eateatplay's Profile

今晚約朋友放工食飯, 佢話食過呢間台灣野, 但係可以打邊爐, 份量ok又抵食, 加上女仔未切食好多野, 如果2個人出去放題食唔到幾多野又貴, 所以佢就叫我黎食。其實我地食18:00有啲早，上到去無咩人, 但到19:00左右已經好FULL~我本身一心諗住黎打邊爐, 點知佢話有新野, 係煲仔飯, 所以我同朋友決定叫一個煲仔飯同一個一人邊爐~個邊爐包一份菜+配料，一份肉同一個主食~ 我地加左錢要牛頸脊, 個肉好好食同埋好新鮮~ 之後到個三杯雞煲仔飯, 上枱時個飯出哂煙, 勁香，我鍾意佢另外俾左支豉油同油我地自己調味~ 個飯好好食, 個雞夠滑，撈埋啲飯焦有唔同口感真係無得頂，食哂之後我先同朋友講我地應該留番啲飯焦，再加埋打邊爐個湯一齊食應該仲好味。佢話既然係咁, 我地唯有下次再黎啦~ lol而且呢個set真係好抵, 佢仲有小食+菜~ 同埋我真係想講下杯白桃烏龍走糖，我仲走埋冰，呢個都係我平時飲開既野, 雖然佢個樣平平無奇, 但我想講佢茶底好濃，仲有好清香既白桃味, 呢杯野反而令我好驚喜~…Read More

黎呢間餐廳真係俾佢個名吸引左，好得意叫自己電力公司~ 入到去餐廳環境好舒服，好鍾意佢有個醬料bar, 有好多款唔同既醬料俾客人揀我同朋友叫左個set, 一開始上左個牛刺身, ，滑到呢~ 之後到招牌極生牛肉佐帕瑪森起司，呢個好好食, 個他他勁厚，係每一啖啲他他都會多到爆哂出黎~ 而且個parmesan cheese同個牛好夾!之後到牛月見金磚/A5和牛牛小排/牛舌厚切，塊肉好大舊，全部都係厚切，佢燒到外面脆, 裡面仲係好腍，唔同部份都有唔同口感，靈魂係個月見汁，真係好好食~ 之後到菲力牛排佐香蒜奶油, 如果鍾意個牛熟啲，呢個真係推介, 佢個汁真係世一~ 呢個係首先會燒一燒個牛既表面，之後再剪開細粒啲連埋個汁一齊煮熟，個汁好香蒜味，食到停唔到~最後就係山藥+櫛瓜+帶子,  特別推介個山藥, 燒到有網紋就食得，佢好脆口~ 咩都唔加可以中和番之前食牛既油膩感!呢間餐廳真係highly recommed, 除左啲食物高質，店員都好高質~ LOL , 佢地每上一道菜都會好詳細介紹咩部分, 可以點燒, 燒幾耐同襯咩食最好, 而且仲會幫你燒埋, 佢地每一個都好有禮貌, 睇得出佢地真係好用心!! …Read More

今晚同朋友去左IFC食飯, 食完呢餐真係好滿足，環境好靚，食飯時又可以望住個海。然後每道菜無論賣相同味道都係一流。我同朋友叫左個set叫世味人生，話明世味人生，入面一定係好多味道。第一個菜係慢煮雲南辣泡椒皇帝帶子, 粒帶子又厚又大粒，好鮮~ 個泡椒唔係好辣，加埋一齊好好味我好鍾意個象拔蚌夜香花乾貝燉夏瓜湯, 呢個時間飲呢個湯真係好啱, 而且裡面好多海鮮，成個湯勁鮮甜~私房吉品溏心乾鮑魚扣鵝掌都好好味，鮑魚同鵝掌都好入味呢個古越龍山20年花雕蛋蒸海蝦好得意，上菜既時候侍應會問你飲唔飲酒，然後佢喺個蒸蛋上面噴左幾下花雕，個蛋好滑好香~食左一輪野，佢就上左個珍寶珠去清一清個口~ 佢其實係一個sorbet, 我唔知呢個味既英文, 但佢食落似山渣，酸酸甜甜好開胃~呢個鹹酸菜奶油濃魚湯生煎麒麟魚係我另一個favourite, 佢個湯底係酸菜魚既味，加埋個魚真係好出色。個麒麟魚煎得好香好脆，浸下個湯一齊食, 有2個口感~ 之後到砂鍋菌香雞, 呢個雞上之前侍應會喺側邊用砂鍋炒香啲雞再上碟，佢全部都係雞脾肉，個雞好滑好入味~黎到最後一個鹹點，就係呢個石頭魚蝦米節瓜湯浸鴛鴦米，比起頭先既菜，呢個係比較清淡，但其實個魚湯好濃魚味，為鹹點劃上句號好適合~終於真係黎到最後一味20年陳皮鐵觀音雪糕~ 呢個真係好好食, 除左面頭既雪糕，下面仲有一層鐵觀音味既啫喱，2個mix埋一齊食好正! 今晚完全係極大享受，呢度樣樣野都好好食! 所有野都perfect!…Read More

凍凍地最啱打邊爐~ 今日同幾個朋友黎左試呢間，一入到去已經俾佢個裝修吸引，好以前香港，而且所有野都有detail, 最正係連放野食個架係用以前曬野個架黎放, 連啲衫同袋都係用滕籃黎放~我地4個人叫左個咯咯花膠雞湯湯底，一黎到個湯係同啲料分開，姐姐叫我地飲完湯先落料，個湯好好飲，好濃雞味，而且仲好暖胃。而且見到有好多雞同花膠好大條, 呢個湯底真係力推。另外要推介呢間餐廳既肉, 我地叫左黑毛豬、頂級安格斯牛頸脊同滑牛, 佢全部肉都好新鮮, 而且肥瘦均勻。個人最鍾意滑牛，因為真係好滑~另外再推介芝士獅子狗同午餐肉餃。午餐肉餃出面好少食到，佢好大粒而且好飽滿。而個獅子狗，我鍾意佢個芝士係藏喺粒丸入面而唔係就咁塞落個窿，所以啲芝士係完完整整就留番喺粒丸入面。食到最後，原來餐廳送西瓜做甜品，又甜又凍既西瓜為呢餐邊爐畫上完滿既句號~…Read More

一去到間餐廳既門口真係少女心爆發，佢門口有好多藍藍紫紫既繡球花，加埋圍滿左花既圓形拱門，除左打卡一流，仲好適合情侶黎，餐廳入面燈光比較暗，好有情調，好啱情侶慢慢食慢慢談心~我同朋友叫左一個龍蝦湯share, 一個扒、一個西班牙海鮮飯、一個Apple Cinnamon Crepe, 朋友仲order jor 個Latte~個龍蝦湯唔單止靚，仲好濃龍蝦味，佢跟埋嗰塊包(應該係)，因為口感唔似包, 反而似曲奇，但佢帶有甜味，點湯食好好食~之後係西班牙海鮮飯，個賣相好靚，仲有好多海鮮，隻入面仲有好多蕃茄粒，酸酸地好開胃~我幾鍾意個steak係切埋先上碟，唔洗自己慢慢切，個焗著係風琴焗薯, 可能切到薄薄一片片咁食，個皮好脆但入面個薯仔又稔, 正~最後係個甜品Apple Cinnamon Crepe, 我真係好鍾意呢個甜品，個個皮煎得好香，連埋啲蘋果同cream一齊放入口真係好好味，加上佢仲有好多杏仁片做topping, 除左更香之後，脆脆既杏仁片令到個crepe更有口感~…Read More

呢個氣鍋雞套餐真係好抵食，而且樣樣野都好味~ 一開始店員上左個氣鍋雞，啲姐姐好好, 每枱都會叫客人趁熱飲左湯先，個湯好濃雞味，入面仲有好多菇同竹笙，而家天氣涼涼地，啖雞湯真係暖入心，佢係2人份, 每人用碗仔都有2-3碗既份量都幾多~之後係個昭通醬雞翼, 我問姐姐咩係昭通醬, 佢話昭通係一個地方, 雞翼既味係鹹鹹地又有少少辣, 如果講要似咩味應該係少少似蝦醬但無咁鹹，而且啲雞肉好嫰好juicy, 送飯一流個酸菜魚好特別，同平時出面食唔同，一上枱已經聞到好香，佢有一層油喺面，而且仲有一堆蒜，撈埋一齊真係令個魚生色不少~ 而且份量都唔係細, 佢個魚係鱸魚，一啲泥味都無，而且仲有好多配料同薯粉襯底，真係好好食!小鍋湯米線都好出色，我鍾意個米線好稔, 佢地話咁樣先係正宗，如果唔係已經飲左湯，我相信我會飲埋米線個湯~最後就係玫瑰冰冰粉, 食完一輪辣野再食個冰冰粉真係好爽，好香既玫瑰味，仲加左好多芝麻好香!…Read More

今晚黎左佐敦呢間餐廳食飯，去到餐廳大約19:30，但係已經差唔多full house, 一入到去, 侍應姐姐超細心，俾左個籃我地放袋~ 然後再見到原來間餐廳好大，有兩層~我同朋友叫左個2人餐，一開始上左個餐湯，係忌廉湯，然後就上左個ceaser salad，個人好鍾意個沙律，因為佢每一棵菜都係醬汁，你係feel到佢個菜唔係是但撈, 而且個汁調得好好食~之後就到個牛扒，牛扒好juicy，加埋個汁好好食，但係我好鍾意個焗薯，因為唔係太多地方會上焗薯，雖然上面係有少少脆煙肉同沙律醬，但簡簡單單配埋個肉已經好好食~之後係個龍蝦汁虎蝦意大利飯，呢個真係一流，因為佢個龍蝦汁真係好濃，而且飯入面好多料，菇啦、三色椒、露筍同蜆肉，呢個真係真心好食~最後就甜品啦, 甜品係有驚喜, 佢地改左雪糕唔洗加錢，我一心諗住跟餐又唔洗加錢都係普通雪糕，點知係Movenpick仲有幾隻味可以揀~ 個芝士蛋糕更加正, 佢decorate得勁靚!…Read More

今晚同朋友黎左呢間cafe食飯，真係從來都唔知旺角會有呢啲樓上cafe。入餐廳既時候其實已經差唔多full house, 黎遲一步都可能無位 。侍應姐姐帶左我同朋友入房，我地好開心因為有個空間可以靜靜地傾偈。但其實呢間房book黎開party 都好正, 坐到10幾人，而且一班人又有自己既空間~呢度令我好頭痛既係揀野飲, 因為啲野飲都好多款同好特別，最後揀左水蜜桃乳酪，杯野唔會太甜，而且好香水蜜桃味，我鍾意佢夠厚身，感覺即刻再抵啲~ LOL之後因為朋友唔肚餓，我地只係叫左一個小食同一個set dinner，另外加左$38有多個沙律同cake。講下個小食拼盤先，入面有咖哩角、雞翼、芝士條、餃子同洋蔥圈，好開心因為我樣樣都鍾意食，特別係個芝士棒，見到佢拉絲個下真係好興奮~另外我覺得個煙三文魚忌廉蕃茄醬意粉好好食，入面仲有蕃茄同菇，因為個茄汁溝左忌廉，即刻覺得個味道好rich，而且個汁做得好滑，又唔酸，塊三文魚又鋪得靚, 呢個真係推薦~…Read More

今晚同一班朋友烚下烚下，朋友搵到呢間火鍋店。首先佢個位置真係無得輸，方便到一個點，超級易搵~ 喺門口望落去，就好似時光隧道咁，所有既裝修都同機場/旅行有關~ 入到餐廳，佢仲有4間房，但去到4間房都full哂，不過有見到啲房原來每間都唔同主題，我地見到有日本同印度做主題既房，同埋原來度仲可以唱埋K，如果成班朋友book間房打邊爐又唱K應該都幾開心~講下野食先，首先推介呢度既牛，我地叫左一個牛頸脊同一個手切嫰牛，啲好有牛味同埋真係好滑~ 另外我覺得有幾樣特式野食真係要試，包括風塵三俠(手打墨魚滑、蝦滑同雞滑) ，墨魚滑同蝦滑食得多，雞真係少，但係佢3個滑都好好食~ .另外係佢啲餃，我地除左魚皮餃之外其他餃都試哂，啲餃好紮實好多餡，最特別係XO醬鮑魚鮮蝦餃~ 之後係伊比利亞豬肋條，佢熟左之後個樣真心唔吸引，因為好似好"諧"咁，但唔好俾佢個樣呃左，因為食落去食腍滑架~最後係日本國產雞頸肉，呢個大家真係好期待，因為個個都想知雞頸去邊切啲肉出黎，但原來佢舊肉都唔細，呢個真係夠特別~呀同埋可以食埋台灣水蓮，因為呢種菜出面好少有~ …Read More

今晚同朋友食生日飯，條友仔話想打卡，我就醒起自己之前黎過呢間，覺得唔錯所以再黎~ 因為呢度既野飲可以打卡到一個點實在令我太印象深刻LOL今次黎食物同野飲都多左選擇，同朋友叫左2個飲品、2個Main, 1個小食同一個dessert~ 講下個松葉蟹膏蟹肉配蟹子貓耳朵意粉先, 個意粉賣相好靚，好香蟹糕味，我都幾鍾意個貓耳朵，因為唔太多餐廳有~ 佢大部分材料既質地都係腍既，所以我幾鍾意個蟹子，因為佢既質感完全唔一樣，令到呢個食物多左另一個質感~之後係比目魚扒，其實佢都大碟，個魚好滑，但個魚皮好脆，而且佢個底係布滿薯蓉，仲有好多蔬菜，個薯蓉除左牛油我仲食到孜然味，佢用黎拌啲菜一齊食好好味~當然唔少得個Birdie, 個野飲用隻雀既杯裝住，外面有個籠，我地淨係影相都玩左好耐~ 杯野好好飲，唔算重酒味，而且有好香既橙味，正!因為朋友生日所以點左個dessert, 好可惜佢個tiramisu賣哂, 如果唔係真係好想試，但個玉桂蘋果牛角包窩夫都好好味，好多蘋果粒，好熱既牛角包窩夫再加埋啲雪糕一齊放入口超正!!…Read More

今日出開黎旺角，Happy Friday又想食好啲啲但又唔想太貴食個lunch, 又驚食飯時間多人所以同朋友食左個早早地既Lunch, 朋友鍾意食牛又見到呢間可以自己燒好得意，所以就黎左呢度, 佢開12:00，我地又真係12:00就到所以我地包場~ 不過我地13:00走都已經full house~我同朋友分別叫左個御燒極上級吉列牛同御燒特級牛小排，佢本身跟白飯，我地就加左錢跟有飯素既飯、流心蛋同仲有個野飲~ 然就勁快就已經野上菜~佢一上菜成盤野望上去已經勁豐富，其實佢個份量都好大，勁多片肉，個流心蛋個顏色超吸引，而且個飯面鋪滿左飯素，一啲都唔孤寒~ 店員好好，幫我地點火時再三叮囑我地要小心熱，同埋又教我地燒左個肥膏啲油出黎先燒~講下個 吉列牛先，個牛本身肉質好，一啲都唔韌，燒既時候燒埋包左粉既位就真係外脆內軟~ 而且個sauce好好味，一定要點醬食至於個牛小排就更正，因為佢本身比吉列牛薄，所以更滑更易控制幾成熟我都幾鍾意咁樣食，可以自己控制個牛幾成熟，又有得好似煮下野咁唔係齋食~ 正!…Read More

今晚同朋友食生日飯所以想食好啲，呢間餐廳好近地鐵站又勁易玩。入到去已經好鍾意個裝修，牆上好多畫同裝飾，真係勁日本~ 而且原來佢有2層，地方都好大~真心我同朋友食左12樣野，樣樣都好好食，但有啲真係要推介第一個係佢地自家製既梅酒，其實上樓梯既時候已經見到一jar jar浸緊既梅酒，呢個梅酒有好香好濃既梅味，真係勁好飲!之後係個紅酒燴牛面頰，佢入面所有既材料都煮到好腍好入味，個牛真係入口即溶，我同朋友連入面所有既洋蔥同配菜都食哂，真係得番個汁，如果有白飯我相信地會連啲汁都唔放過LOL仲有免治雞肉軟骨棒，呢個棒好結實，好好食，但個sauce令到佢個味道再昇華，我食每一啖都將個軟骨棒浸落個sauce先放入口~跟住係海鮮野菜魚餅，老闆娘(應該係) 話呢個入面有墨魚、蝦同魚，再加左啲蘿蔔，首先炸左定左形再燒，呢個真係心機野，同埋佢真係好好食!最後係呢個頂級小牛排，其實我地本身無叫既，只係見到隔離枱有叫，個樣好得，而且又偷聽到老闆娘同佢地介紹所以我地跟風。老闆娘問我地幾成熟，我本身話7成，老闆娘建議5成好啲，7成佢驚會韌，食完之後我真係覺得佢講得好啱，而且呢個牛既牛味好重，超好食!!…Read More

今日黎呢度食左個early dinner~ 雖然呢間餐廳唔係喺正大街，但喺加連威老道入嘉蘭圍個路口已經望到，勁易搵~ 一去到見到門口句野已經覺得好正~我地2個人叫左3樣野，我就叫左杯cocktail, 首先講下杯cocktail先，佢叫Apple Spumoni, 入面有Orange juice, apple juice, vodka同gin, 但呢杯野好好飲，橙味勁啲，但加少少既酒香，好易入口亦都好啱女仔飲~跟住係四式拼盆，入面有雞球、墨魚餅、蝦餅同春卷。一上菜我同朋友都嘩左一聲，因為其實都好大盤，你睇下個蝦餅既厚度，係平時人地既2倍，4樣野都好食，但係我鍾意個春卷，入面有好爽口既蘿蔔，除左個泰式辣醬，佢仲有個自己調既泰式汁，個汁辣辣地酸酸地，好好食~ 而且一上枱每樣野都仲係好熱好脆，正!!不過我要特別講個火山排骨，佢係最後上，其實食完個拼盤同咖哩已經飽飽地，因為佢份量真係唔細，但係呢個火山排骨一出我地真係嚇親。喂呢個係面盤黎架喎~ 佢唔係淨係個兜大，個排骨都好大塊，佢真係不得了喎。雖然大塊，但係好好味，佢個汁做得好好，佢用左好多香草，酸酸辣辣好開胃，而且個排骨好入味，就算飽我地都各人食左3件，最後要打包~ 不過我地好失儀咁除左個排骨，我地捧起左個面盆倒哂啲汁落個膠盒度一齊帶走LOL，呢個汁如果用黎撈粉食一定會好好食~ …Read More

平時食韓燒/韓國菜都係去啲餐廳一份份咁叫，無咩食過韓式放題，同朋友到餐廳時已經20:00，但門口仲有幾堆人等緊入座。好在好快已經有位，我地揀左大君御膳set, 轉個侍應姐姐就極速拎左個大君御膳set既專屬menu同埋配菜俾我地。好得意你可以喺塊膠牌上面寫番個食物no.同數量，寫完之後啲食物又係極速送到。去睇下啲野飲，原來燒酒都係任飲，比起出面既韓式餐廳呢度真係好抵~個人推介以下幾款食物- LA牛排、辣調味雞腿肉、調味雞翼同豬五花腩。另外個涼拌海青菜都好好食，而且呢個出面好少有得食。不過除左燒肉，最開心係有堆熟食，我勁鍾意個炒年糕，海帶湯同辣海鮮豆腐湯都好好味。雖然韓國人食烤肉最後會食水冷麵，但我會食辛辣麵，食完碗辛辣麵就覺得好完滿。另外本身唔知有雪條，但見到有人食，最近搵左輪先見到原來喺cashier隔離有個雪櫃，入面有幾款雪條。就算飽到上頸都要隊番支蜜瓜味雪條。呂呢一晚真係勁滿足!!!…Read More

今晚同朋友2個人黎試呢間西餐，2個人叫左一個set dinner, 另外加左個蝦蟹糕蟹肉帶子意大利飯同凱撒沙律配煙三文魚~ 佢首先上左個跟餐既沙律，係黑松露野菌沙律，其實叫既時候無為意，反正間間西餐個沙律都基本係菜同蕃茄，都係唔駛煮既野，但佢上菜時見到個沙律有雜菌係有驚喜，而且份量都唔細，個汁酸酸地好開胃~因為我地想食菜所以另外叫左個凱撒沙律配煙三文魚，上菜時見到嗰隻動L既溫泉玉子無辦法唔心心眼，當我篤爆個黃嗰一刻心裡面真係有啲興奮LOL~之後就到個燒澳洲肉眼扒，呢個其實有驚喜，驚喜在嗰個原隻上既爆蒜頭! 我真係勁鍾意蒜!! 同埋之前食扒都無咩餐廳會咁整，個蒜應係加左啲油去焗，已經焗到裡面超腍，一野將啲蒜唧哂出黎，用啲蒜加埋塊扒再點埋個汁一齊食真係好好味呀! 而且塊扒好juicy好易切開，勁正! 最後就係個蝦蟹糕蟹肉帶子意大利飯，佢好香既蟹糕味，個飯都有咬口，2粒帶子好大粒，仲好爽口，其實我地叫既份量對2個女仔黎講都係多，但勁飽都會想繼續食~ 真心覺得呢個必食! …Read More