本來好開心, 小西灣有間嘢上報紙, 仲要講到之前幾好, 由响尖沙咀搬去唔知邊, 跟住再搬嚟, 好似都有啲名氣..
今日同媽媽去完街就去呢間嘢都食晚餐..
點知, 好巴閉囉, 有落場時間, 門口貼住張紙: " 5:30-6:30休息", 好彩, 我地到果時已經係6:24pm... 不夠幾分鐘, 已經有大概十幾日响門口聚集, 有人係拎住呢間嘢前幾日0既報紙訪間而來添..
因為我唔太餓, 而且之前見到呢度啲食評有讚有彈, 一心只係想見識下, 到底係好味定唔好味.. 媽媽又細食.. 所以, 只係叫咗一個牛根撈noodle 同豬頸肉叻沙... 仲以為叻沙係湯上添.. 點知同撈noodle 一樣味.. =.="
味道 "差" :
兩個noodle 都係甜到無人有, 筲箕灣安利好味過佢十倍... 媽媽係咁話好多油好多油.. (唉, 我都無辦法架, 我都係一心襯虛啫)
價錢 "貴" :
牛根撈noodle ($32); 豬頸肉叻沙 ($39), 好彩唔駛加一...
份量 "少" :
碟牛根撈一來, 我一望 "心諗: 咁細碟? 夠邊個食?"; 跟住嚟0既叻沙仲得人驚, 份量少得可憐, 相信要超細食0既女仔先食得飽囉.. (好彩, 我唔餓咋) 每碟noodle 都放咗兩舊"粗切"青瓜, 可謂粗切? 就係切得好求其囉.. XDD.. 同食咖哩入面見到0既薯仔一樣咁一舊舊囉.. 就好呀蘇成日講0既滾刀切嘞.. 都有幾條芽菜0既..
本來想叫碟芽菜, 但係我見到隔離枱叫0既炒芽菜咁細碟, 就唔想叫lu.. 三十幾, 四十蚊一碟, 博唔過.. (無影相, 無心機影, 反正其他人都影咗)
服務 "差" :
媽媽食到勞氣, 因為佢地個杯係小朋友杯, 成日要人地叫佢針水, 仲要針唔滿.. =.="
環境 "差" :
店內都仲OK, 但係佢本身無厠所, 要攞key, 跟住經過一條wu joe 0既後巷去公用厠..
兩個人食咗$70, 但係唔會飽, 呢度係屋材區, 睇怕除非成日有人老遠走入嚟食佢, 否則, 街坊只會比佢扼到一次, 唔會回頭.. 起碼, 我媽媽呢個師奶就一路食, 一路話早知去樓下間 "潮州宛"...
雖然我住附近, 但係, 總之, 比我就止此一次, 失望.. 小西灣, 點解無好嘢食架.. >.<
The above review is the personal opinion of a user which does not represent OpenRice's point of view.
Like
SayYes
因為真係唔明點解叻沙會同乾撈noodle 一樣樣.. 真係想比多次機會間嘢, 所以果日晚上打電話去問清楚.接電話0既係老闆娘妹妹(佢自己話咋), 原來叻沙真係有湯底架, 只係個侍應比錯我, 佢都問我點解唔即時問清楚.. 我心諗, 一睇見第一碟撈noodle 已經無晒心情, 其實我都有嘗試了解, 只不過我唔係問佢地, 而係再睇清楚個menu, 佢地有一欄係叻沙, 一欄撈noodle, 一欄湯noodle.. 我就諗會唔會呢間嘢特別啲, 係有乾叻沙呢? haha.. 真係啱啱遇上剛剛.. 老闆娘妹妹話我下次再去食嘢時, 可以比番差額我, 或者食番叻沙, 收撈noodle 錢, 好奇怪, 點解佢唔係叫我行過時攞番錢囉, 而係要再幫襯先得. 同媽媽講, 佢話: 唔去喇, 唔再幫襯佢.. @@第二日, 媽媽依然深深不憤, 就算只係幾蚊都想攞番, 因為佢覺得食得唔開心, 無理由仲要比貴咗 (係原則問題多過錢), 咁.. 我再打去問下係咪真係要去幫襯先攞得番個幾個大洋, 點知接電話的人叫來老闆娘聽, 她的態度比妹妹cool 上百倍, 可能對慣傳媒, 說話很官腔, 但係'鎮鎮'有詞, 佢知道件事就即刻話我媽媽可以隨時番去攞番錢. (詳情不必多講, 以免影响人家生意, 反正呢度係講食評而唔係要批評人家) 其實, 我可能會因為碗叻沙而比多次機會呢間嘢.. 同埋老闆娘妹妹响電話上好真誠, 比起當日我遇到佢真人較nice, (可能當時佢掛住做生意, 顧不了待客)
