Read More

少有$3x 的雲吞麵食可以享受清雅裝修，碗碟有傳統的鷄仔圖案，可見老闆是有心人。喜歡放在枱上的酸蘿蔔（自助取），又爽又香，食完胃口大開。當然要食主打的雲吞，配上傳統大地魚湯底，蝦爽脆，雲吞皮又薄，好味。$30我也喜歡它的牛腩麵，生麵沒有鹼水味，軟硬適中。牛腩份量足，又淋又入味。不過不失。食完不會太口渴。$28 咋，好抵食！美中不足是待應同厨房的員工太開心，好像自己家一樣，大聲說話、吹水、又講粗口，⋯⋯。…Read More

令我思念的肉醬茄子是前倆天第一次在尖沙咀分店食過，今次見將軍澳開分店再去回味吓。水準保持得好，先將茄子炸過才加芝士蕃茄肉醬焗，🍆側邊仲輕輕脆，好鬼正！那個三式salad 也不可不提，三式有紅菜頭加🍐、南瓜丶蕃茄。我朋友平時不嗜紅菜頭也因為THE POINT 而愛上了！店長推薦龍蝦pizza ....上檯時同餐牌圖片一樣咁靚，哈哈...路過的食客都回頭望幾👀！足料鮮味龍蝦pizza ，以為pizza 上面的殻是裝飾，原來起左D龍蝦肉除左放在Pizza 上之外，仲將茹類、洋蔥抄香加少許龍蝦肉醸入蝦頭及蝦身再焗，真的不🉐️了，tasty ! …Read More

長假期係香港好處是......唔洗同人迫搵好野食！揀左去大坑😊2人用左$356，有單為證。不是試食活動！寫open rice 是為自己做紀錄吧，亦可以分享資訊，但最近成日比版主話我是參加試食活動，reject 我的食評，真莫明其妙！大家如果有試食活動，話知我，我也想見識吓 老闆/waiter 細心推介lunch set 用的牛扒/羊架等於晚餐用的等級USDA prime grace ，只是份量細D吧，聽完一定識揀！先來個大蒜薯仔忌廉湯，出面lunch set 少見呢個湯，好特別,不似是開粉cheap 湯，湯內有一絲絲的足料大蒜，好清甜，如果呢個靚湯配個小法包就一流！lunch USDA prime grade 牛扒7oz ，叫左medium rare , 煎得有水準，外香脆內軟，又大件又重牛肉味，不愧是扒房出的靚牛扒，性價比高，靚牛扒係唔配洗汁都好好味.👍👍...食到一半才記得叫Mustard 。。喜歡他們的意粉，有少許蒜香味抄過有誠意😃，又爽滑。lunch set $148！超抵又超回味的靚牛扒💕💕。另一個lunch set 的羊架羊架也是煎得外脆內粉紅嫩肉👍，waiter 說grade A 羊架是不會太羶的！$108再額外叫埋甜品加左$100的 Molten chocolate with ice cream 足夠2-3人食、唔太甜的心太軟朱古力蛋糕,簡直是個perfect holiday lunch 👍👍👍! …Read More

見到open rice 咁多人讚賞咪去會一會，坐的環境好迫，怎能說悄悄話，所以適合一班人吹水0k嘅地方！影完個湯之後，唔想再影相了....那個什麼＂白椰菜湯＂咸到飛起，一行四人只有一年青人說那個湯不咸！好彩Grill 野都算👍，牛扒夠淋，又grill 得香，呢度用靚牛扒所以係唔冼醃（我覺得無乜醃過），可是配菜是什麼抄雜菜，仲咸過那個湯，此時我們四人一致認同呢間野是適合重口味的顧客. Not my cup of tea 囉！已向待應及餐廳shop manager 反影超咸的食物，希望有後有所改善！加油！豬小排亦是有點咸，煙三文魚配扁意粉，勉強ok。 追加甜品Browine , 好勉強ok。…Read More

原來火鍋也可以romantic,因為燈光暗暗的,椅子及裝飾特別，情調都幾好！以下是我一個月來了3次綜合的圖片，每次只有2人進餐，不能叫太多野食，唯有分幾次來。3次都是自己比＄來，我又唔識老闆，無任何著數，只有貪早埋單有優惠！ 因為想試哂所有湯底至🉐️，所以來了3⃣️次呢！香港人在任何天氣也可以食火鍋湯底足料，可以當湯飲的美人窩湯底，無花無假，可見窩內有半隻烏鷄，另一湯底：酸菜白肉湯內有足夠2至3人份量QQ寛粉條。另一湯底養生窩，我個人應為因有多種藥材不太適合火鍋，如果喜歡台灣麻辣湯底，呢度口味可以改微辣，口味適合香港人，雖然是半窩湯底也有10多片爽甜的正宗台灣鴨血，昨晚不知為何免費追加10多片，食5哂添！所有手工丸又爽又足料！牛肉芝士丸,松露蝦丸丶花枝丸只有最差的是沒有韭菜味的韭菜餃，因韭菜份量少到差點以為是蔥花，職員説他們的韭菜餃是肉比較多😓，好在水餃及雲吞好味，內𥚃的蝦又大隻又新鮮。羊肉沒有味，賣相唔靚，無影相，羊肉又太肥溫馨提示：兩個人初段唔好叫太多食物因為湯底內已好多料！8:30pm 前埋單7折…Read More

我都係TVD介紹咪來會吓個午餐，希望不會太中伏！工厰大廈的特式是無外在美，是常識吧！餐廳內有自然光照入，如果坐近窗望出街外風景也很悠閒，except 星期一至五lunch 繁忙時間！佢星期日都開嫁！先來個煙肉忌廉湯，足料煙肉有嗌口，配個香草包包，味道👍！order 左澳洲黑安格斯肉眼扒配燒汁，7成熟，雖然澳洲安格斯是不及美國安格斯咁有牛肉味，但勝在夠琳，配菜也豐富！但朋友前天來試過，投訴說有肉根😓仲叫左6成熟！燒鯖魚ok juicy , 飯軟綿綿的飯含3成珍珠米、7成絲苗米。加$18有的甜品，不知是什麼餅配白葡萄酒雪芭，無味！上面呢個waffle $58 再比＄10額外多一球雪芭，脆卜卜waffle, 回味無窮！上面兩幅圖名叫＂心動一刻＂，係將熱騰騰的朱古力溶槳淋到白朱古外殻上，溶化了外殻便見內𥚃有少量生果丶朱古力蛋糕丶白葡萄酒雪芭⋯⋯⋯⋯中伏，超甜耶耶，為lunch 打一個絕號，食完反胃！…Read More

貨真價實lunch 只是＄58可以嘆個＂經典意大利肉醬意粉＂未計加10％，再加$28仲有salad bar ,在cityXper 買一份細salad 都要$40，呢度salad 有Pama Ham , 烤茄子丶烤南瓜丶紅菜頭.......物超所值！經典意大利肉醬意粉冇改錯名，醬汁酸甜美剛好,也足夠每條意粉都有肉醬，爽滑的意粉，I liked it 是past tense 了，它仍然好味，是我變❤️。因我的摯愛已改變為香辣白酒煮蜆配扁意粉！TASTY X n 次方！ 蜆肉配上充份爆香蒜片，加入適量parsley及辣椒，不會被辣椒搶晒蜆肉的鮮味，賣相不會太多汁，因為意粉已經吸晒蜆肉流出來的精華，現在意大利餐都煮到中餐的穫氣，真是不得了！有緣可以見到總厨/大㕑的話，佢會無私地分享烹調心得。！Pizza 當然也回味，今次食左POSH HAWAIIAN , 焦糖菠蘿配意大利風乾火腿十分夾，香甜的菠蘿可以平衡火腿嘅咸味，👍👍👍加上火箭菜的回甘味，多種不同層次的味覺感受，多食幾件都得，yummy!喜歡食炸雞的朋友，呢度一定要試吓炸雞膇，肉汁夠又醃得入哂味，再叫支啤酒，係happy hour 的好選擇！我今天係度lunch完，行完街後也最終回來tea一tea ....因掛住雞膇!是百吃不厭！下次要食埋甜品先！呢度有teapigs 出品的薑茶，內有香茅，夠薑味！…Read More

如果唔想限時限刻交枱，抵食夾大件又好味又坐得ok 舒服，呢間辣蟹莊可考慮。因星期日好多工廠餐廳沒有營業，便去左呢間，員工笑容可嘉服務！我2人只叫左花尾龍疐兩味，啖啖大片魚片，D魚皮有厚厚的魚膠，配以翠肉瓜，份量絕不欺埸！另一味蒸龍疐，多雲耳在碟底，加上紅棗蒸的龍躉又香甜又.....👍👍同那些名牌茶餐廳，簡直茅得舒！下次要試吓梁店長的推介:海鮮蟹窩！仲要係$300 有找！…Read More

隨意入去一家沒有Tea set 的餐廳食個late lunch!從餐廳命名＂因信＂看出是基督徒開的，應該起碼是清潔、有良心吧！一打開玻璃門便聽到清新悅耳的詩歌， 看到裝飾及餐具也很別緻，坐在舒服乾淨的卡位，期待食物質素呢！青年老闆說全店只有2人，即一位廚師及他自己是樓面才能涯到貴租！Order :野菜濃湯燉德國咸豬手set lunch 成為$59 （就算原價只是$79），用清甜野菜燉過的豬手又淋又入味，沒有傳統德國咸豬手的死咸味，喜歡骨膠原的JM一定要試吓。芝士鷄扒配香腸set lunch $49！ 咁既價錢我以為是cheap bonbon 的鷄肉厨師腸，來了意式幼身爽皮的香腸，鷄扒醃得入味煎得香香的，配上芝士⋯回味。餐湯對於我來說有點咸，但配上熱驣驣的餐包又ok 喔 ! 正體來說勝價比算高！大眾化價錢，食到優質食品！…Read More

餐廳地點近CCWU Building （集成中心）隔離的球場，行上梯級到達灣仔道，望過對面便是了。因太懐念她們的冇味精又足料湯，已専承幫襯了2次食lunch 。坐下來，他們為客人先呈上一大壺足料的菊花杞子桂圓茶、真材實料呀！第一次Lunch 是紅菜頭湯....湯內有一塊好鬼甜的紅菜頭，我估放在好多豆類等，堅好味！ 另一次lunch 是老黃瓜湯，也是媽媽㷛湯的味道，濃濃的瓜香味，如果可以的話，真想帶一壼回家比愛人試吓！Order 左出名的黑椒豬手，簡直不得了！香香的黑椒丶爽彈的豬手皮（即係骨膠原），肉質感是適中不會太硬，最窩心係冇骨，可以大啖大啖咁食，送飯一流。另一餸是芝士蝦伊麵，估計伊麵已出過水又過冷河掛，冇咁邪惡又不失伊麵的口感！芝士同伊麵是絕配是常識吧！蝦是爽口，正！而今天lunch 試左花花餃子（豬肉豆苗），外在美真的似花花，好精緻，雖然味道對於我來說甜了些，但配上一小碟香香沒有多餘油的辣椒碎及另一小碟醋，平衡番味道，原來呢2小碟是花花餃的綠葉呢！最後介紹是果醋豬軟骨，煮得好入味又醂，估計一定慢煮了很久，好香豬骨味，配果醋煮咁耐，多食也不會覺肥膩，我配埋上面的辣椒碎仲正。期待她們水準一直保持下去！加油！支持有heart 小店! 以每set $78-$98的lunch ,勝價比高。是灣仔上班族食住家飯的聚腳點！後記：呢道可以包埸party 、有projector可容25-30 , 又可包間小房可容納10-12人。晚上的私房菜，客人可以同大廚Julie 傾吓你的要求。落單的哥仔好細心介紹每個餸，也很專業呢！…Read More

炎炎夏日假期，最好搵D坐得舒服，比你hea住享受美食、有特色凍飲品、有質素美食、又有甜品的餐廳、仲要性價比高 。。。。咁多point，好在最近發現尖沙咀 The One 商場進駐左間意大利餐廳 THE POINT，主打用火山石窯烤 PIZZA＆意粉為主。為食九龍友唔想過海去銅鑼灣 THE POINT，呢度水準一樣！總評一個字 假日下午2點仲可以食 BYOB (build yr own breakfast) 的感覺。。。。。爽呀！選5款，一定要選擇烤龍葵菇配牛油果，再加烤車厘茄，呢個配搭超好味，茅得輸。平時家用焗爐同佢的焗出來的食品真係無得比！醃完再焗的龍葵菇配蕃茄十分入味，又 keep 住原本的水份。其實未落 BYOB 前，我一坐下即刻 order 左個酒店級別的磨菇湯醫下個肚先，sooooooo creamy，有大片磨菇同好多磨碎的野菌，在湯上淋左olive oil & Parsley，真係啖啖健康食落肚！大滿足！到 Pizza 出場了！我平時不太嗜 pizza，尤其是連鎖店的 PIZZA，我只食1塊，但呢個 9” Pesto Chicken pizza 我倆個人好快KO 哂！有微辣的香辣烤雞，餅底有烤蒜頭、烤茄子，火箭菜，再加上份量剛好的意大利香草醬，所有 pizza 邊是微微的脆，好食到停不了！甜品就試左經理推薦的荔枝奶凍，又滑又香（下次要自己食哂成個先滿足）！再 order 左個不太甜的Brownie 配雲呢拿雪糕，絕配！食飽飽，就 hea 住嘆番杯 Ginger Lemon tea，翻沖第二次熱水都有薑味呀！睇吓有料的茶包！呢杯fruit punch 好足料！…Read More

數星期前在長崎咖啡食過好味的一口蒜子牛肉+石鍋彈牙烏冬set dinner, 所以13/9/2009專誠帶同老公仔去enchour....見到的﹑食落的﹑服務態度已今非昔比.... 一口蒜子牛肉==> 十分亁 & 咸鐵鍋彈牙烏冬==> cheaper 不彈牙烏冬 with 色淡無味湯底!!食到大半, 好奇問下個侍應點解甘差, 是否老闆娘不在？她說拿出來時已覺得同平時不同, 她說幫我換, 但我已無興趣食, 而且老公點o左個雞肉意大利粉也十分難食, 重雪藏味的雞配無味汁意粉。 後來見到老闆娘 只是站在水吧處也不過來解釋, 因她在我上次光顧時我大讚好味, 她主動講解如何選烏冬,為何今次她只是眼超超 埋單也要加10% 服務費....何來值得! 連冷氣也不夠...... my hushand said, no next time.…Read More