eel.little812的個人專頁

今日同朋友去左甚少去嘅啟德體育園零售館搵食，試左呢間「鐵牛台灣牛肉麵」鋪頭喺M2 1樓，環境乾淨光猛，夠晒寛闊坐得幾舒服。必點「半筋半肉麵」，牛筋炆到超軟糯，入口即化。牛肉厚切又唔柴，湯底濃郁帶少少藥材香，轉新竹米粉吸晒湯汁好正！朋友叫嘅「總鋪師私房牛肉麵」更驚喜，湯頭甜辣有層次。材料非常豐富有金錢展、牛肋條、牛筋及牛肚絲，配台南刀削麵超Q彈，掛湯力一流！ 小食方面，「鹽酥小拼盤」炸得金黃脆口，尤其鹽酥雞爆汁唔油膩；「魚酥皮蛋豆腐」冰涼開胃，魚酥脆皮加滑溜豆腐好過癮～飲品推薦蜂蜜綠茶（少冰無糖），蜂蜜香得嚟唔假甜；柳丁椰果綠茶清新解膩，椰果咬落爽口！ 整體份量足、性價比高，台灣風味還原度90%，會再encore！👍 …查看更多

位於美麗華廣場的Mue Mue餐廳以高格調的暗黑系裝潢營造出時尚泰式氛圍。有室內及戶外坐，我哋專登要求坐室外，因為地方好大感覺好chill，菜式更是驚喜無限。**泰式小食薈萃** 作為頭盤別具精緻，泰式蝦多士蝦肉彈牙，多士炸得鬆脆。酸辣無骨鳳爪夠醒胃，香茅雞翼皮脆肉嫩。**炭燒沙嗲牛串**肉質嫩滑再配上沙嗲醬夠晒泰式風味。**泰式椰香鮮雞湯** 椰香樸鼻夾埋滑雞可謂絕配，整個湯都濃滑清甜。**酒香火焰骨** 上桌時點燃火焰，好有儀式感。肉質燉至軟腍，酒香與酸辣汁滲透骨髓， 食到唔捨得停。**泰胡椒和牛炒糯米河** 是亮點，和牛油脂豐腴，糯米河粉鑊氣十足，黑胡椒與泰式香料碰撞出層次。甜品**黑糖椰子雪糕** 濃郁香甜帶有粒粒椰子肉，加增了口感。 坐戶外可以欣賞住夜景再嘆返柸啖啖醇厚**Asahi Black**，更添微醺情趣。 …查看更多

同朋友慶祝生日搵左間靚靚西餐廳位於尖沙咀 The One "Royal Inn" 以歐陸宮廷風格為賣點，怖滿青花瓷擺設，華麗的水晶吊燈與復古裝潢營造出低調奢華的氛圍，適合情侶約會或慶祝特別場合。點選了 seafood dinner set（$788 2位）以**招牌海鮮凍食拼盤**揭開序幕，食材新鮮有時令生蠔飽滿鮮甜，紐西蘭螯蝦肉質爽甜，北海道刺身帶子與三文魚籽的組合更顯鮮味層次，仲有翡翠螺、海蜆及大綠青口，份量與擺盤極具奢華。（+$48）升級**酥皮龍蝦湯**濃郁綿密，酥皮鬆化蘸湯同食更添風味。主菜**香煎鱈魚柳墨汁意大利飯**火候精準，鱈魚外脆內嫩，墨汁飯creamy而不膩。**大蒜蘑菇忌廉烤雞**肉質多汁，醬汁香濃卻略顯厚重。甜品**蘋果肉桂班戟**暖香鬆軟，飲品**牛油果沙冰**的清新與**青檸薄荷梳打**的醒神，完美平衡飽足感。 整體而言性價比合理，菜式新穎突破，環境與服務加分，海鮮愛好者值得一試。…查看更多

一向甚少去葵涌區，今曰有事經開葵興原來這區好多舊式工廈早已活化成美食購物中心。真係冇諗過起呢區可以搵到甘高質嘅cafe。講緊係起葵興地鐵站附近九龍貿易中心（KCC ）8樓 嘅 **Season. Cafe** Cafe以簡約木系裝潢搭配落地玻璃，採光通透，街景盡收眼底，環境清靜舒適，適合獨處或小聚。 **招牌雙蟹肉特制蟹餅** 是驚喜之作！外層酥脆金黃，內裡蟹肉一梳梳夾有雜菜好豐富。**慢煮香蔥牛舌串燒** 牛舌軟嫩帶彈性，香蔥醬油提鮮不膩。**經典全日早餐** 份量十足，炒蛋滑嫩、煙肉焦香，大啡菇好 juicy、香腸脆皮、烤番茄與焗豆，多士配巴馬火腿一齊吃簡直絕配，滿足感滿分。**炸魷魚圈** 粉漿薄脆，又脆又有咬口。 飲品**西柚冷泡烏龍茶**清爽解膩。整體而言，Season. Cafe食材用心、調味細緻，價錢都相當合理。是城市中的療癒角落，值得回訪。…查看更多

如果想食得健康一點不妨可以來試下呢間隱藏在觀塘駱駝漆大廈6樓Day One Cafe. 食物質素誠意十足，環境亦十分舒服。餐廳雖然不算大，但勝在柔和 有格調。餐牌好多都係健康之選，主打低碳及生酮啱晒我呢種注重健康人仕。實在有選擇困難好多都想食，全日早餐有秋葵、牛油果、牛油炒菇都係我好鍾意嘅食材。但又想食慢煮雞胸牛油果沙律 ，最後揀左鮮蝦蕃茄忌廉椰菜花飯$108，加38蚊升級做套餐仲有沙津或餐湯及飲品再加多28蚊有煙三文魚2片😋要左南瓜湯，用來盛湯嘅陶瓷碗裝滿金黃色湯好吸引，湯夠熱味道又濃甜質感幼滑。一向都好想自己試下煮椰菜花飯，但又怕花時間，所以見到餐廳有，一定要點。蕃茄酸酸甜甜好開胃，鮮蝦爽口大隻，椰菜花切碎口感嘅似飯但比食飯更為健康甜品tiramisu入口軟滑，不會太甜，好好食。已經急不及待約定朋友再來😂…查看更多

深水埗一向都是美食林立。今次來到福榮街搵到間食上海菜-上海萬家村小館。店面樸實無華，卻藏著令人驚喜的滬式風味。**雞絲粉皮**爽口開胃，粉皮滑嫩，雞絲撕得細緻，拌上芝麻醬與醋，酸香平衡，是夏日良伴。**上海燻魚**外皮酥脆，魚肉緊實，每塊都吸晒醬汁入味，酸甜度配合得相當到位。**銀牙炒鱔糊客飯**鑊氣十足，鱔段肥美無腥，銀芽爽脆，濃油醬裹著米飯，教人停不了筷。**蟹粉小籠包**精緻且皮薄餡豐，輕輕一咬，湯汁滿滿洶湧出來，蟹粉鮮味突出。**酸辣湯**材料足味道濃，有豆腐、木耳、肉絲及荀絲好豐富，酸辣比例恰到好處，暖胃又醒神。在深水埗能嘗到如此地道及平民價錢上海風味，實屬難得。…查看更多

泰排檔這間地道泰菜小店隱藏在柯士甸站文苑街。雖然店鋪細小，但氣氛熱鬧親切，因為人流不斷，而且店員大部分是泰國人好熱情好有禮貌。讓人彷彿置身於曼谷的路邊攤。同朋友點了4樣食物。飛天通菜，幼身通菜爽脆鮮嫩，炒得火喉剛好，加上辣椒絲及炸蒜又辣又香夠晒惹味。炸豬皮是驚喜之選，外層酥脆，入口卻不會油膩，佐以酸辣醬，是絕佳的小食。炸粟米蝦餅外皮金黃，肥厚豐滿咬下去啖啖肉又彈牙，配合埋粟米的甜味，層次豐富。沙爹雞肉串燒香氣撲鼻，雞肉飽滿嫩滑，花生醬醇厚濃郁，帶少許椰香，令人回味。飲品推介龍眼冰清甜消暑，青檸梳打好清新，解甜解辣。總結來說，泰排檔雖然規模不大，但菜式用心，味道正宗。價格親民，是想念泰國街頭美食時的好選擇。…查看更多

近日與三位好友試了位於將軍澳新都城二期-西塔老太太烤肉推出嘅新四人套餐價錢為$558。菜色豐富且份量十足，絕對是物有所值的。套餐内包括多款招牌菜，從肉類到海鲜，再到甜品，既能滿足味蕾也能满足食量需求。 特色肥牛與瘦牛是套餐中的亮點，肥牛油脂分佈均匀，口感嫩滑，涮煮後香氣四溢；而瘦牛則顯得更清爽，適合喜歡低脂口感的食客。重磅羽下肉肉質鮮嫩且厚實，烤得剛好，带有微微的炭香，令人回味無窮。 海鮮部分的原條烤魷魚是我最喜歡的一道，魷魚外層烤得焦香，内裡依舊保持鮮嫩，再點上醬料食更加錦上添花。風乾腸和秘制猪排也頗具特色，風乾腸鹹香惹味，猪排酱料濃郁，肉質軟嫩入味。 配菜方面，辣炒年糕口感Q彈，辣味適中。最後甜品爆漿糍粑，外皮香脆，内餡甜而不腻。…查看更多

經開旺角發現快富街有間地鋪小店主打食雞鍋幾吸引。店鋪雖細小簡潔，但食物相當真材實料，絕對有驚喜。湯鍋有好多選擇，我哋點選左花膠濃湯雞鍋$75配米粉，另胡椒豬肚雞鍋$62配米線。雞鍋有爐烘住保持住溫度唔怕食食下唔夠熱夠晒暖心。聽聞雞湯係每日新鮮熬製5小時，所以一上枱已急不及待要飲啖湯試下果然係精華所在非常鮮甜。花膠厚身，雞份量都唔少肉質仲好嫩滑。特別鍾意佢果米粉好爽幼配上好多牙菜腐竹好豐富。胡椒豬肚雞鍋味道一樣濃郁，辣辣地好暖胃。配菜都誠意十足有鮮菇、蘿蔔、西芹、雲耳、紅棗，令到胡椒味不會太重，仲帶出辣中帶點清甜而且豬肚都處理得好好不會有腥味。小食就叫左手拍青瓜酸酸辣辣好醒胃。仲有香芹炸墨魚餅，外脆內裡彈牙煙勒帶著香芹香味，好好食…查看更多

想起食泰國菜就必然諗到去九龍城，去九龍城就必定要去小曼谷。今次已經係第三次去小曼谷鮮燒烤屋啦。之前去都未有地鐵站，現在好方便宋皇臺站B2出口行幾分鐘就到。平時都係食夜晚，今次試下午餐時段，見到menu午餐都好多選擇而且好低食。午餐價錢都係$55至$68蚊送冬瓜湯，檸茶檸水加3蚊，特飲就半價優惠。同朋友二人叫左個泰式鮮蝦炒金邊粉$60大大碟有3大蝦隻、豆腐乾、牙菜、韮菜仲有大量花生碎。金邊粉好滑身炒得夠獲氣，集酸甜一身好開胃。另點左個冬蔭海軍海鮮部隊鍋$138好多配料，有青口、蝦、蟹柳、蛋、肉碎、扎肉、帶子同腩肉仲有啲麵索晒冬蔭公湯入晒味，好滿足好飽😋😋😋但最無得頂係個泰式炸蝦餅，形狀成個 donut甘又大又厚，一般蝦餅好少見甘厚身，炸到黃金色賣相出色超鍾意。…查看更多

天氣凍打邊爐係最好不過。起深水埗福華街39號有間叫舅父仔火鍋專門店好似話幾唔錯。雖然地點比較偏僻，但由太子地鐵站行過去就較為近些。臨近聖誕關係，店鋪都有好多聖誕裝飾好有氣氛，加埋暖笠笠嘅火鍋好溫暖😊叫左個精選4人套餐$828選左芫茜皮蛋豆腐湯底小食4選2，我哋要左黃金炸魚皮和蟹籽墨魚薄餅。魚皮沾左咸蛋黃一齊炸，好香好惹味。個墨魚薄餅煙煙靭靭好濃墨魚味。另外單點左個黃金炸嚮鈴同樣用左咸蛋黃醬，炸得非常酥脆，不油膩。招牌四寶丸（八粒），最鐘意係蝦丸及墨丸爽口彈牙。封門柳好大碟，肉質鬆軟，就算淥耐左也不易變靭。西班牙黑豚肉，肉質鮮嫩，油花細緻。仲有魚片頭、自家製餃子都好好味。仲要讚下店員招待貼心，服務態度好好，食得好開心😋…查看更多

知道呢間位於尖沙咀麼地道地下鋪"鐵板超" 而家午市套餐做緊66折優惠，唔黎試下對唔住自己🤣店鋪好大每個角落都怖滿figure公仔，尤其係咸蛋超人，見到都開心。選左個二人前餐$2188先來個前菜，有合桃小魚乾 、芥辣八爪魚仲有新鮮沙律菜，令人胃口大開。銀雪魚煎到魚皮金黃脆卜卜，魚肉厚身嫩滑。原隻活龍蝦，斤兩十足，烹調得恰到好處令蝦肉爽口彈牙。蝦頭用來煮湯加埋豆腐、昆布鮮甜都極點。法國鵝肝多士，鵝肝肥厚油潤，入口溶化。食完再食燒菠蘿完全不覺油膩，感覺仲好清新。今餐有好多驚喜，第一個驚喜就係為我哋下廚係一位後生靚女廚師，通常日本料理都係男廚師多，好少見女的。第二個驚喜就係呢個蝦乾蟹子炒飯，一個看似簡單平凡嘅炒飯，但食起來色香味俱全。整到成心型俾我哋打卡，飯炒到粒粒分明金黃。最後仲細心問我哋需唔需要加隻蛋，要太陽蛋、煎蛋、還是荷包蛋？呢個炒飯真係好暖心😂最後驚喜係品嘗完所有美食後，靚女廚師仲畫左福畫祝我哋每日都開開心心😊，呢餐真係低食，驚喜，大滿足😋😋…查看更多

天氣轉涼了，打邊爐係最住選擇。朋友介紹尖沙咀厚福街有間叫"鮮入圍煮" 個花膠雞湯底係好正，一定要試。花膠雞湯$308果然名不虛傳，金黃色淨係睇色澤已經知係用左好長時間熬製味道應該係好濃郁。急不及待要飲啖湯先，果然超濃甜。花膠又大又厚，雞肉嫩滑鮮甜又夠多肉。店員好貼心幫我哋剪開花膠及雞。湯實在太甜太好飲，攪到我哋唔捨得放啲料落去，飲完仲覺得暖笠笠。爽脆牛黃喉$65第一次食牛黃喉，望落質感似魷魚，但食落好爽脆。牛骨髓$65好大碟條條都好肥美滑嘟嘟。胡椒豬肚貢丸$55爽口彈牙滲出淡淡胡椒香味。澳洲和牛牛展肉$168細細塊灼一灼就食得，牛肉味濃厚，又大碟。油麥菜x2 $86，鮮嫩荀尖片$43同樣都係新鮮清甜爽口。…查看更多

尖沙咀厚福街美食林立一向都知，但無諗過除左美食之外，仲可以食埋環境。就係呢間位於H8 9樓"Amitie Kitchen"嘅西餐廳裡面優雅闊落，情調十足坐得舒服。3款熱辣辣餐前麵包伴有牛油及士多啤梨醬。其中牛角包最好味又鬆又香，唔使搽牛油都已經有好香牛油味。火炙半熟三文魚伴紫蘇莎莎經過輕輕火炙，呈現半熟狀態，表面焦香，裡面仍嫩滑，加上厚切口感豐富。牛肝菌露筍意大利飯牛肝菌香味浸透每口飯，加左蘆筍令飯一點也不膩。最值得一讚係80z美國頂級西冷，點了五成熟，熟度剛剛好，肉質仍粉嫩，沒有血水，外面煎得焦香但肉汁仍鎖住，非常正黃金蟹餅炸得香脆不油膩，包著滿滿蟹肉，如果不是要留肚食甜品，可以食多個😂法式橙酒煮班戟橙味道濃烈，雲呢拿雪糕味同樣突出，酸中帶甜，甜中又帶酸，配搭清新。…查看更多

最近發現原來太子汝洲街有好多特色美食小店。其中有間泰北麵專門店見門口貼左好多介紹佢哋啲粉麵 ，其中最吸引係招牌泰北金醬撈麵。靈魂醬汁係自家制用上大量新鮮香草及香料手工研磨而成，有別於一般咖喱醬，再配上全蛋麵好特別。店鋪雖細小，但企理乾淨，有啲小擺設充滿著泰國風味。用QR Code點餐好方便，好多選擇，淨係粉麵都好多款，仲有其他小食。招牌金麵必試，點左個泰北安格斯牛肋條金麵有一隻🌶️應該唔會好辣。金麵食法有步驟，要先壓碎球形炸麵，再將秘製辣椒油，乾蔥，酸菜等配料加埋兩種口感麵撈埋一齊，軟脆麵掛滿晒醬汁好豐富，而且辣道適中。牛肋骨亦好腍身。泰式烤豬頸肉簿切爽脆，點埋魚露夠惹味小食拼盤有炸魚餅、簿脆蝦餅、泰北香腸、炸豬皮、仲有泰式炸雞。其中最鍾意係泰北香腸香茅味濃郁，仲有炸豬皮脆口到食唔停。…查看更多