SayYes's Profile

去時新時, 成日見附近間好似五金店門口成日有好多人.. 之後朋友話有間嘢賣雞蛋仔, 好多人食.. 啊, 原來係呢間.. 好細心啊, 用派籌形式, 仲有電視睇, 雞蛋仔整起仲會用風機吹下佢, 等佢脆啲.. 第一次試原味.. 噢, 脆就係脆, 不過, 對我嚟講, 偏甜, 比一路以來食過0既雞蛋仔都要甜, 我諗係加咗好多糖.. 唔咁我口味.. 因為佢有賣朱古力味, 咁我估啲雞蛋仔'將'會同啲朱古力夾啲.. 所以, 第二次我試朱古力.. 果然係夾.... 不過, 因為太甜... 無興趣買第三次.. 但係, 佢啲夾餅好好味... …Read More

前兩日先食完, 今日媽媽同我都想再食.. 我依然叫招牌酸辣noodle.. 媽媽試新嘢, 藥善noodle... both are good... BUT 點知... 份量少咗成截.... 點解會咁架? 湯就多咗好咗, 粉同配料就少咗好多...望一望, 前日個肥仔係waiter, 今日佢係廚師... 唔知邊個先係正式廚師 =.="不過, 味道一樣咁好味.. 雖然waiter 唔同咗, 變咗做肥叔叔, 但係, 服務依然好.. 都係有求必應, 讚~ 只係呢樣嘢, 已經值有要求的我再回頭.. 今日試咗串燒, 都細串, 但又幾好味喎... 可以再食, 但係如果係今日0既份量, 就唔係抵食, 而係正常囉... …Read More

幾年前第一次食, 買了一碗細的, 一個人吃太多了, 但覺得好好味.. 往後有機會來到北角都會再試.. 但係發覺佢價錢一路加, 份量一路縮.. 不過, 乜罷, 反正, 品質越來越不像樣... 最初開檔時, 賣點係老板兄弟班, 親自清洗材料, 確保乾淨, 而家開咗幾間分店, 無可能全部係佢地自己洗卦... 所以最近幾次食都食出'腥'味.. 不太敢再吃...…Read More

今日同媽媽帶狗狗去旺角例檢, 順手行街街..到夜晚, 經過呢間東東, 其實唔太知食乜, 只知我當時好想去厠所, 而媽媽又叫咗好耐肚餓... 因為帶住狗狗, 好多地方都唔敢去, 因為見呢間度門好大, 所以問下比唔比我帶狗狗入, 而我地亦只會坐門口 (怕影響佢地做生意嘛.. )... 媽媽怕辣, 叫了走辣米線... 我其實唔肚餓(沿路掃了街^^), 但都叫了一碗酸辣粉... wow... 實在太棒了, 原來就係紅磡聯記川王果隻酸辣粉, 份量多成一倍, 價錢只係$18.... 大碗到我食唔晒, 要打包.. XDD..味道: 好味.. 比X 記好好多, 因為唔會只係見一味多油.. 份量: 大碗得很.. 尤其是比起X 記.. 價錢: 抵, 咁大碗, 又多配料先$18... 我見人地食套餐, 粉+餸+菜+唔知乜, 先$45... OK 抵喎都..服務: 那位肥仔服務好好, 有求必應, 唔會黑面.. (首先我問佢可唔可以帶狗入去, 坐門口, 佢仲建議我門可以將狗狗扣住响門把上; 跟住我想去厠所, 佢立即帶路; 粉來了, 因為粉太多, 湯變相唔夠, 佢又即刻比湯我加; 最後, 我實在太飽食咗幾啖, 唯有打包, 佢比晒成套外賣用具我 - 紙碗, 蓋, 膠袋, 快子用具(不過, 因為我番屋企會食, 所以比番套快子用具佢, 環保啲嘛..)地點: 方便過, 兆萬右手邊 (唔係女人街果邊), 不過要過咗彌敦道0既果邊囉... 無咁旺.. 一定會再去.. …Read More

本來好開心, 小西灣有間嘢上報紙, 仲要講到之前幾好, 由响尖沙咀搬去唔知邊, 跟住再搬嚟, 好似都有啲名氣..今日同媽媽去完街就去呢間嘢都食晚餐.. 點知, 好巴閉囉, 有落場時間, 門口貼住張紙: " 5:30-6:30休息", 好彩, 我地到果時已經係6:24pm... 不夠幾分鐘, 已經有大概十幾日响門口聚集, 有人係拎住呢間嘢前幾日0既報紙訪間而來添.. 因為我唔太餓, 而且之前見到呢度啲食評有讚有彈, 一心只係想見識下, 到底係好味定唔好味.. 媽媽又細食.. 所以, 只係叫咗一個牛根撈noodle 同豬頸肉叻沙... 仲以為叻沙係湯上添.. 點知同撈noodle 一樣味.. =.=" 味道 "差" : 兩個noodle 都係甜到無人有, 筲箕灣安利好味過佢十倍... 媽媽係咁話好多油好多油.. (唉, 我都無辦法架, 我都係一心襯虛啫)價錢 "貴" : 牛根撈noodle ($32); 豬頸肉叻沙 ($39), 好彩唔駛加一...份量 "少" : 碟牛根撈一來, 我一望 "心諗: 咁細碟? 夠邊個食?"; 跟住嚟0既叻沙仲得人驚, 份量少得可憐, 相信要超細食0既女仔先食得飽囉.. (好彩, 我唔餓咋) 每碟noodle 都放咗兩舊"粗切"青瓜, 可謂粗切? 就係切得好求其囉.. XDD.. 同食咖哩入面見到0既薯仔一樣咁一舊舊囉.. 就好呀蘇成日講0既滾刀切嘞.. 都有幾條芽菜0既.. 本來想叫碟芽菜, 但係我見到隔離枱叫0既炒芽菜咁細碟, 就唔想叫lu.. 三十幾, 四十蚊一碟, 博唔過.. (無影相, 無心機影, 反正其他人都影咗)服務 "差" : 媽媽食到勞氣, 因為佢地個杯係小朋友杯, 成日要人地叫佢針水, 仲要針唔滿.. =.="環境 "差" : 店內都仲OK, 但係佢本身無厠所, 要攞key, 跟住經過一條wu joe 0既後巷去公用厠.. 兩個人食咗$70, 但係唔會飽, 呢度係屋材區, 睇怕除非成日有人老遠走入嚟食佢, 否則, 街坊只會比佢扼到一次, 唔會回頭.. 起碼, 我媽媽呢個師奶就一路食, 一路話早知去樓下間 "潮州宛"... 雖然我住附近, 但係, 總之, 比我就止此一次, 失望.. 小西灣, 點解無好嘢食架.. >.<…Read More

前年响中環番工, 幾乎日日幫襯... 不過, 食嚟食去都係果幾款.. 今日去見工, 經過又去買嚟食.. 但係, 我至愛0既"不溶芝士飽" 賣晒, 失望..>.<咁樣, 我就買咗芒果糯米糍, 竹炭蛋糕, 同埋都甩球... 樣樣都好味.. 尤其是都甩球, 外表不吸引, 但係內裏, 竟然有點juicy.. so good.. …Read More

上星期睇到報紙介紹, 入到嚟又見到4個食評, 講到好吸引.. 本來急不及待想早幾日試, 但係因為要温書, 今日先有機會去到.. 晚上八點左右去到, 要排隊.. 原因係收錢及落order 果位姨姨都幾慢下, 但係情有可原, 因為佢每個客人都好好呼待, 真係好nice..前面有個男人想買雞翼, 可惜無貨, 果位姨姨用心解釋, 但係反而個男人聽唔明.. 香港人真係太急了, 人地想你明白點解無得賣比你啫.. 唔通真係只識聽"賣晒" 呢兩個字? haha..呢個姨姨應該都係韓國人, 因為口音唔正, 但佢肯定唔係老闆娘, 因為佢老公同囡囡(好cute的)响出面.. (我係從佢同整嘢食啲人0既對話得知 ^^)咁個男人改咗要粉絲同泡菜餅, 之後改order要海鮮餅.. 粉絲係叮熱... (=.=) 攪到我無興趣買...跟住, 點知出咗個海鮮餅, 都係叮熱, 望落好細份...最後出番個泡菜餅, 都係叮熱?! 點解咁架... 有啲失望... (可能好多間嘢都係番叮嘢食比客, 但係睇住佢叮, 感覺就唔太好, 不如你比我拎番屋企叮, 仲熱啲... XDD)結果, 我買咗一份炒年糕, 一份泡菜.. 炒年糕原來唔係炒架, 而係一大盆浸住响啲醬汁入面, 然後'不' 入個碗度賣.. 味道呢, 啲汁甜甜地, 略帶微辣(甜多過辣), 有幾絲類似椰菜响入面(初時以為係泡菜, 但食落一啲都唔似, 似椰菜味多啲), 年糕都煙un, 本身無味, 要點汁食先得, 不過因為本來以為佢係炒, 諗住會香口, 所以有點點失望..份量呢, 望落去唔多, 但係一個人食完之後超飽, 可能係糯米做0既關係.. 所以本來因為份量少,就覺得貴, 但係食完因為都覺得飽, 所以都OK..泡菜係帶番屋企.. 因為唔知可以放幾耐, 所以問咗個姨姨好耐, 佢又好有心機咁話我知 - 起碼可以放一個月, 就算酸咗, 都可以用來炒豬腩肉(又學到嘢喇^^) - 攪到後面排長龍(係買完, 離開時先發覺, 真係唔好意思, 阻住人地做生意)..番到屋企一打開, 嘩, 真係好多下喎, 我仲拎去磅下, 多過超市賣果隻好多囉.. (要知道入面係菜多過汁, 所以份量絶無戲場)..味道呢, 好似之前有位食者咁講, 生.. 好生, 所以無乜味咁.. 我不太好咁生, 所以會放多幾日先食.. ^^會再去, 下次試飯.…Read More

睇咗近期食評, 唯一想法係:"點解唔早啲比我知道有呢間嘢, 等我可以早啲試佢, 咁咪可能可以試到佢好味果時係幾好味囉... =.="我只係近幾個月先有機會去試呢間嘢, 不過, 其實試過一次已經唔太想再試, 主要原因就好似其他人咁講"大多油", 仲記得果次係食雞絲粉條(定粉皮?), 一打開個盒, 嘩, 勁多油囉, 份量又少, 望落去全部嘢都好似係比油浸住咁, 有乜好食呢? 仲有, 食完好似無食到嘢落肚咁囉, 太少了....上星期因為趕住番學, 又諗唔到有乜好食, 想試多一次呢間嘢.. 想麻辣牛肉酸辣粉, 佢話無, 叫五香牛肉酸辣粉啦, 又話無, 佢叫我要回鍋肉, 好啦, 都無得揀啦... 果個人想整時, 突然好似有大發現咁, 大叫"係喎, 果碗係牛肉嚟架, 啱啱整起", 咁佢地就比咗呢碗唔知點解整定咗响度0既比我喇.. 咁我都OK 0既.. 不過, 番到學校先醒起, 唔知碗嘢係咪小辣 (基本上連佢係咪辣都唔知), 因為佢地就咁就比咗我.... 半期待, 半預咗會失望咁打開碗嘢, 嘩, 又係油浸呀.... 不過, 好彩今次係熱嘢兼有湯, 咁樣都可以用啲湯'洗' 走少少油...仲有一提就係佢地全部食具都係即棄 (不論外賣定堂食), 真係太唔環保了... 不能助長....總結: 都唔太有興趣再幫襯... …Read More

朋友0既朋友話佢0既奄尖朋友都話好味... 睇見12月呢度啲食評又寫得幾好, 啲相又影得幾吸引咁... 本來12月食, 但係因為有事改到今日食.. 12月book 果時仲鬼咁full, 而家都唔係太易book..因為以上原因, 抱有點期望... 結果- 失望.......點解咁full 呢? 未必係多人book, 只係因為間嘢細... 可能都有十至十五枱卦.. service呢? - 我地6:15 pm 先到 (人地個個book 6pm, 我就on十十book 咗6:30 ^^), 坐咗一陣, 隔離枱就嘈點解啲嘢咁耐未到.. waiter 話可能係因為啱啱開始.. 呀? 你不如話啱啱開業....- 我覺得間嘢唔夠waiter 囉.. 成日要揾waiter..- waiter 唔會自動'針' 水咁滯, 要叫, 隔離枱都係叫waiter '針' 水.. 坐到8:00, 只係自動'針' 過一次... - 佢地安排我同朋友同另一pair 人坐6人枱, OK 啦, 每邊中間隔一個位.. 但係, 啲waiter 們當我地係同一張枱囉, 成日就咁放低囉... 直至我同其中一個waiter 講我地係兩枱人呀, 唔該...食物呢?- 送果隻蝦, 有幾大呀? 朋友話park n shop 三十幾蚊5, 6 隻就係呢啲囉..- 送果粒加洲巻, 比多少少蟹子都好睇啲丫... 好似求其'痴' 幾粒上去咁.. - 牛肉類, 有幾個部位, 因為唔同淹料, 就整到個list 好似好多款咁... =.=" 其實只係牛腹(薄片的長方型肉 - 食完之後行過welcome, 覺得啱啱食果啲又同welcome啲$38 一包7片牛好似樣喎..), 牛舌, 牛肋骨, 牛肉粒咁上下啦... - 豬肉, 雞肉都係咁啦.. 唔同味整到各自有成十幾廿款... - 老實講, 咁全部肉都夠味0既又...- 特別一提, 今日食的牛腹片, 牛肉粒, 牛肋骨, 都係大部份都係UN 0既.. 係好好彩臨尾有一碟牛肋骨唔UN (特別强調 "好彩")... 呢個係另我失望最主要原因, 咁比錢都係食牛咩, 要睇彩數就即係質數唔得啦, 不過, 亦因為呢個好彩加番啲啲分.. - 又特別一提, 因為佢無菜比人食, 所以可能只適合非常好肉0既人.. (其實都有得燒粟米, 茄子之類, 但係個爐都燒到黑媽媽啦, 唔會想燒呢啲菜囉), 因為佢會送一碗仔salad, 我唔明點解佢唔比人任叫囉.. 都係生菜之嘛.. 我唯有狂叫青瓜補數... 環境: 可能因為細, 所以要裝飾到黑媽媽, 同多鏡 (你估你係夜店咩), 一入去時有諗過佢咁0既裝修係咪想啲人撞鏡... ^^overall:我都唔係細食0既人, 但係我同朋友都相信我地各自食咗0既牛肉加埋都食唔夠一塊牛扒0既size 0既牛肉囉.. $200 去食扒算... 其餘的肉, 同食韓國燒無乜大分別... 所以, 我唔會再去.. 亦因為佢服務唔太好, 又有食UN 牛肉0既機會, 所以如果有朋友想去, 我會叫佢唔好去... (如果我食唔到UN 牛肉, 我唔會反對朋友去..) 都係果句, 有人唔啱食... 不過, 唔啱我食啫.. …Read More